ഉയർന്ന അനിശ്ചിതത്വത്തിന്റെയും ