WhatsApp আপডে’ট টেবৰ পৰিপূৰক গোপনীয়তাৰ নীতি

মুখ্য আপডে’টসমূহ:

আমি WhatsApp-ৰ গোপনীয়তাৰ নীতিৰ পৰিপূৰক হিচাপে কাম কৰা আপডে’ট টেবৰ গোপনীয়তাৰ নীতি হ’বৰ বাবে WhatsApp চেনেলৰ পৰিপূৰক গোপনীয়তাৰ নীতি আপডে’ট কৰিছোঁ। আপেডে’টসমূহৰ ভিতৰত আছে:

• এই গোপনীয়তাৰ নীতিৰ নাম আৰু পৰিসৰ: WhatsApp আপডে’ট টেবৰ পৰিপূৰক গোপনীয়তা নীতিয়ে পূৰ্বৱৰ্তী চেনেলসমূহ পৰিপূৰক গোপনীয়তা নীতিৰ ঠাই লয় আৰু ই এতিয়া কেৱল চেনেলসমূহলৈয়েই নহয়, সমগ্ৰ আপডে’ট টেবলৈ নিজৰ পৰিসৰ বিস্তাৰ কৰে।
• চেনেলৰ গ্ৰাহকভুক্তি। চেনেলৰ প্ৰশাসকে এটা গ্ৰাহকভুক্তি ছেট আপ কৰিব পাৰে আৰু গ্ৰাহকৰ সৈতে চেনেলৰ আপডে’ট ভাগ-বতৰা কৰি মাহিলী পৰিশোধ লাভ কৰিব পাৰে।
• আপডে’ট টেবত থকা বিজ্ঞাপনসমূহ (যেনে- চেনেল আৰু ষ্টেটাছ)। আমি আপডে’ট টেবত বিজ্ঞাপন যোগ কৰিছোঁ, য’ত চেনেল আৰু ষ্টেটাছ অন্তৰ্ভুক্ত কৰা হৈছে। উদাহৰণস্বৰূপে, চেনেলৰ প্ৰশাসকে এতিয়া তেওঁলোকৰ চেনেলসমূহৰ প্ৰচাৰৰ বাবে ধন দিব পাৰিব, য’ত চেনেল ডাইৰেক্টৰীত কৰা প্ৰচাৰো অন্তৰ্ভুক্ত। ব্যৱসায়ীসকলেও ষ্টেটাছত বিজ্ঞাপন দেখুৱাবলৈ ধন পৰিশোধ কৰিব পাৰিব। WhatsApp-এ এই নতুন বৈশিষ্ট্যসমূহ প্ৰদান কৰিবলৈ কিছুমান অতিৰিক্ত তথ্য প্ৰক্ৰিয়াকৰণ কৰা আৰম্ভ কৰিব, যিবোৰ আমি তলত ব্যাখ্যা কৰিছোঁ। বিজ্ঞাপনসমূহ কেৱল আপডে’ট টেবতহে দেখা যাব – লোকসকলে বিজ্ঞাপন নিজৰ চাটৰ সূচী বা ব্যক্তিগত বাৰ্তাসমূহত নেদেখিব। আপোনাৰ ব্যক্তিগত বাৰ্তা আৰু কলসমূহ এণ্ড-টু-এণ্ড এনক্ৰিপ্ট কৰা হয় আৰু সেয়া আপোনাক বিজ্ঞাপন দেখুৱাবলৈ ব্যৱহাৰ কৰিব নোৱাৰি। আমি সেই অনুযায়ী WhatsApp-ৰ গোপনীয়তা নীতি আপডে’ট কৰিছোঁ।

WhatsApp-ৰ আপডে’ট টেবৰ পৰিপূৰক গোপনীয়তা নীতি কি?

WhatsApp-ৰ আপডে’ট টেবৰ পৰিপূৰক গোপনীয়তা নীতিয়ে (“আপডে’ট টেবৰ গোপনীয়তা নীতি”) চেনেল (“চেনেল”) আৰু ষ্টেটাছৰ (“ষ্টেটাছ”) দৰে ঐচ্ছিক বৈশিষ্ট্যসমূহ অন্তৰ্ভুক্ত হৈ থকা WhatsApp-ৰ আপডে’ট টেব (“আপডে’ট টেব”) ব্যৱহাৰ কৰিলে আমি তথ্য কিদৰে ব্যৱহাৰ কৰোঁ সেয়া ব্যাখ্যা কৰাত সহায় কৰে। আমি যেতিয়া “WhatsApp”, “আমাৰ”, “আমি” বা “আমাক” বুলি কওঁ তেতিয়া আমি WhatsApp LLC-ৰ কথা কওঁ।

এই আপডে’ট টেবৰ গোপনীয়তা নীতিয়ে WhatsApp-ৰ গোপনীয়তা নীতিৰ পৰিপূৰক হিচাপে কাম কৰে, যিয়ে আপডে’ট টেবকে ধৰি আমাৰ সকলো সেৱা সামৰি লয়। যদি কোনো বৰফলাৰ আখৰত লিখা শব্দ ব্যৱহাৰ কৰা হৈছে কিন্তু সেয়া আপডে’ট টেবৰ গোপনীয়তা নীতিত পৰিভাষিত কৰা হোৱা নাই, তেন্তে ইয়াৰ অৰ্থ WhatsApp-ৰ গোপনীয়তা নীতিত পৰিভাষিত কৰা হৈছে। যদি এই আপডে’ট টেবৰ গোপনীয়তা নীতি আৰু WhatsApp-ৰ গোপনীয়তা নীতিৰ মাজত কিবা সংঘাত হয়, তেন্তে আপুনি কৰা আপডে’ট টেবৰ ব্যৱহাৰৰ ক্ষেত্ৰত আৰু সংঘাত চলি থকালৈকে আপডে’ট টেবৰ গোপনীয়তা নীতি প্ৰযোজ্য হ’ব।

