கொரோனா வைரஸ் (COVID-19) தொற்றுப் பரவலின்போது மற்றவர்களுடன் தொடர்ந்து தொடர்பில் இருக்க WhatsApp எவ்வாறு உதவுகிறது
மருத்துவப் பணியாளர்கள்
உச்சநிலையிலான நிச்சயமற்ற தன்மை மற்றும் தனிமைப்படுத்தலை நாம் எதிர்கொள்கின்ற இந்தச் சமயத்தில், உங்கள் நோயாளிகள் மற்றும் சகஊழியர்களுடன் WhatsApp மூலம் தொடர்பில் இருக்கலாம். இதைத்தான் மக்கள் தங்களின் நண்பர்களுடனும் குடும்பத்தினருடனும் தொடர்பில் இருக்கப் பயன்படுத்துகின்றனர்.
உங்கள் நோயாளிகளுடன் தொடர்பு கொள்ளும்போதுWhatsApp-ஐப் பொறுப்புணர்வுடன் பயன்படுத்துங்கள். உங்களுக்குத் தெரிந்த மற்றும் உங்களிடமிருந்து தகவல்களைப் பெற விரும்புகின்ற நபர்களுக்கு மட்டுமே தகவல் அனுப்பிடுங்கள். உங்கள் மொபைல் எண்ணைத் தங்களின் முகவரிப் புத்தகத்தில் சேமித்து வைத்துக் கொள்ளுமாறு அவர்களிடம் கேட்டுக் கொள்ளுங்கள். மேலும் தானியங்குத் தகவல்கள் அல்லது விளம்பரத் தகவல்களை குழுக்களில் பகிர வேண்டாம். இந்த எளிமையான சிறந்த நடைமுறைகளைப் பின்பற்றாமல் இருப்பது, பிற பயனர்களின் புகார்களுக்கு வழிவகுத்து கணக்கைத் தடை செய்யும் படி செய்துவிடலாம்.
பல்வேறு கேள்விகளைச் சிறந்த முறையில் நிர்வகிப்பதற்கும், வேலை நேரங்கள் மற்றும் பணி தொடர்பாக அடிக்கடி பயன்படுத்தும் பதில்கள் போன்ற உதவிகரமான தகவல்களை உங்கள் வணிக விவரத்தில் காட்சிப்படுத்துவதற்கும், WhatsApp Business செயலியைப் பயன்படுத்துமாறு பரிந்துரைக்கிறோம். இதை இலவசமாகத் தரவிறக்கிக் கொள்ளலாம். WhatsApp Business செயலியை எவ்வாறு பயன்படுத்துவது என்பது குறித்த படிப்படியான வழிகாட்டலுக்கு, இங்குக் கிளிக் செய்க. உங்கள் கணக்கை WhatsApp Messenger செயலியில் இருந்து WhatsApp Business செயலிக்கு மாற்ற விரும்பினால், இங்குக் கிளிக் செய்க.
உங்கள் மொபைலுக்குத் தரவிறக்குங்கள்
உங்கள் நோயாளிகளுடன் தொடர்பில் இருங்கள்
நோயாளிகளின் மொபைல் எண்கள் உங்களிடம் இல்லாத பட்சத்தில், நோயாளிகள் உங்களுடன் தனிப்பட்ட அரட்டையைத் தொடங்குவதற்குப் பயன்படுத்தும் வகையில், ஒரு குறு இணைப்பை உருவாக்கிடுங்கள். உங்கள் மின்னஞ்சல், இணையதளம், Facebook பக்கம் அல்லது அடிக்கடி பயன்படுத்துகின்ற பிற பொதுவானதல்லாத தொடர்பு ஊடகங்களின் மூலம் இணைப்பைப் பகிர்ந்திடுங்கள்.
உதவிகரமான தகவல்களைப் பகிர்ந்திடுங்கள்
தனிப்பட்ட வாழ்த்துத் தகவலை அமைத்திடுங்கள். இதனால் நோயாளிகள் உங்களைத் தொடர்பு கொள்ளும்போது உடனடித் தகவலையும், உதவி மூலங்களையும் பெற்றிடுவர்.
துல்லியமான தகவல்களை உரிய நேரத்தில் பகிர்ந்திடுங்கள்
ஒரே சமயத்தில் பல தொடர்புகளுக்கு ஒரே தனிப்பட்ட தகவலை அனுப்புவதற்கு பிராட்காஸ்ட் பட்டியலைப் பயன்படுத்திடுங்கள். தங்கள் மொபைலின் முகவரிப் புத்தகத்தில் உங்களை ஒரு தொடர்பாகச் சேர்த்துள்ள நபர்கள் மட்டுமே உங்களின் பிராட்காஸ்ட் மெசேஜ்களைப் பெறுவர்.
