WhatsApp اپ ڈیٹس ٹیب کی ضمنی پرائیویسی پالیسی

اہم اپ ڈیٹس:

ہم نے WhatsApp چینلز کی ضمنی پرائیویسی پالیسی کو اپ ڈیٹس ٹیب پرائیویسی پالیسی میں تبدیل کر دیا ہے، جو WhatsApp کی پرائیویسی پالیسی کی تکمیل کرتی ہے۔ اپ ڈیٹس میں درج ذیل چیزیں شامل ہیں:

• اس پرائیویسی پالیسی کا نام اور دائرہ کار: WhatsApp اپ ڈیٹس ٹیب کی ضمنی پرائیویسی پالیسی چینلز کی پرائیویسی پالیسی کی جگہ لے لیتی ہے، اور صرف چینلز کے بجائے مکمل اپ ڈیٹس ٹیب کا احاطہ کرنے کیلئے اپنے دائرہ کار کو بڑھاتی ہے۔
• چینل سبسکرپشنز۔ چینل ایڈمنز سبسکرپشن سیٹ اپ کر سکتے ہیں اور سبسکرائبرز کے ساتھ چینل اپ ڈیٹس شیئر کرنے کے عوض ماہانہ ادائیگی حاصل کر سکتے ہیں۔
• اپ ڈیٹس ٹیب (مثلاً: چینلز اور اسٹیٹس) میں اشتہارات۔ ہم اپ ڈیٹس ٹیب (چینلز اور اسٹیٹس کا مرکز) میں اشتہارات متعارف کرا رہے ہیں۔ مثال کے طور پر، چینل ایڈمنز اب چینلز ڈائرکٹری سمیت اپنے چینلز کو پروموٹ کرنے کیلئے ادائیگی کر سکیں گے۔ مزید برآں، بزنسز اسٹیٹس میں اشتہارات دکھانے کیلئے ادائیگی کر سکیں گے۔ WhatsApp ان خصوصیات کو فراہم کرنے کیلئے اضافی معلومات پر پراسس شروع کرے گا، جن کی تفصیل ہم ذیل میں بیان کر رہے ہیں۔ اشتہارات صرف اپ ڈیٹس ٹیب پر ہی دکھائی دیں گے - لوگوں کو اپنی چیٹ لسٹ یا ذاتی میسجز میں اشتہارات نہیں دکھائی دیں گے۔ آپ کے ذاتی میسجز اور کالز اینڈ ٹو اینڈ انکرپٹڈ ہیں اور اس کا استعمال آپ کو اشتہارات دکھانے کیلئے نہیں کیا جا سکتا۔ ہم نے اسی کے مطابق WhatsApp کی پرائیویسی پالیسی کو اپ ڈیٹ کر دیا ہے۔

WhatsApp اپ ڈیٹس ٹیب کی ضمنی پرائیویسی پالیسی کیا ہے؟

یہ WhatsApp اپ ڈیٹس ٹیب کی ضمنی پرائیویسی پالیسی ("اپ ڈیٹس ٹیب کی پرائیویسی پالیسی") جب آپ WhatsApp اپ ڈیٹس ٹیب ("اپ ڈیٹس ٹیب") کا استعمال کرتے ہیں تو وہ ہمارے معلوماتی طریقوں کی وضاحت کرنے میں مدد کرتی ہے جو چینلز ("چینل") اور اسٹیٹس ("اسٹیٹس") جیسے اختیاری خصوصیات کا مرکز ہے۔ جب ہم "WhatsApp"، "ہمارا"، "ہم" یا "ہمیں" کہتے ہیں تو اس سے ہمارا مطلب WhatsApp LLC ہوتا ہے۔

اپ ڈیٹس ٹیب کی یہ پرائیویسی پالیسی WhatsApp کی پرائیویسی پالیسی کی تکمیل کرتی ہے، جو ہماری تمام سروسز، بشمول اپ ڈیٹس ٹیب کے استعمال پر لاگو ہوتی ہے۔ کوئی بھی کیپیٹلائزڈ اصطلاح جو اپ ڈیٹس ٹیب کی اس پرائیویسی پالیسی میں استعمال کی گئی ہیں لیکن ان کی وضاحت نہیں کی گئی ہے ان کے معانی وہی ہیں جن کی وضاحت WhatsApp کی پرائیویسی پالیسی میں کی گئی ہے۔ اپ ڈیٹس ٹیب کی اس پرائیویسی پالیسی اور WhatsApp کی پرائیویسی پالیسی کے درمیان کوئی تنازعہ ہونے کی صورت میں، اپ ڈیٹس ٹیب کی یہ پرائیویسی پالیسی مکمل طور پر اپ ڈیٹس ٹیب کے آپ کے استعمال کے حوالے سے اور صرف تنازعہ کی حد تک کنٹرول کرے گی۔

اپ ڈیٹس ٹیب کیلئے سروس کی ضمنی شرائط اپ ڈیٹس ٹیب کے آپ کے استعمال پر لاگو ہوتی ہیں۔ جب آپ ان شرائط کو قبول کرتے ہیں، تو اپ ڈیٹس ٹیب کی یہ پرائیویسی پالیسی مکمل طور پر چینلز کی اضافی پرائیویسی پالیسی کی جگہ لے لیتی ہے۔ WhatsApp چینلز کی گائیڈ لائنز آپ کے چینلز کے استعمال پر بھی لاگو ہوتی ہیں۔

اہم بات یہ ہے کہ اپ ڈیٹس ٹیب کا آپ کا استعمال WhatsApp کے آپ کے ذاتی میسجز کی پرائیویسی پر اثرانداز نہیں ہوتا، جو اینڈ ٹو اینڈ انکرپٹڈ ہوتے رہتے ہیں جیسا کہ WhatsApp کی پرائیویسی پالیسی میں بیان کیا گيا ہے۔

اپ ڈیٹس ٹیب کی یہ پرائیویسی پالیسی کس چيز کا احاطہ کرتی ہے؟

یہ اپ ڈیٹس ٹیب پرائیویسی پالیسی، WhatsApp اپ ڈیٹس ٹیب میں دستیاب اختیاری پروڈکٹس، خصوصیات اور سروسز کا احاطہ کرتی ہے، بشمول:

اسٹیٹس ایک ایسی اختیاری خصوصیت ہے جو صارفین کو اپنے رابطوں یا منتخب کردہ ناظرین کے ساتھ وہ تصاویر، ویڈیوز اور ٹیکسٹ اپ ڈیٹس جیسی چیزیں شیئر کرنے اور دوبارہ شیئر کرنے کی اجازت دیتا ہے جو نظروں سےغائب ہو جاتے ہیں ("اسٹیٹس اپ ڈیٹس")۔ جب آپ اسٹیٹس اپ ڈیٹس کو WhatsApp پر شیئر کرتے ہیں تو وہ اینڈ ٹو اینڈ انکرپٹڈ ہوتے ہیں۔

چینلز WhatsApp کے اندر ہماری نجی میسجنگ سروس سے الگ ایک اختیاری، یک طرفہ بروڈکاسٹنگ خصوصیت ہے جو (آپ کو چینل کا "ایڈمن" بناتے ہوئے) آپ کو ایک چینل بنانے یا مینج کرنے کی اجازت دیتا ہے جہاں آپ دوسروں کو ("چینل اپ ڈیٹس") دیکھنے کیلئے اپ ڈیٹس شیئر کر سکتے ہیں۔ آپ چینل کی اپ ڈیٹس کو دیکھ اور ان کے ساتھ انٹریکٹ بھی کر سکتے ہیں اور بطور فالوور ("فالوور") مخصوص چینلز کو فالو کر سکتے ہیں۔ غیر فالوورز ("ناظرین") بھی چینل کی اپ ڈیٹس کو دیکھ اور ان کے ساتھ انٹریکٹ کر سکتے ہیں۔

چینل سبسکرپشنز ایسے چینلز ہوتے ہیں جو فیس کے عوض سبسکرائب کرنے کا آپشن فراہم کرتے ہیں، تاکہ صارفین کو چینل کی وہ اپ ڈیٹس موصول ہوں جو صرف سبسکرائبرز کیلئے دستیاب ہوتی ہیں ("چینل سبسکرپشن اپڈیٹس")۔ اگر آپ کسی چینل کو سبسکرائب کرتے ہیں، تو چینل سبسکرپشنز کی سروس کی شرائط بھی لاگو ہوں گی۔

اپڈیٹس ٹیب (مثلاً: چینلز اور اسٹیٹس) میں اشتہارات۔ ایڈورٹائزرز، بزنسز، تنظیم اور دیگر آپ کو اپ ڈیٹس ٹیب میں اشتہارات دکھانے کیلئے ادائیگی کر سکتے ہیں، بشمول پروموشن چینلز اور اسٹیٹس میں اشتہارات۔ اپ ڈیٹس ٹیب میں اشتہارات مرحلہ وار آ رہے ہیں، اس لیے ممکن ہے کہ آپ کو انہیں دکھنے میں کچھ وقت لگے۔

اس کا میرے ریگولر WhatsApp میسجز اور کالز پر کیا اثر پڑے گا؟

اہم بات یہ ہے کہ اپ ڈیٹس ٹیب کا آپ کا استعمال WhatsApp کے آپ کے ذاتی میسجز اور کالز کی پرائیویسی پر اثرانداز نہیں ہوتا، جو اینڈ ٹو اینڈ انکرپٹڈ ہوتے رہتے ہیں جیسا کہ WhatsApp کی پرائیویسی پالیسی میں بیان کیا گيا ہے۔ ہم آپ کے ذاتی میسجز یا کالز کے مواد کا استعمال اپ ڈیٹس ٹیب، جو کہ چینلز اور اسٹیٹس کا مرکز ہے میں اشتہارات دکھانے کیلئے نہیں کریں گے۔

معلومات جو ہم جمع کرتے ہیں

WhatsApp کی پرائیویسی پالیسی اس معلومات کی وضاحت کرتی ہے جو ہم اپنی سروسز سے جمع کرتے ہیں۔ جب آپ اپ ڈیٹس ٹیب استعمال کرتے ہیں تو ہم درج ذیل کو بھی جمع کرتے ہیں:

اپ ڈیٹس ٹیب سے متعلق معلومات

• چینل کی معلومات۔ چینل بنانے کیلئے، ایڈمنز کو چینل کے نام سمیت، بنیادی معلومات فراہم کرنی ہوگی۔ ایڈمنز دیگر معلومات شامل کرنے کا انتخاب بھی کر سکتے ہیں، جیسے کہ ایڈمن کا منفرد نام، آئیکن، پروفائل کی تصویر، تفصیل یا فریق ثالث کی سائٹس کے لنکس۔
• چینل کی اپ ڈیٹس۔ ہم چینل کی اپ ڈیٹس اور چینل سبسکرپشن کی وہ اپ ڈیٹس جمع کرتے ہیں جنہیں ایڈمنز تخلیق یا شیئر کرتے ہیں، جیسے کہ ٹیکسٹ، ویڈیوز، فوٹوز، تصاویر، دستاویزات، لنکس، gifs، اسٹیکرز، آڈیو مواد یا دیگر لوگوں کے دیکھنے کیلئے ان کے چینل موجود میں مواد کی دیگر اقسام۔
• فالوورز، ناظرین اور دیگر کنکشنز۔ ہم فالوورز اور ناظرین کے بارے میں معلومات جمع کرتے ہیں، جیسے کہ ان کے رد عمل، زبان کے انتخاب اور وہ چینلز جنہیں وہ فالو کرتے ہیں۔
• استعمال اور لاگ کی معلومات۔ ہم اپ ڈیٹس ٹیب پر آپ کی سرگرمی کے متعلق معلومات جمع کرتے ہیں، جیسے سروس سے متعلق معلومات، ڈائگناسٹک اور کارکردگی کی معلومات۔ ہم اپ ڈیٹس ٹیب پر آپ کی سرگرمی اور استعمال کے بارے میں بھی معلومات جمع کرتے ہیں، بشمول، آپ کس قسم کے چینلز دیکھتے اور سبسکرائب کرتے ہیں، اور ان کے ساتھ کس طرح انٹریکٹ کرتے ہیں؛ جب آپ اپ ڈیٹس ٹیب پر کوئی مواد بناتے، شیئر کرتے یا حذف کرتے ہیں؛ چینلز، چینل اپ ڈیٹس، چینل سبسکرپشن اپ ڈیٹس، اور اسٹیٹس اپ ڈیٹس سے متعلق میٹا ڈیٹا؛ ناظرین کی جانب سے ملنے والے ویوز اور ردعمل؛ اپ ڈیٹس ٹیب کی وہ خصوصیات اور سیٹنگز جنہیں آپ استعمال کرتے ہیں اور ان کے ساتھ آپ کا انٹریکشن اور طریقۂ استعمال؛ اور اپ ڈیٹس ٹیب پر آپ کی سرگرمیوں کا وقت، تسلسل، اور دورانیہ۔
• صارف کی رپورٹس۔ صارفین یا فریق ثالث آپ کے چینل یا چینل کی مخصوص اپ ڈیٹس، چینل سبسکرپشن کی اپ ڈیٹس یا اسٹیٹس اپ ڈیٹس کے متعلق ہمیں رپورٹ کر سکتے ہیں - مَثَلًا، ہماری شرائط یا پالیسیوں یا مقامی قانون کی ممکنہ خلاف ورزیوں کی رپورٹ کرنا۔ جب کوئی رپورٹ بنائی جاتی ہے تو ہم رپورٹ کرنے والے فریق اور رپورٹ کیے گئے صارف کے بارے میں معلومات اور ایسی دیگر معلومات جمع کرتے ہیں جن سے رپورٹ کی چھان بین میں ہمیں مدد مل سکتی ہو، جیسے کہ متعلقہ چینلز یا چینل اپ ڈیٹس، صارف کے انٹریکشن اور سرگرمی اور دیگر معلومات، جیسے چینل کو خاموش کرنے والے فالوورز کی تعداد اور صارف کی دیگر رپورٹس یا نفاذ کی کارروائیاں۔ مزید معلومات کیلئے، ہماری WhatsApp چینلز کی گائیڈ لائنز اور تحفظ اور سیکیورٹی کے جدید فیچرز ملاحظہ کریں۔