আপুনি কৰা আপডে’ট টেবৰ ব্যৱহাৰৰ ক্ষেত্ৰত আপডে’ট টেবৰ সেৱাৰ পৰিপূৰক চৰ্তাৱলী প্ৰযোজ্য হয়। আপুনি এই চৰ্তাৱলী গ্ৰহণ কৰিলে, এই আপডে’ট টেবৰ গোপনীয়তা নীতিয়ে চেনেলসমূহৰ পৰিপূৰক গোপনীয়তা নীতি সম্পূৰ্ণৰূপে সলনি কৰে। আপুনি চেনেলসমূহ ব্যৱহাৰ কৰিলে WhatsApp চেনেলসমূহৰ নিৰ্দেশনাও প্ৰযোজ্য হয়।

গুৰুত্বপূৰ্ণভাৱে, আপুনি কৰা আপডে’ট টেবৰ ব্যৱহাৰে আপোনাৰ WhatsApp-ৰ ব্যক্তিগত বাৰ্তাসমূহৰ গোপনীয়তাক প্ৰভাৱিত নকৰে আৰু সেয়া WhatsApp-ৰ গোপনীয়তা নীতিত ব্যাখ্যা কৰা ধৰণে এণ্ড-টু-এণ্ড এনক্ৰিপ্ট কৰা থাকিব।

এই আপডে’ট টেবৰ গোপনীয়তা নীতিয়ে কি সামৰি লয়?

এই আপডে’ট টেবৰ গোপনীয়তা নীতিয়ে WhatsApp আপডে’ট টেবত উপলব্ধ ঐচ্ছিক সামগ্ৰী, বৈশিষ্ট্য আৰু সেৱাসমূহ সামৰি লয়, য’ত এয়া অন্তৰ্ভুক্ত:

ষ্টেটাছ হৈছে এটা ঐচ্ছিক বৈশিষ্ট্য যিয়ে ব্যৱহাৰকাৰীক নিজৰ সম্পৰ্ক বা বাছনি কৰা দৰ্শকৰ সৈতে ফটো, ভিডিঅ’ আৰু পাঠ আপডে’ট ভাগ-বতৰা আৰু পুনৰ ভাগ-বতৰা কৰিবলৈ দিয়ে, যিবোৰ পাছত ভিউৰ পৰা (“ষ্টেটাছ আপডে’ট”ৰ পৰা) নাইকিয়া হৈ যায়। আপুনি WhatsApp-ত ষ্টেটাছ আপডে’ট ভাগ-বতৰা কৰিলে সেয়া এণ্ড-টু-এণ্ড ইনক্ৰিপ্ট কৰা হয়।

চেনেল হৈছে WhatsApp-ৰ এক ঐচ্ছিক, একমুখী সম্প্ৰচাৰ কৰিব পৰা বৈশিষ্ট্য, যিটো ব্যক্তিগত বাৰ্তা প্ৰেৰণ কৰাতকৈ পৃথক আৰু ই আপোনাক চেনেল সৃষ্টি বা পৰিচালনা কৰিবলৈ দিয়ে (আপোনাৰ চেনেলৰ “প্ৰশাসক” বনাই), য’ত আপুনি অন্য লোকে চাব পৰাকৈ আপডে’ট (“চেনেলৰ আপডে’ট”) ভাগ-বতৰা কৰিব পাৰে। আপুনি চেনেলৰ আপডে’টসমূহ চাব আৰু সেইসমূহৰ সৈতে ভাব-বিনিময় কৰিব পাৰে আৰু অনুসৰণকাৰী (“অনুসৰণকাৰী”) হিচাপে কিছুমান চেনেল অনুসৰণ কৰিব পাৰে। অনুসৰণ নকৰা লোকসকলে (“দৰ্শক”) চেনেল আপডে’টসমূহ চাব পাৰে আৰু সেইসমূহৰ সৈতে ভাব-বিনিময় কৰিব পাৰে।

চেনেলৰ গ্ৰাহকভুক্তি হৈছে এনে চেনেল যিয়ে কেৱল গ্ৰাহকৰ বাবে উপলব্ধ চেনেলৰ আপডে’ট (“চেনেলৰ গ্ৰাহকভুক্তিৰ আপডে’ট ”) পাবলৈ এটা মাচুলৰ বিনিময়ত গ্ৰাহক হোৱাৰ বিকল্প প্ৰদান কৰে। যদি আপুনি কোনো চেনেলৰ গ্ৰাহক হয়, তেন্তে চেনেলৰ গ্ৰাহকভুক্তিৰ সেৱাৰ চৰ্তাৱলীও প্ৰযোজ্য হ’ব।

আপডে’ট টেবত বিজ্ঞাপন (যেনে- চেনেল আৰু ষ্টেটাছ)। বিজ্ঞাপনদাতা, ব্যৱসায়, সংস্থা আৰু অন্যান্যই আপোনাক আপডে’ট টেবত বিজ্ঞাপন দেখুৱাবলৈ ধন পৰিশোধ কৰিব পাৰে, য’ত ষ্টেটাছত থকা প্ৰচাৰ কৰা চেনেল আৰু বিজ্ঞাপন অন্তৰ্ভুক্ত। বিজ্ঞাপনসমূহ পৰ্যায়ক্ৰমে আপডে’ট টেবলৈ আহি আছে, গতিকে আপুনি সেইবোৰ দেখা পাবলৈ অলপ সময় লাগিব পাৰে।

ই কিদৰে মোৰ নিয়মীয়া WhatsApp বাৰ্তা আৰু কলত প্ৰভাৱ পেলায়?

