WhatsApp કોરોના વાઇરસ (COVID-19)ની વૈશ્વિક મહામારી દરમિયાન લોકો સાથે જોડાયેલા રહેવામાં તમારી કેવી રીતે મદદ કરી શકે છે
હેલ્થ કેર પ્રોફેશનલ
અત્યંત અનિશ્ચિતતા અને એકાંતના આ સમય દરમિયાન તમે તમારા દર્દીઓ અને સહકર્મીઓ સાથે WhatsApp પર જોડાઈ શકો છો—એજ ટૂલ જેનો ઉપયોગ તેઓ મિત્રો અને કુટુંબીજનો સાથે સંપર્કમાં રહેવા માટે કરે છે.
તમારા ગ્રાહકો સાથે જોડાતી વખતે કૃપા કરીને WhatsAppનો ઉપયોગ જવાબદારીપૂર્વક કરો. તમે જેઓને જાણતા હોવ અને જેઓ તમારી પાસેથી મેસેજ મેળવવા ઇચ્છતા હોય, માત્ર તેઓ સાથે જ વાતચીત કરો, ગ્રાહકોને તમારો ફોન નંબર તેઓની એડ્રેસ બુકમાં સેવ કરવા માટેે કહો અને ગ્રૂપમાં આપમેળે મોકલાતા મેસેજ અને પ્રચારાત્મક મેસેજ મોકલવાનું ટાળો. આ ભલામણ કરેલા સરળ પગલાં ન ભરવાથી બીજા વપરાશકર્તાઓ પાસેથી ફરિયાદ આવી શકે છે અને એકાઉન્ટ પર પ્રતિબંધ પણ મૂકાઈ શકે છે.
એકથી વધુ પ્રશ્નોને વધુ સારી રીતે સંચાલિત કરવા, તમારો કામકાજનો સમય જેવી માહિતી મૂકવા અને વારંવાર ઉપયોગમાં લેવાતા જવાબોનો સંગ્રહ કરવા, અમે WhatsApp Business ઍપનો ઉપયોગ કરવાની ભલામણ કરીએ છીએ, જે મફતમાં ડાઉનલોડ માટે ઉપલબ્ધ છે. WhatsApp Business ઍપનો ઉપયોગ કેવી રીતે કરવો તે માટેની પગલાં-દર-પગલાં મુજબ માર્ગદર્શિકા માટેઅહીં ક્લિક કરો. જો તમે તમારા એકાઉન્ટને WhatsApp Messengerમાંથી WhatsApp Business ઍપ પર લઈ જવાની જરૂર હોય, તો અહીં ક્લિક કરો.
તમારા ફોન માટે ડાઉનલોડ કરો
તમારા દર્દીઓ સાથે જોડાયેલા રહો
જો તમારી પાસે પહેલાથી જ દર્દીઓના ફોન નંબર ન હોય, તો એક ટૂંકી લિંક બનાવો જેનો ઉપયોગ દર્દીઓ તમારી સાથે ખાનગી WhatsApp ચેટ શરૂ કરવા માટે કરી શકે. આ લિંકને ઇમેઇલ, તમારા Facebook પેજ અથવા બીજાં બિન-સાર્વજનિક માધ્યમો દ્વારા શેર કરો.
મદદરૂપ થાય એવી ભલામણોની જાણકારી આપો
કસ્ટમ શુભેચ્છા મેસેજ સેટઅપ કરવાનું ધ્યાનમાં લો જેથી દર્દીઓ જ્યારે તમારો સંપર્ક કરે ત્યારે તેમને ત્વરિત માહિતી અને સંસાધનો મળે.
સચોટ અને સમયસર માહિતી શેર કરો
એક જ સમયે એક સરખો ખાનગી મેસેજ એકથી વધુ લોકો મોકલવા માટે એક બ્રોડકાસ્ટ લિસ્ટનો ઉપયોગ કરો. તમારો ફોન નંબર જેમના ફોનની એડ્રેસ બુકમાં સેવ કરેલો હશે ફક્ત તેમને જ તમારા બ્રોડકાસ્ટ મેસેજ મળશે.
સામાન્ય પ્રશ્નોના તાત્કાલિક જવાબ આપો
દર્દીઓના પ્રશ્નોના ઝડપથી જવાબ આપવા માટે તમે વારંવાર મોકલતા હોવ તેવા મેસેજને સેવ કરો અને ફરી ઉપયોગ કરો.
તમારી કોમ્યુનિટીને માહિતગાર રાખો અને શિક્ષણ આપો
સ્ટેટસનો ઉપયોગ કરીને, તમે લખેલો મેસેજ, ફોટો અને વીડિયો અપડેટ પોસ્ટ કરી શકો છો. વાઇરસનો ફેલાવો ઓછો થાય તે માટે સ્વચ્છતા અંગેની શ્રેષ્ઠ પદ્ધતિઓ અને અન્ય રીતો અંગે ટિપ્સ શેર કરો.
હાલનો કામકાજનો સમય શેર કરો
તમે ક્યારે હાજર છો, તે તમારા દર્દીઓને ખબર હોય તેની ખાતરી કરો, ખાસ કરીને, જો તમે હાલની સ્થાનિક જરૂરિયાતો અનુસાર તમારા સમયમાં ફેરફાર કર્યો હોય તો.
મેસેજના જવાબનો અપેક્ષિત સમય સેટ કરો
ખાસ કરીને આ વ્યસ્ત સમય દરમિયાન દર્દીઓને આપમેળે મોકલવામાં આવતા ગેરહાજરીના મેસેજનો ઉપયોગ કરીને જણાવો કે તેઓને તેમના મેસેજનો જવાબ ક્યારે મળી શકે છે.
તમારી હેલ્થ કેર ટીમ સાથે સંપર્કમાં રહો
આ મહામારીને લગતી નવીનતમ અપડેટ શેર કરવા માટે ગ્રૂપ અને ગ્રૂપ વીડિયો કૉલનો ઉપયોગ કરો.
*દરેક WhatsApp વાપરનાર, WhatsAppનો કોઈપણ ઉપયોગ હેલ્થકેર ડેટા પ્રાઇવસી અને સુરક્ષા કાયદા સહિત લાગુ કાયદાનું પાલન કરે છે તેની ખાતરી કરવા માટે જવાબદાર છે. WhatsApp હેલ્થકેર સેવાઓની વ્યવસ્થા કરતું નથી અથવા તો આવી સેવાઓ આપતું નથી અને તમે એવી રજૂઆત કરી શકતાં નથી કે WhatsApp તમારી હેલ્થકેર પ્રેક્ટિસ સાથે જોડાયેલું છે. WhatsApp દર્દીઓ સાથેની રૂબરૂ સ્વાસ્થ્ય સલાહ અથવા તાત્કાલિક તબીબી સહાયની જરૂર હોય તેવા સંજોગોની સારવાર માટેનો વિકલ્પ નથી અને તેનો ઉપયોગ કોઈ નિયંત્રિત મેડિકલ ડિવાઇસ તરીકે થતો નથી.
જો તમને WhatsApp કોરોના વાઇરસ ઇન્ફોર્મેશન હબ વિશે કોઈ પ્રશ્નો હોય, તો અમારો સંપર્ક કરો.