Paano ka matutulungan ng WhatsApp na manatiling konektado sa panahon ng coronavirus (COVID-19) pandemic
Mga Health Care Professional
Ngayon panahon ng matinding kawalan ng katiyakan at pag-iisa, puwede kang kumonekta sa iyong mga pasyente at kasama sa propesyon sa WhatsApp—ang parehong tool na ginagamit nila para manatiling malapit sa mga kaibigan at pamilya.
Gamitin ang WhatsApp nang may responsibilidad habang kumokonekta sa mga customer mo. Makipag-ugnayan lang sa mga user na kilala mo at sa mga taong gustong makatanggap ng mga mensahe galing sa 'yo, hilingin sa mga customer na i-save ang phone number mo sa kanilang address book, at iwasang magpadala ng mga automatikong promotional na mensahe sa mga group. Ang hindi pagsunod sa pinakamainam na mga kasanayang ito ay posibleng magresulta sa mga reklamo galing sa mga user at sa pag-ban ng account.
Para mahusay na makapag-manage ng maraming tanong, makapagtampok ng mga nakakatulong na impormasyon gaya ng business hours at makapag-store ng mga karaniwang ginagamit na sagot, inirerekomenda naming gamitin ang WhatsApp Business app, na mada-download nang libre. Mag-click dito para sa step-by-step guide sa paggamit ng WhatsApp Business app. Kung kailangan mong ilipat ang account mo mula sa WhatsApp Messenger papunta sa WhatsApp Business app, mag-click dito.
I-download para sa telepono mo
Manatiling konektado sa mga pasyente mo
Kung wala ka ng mga phone number ng mga pasyente, gumawa ng short link na magagamit ng mga pasyente para magsimula ng pribadong WhatsApp chat sa iyo. I-share ang link sa pamamagitan ng email, ng iyong Facebook page, o ng anumang iba pang non-public na channel.
Magpakita ng mga nakakatulong na rekomendasyon
I-consider na mag-set up ng custom na mga mensahe ng pagbati para makakuha kaagad ang mga pasyente ng impormasyon at resource kapag nakipag-ugnayan sila sa iyo.
Mag-share ng tumpak at timely na impormasyon
Gumamit ng broadcast list para magpadala ng parehong pribadong mensahe sa maraming contact nang sabay-sabay. Ang mga contact lang na nagdagdag sa iyo sa address book ng kanilang telepono ang makakatanggap ng iyong mensahe ng broadcast.
Mag-host ng mga malayuang conference
Gumamit ng mga encrypted na video at voice call para kumonekta sa mga pasyente o kasamahan sa propesyon na posibleng mahirap makausap nang harapan.*
Mabilis na sumagot sa mga karaniwang tanong
I-save at gamitin ulit ang mga mensaheng karaniwan mong ipinapadala para mabilis na sumagot sa mga tanong ng mga pasyente.
Bigyan ng impormasyon at turuan ang iyong komunidad
Sa pamamagitan ng paggamit sa status, makakapag-post ka ng mga text, photo, at video update. Mag-share ng mga tip sa pinakamainam na mga kasanayan sa kalinisan at iba pang paraan para mapabagal ang pagkalat ng virus.
I-share ang kasalukuyang business hours
Siguruhing alam ng iyong mga pasyente kung kailan ka available, lalo na kung iniayon mo ang iyong mga oras para matugunan ang mga kasalukuyang pangangailangan sa lugar.
Mag-set ng mga aasahan para sa oras at tagal ng pagsagot
Sa mga oras na abala ka, ipaalam sa mga pasyente kung kailan ka makakasagot sa kanila sa pamamagitan ng paggamit ng automatikong wala-rito na mensahe.
Manatiling konektado sa iyong healthcare team
Gamitin ang mga group at mga video call ng group para mag-share ng mga pinakahuling update na kaugnay ng outbreak.
*Bawat user ng WhatsApp ay may responsibilidad na siguruhing ang anumang paggamit ng WhatsApp ay sumusunod sa mga nauugnay na batas, kabilang ang mga batas sa privacy at security ng healthcare data. Ang WhatsApp ay hindi nag-aayos o nagbibigay ng mga serbisyo para sa healthcare, at hindi mo maaaring i-represent na affiliated ang WhatsApp sa iyong healthcare practice. Ang WhatsApp ay hindi pamalit sa mga in-person na konsultasyong pangkalusugan sa mga pasyente o para sa mga paggamot ng mga kondisyong nangangailangan ng agarang medikal na atensyon, at hindi ito maaaring gamitin bilang regulated na medical device.
Kung mayroon kang anumang tanong na kaugnay ng WhatsApp Coronavirus Information Hub, makipag-ugnayan sa amin.