গুৰুত্বপূৰ্ণভাৱে, আপুনি কৰা আপডে’ট টেবৰ ব্যৱহাৰে আপোনাৰ WhatsApp-ৰ ব্যক্তিগত বাৰ্তাসমূহ আৰু কলৰ গোপনীয়তাক প্ৰভাৱিত নকৰে আৰু সেয়া WhatsApp-ৰ গোপনীয়তা নীতিত ব্যাখ্যা কৰা ধৰণে এণ্ড-টু-এণ্ড এনক্ৰিপ্ট কৰা থাকিব। আমি আপোনাৰ ব্যক্তিগত বাৰ্তা বা কলৰ সমল চেনেল আৰু স্থিতি উপলব্ধ আপডে’ট টেবত আপোনাক বিজ্ঞাপন দেখুৱাবলৈ ব্যৱহাৰ নকৰোঁ।

আমি সংগ্ৰহ কৰা তথ্য

WhatsApp-ৰ গোপনীয়তাৰ নীতিয়ে আমি আমাৰ সেৱাসমূহত সংগ্ৰহ কৰা তথ্যৰ বিষয়ে ব্যাখ্যা কৰে। আপুনি আপডে’ট টেব ব্যৱহাৰ কৰিলে আমি এয়াও সংগ্ৰহ কৰোঁ:

আপডে’ট টেবৰ তথ্য

• চেনেলৰ তথ্য। এটা চেনেল সৃষ্টি কৰিবলৈ, প্ৰশাসকে চেনেলৰ নামকে ধৰি প্ৰাথমিক তথ্য প্ৰদান কৰিব লাগিব। প্ৰশাসকসকলে অন্য তথ্য যোগ কৰিবলৈও বাছনি কৰিব পাৰে, যেনে- এটা অনন্য প্ৰশাসকৰ নাম, আইকন, প্ৰ’ফাইল চিত্ৰ, বিৱৰণ বা তৃতীয় পক্ষৰ ছাইটসমূহৰ লিংক।
• চেনেলৰ আপডে’ট। আমি প্ৰশাসকসকলে সৃষ্টি কৰা বা ভাগ-বতৰা কৰা চেনেল আপডে’ট আৰু চেনেলৰ গ্ৰাহকভুক্তি আপডে’ট সংগ্ৰহ কৰোঁ, য’ত পাঠ, ভিডিঅ’, ফটো, ছবি, নথি, লিংক, উপহাৰ, ষ্টিকাৰ, অডিঅ’ সমল বা অন্য লোকে চাবলৈ তেওঁলোকৰ চেনেলত থকা অন্য ধৰণৰ সমল অন্তৰ্ভুক্ত।
• অনুসৰণকাৰী, দৰ্শক আৰু অন্যান্য সংযোগ। আমি অনুসৰণকাৰী আৰু দৰ্শকৰ বিষয়ে তথ্য সংগ্ৰহ কৰোঁ, যেনে- তেওঁলোকৰ প্ৰতিক্ৰিয়া, ভাষাৰ পচন্দ আৰু তেওঁলোকে অনুসৰণ কৰা চেনেল।
• ব্যৱহাৰ আৰু লগৰ তথ্য। আপুনি আপডে’ট টেবত কৰা কাৰ্যকলাপ, যেনে- সেৱা সম্পৰ্কীয়, ডায়েগন’ষ্টিক আৰু পাৰদৰ্শিতাৰ তথ্য আমি সংগ্ৰহ কৰোঁ। আমি আপডে’ট টেবত আপোনাৰ কাৰ্য্যকলাপ আৰু আপুনি কৰা আপডে’ট টেবৰ ব্যৱহাৰৰ বিষয়েও তথ্য সংগ্ৰহ কৰোঁ, যেনে- আপুনি চোৱা আৰু গ্ৰাহক হোৱা চেনেলসমূহৰ ধৰণ আৰু আপুনি সেইসমূহৰ সৈতে যোগাযোগ কৰাৰ ধৰণ; আপুনি আপডে’ট টেবত কেতিয়া সমল সৃষ্টি আৰু ভাগ-বতৰা কৰা বা কেতিয়া সমল বা মচি পেলায়; চেনেলৰ মেটাডাটা, চেনেলৰ আপডে’ট, চেনেলৰ গ্ৰাহভুক্তি সম্পৰ্কীয় আপডে’ট আৰু ষ্টেটাছৰ আপডে’ট; দৰ্শকৰ ভিউ আৰু প্ৰতিক্ৰিয়া; আপুনি ব্যৱহাৰ কৰা আপডে’ট টেবৰ বৈশিষ্ট্য আৰু ছেটিং আৰু আপুনি সেইসমূহৰ সৈতে কিদৰে ভাব-বিনিময় কৰে আৰু আপডে’ট টেবত আপোনাৰ কাৰ্য্যকলাপসমূহৰ সময়, সঘনতা আৰু সময়সীমা।
• ব্যৱহাৰকাৰীৰ অভিযোগ। ব্যৱহাৰকাৰী বা তৃতীয় পক্ষই আপোনাৰ চেনেল বা নিৰ্দিষ্ট চেনেল আপডে’ট, চেনেলৰ গ্ৰাহকভুক্তিৰ আপডে’ট বা ষ্টেটাছ আপডে’ট সম্পৰ্কে আমাক অভিযোগ দিব পাৰে, যেনে- আমাৰ চৰ্ত, নীতি বা স্থানীয় আইনৰ সম্ভাব্য উলংঘন ফ্লেগ কৰিবলৈ। কোনো অভিযোগ দিয়া হ’লে, আমি অভিযোগকাৰী পক্ষ আৰু অভিযোগ কৰা হোৱা ব্যৱহাৰকাৰী(সকল)ৰ বিষয়ে তথ্য সংগ্ৰহ কৰাৰ লগতে তদন্তত আমাক সহায় কৰিব পৰা অন্যান্য তথ্য সংগ্ৰহ কৰোঁ, যেনে- জড়িত চেনেল বা চেনেল আপডে’ট, ব্যৱহাৰকাৰীৰ ভাব-বিনিময় আৰু কাৰ্য্যকলাপ আৰু কোনো চেনেল মিউট কৰি থোৱা অনুসৰণকাৰীৰ সংখ্যাৰ দৰে অন্য তথ্য আৰু অন্য ব্যৱহাৰকাৰীৰ অভিযোগ বা বলৱৎকৰণ কাৰ্য্য। অধিক জানিবলৈ, আমাৰ WhatsApp চেনেলৰ নিৰ্দেশনাৱলী আৰু উচ্চখাপৰ সুৰক্ষা আৰু নিৰাপত্তা সম্পৰ্কীয় বৈশিষ্ট্যসমূহ চাওক।