چینل سبسکرپشنز سے متعلق معلومات۔

• سبسکرپشنز کیلئے ایڈمن کی معلومات۔ چینل سبسکرپشنز کیلئے، جب ایڈمنز اپنے چینل کی سبسکرپشن کو سیٹ اپ کرتے ہیں اور ان کو مینج کرتے ہیں تو ہم اضافی معلومات جمع کرتے ہیں، جیسا کہ سبسکرپشن کی قیمتوں کا تعین، بلنگ اور تجدید کی مدت، منسوخی اور برخاستگی، اور ادائیگی کے طریقے۔
• سبسکرائبر کی معلومات۔ اگر آپ کسی چینل کو سبسکرائب کرنے کا انتخاب کرتے ہیں تو ہم آپ نے کن چینلز کو سبسکرائب کر رکھا ہے، تاریخ آغاز اور تجدید کی شرائط جیسی معلومات جمع کرتے ہیں۔
• سبسکرپشن کی پیمنٹ کی معلومات۔ اگر آپ کسی چینل کو سبسکرائب کرتے ہیں، تو ہم آپ کی ادائیگی کا طریقہ اور ٹرانزیکشن کی رقم جیسی معلومات بھی جمع کرتے ہیں۔ ہم متعدد فریق ثالث پیمنٹ فراہم کنندگان کے ساتھ کام کرتے ہیں جیسے کہ Apple App Store یا Google Play، جو ہمیں آپ کے ٹرانزیکشن اور آپ کی پیمنٹ کو پراسس کیے جانے کے بارے میں معلومات فراہم کرتے ہیں اور آپ کی سبسکرپشنز کو مینج کرتے ہیں۔

اشتہارات کی معلومات

• اگر ہم آپ کو اپ ڈیٹس ٹیب (جیسے کہ چینلز اور اسٹیٹس) میں اشتہارات دکھاتے ہیں، تو ہم ان کے ساتھ آپ کے انٹریکشنز سے متعلق معلومات جمع کرتے ہیں، جیسے کہ آیا آپ نے اشتہار دیکھا یا اس پر ٹیپ کیا، کسی پروموٹ کیے گئے چینل کو فالو کیا، یا WhatsApp پر کوئی آرڈر دیا یا خریداری کی۔ ہم ایڈورٹائزرز کے ساتھ آپ کے انٹریکشنز کے بارے میں بھی معلومات جمع کرتے ہیں، جیسے کہ کسی اشتہار کے ساتھ انٹریکٹ کرنے کے بعد آپ ایڈورٹائزر کے ساتھ کتنے میسجز یا کالز کا تبادلہ کرتے ہیں۔

اکاؤنٹس سنٹر کی معلومات

• اکاؤنٹس سنٹر۔ اگر آپ اپنے WhatsApp اکاؤنٹ کو اکاؤنٹس سنٹر میں شامل کرنے کا انتخاب کرتے ہیں، تو ہم آپ کی معلومات کو اسی اکاؤنٹس سنٹر میں موجود تمام اکاؤنٹس میں یکجا کریں گے۔ جب آپ اپنے اکاؤنٹ کو اکاؤنٹس سنٹر میں شامل کرتے ہیں تو WhatsApp کے ذریعے جمع کی جانے والی معلومات کے بارے میں مزید جانیں۔

ہم معلومات کا استعمال کیسے کرتے ہیں

ہم جمع کردہ معلومات کو درج ذیل اضافی طریقوں سے استعمال کرتے ہیں:

• اپ ڈیٹس ٹیب فراہم کرنا۔ ہم اپنے پاس موجود معلومات کا استعمال اپ ڈیٹس ٹیب کو چلانے، فراہم کرنے اور بہتر بنانے کیلئے کرتے ہیں۔ مثلاً، ہم اس معلومات کا استعمال آپ کو چینلز اور اسٹیٹس یا چینل اپ ڈیٹس اور اسٹیٹس اپ ڈیٹس بنانے، انہیں فالو کرنے یا ان کے ساتھ انٹریکٹ کرنے کی سہولت فراہم کرنے کیلئے کر سکتے ہيں، تاکہ ہمیں اپ ڈیٹس ٹیب کے اضافی فیچرز فراہم کرنے یا تیار کرنے میں مدد مل سکے یا ہم اس معلومات کا استعمال اپ ڈیٹس ٹیب پر آپ کے تجربے کو بہتر بنانے کیلئے کر سکتے ہیں جیسے کہ آپ کو چینلز دکھانے یا تجویز کرنے یا اسٹیٹس ڈسپلے کرنے کیلئے تاکہ وہ آپ کیلئے مزید متعلقہ اور آپ کی دلچسپی کے مطابق ہوں۔ اسٹیٹس اپ ڈیٹس خود اینڈ ٹو اینڈ انکرپٹڈ ہوتے ہیں۔
• اپڈیٹس ٹیب کے استعمال کو سمجھنا۔ ہم معلومات کا استعمال اپڈیٹس ٹیب کی اثر انگیزی، کارکردگی، معتبریت اور کار گزاری کی پیمائش اور تجزیہ کرنے کیلئے کرتے ہیں، تاکہ یہ سمجھ سکیں کہ لوگ کس طرح اپڈیٹس ٹیب فیچرز کو استعمال کرتے ہیں اور ان کے ساتھ انٹریکٹ کرتے ہیں اور یہ تعین کر سکیں کہ ہم اپنی سروسز کو کیسے تیار کر سکتے ہیں اور انہيں بہتر بنا سکتے ہیں۔
• ایڈمنز کیلئے اضافی سروسز۔ ہم ایڈمنز کو اضافی سروسز فراہم کر سکتے ہیں جیسے کہ انہیں ان کے چینلز کے ساتھ انگیجنٹ سے متعلق اعداد و شمار فراہم کرنا۔
• تحفظ، سیکیورٹی اور سالمیت کیلئے۔ ہم (چینل اپ ڈیٹس اور اپ ڈیٹس ٹیب میں آپ کی سرگرمی سمیت) اپنے پاس موجود معلومات کا استعمال ہماری سروسز کے تحفظ، سیکیورٹی اور سالمیت کو یقینی بنانے، بشمول نقصان دہ طرز عمل سے نمٹنے؛ صارفین کو برے یا نقصان دہ تجربات سے بچانے، مشتبہ سرگرمی یا ہماری شرائط اور پالیسیوں بشمول ہماری WhatsApp چینلز کی گائیڈ لائنز کی خلاف ورزیوں کا پتا لگانے اور ان کی چھان بین کرنے اور یہ یقینی بنانے کیلئے کرتے ہيں کہ ہماری سروسز، بشمول اپ ڈیٹس ٹیب کا استعمال، قانونی طور پر کیا جا رہا ہے۔

ہم اپ ڈیٹس ٹیب (مثلاً: چینلز اور اسٹیٹس) میں اشتہارات کیلئے معلومات کا استعمال کس طرح کرتے ہیں

• اگر ہم آپ کو اپ ڈیٹس ٹیب (چینلز اور اسٹیٹس کا مرکز) میں اشتہارات دکھاتے ہیں، تو ہم اپنی ایڈورٹائزنگ سروسز فراہم کرنے اور ان کی پیمائش کیلئے محدود قسم کی معلومات بھی استعمال کرتے ہیں۔ اس میں اکاؤنٹ کی بنیادی معلومات، جیسے ملک کا کوڈ، آلہ کی معلومات، جیسے زبان، عمومی (غیر درست) مقام اور اپ ڈیٹس ٹیب کی سرگرمی جیسے چینلز اور اشتہار کے ساتھ انٹریکشن کی معلومات شامل ہیں۔ ہم آپ کو دلچسپ اور متعلقہ اشتہارات دکھانا چاہتے ہیں، اس لیے اگر ہم آپ کو اشتہارات دکھاتے ہیں تو ہم اس معلومات کا استعمال اندازہ لگانے، آپ کیلئے دکھائے جانے والے اشتہارات کو ذاتی نوعیت کا بنانے نیز ان کی کارکردگی کی پیمائش کرنے کیلئے کرتے ہیں۔
• ہم ایڈورٹائزرز، بزنسز اور دیگر افراد کی ان کے اشتہارات کی کارکردگی اور کام کرنے کے طریقے کا جائزہ لینے میں مدد کر کے پیمائش، تجزیات اور بزنس سروسز بھی فراہم کرتے ہیں۔

ہم چینل سبسکرپشنز کیلئے معلومات کا استعمال کس طرح کرتے ہیں

اگر آپ چینل سبسکرپشنز استعمال کرتے ہیں، خواہ بطور ایڈمن یا سبسکرائبر، تو ہم اپنے پاس موجود معلومات کا استعمال چینل کی سبسکرپشنز فراہم کرنے اور ان کو مینج کرنے کیلئے بھی کرتے ہیں، جن میں سبسکرپشنز شروع کرنا، تجدید کرنا اور ختم کرنا؛ پیمنٹس اور ادائیگیوں کو مینج کرنا؛ اور سبسکرائبرز کو چینل سبسکرپشن کی اپ ڈیٹس دستیاب کرانا شامل ہیں۔

معلومات کو کس طرح شیئر کیا جاتا ہے

اپ ڈیٹس ٹیب کی معلومات درج ذیل طریقوں سے شیئر کی جاتی ہیں:

• عوامی معلومات۔ یاد رکھیں کہ چینل اپ ڈیٹس، چینل سبسکرپشن کی اپ ڈیٹس اور چینلز پر ایڈمنز کے ذریعہ شیئر کردہ معلومات عوامی ہوتی ہے اور دوسروں کیلئے دستیاب ہوتی ہے، جو کہ کسی بھی سامعین، سبسکرپشن یا پرائیویسی کی سیٹنگز کے تابع ہوتی ہے۔ اسٹیٹس اپ ڈیٹس آپ کے رابطوں یا آپ کے منتخب کردہ سامعین کو دکھائی دیتی ہیں۔ آپ کو یہ بات ذہن میں رکھنی چاہیے کہ کوئی بھی شخص آپ کی جانب سے اپ ڈیٹس ٹیب پر شیئر کی گئی معلومات، جس میں چینل اپ ڈیٹس اور اسٹیٹس اپ ڈیٹس شامل ہیں، کا اسکرین شاٹس کیپچر کر سکتا ہے یا ریکارڈنگ کر سکتا ہے، اور انہیں WhatsApp پر یا کسی اور کو بھیج سکتا ہے یا انہیں ہماری سروسز سے باہر شیئر، ایکسپورٹ یا اپ لوڈ کر سکتا ہے۔
• آڈینسز۔ ایڈمنز یہ دیکھ سکتے ہیں کہ کون ان کے چینلز کو فالو اور سبسکرائب کرتا ہے۔ صارفین یہ دیکھ سکتے ہیں کہ کون ان کے اسٹیٹس اپ ڈیٹس کو دیکھتا ہے یا ان پر ردِعمل دیتا ہے۔
• فریق ثالث کے سروس فراہم کنندگان اور Meta کی کمپنیاں۔ ہم اپ ڈیٹس ٹیب کو چلانے، فراہم کرنے، بہتر بنانے، سمجھنے اور سپورٹ کرنے میں اپنی مدد کیلئے فریق ثالث کے سروس فراہم کنندگان اور دیگر Meta کمپنیوں کے ساتھ مل کر کام کرتے ہیں۔ ہم Meta کی کمپنیوں کے ساتھ بھی کام کرتے ہیں تاکہ ہمیں اپ ڈیٹس ٹیب اور ہماری سروسز کے تحفظ، سیکیورٹی اور سالمیت کو پروموٹ کرنے میں مدد ملے، بشمول پتا لگانے اور پیمائش کے ٹولز کا استعمال جو درجہ بندی کرنے والوں، ہمارے لیے دستیاب مواد اور طرز عمل کے سگنلز، انسانی جائزے اور صارف کی رپورٹس کے امتزاج سے فائدہ اٹھاتے ہیں—تاکہ ممکنہ طور پر خلاف ورزی کرنے والے مواد یا اپ ڈیٹس ٹیب کے استعمال کا مستعدی کے ساتھ اور ردعمل ظاہر کرتے ہوئے پتا لگایا جا سکے۔ جب فریق ثالث کے سروس فراہم کنندگان اور دیگر ‏Meta کمپنیوں سے اس کپیسٹی میں معلومات حاصل کرتی ہیں تو ہم یہ تقاضہ کرتے ہیں کہ وہ آپ کی معلومات کو ہماری جانب سے ہماری ہدایات اور شرائط کے مطابق استعمال کریں۔
• اکاؤنٹس سنٹر۔ اگر آپ نے اپنا WhatsApp اکاؤنٹ اکاؤنٹس سنٹر میں شامل کیا ہے تو آپ کی معلومات کس طرح شیئر کی جائے گی اس کے بارے میں مزید جاننے کیلئے یہاں دیکھیں۔

سبسکرپشن سے متعلق معلومات درج ذیل طریقے سے شیئر کی جاتی ہیں:

• پیمنٹ کے فراہم کنندگان۔ جب آپ کسی چینل کی سبسکرپشن لیتے ہیں تو ہم پیمنٹس اور ٹرانزیکشنز کے پراسس کیلئے Google Play Store اور Apple App Store سمیت فریق ثالث پیمنٹ کے فراہم کنندہ کے ساتھ کام کرتے ہیں۔ ہم ان فریق ثالث پیمنٹ کے فراہم کنندہ کے ساتھ معلومات شیئر کرتے ہیں، جیسے کہ توثیق اور ٹرانزیکشنز سے متعلق معلومات۔ براہ کرم نوٹ کریں کہ جب آپ فریق ثالث پلیٹ فارم پیمنٹ کے فراہم کنندہ کی سروسز استعمال کرتے ہیں تو آپ کے ان سروسز کا استعمال کرنے پر ان کی شرائط اور پرائیویسی پالیسیاں لاگو ہوں گی۔

اشتہارات سے متعلق معلومات درج ذیل طریقے سے شیئر کی جاتی ہیں:

• ہم WhatsApp پر اشتہار دینے والے بزنسز اور ایڈمنز کو ان کے اشتہار کی کارکردگی کے بارے میں رپورٹس فراہم کرتے ہیں، جیسے کہ اشتہار کو زیادہ انگیجمنٹ یا منفی رائے موصول ہو رہی ہے یا نہیں۔
• اگر آپ نے اپنا WhatsApp اکاؤنٹ اکاؤنٹس سنٹر میں شامل کیا ہے، تو آپ کی معلومات کو اسی اکاؤنٹس سنٹر میں موجود اکاؤنٹس میں یکجا کر کے استعمال کیا جائے گا، جس میں آپ کے اور دوسروں کیلئے اشتہارات کو ذاتی نوعیت کا بنانا اور ان کی کارکردگی کی پیمائش کرنا شامل ہے۔

آپ کی معلومات کو مینج کرنا اور اسے برقرار رکھنا

آپ WhatsApp کی پرائیویسی پالیسی میں سیٹ کی گئی ہماری درون ایپ سیٹنگز کا استعمال کرتے ہوئے اپنے چینلز کی معلومات تک رسائی حاصل کر سکتے ہیں، انہیں مینج کر سکتے ہیں یا انہیں پورٹ کر سکتے ہیں۔

• سبسکرائبرز کیلئے اپنے عوامی چینل کی اپ ڈیٹس اور چینل سبسکرپشن کی اپ ڈیٹس کو برقرار رکھنا۔ چینلز فراہم کرنے کے عام کورس میں، ہم چینل کی اپ ڈیٹس اور چینل سبسکرپشن کی اپ ڈیٹس کو اپنے سرورز پر 30 دنوں تک محفوظ رکھتے ہیں جو تحفظ، سیکیورٹی اور سالمیت کے مقاصد سے مشروط ہوتے ہیں یا دیگر قانونی یا تعمیل کی ذمہ داریوں کے مقاصد سے جن کیلئے زیادہ دیر تک برقرار رکھنے کی ضرورت پڑ سکتی ہے اور مزید ایڈمنز کے ذریعے منتخب کردہ کسی بھی آرکائیو کے اختیارات کے تابع ہیں۔ چینل کی اپ ڈیٹس اور چینل سبسکرپشن کی اپ ڈیٹس ناظرین، فالوورز یا سبسکرائبر کی ڈیوائس پر زیادہ دیر تک موجود رہ سکتی ہیں، حالانکہ ہم چینل کی اپ ڈیٹس کے تیزی سے غائب ہونے کے اختیارات فراہم کر سکتے ہیں، مثال کے طور پر 7 دن یا 24 گھنٹے کے بعد اگر ایڈمنز اس کا انتخاب کرتے ہيں۔
• اپ ڈیٹس ٹیب کی معلومات کو برقرار رکھنا۔ اپ ڈیٹس ٹیب کی اس پرائیویسی پالیسی اور WhatsApp کی پرائیویسی پالیسی، میں نشاندہی کردہ مقاصد کیلئے جب تک ضروری ہوتا ہے ہم جمع کردہ دیگر معلومات کو اسٹور کرتے ہیں، بشمول اپ ڈیٹس ٹیب فراہم کرنے یا دیگر جائز مقاصد کیلئے، جیسے قانونی ذمہ داریوں کی تعمیل کرنے، ہماری شرائط اور پالیسیوں کی خلاف ورزیوں کا نفاذ اور روک تھام کرنے یا اپنے حقوق، املاک اور صارفین کا تحفظ یا دفاع کرنے کیلئے۔ اسٹور کرنے کی مدّت کا تعین ہر ایک کیس کی مختلف بنیاد پر کیا جاتا ہے جو معلومات کی نوعیت، اس کو جمع اور پراسس کرنے کی وجہ، متعلقہ قانونی یا آپریشنل برقراری کی ضروریات اور قانونی ذمہ داریوں جیسے عوامل پر منحصر ہوتا ہے۔
• اپنا چینل حذف کرنا۔ اگر آپ ایڈمن ہیں تو اپنے چینل کو حذف کرنے سے آپ کی ایپ میں موجود اپ ڈیٹس ٹیب سے چینل اور چینل اپ ڈیٹس ہٹ جاتی ہیں جس کے بعد یہ چینلز کے ذریعے دوسرے صارفین کیلئے قابل رسائی نہیں ہوتا ہے۔ نوٹ کریں کہ تکنیکی مسائل کی بنا پر آپ کی معلومات حذف کرنے یا اس کو گمنام بنانے میں حذف کرنے کا پراسس شروع ہونے سے لے کر 90 دنوں تک کا وقت لگتا ہے۔ ہم قانونی ذمہ داریوں کی تعمیل، ہماری شرائط اور پالیسیوں کی خلاف ورزیوں یا نقصان سے بچاؤ کی کوششوں جیسی چیزوں کیلئے حسب ضرورت آپ کی کچھ معلومات کو برقرار بھی رکھ سکتے ہیں۔ براہ مہربانی یاد رکھیں کہ جب آپ اپنے چینل کو حذف کرتے ہیں تو اس سے دیگر صارفین کے پاس موجود معلومات اور مواد پر کوئی اثر نہیں پڑتا، جیسے کہ چینل کی اپ ڈیٹس کی کاپی جسے مقامی طور پر ان کی ڈیوائس پر محفوظ کیا گیا ہو یا جسے دوسرے صارفین کو فارورڈ کر دیا گیا ہو یا ہماری سروسز سے باہر شیئر کیا گیا ہو۔
• اپنی اسٹیٹس اپ ڈیٹس کو حذف کرنا۔ اسٹیٹس اپ ڈیٹس 24 گھنٹے کے بعد خود کار طور پر غائب ہو جاتی ہیں، لیکن آپ انہیں اسٹیٹس اپ ڈیٹ سے 24 گھنٹے پہلے بھی حذف کر سکتے ہیں۔
• چینل کی اپ ڈیٹس ہٹانا۔ ایڈمنز پوسٹ کرنے کے 30 دن بعد تک چینل کی اپ ڈیٹس کو ہٹا سکتے ہیں۔

آپ WhatsApp کی پرائیویسی پالیسی میں سیٹ کی گئی ہماری درون ایپ سیٹنگز کا استعمال کرتے ہوئے اپنے اشتہارات کی معلومات تک رسائی حاصل کر سکتے ہیں، انہیں مینج کر سکتے ہیں یا انہیں پورٹ کر سکتے ہیں۔

آپ ہمارے ڈیٹا کو حذف کرنے اور برقرار رکھنے کے طریقوں اور اپنے اکاؤنٹ کو حذف کرنے کے طریقوں کے بارے میں یہاں مزید جان سکتے ہیں۔

ہماری پالیسی میں اپ ڈیٹس

ہم اس اپ ڈیٹس ٹیب کی پرائیویسی پالیسی میں ترمیم کر سکتے یا اسے اپ ڈیٹ کر سکتے ہیں۔ ہم آپ کو مناسب طور پر ترامیم یا اپ ڈیٹس کے نوٹس فراہم کریں گے اور بالائی حصے میں مؤثر تاریخ اپ ڈیٹ کریں گے۔ براہ مہربانی وقتاً فوقتاً ہمارے اپ ڈیٹس ٹیب کی پرائیویسی پالیسی کا جائزہ لیتے رہیں۔