தொலைநிலைக் கலந்துரையாடல்களை நடத்திடுங்கள்
உங்களை நேரில் வந்து சந்திக்க முடியாத நோயாளிகளையும் சகஊழியர்களையும் தொடர்பு கொள்வதற்கு, மறையாக்கம் செய்யப்பட்ட காணொலி மற்றும் குரல் அழைப்புகளைப் பயன்படுத்திடுங்கள்.*
பொதுவான கேள்விகளுக்கு உடனடியாகப் பதிலளித்திடுங்கள்
நோயாளிகள் கேட்கின்ற கேள்விகளுக்கு உடனடியாகப் பதிலளித்திட அடிக்கடி அனுப்புகின்ற தகவல்களைச் சேமித்து மீண்டும் பயன்படுத்திடுங்கள்.
உங்கள் சமூகத்திற்குத் தகவலளித்திடுங்கள்
ஸ்டேட்டஸ் அம்சத்தைப் பயன்படுத்தி நீங்கள் உரைச் செய்தி, புகைப்படம் மற்றும் காணொலிப் புதுப்பிப்புகளை இடுகையிடலாம். சுகாதாரத்திற்கான சிறந்த நடைமுறைகள் மற்றும் வைரஸ் பரவலைக் குறைப்பதற்கான பிற வழிகள் போன்றவை குறித்த உதவிக்குறிப்புகளைப் பகிர்ந்திடுங்கள்.
நடப்பு வணிக நேரத்தைப் பகிர்ந்திடுங்கள்
நீங்கள் எப்போது கிடைக்கப்பெறுவீர்கள் என்பதை உங்கள் நோயாளிகள் அறியச் செய்யுங்கள். குறிப்பாக நடப்பு உள்ளூர் தேவைகளைப் பூர்த்தி செய்வதற்கு குறிப்பிட்ட மணிநேரங்கள் மட்டுமே நீங்கள் பணிபுரிகிறீர்கள் என்றால் இது பெரிதும் உதவிடும்.
பதில்களைப் பெறும் நேரத்திற்கான எதிர்பார்ப்பை அமைத்திடுங்கள்
குறிப்பாக மும்முரமான நேரங்களில், தானாக அனுப்பப்படும் பணியிலில்லை தகவல் மூலம் உங்களிடம் இருந்து எப்போது தகவலைப் பெறலாம் என்பதை உங்கள் நோயாளிகள் அறியச் செய்திடுங்கள்.
உங்கள் மருத்துவச் சேவைக் குழுவினருடன் தொடர்ந்து தொடர்பில் இருங்கள்
தொற்றுப் பரவல் குறித்த சமீபத்திய செய்திகளைப் பகிர, குழுக்கள் மற்றும் குழுக் காணொலி அழைப்புகளைப் பயன்படுத்திடுங்கள்.
*எந்தவொரு WhatsApp பயன்பாடும் மருத்துவச் சேவைத் தரவின் தனியுரிமை மற்றும் பாதுகாப்புச் சட்டங்கள் உட்பட பொருந்தக்கூடிய சட்டங்களுக்கு இணக்கமாக இருப்பதை உறுதி செய்வது ஒவ்வொரு WhatsApp பயனரின் பொறுப்பாகும். WhatsApp எந்தவொரு மருத்துவச் சேவைகளையும் ஏற்பாடு செய்யவோ, வழங்கவோ செய்யாது. மேலும் உங்கள் மருத்துவச் சேவை நடைமுறையுடன் WhatsApp இணைக்கப்பட்டுள்ளது என்று நீங்கள் குறிப்பிடக்கூடாது. நோயாளிகளுடனான தனிப்பட்ட மருத்துவ ஆலோசனைகளுக்கோ, உடனடி மருத்துவக் கவனிப்பு தேவைப்படும் நிலைமைகளுக்கு சிகிச்சையளிப்பதற்கோ WhatsApp ஒரு மாற்று கிடையாது. மேலும் இதை ஓர் ஒழுங்குபடுத்தப்பட்ட மருத்துவச் சாதனமாகப் பயன்படுத்தக்கூடாது.
WhatsApp கொரோனா வைரஸ் தகவல்கள் மையம் தொடர்பான கேள்விகள் இருந்தால், எங்களைத் தொடர்புகொள்ளவும்.