চেনেলৰ গ্ৰাহকভুক্তি সম্পৰ্কীয় তথ্য

• গ্ৰাহকভুক্তিৰ বাবে প্ৰশাসকৰ তথ্য। চেনেলৰ গ্ৰাহকভুক্তিৰ বাবে, প্ৰশাসকে গ্ৰাহকভুক্তিৰ মূল্য, বিলিং আৰু নবীকৰণৰ সময়, বাতিলকৰণ আৰু সমাপ্তি আৰু পৰিশোধ পদ্ধতিৰ দৰে তেওঁলোকৰ গ্ৰাহকভুক্তি ছেট আপ আৰু পৰিচালনা কৰিলে লগতে তথ্যও সংগ্ৰহ কৰোঁ।
• গ্ৰাহকৰ তথ্য। যদি আপুনি কোনো চেনেলৰ গ্ৰাহক হোৱাৰ সিদ্ধান্ত লয়, তেন্তে আমি আপুনি গ্ৰাহক হোৱা চেনেল, আৰম্ভণিৰ তাৰিখ আৰু নৱীকৰণৰ চৰ্তাৱলীৰ দৰে তথ্য সংগ্ৰহ কৰোঁ।
• গ্ৰাহকভুক্তিৰ পৰিশোধৰ তথ্য। যদি আপুনি কোনো চেনেলৰ গ্ৰাহক হয়, তেন্তে আমি আপোনাৰ পৰিশোধ পদ্ধতি আৰু লেনদেনৰ পৰিমাণৰ দৰে তথ্যও সংগ্ৰহ কৰোঁ। আমি Apple App Store বা Google Play-ৰ দৰে তৃতীয় পক্ষৰ পৰিশোধ প্ৰদানকাৰীৰ সৈতে কাম কৰোঁ, যিয়ে আপোনাৰ পৰিশোধ প্ৰক্ৰিয়াকৰণ কৰিবলৈ আৰু আপোনাৰ গ্ৰাহকভুক্তি পৰিচালনা কৰিবলৈ আমাক আপোনাৰ লেনদেন সম্পৰ্কীয় তথ্য প্ৰদান কৰে।

বিজ্ঞাপনৰ তথ্য

• যদি আমি আপোনাক আপডে’ট টেবত বিজ্ঞাপন দেখুৱাওঁ (যেনে- চেনেল আৰু ষ্টেটাছ), তেন্তে আমি সেইসমূহৰ সৈতে আপুনি কৰা ভাব-বিনিময় সম্পৰ্কীয় তথ্য সংগ্ৰহ কৰোঁ, যেনে- আপুনি কোনো বিজ্ঞাপন চোৱা বা তাত টিপা, কোনো প্ৰচাৰিত চেনেল অনুসৰণ কৰা বা WhatsApp-ত কিবা ক্ৰয় কৰা। আমি বিজ্ঞাপনদাতাৰ সৈতে আপুনি কৰা ভাব-বিনিময় সম্পৰ্কীয় তথ্যও সংগ্ৰহ কৰোঁ, যেনে- কোনো বিজ্ঞাপনৰ সৈতে ভাব-বিনিময় কৰাৰ পাছত বিজ্ঞাপনদাতাৰ সৈতে আপুনি বিনিময় কৰা বাৰ্তা বা কলৰ সংখ্যা।

একাউণ্ট কেন্দ্ৰৰ তথ্য

• একাউণ্ট কেন্দ্ৰ। যদি আপুনি আপোনাৰ WhatsApp একাউণ্টটো একাউণ্ট কেন্দ্ৰত যোগ দিয়াৰ সিদ্ধান্ত লয়, আমি আপোনাৰ তথ্য একেটা একাউণ্ট কেন্দ্ৰত থকা সমগ্ৰ একাউণ্টত একত্ৰিত কৰিম। আপুনি আপোনাৰ একাউণ্টটো একাউণ্ট কেন্দ্ৰত যোগ কৰিলে WhatsApp-এ সংগ্ৰহ কৰা তথ্যৰ বিষয়ে অধিক জানক।

আমি কিদৰে তথ্য ব্যৱহাৰ কৰোঁ

আমি সংগ্ৰহ কৰা তথ্য আমি তলত দিয়া অতিৰিক্ত উপায়েৰে ব্যৱহাৰ কৰোঁ:

• আপডে’ট টেব প্ৰদান কৰক। আমি আপডে’ট টেব চলাবলৈ, প্ৰদান কৰিবলৈ আৰু উন্নত কৰিবলৈ আমাৰ হাতত থকা তথ্য ব্যৱহাৰ কৰোঁ। উদাহৰণস্বৰূপে, আমি এই তথ্য আপোনাক চেনেল আৰু ষ্টেটাছ বা চেনেলৰ আপডে’ট আৰু ষ্টেটাছ আপডে’ট সৃষ্টি কৰিবলৈ, অনুসৰণ কৰিবলৈ বা সেইসমূহৰ সৈতে ভাব বিনিময় কৰিবলৈ দিয়াৰ বাবে ব্যৱহাৰ কৰিব পাৰোঁ, যাতে আপডে’ট টেবৰ বাবে অতিৰিক্ত বৈশিষ্ট্য প্ৰদান বা বিকাশ কৰাত বা আপডে’ট টেবত আপোনাৰ অভিজ্ঞতা উন্নত কৰাত, যেনে- প্ৰাসংগিক আৰু আপুনি আগ্ৰহী হ’ব পৰা চেনেলসমূহ দেখুওৱাত বা পৰামৰ্শ দিয়াত বা ষ্টেটাছসমূহ প্ৰদৰ্শন কৰাত আমাৰ সহায় হয়। ষ্টেটাছসমূহ নিজেই এণ্ড-টু-এণ্ড এনক্ৰিপ্টেড হয়।
• আপডে’ট টেবৰ ব্যৱহাৰৰ বিষয়ে বুজা। আমি আপডে’ট টেবৰ ফলপ্ৰসূতা, পাৰদৰ্শিতা, নিৰ্ভৰযোগ্যতা আৰু কাৰ্যক্ষমতা জুখিবলৈ আৰু বিশ্লেষণ কৰিবলৈ, মানুহে আপডে’ট টেবৰ সুবিধাসমূহ কেনেকৈ ব্যৱহাৰ কৰে আৰু সেইবোৰৰ সৈতে কেনেকৈ ভাব বিনিময় কৰে সেয়া বুজিবলৈ আৰু আমি আমাৰ সেৱাসমূহ কেনেকৈ বিকশিত আৰু উন্নত কৰিব পাৰোঁ সেইটো নিৰ্ধাৰণ কৰিবলৈ তথ্য ব্যৱহাৰ কৰোঁ।
• প্ৰশাসকৰ বাবে অতিৰিক্ত সেৱা। আমি প্ৰশাসকসকলক অতিৰিক্ত সেৱা আগবঢ়াব পাৰোঁ, যেনে- তেওঁলোকৰ চেনেলসমূহৰ সৈতে লিপ্ত হোৱাৰ বিষয়ে মেট্ৰিক্স প্ৰদান কৰা।
• সুৰক্ষা, নিৰাপত্তা আৰু অখণ্ডতাৰ বাবে। আমি আমাৰ সেৱাসমূহৰ সুৰক্ষা, নিৰাপত্তা আৰু অখণ্ডতা নিশ্চিত কৰিবলৈ আমাৰ হাতত থকা তথ্য (চেনেলৰ আপডে’ট আৰু আপডে’ট টেবসমূহত আপোনাৰ কাৰ্যকলাপকে ধৰি) ব্যৱহাৰ কৰোঁ, ক্ষতিকাৰক আচৰণৰ বিৰুদ্ধে কৰা যুঁজকে ধৰি; ব্যৱহাৰকাৰীসকলক বেয়া বা ক্ষতিকাৰক অভিজ্ঞতাৰ বিৰুদ্ধে সুৰক্ষা প্ৰদান কৰা, আমাৰ WhatsApp চেনেলৰ নিৰ্দেশনাৱলীকে ধৰি আমাৰ চৰ্তাৱলী আৰু নীতিসমূহৰ সন্দেহজনক কাৰ্যকলাপ বা উলংঘন ধৰা পেলোৱা আৰু তদন্ত কৰা আৰু আপডে’ট টেবকে ধৰি আমাৰ সেৱাসমূহ আইনগতভাৱে ব্যৱহাৰ কৰা হোৱাটো নিশ্চিত কৰা।

আপডে’ট টেবত বিজ্ঞাপনৰ বাবে আমি কিদৰে তথ্য ব্যৱহাৰ কৰোঁ (যেনে- চেনেল আৰু ষ্টেটাছ)।

• যদি আমি আপোনাক চেনেল আৰু ষ্টেটাছ থকা আপডে’ট টেবত বিজ্ঞাপন দেখুৱাওঁ, আমি আমাৰ বিজ্ঞাপন সেৱাসমূহ প্ৰদান কৰিবলৈ তথা সেয়া পৰিমাপ কৰিবলৈ সীমিত ধৰণৰ তথ্য ব্যৱহাৰ কৰো। ইয়াত দেশৰ ক’ড, ডিভাইচৰ তথ্য যেনে ভাষা, সাধাৰণ (সঠিক নহয়) অৱস্থান আৰু প্ৰাথমিক একাউণ্টৰ তথ্য, আৰু আপডে’ট টেবৰ কাৰ্য্যকলাপ, যেনে- অনুসৰণ কৰা চেনেল আৰু বিজ্ঞাপনৰ সৈতে কৰা ভাব-বিনিময়ৰ তথ্য অন্তৰ্ভুক্ত কৰে। আমি আপোনাক আকৰ্ষণীয় আৰু প্ৰাসংগিক বিজ্ঞাপন দেখুৱাব বিচাৰোঁ, সেয়েহে আমি যদি আপোনাক বিজ্ঞাপন দেখুৱাওঁ, আমি এই তথ্য অনুমান কৰিবলৈ, বিজ্ঞাপনসমূহ ব্যক্তিগতকৰণ কৰিবলৈ আৰু ইয়াৰ পাৰদৰ্শিতা জুখিবলৈ ব্যৱহাৰ কৰোঁ।
• আমি বিজ্ঞাপনদাতা, ব্যৱসায় আৰু অন্য লোকক সেইসমূহৰ বিজ্ঞাপনসমূহে কেনে পাৰদৰ্শিতা দেখুৱাইছে আৰু কিদৰে কাম কৰিছে সেয়া পৰিমাপ কৰাত সহায় কৰিবলৈ জোখ-মাখ, বিশ্লেষণ আৰু ব্যৱসায়িক সেৱা প্ৰদান কৰোঁ।

আমি চেনেলৰ গ্ৰাহকভুক্তিৰ বাবে কিদৰে তথ্য ব্যৱহাৰ কৰোঁ

যদি আপুনি হয় এগৰাকী প্ৰশাসক হিচাপপে নহয় এগৰাকী গ্ৰাহক হিচাপে চেনেল গ্ৰাহকভুক্তিসমূহ ব্যৱহাৰ কৰে, আমি চেনেলৰ গ্ৰাহকভুক্তিসমূহ প্ৰদান আৰু পৰিচালনা কৰিবলৈ আমাৰ হাতত থকা তথ্যসমূহো ব্যৱহাৰ কৰোঁ, য’ত গ্ৰাহকভুক্তি আৰম্ভ কৰা, নৱীকৰণ কৰা আৰু সমাপ্ত কৰা, পৰিশোধ আৰু পে’আউট পৰিচালনা কৰা আৰু চেনেলৰ গ্ৰাহকভুক্তি সম্পৰ্কীয় আপডে’টসমূহ গ্ৰাহকসকলৰ বাবে উপলব্ধ কৰা অন্তৰ্ভুক্ত।

তথ্য কেনেকৈ ভাগ-বতৰা কৰা হয়

আপডে’ট টেবৰ তথ্য তলত দিয়া উপায়েৰে ভাগ-বতৰা কৰা হয়:

• ৰাজহুৱা তথ্য। মনত ৰাখিব যে চেনেলৰ আপডে’ট, চেনেলৰ গ্ৰাহকভুক্তিৰ আপডে’ট আৰু প্ৰশাসকে চেনেলসমূহত ভাগ-বতৰা কৰা তথ্য যিকোনো দৰ্শক, গ্ৰাহকভুক্তি বা গোপনীয়তা ছেটিংছৰ অধীনত ৰাজহুৱা আৰু আনৰ বাবে উপলব্ধ। ষ্টেটাছ আপডে’টসমূহ আপোনাৰ সম্পৰ্কবোৰে আৰু আপুনি বাছনি কৰা দৰ্শকে দেখা পায়। আপুনি মনত ৰখা উচিত যে যিকোনো ব্যক্তিয়ে আপুনি আপডে’ট টেবত ভাগ-বতৰা কৰা তথ্য, যেনে- চেনেল আপডে’ট আৰু ষ্টেটাছ আপডে’টৰ স্ক্ৰীণশ্বট ল’ব পাৰে বা সেয়া ৰেকৰ্ড কৰিব পাৰে আৰু সেইবোৰ WhatsApp বা অন্য লোকলৈ প্ৰেৰণ কৰিব পাৰে বা আমাৰ সেৱাসমূহৰ বাহিৰত ভাগ-বতৰা, ৰপ্তানি বা আপল’ড কৰিব পাৰে।
• দৰ্শক। প্ৰশাসকসকলে কোনে তেওঁলোকৰ চেনেল অনুসৰণ কৰে আৰু গ্ৰাহক হয় সেয়া চাব পাৰে। ব্যৱহাৰকাৰীয়ে কোনে তেওঁলোকৰ ষ্টেটাছ আপডে’ট চাব বা তাত প্ৰতিক্ৰিয়া দিব পাৰে সেয়া চাব পাৰে।
• তৃতীয়-পক্ষৰ সেৱা প্ৰদানকাৰী আৰু Meta-ৰ কোম্পানী। আপডে’ট টেব চলোৱা, প্ৰদান কৰা, উন্নত কৰা, বুজা আৰু সমৰ্থন আগবঢ়োৱাত আমাক সহায় কৰিবলৈ আমি তৃতীয় পক্ষৰ সেৱা প্ৰদানকাৰী আৰু অন্য Meta-ৰ কোম্পানীসমূহৰ সৈতে কাম কৰোঁ। আমি আপডে’ট টেব আৰু আমাৰ সেৱাসমূহত সুৰক্ষা, নিৰাপত্তা আৰু অখণ্ডতাক প্ৰসাৰিত কৰাত সহায় কৰিবলৈ Meta কোম্পানীসমূহৰ সৈতেও কাম কৰোঁ, য’ত সম্ভাব্য ৰূপত ক্ষতিকাৰক বা নিয়ম উলংঘন কৰা সামগ্ৰী ধৰা পেলোৱা আৰু তাৰ ওপৰত কাৰ্যব্যৱস্থা গ্ৰহণ কৰিবলৈ থকা স্বয়ংক্ৰিয় ছিষ্টেম, উপলব্ধ সামগ্ৰী, ব্যৱহাৰকাৰীৰ আচৰণ সম্পৰ্কীয় সংকেত, মানৱ পৰ্যালোচনা আৰু ব্যৱহাৰকাৰীৰ ৰিপ’ৰ্টৰ দৰে বিভিন্ন সঁজুলি ব্যৱহাৰ কৰাটো অন্তৰ্ভুক্ত। তৃতীয় পক্ষৰ সেৱা প্ৰদানকাৰী আৰু অন্য Meta-ৰ কোম্পানীসমূহে এই ভূমিকাত আপোনাৰ তথ্য লাভ কৰে, আমি তেওঁলোকক আমাৰ নিৰ্দেশনা আৰু চৰ্ত অনুসৰি ইয়াক চম্ভালিবলৈ বাধ্য কৰোঁ।
• একাউণ্ট কেন্দ্ৰ। আপুনি যদি একাউণ্ট কেন্দ্ৰত আপোনাৰ WhatsApp একাউণ্ট যোগ কৰিছে, আপোনাৰ তথ্য কিদৰে ভাগ-বতৰা কৰা হ’ব সেই বিষয়ে অধিক জানিবলৈ ইয়াত চাওক।

গ্ৰাহকভুক্তিৰ সৈতে সম্পৰ্কিত তথ্য এইদৰে ভাগ-বতৰা কৰা হয়:

• পৰিশোধ প্ৰদানকৰ্তা। আপুনি কোনো চেনেলৰ গ্ৰাহক হ’লে পৰিশোধ আৰু লেনদেন প্ৰক্ৰিয়াকৰণ কৰিবলৈ আমি Google Play Store আৰু Apple App Store-কে ধৰি তৃতীয় পক্ষৰ পৰিশোধ প্ৰদানকাৰীৰ সৈতে কাম কৰোঁ। আমি এই তৃতীয় পক্ষৰ পৰিশোধ প্ৰদানকাৰীসকলৰ সৈতে প্ৰমাণীকৰণৰ আৰু লেনদেনৰ তথ্য দৰে তথ্য ভাগ-বতৰা কৰোঁ। অনুগ্ৰহ কৰি মন কৰক যে আপুনি তৃতীয় পক্ষৰ পৰিশোধ প্ৰদানকাৰী সেৱাসমূহ ব্যৱহাৰ কৰিলে, সেইসমূহৰ নিজৰ চৰ্ত আৰু গোপনীয়তা নীতিসমূহ আপোনাৰ সেই সেৱাসমূহৰ ব্যৱহাৰৰ ক্ষেত্ৰত প্ৰযোজ্য হ’ব।

বিজ্ঞাপনৰ সৈতে সম্পৰ্কিত তথ্য এইদৰে ভাগ-বতৰা কৰা হয়:

• আমি WhatsApp-ত বিজ্ঞাপন দিয়া ব্যৱসায়ী আৰু প্ৰশাসকসকলক তেওঁলোকৰ বিজ্ঞাপনৰ পাৰদৰ্শিতা সম্পৰ্কীয় ৰিপ’ৰ্ট দিওঁ, য’ত কোনো বিজ্ঞাপনত উচ্চমানৰ লিপ্ততা পোৱা গৈছে নে নাই বা সেইটোৱে নেতিবাচক মতামত পাইছে নেকি আদিৰ দৰে বিষয় অন্তৰ্ভুক্ত।
• যদি আপুনি আপোনাৰ WhatsApp একাউণ্টটো একাউণ্ট কেন্দ্ৰত যোগ কৰিছে, আপোনাৰ তথ্য একত্ৰিত কৰা হ’ব আৰু সেইটো একেটা একাউণ্ট কেন্দ্ৰৰ সমগ্ৰ একাউণ্টত ব্যৱহাৰ কৰা হ’ব, য’ত আপোনাৰ আৰু আনৰ বাবে বিজ্ঞাপন ব্যক্তিগতকৰণ কৰিবলৈ আৰু সেইসমূহে কেনে পাৰদৰ্শিতা আগবঢ়ায় সেয়া জুখিবলৈ কৰা একত্ৰীকৰণো অন্তৰ্ভুক্ত।

আপোনাৰ তথ্য পৰিচালনা কৰা আৰু ধৰি ৰখা

আপুনি WhatsApp-ৰ গোপনীয়তাৰ নীতিত উল্লেখ কৰা আমাৰ এপৰ অন্তৰ্গত ছেটিংছ ব্যৱহাৰ কৰি আপোনাৰ চেনেলৰ তথ্য এক্সেছ, পৰিচালনা বা প’ৰ্ট কৰিব পাৰে।

• গ্ৰাহকৰ বাবে আপোনাৰ ৰাজহুৱা চেনেলৰ আপডে’ট আৰু চেনেলৰ গ্ৰাহকভুক্তিৰ আপডে’ট ধৰি ৰখা। চেনেলসমূহ প্ৰদান কৰাৰ সাধাৰণ প্ৰক্ৰিয়াত, আমি চেনেলৰ আপডে’টসমূহ আৰু চেনেলৰ গ্ৰাহকভুক্তিৰ আপডে’টসমূহ আমাৰ ছাৰ্ভাৰসমূহত 30 দিনলৈকে সংৰক্ষণ কৰোঁ, যদিহে সেয়া সুৰক্ষা, নিৰাপত্তা আৰু অখণ্ডতাৰ উদ্দেশ্য বা আইনী বা অনুপালনৰ বাধ্যবাধকতাসমূহৰ বাবে অধিক সময় ধৰি ৰখাৰ প্ৰয়োজন নহয় আৰু লগতে সেয়া প্ৰশাসকসকলে বাছনি কৰা যিকোনো আৰ্কাইভৰ বিকল্পৰ অধীন নহয়। চেনেলৰ আপডে’ট আৰু চেনেলৰ গ্ৰাহকভুক্তিৰ আপডে’টসমূহ দৰ্শক, অনুসৰণকাৰী বা গ্ৰাহকৰ ডিভাইচসমূহত অধিক সময়ৰ বাবে থাকিব পাৰে, কিন্তু যদিহে প্ৰশাসকে বিচাৰে, আমি আপডে’টসমূহ অধিক দ্ৰুতভাৱে, যেনে- 7 দিন বা 24 ঘণ্টাৰ পিছত নোহোৱা হৈ যোৱাৰ বিকল্প প্ৰদান কৰিব পাৰোঁ।
• আপডে’ট টেবৰ তথ্য ধৰি ৰখা। আমি এই আপডে’ট টেবৰ গোপনীয়তাৰ নীতি আৰু WhatsApp-ৰ গোপনীয়তাৰ নীতিত চিনাক্ত কৰা উদ্দেশ্যসমূহৰ বাবে যিমান দিনৰ বাবে প্ৰয়োজন হয় সিমান দিনলৈ আমি সংগ্ৰহ কৰা অন্য তথ্য সংৰক্ষণ কৰি ৰাখোঁ, য’ত আপডে’ট টেব প্ৰদান কৰিবলৈ অথবা অন্য বৈধ্য উদ্দেশ্য যেনে- আইনী বাধ্যবাধকতা মানি চলা, আমাৰ চৰ্তাৱলী আৰু নীতিসমূহ বলৱৎ আৰু তাৰ উলংঘন ৰোধ কৰা অথবা আমাৰ অধিকাৰ, সম্পত্তি আৰু ব্যৱহাৰকাৰীক সুৰক্ষা দিয়া অথবা ৰক্ষা কৰাৰ উদ্দেশ্যে কৰা সংৰক্ষণ অন্তৰ্ভুক্ত। সংৰক্ষণৰ সময়সীমা ঘটনা অনুযায়ী নিৰ্ধাৰণ কৰা হয়, যিটো তথ্যৰ ধৰণ, সেয়া কিয় সংগ্ৰহ আৰু প্ৰক্ৰিয়াকৰণ কৰা হৈছে, প্ৰসংগিক আইনী অথবা কাৰ্যকৰী কৰি ৰখাৰ আৱশ্যকতা আৰু আইনী বাধ্যবাধকতা আদিৰ দৰে কাৰকৰ ওপৰত নিৰ্ভৰশীল।
• আপোনাৰ চেনেল মচি পেলোৱা। যদি আপুনি এগৰাকী প্ৰশাসক, আপোনাৰ চেনেল মচি পেলালে আপোনাৰ এপৰ আপডে’ট টেবৰ পৰা চেনেল আৰু চেনেলৰ আপডে’ট আঁতৰাই পেলোৱা হয় আৰু সেই সময়ত ই চেনেলৰ জৰিয়তে অন্য ব্যৱহাৰকাৰীৰ বাবে আৰু এক্সেছযোগ্য নহয়। মন কৰিব যে কাৰিকৰী কাৰণত, আমাৰ ছাৰ্ভাৰত আপোনাৰ তথ্য মচি পেলাবলৈ বা চিনাক্তকৰণমুক্ত কৰিবলৈ মচি পেলোৱা প্ৰক্ৰিয়া আৰম্ভ হোৱাৰ পৰা 90 দিন সময় লাগিব পাৰে। আমি আপোনাৰ কিছুমান তথ্য প্ৰয়োজন অনুসৰি আইনী বাধ্যবাধকতাসমূহ মানি চলা, আমাৰ চৰ্তাৱলী আৰু নীতিসমূহ উলংঘন কৰা বা ক্ষতি প্ৰতিৰোধৰ প্ৰচেষ্টাৰ দৰে কামৰ বাবেও ৰাখিব পাৰোঁ। অনুগ্ৰহ কৰি মনত ৰাখিব যে আপুনি আপোনাৰ চেনেলটো মচি পেলালে ই সেইবোৰ তথ্য আৰু সমলৰ ওপৰত কোনো প্ৰভাৱ নেপেলায় যিবোৰ অন্য ব্যৱহাৰকাৰীসকলৰ ওচৰত থাকি যাব পাৰে, যেনে- তেওঁলোকৰ ডিভাইচত স্থানীয়ভাৱে সংৰক্ষণ কৰা, অন্য ব্যৱহাৰকাৰীলৈ ফৰৱাৰ্ড কৰা বা আমাৰ সেৱাসমূহৰ পৰা ভাগ-বতৰা কৰা চেনেলৰ আপডে’টৰ প্ৰতিলিপি।
• আপোনাৰ ষ্টেটাছ আপডে’ট মচা। ষ্টেটাছ আপডে’ট 24 ঘণ্টাৰ পাছত নেদেখা হৈ যায়, কিন্তু আপুনি সেয়া আগতে পোনপটীয়াকৈ ষ্টেটাছ আপডে’টৰ পৰা মচিব পাৰে।
• চেনেলৰ আপডে’ট আঁতৰ কৰা। প্ৰশাসকসকলে প’ষ্ট কৰাৰ পাছত 30 দিন পৰ্যন্ত চেনেলৰ আপডে’ট আঁতৰাব পাৰে।

আপুনি WhatsApp-ৰ গোপনীয়তাৰ নীতিত উল্লেখ কৰা আমাৰ এপৰ অন্তৰ্গত ছেটিংছ ব্যৱহাৰ কৰি আপোনাৰ বিজ্ঞাপনৰ তথ্য এক্সেছ, পৰিচালনা বা প’ৰ্ট কৰিব পাৰে।

আপুনি আমাৰ ডাটা মচা আৰু ৰাখি থোৱাৰ ব্যৱস্থাৰ বিষয়ে আৰু আপোনাৰ একাউণ্ট কিদৰে মচিব লাগে সেই বিষয়ে ইয়াত অধিক জানিব পাৰে।

আমাৰ নীতিত কৰা আপডে’টসমূহ

আমি এই আপডে’ট টেবৰ গোপনীয়তাৰ নীতি সংশোধন অথবা আপডে’ট কৰিব পাৰোঁ। আমি আপোনাক উপযুক্তভাৱে সংশোধনী বা আপডে’টৰ জাননী প্ৰদান কৰিম আৰু ওপৰৰ ফালে কাৰ্যকৰী হোৱাৰ তাৰিখটো আপডে’ট কৰিম। অনুগ্ৰহ কৰি সময়ে সময়ে আমাৰ আপডে’ট টেবৰ গোপনীয়তাৰ নীতিসমূহ পৰ্যালোচনা কৰক।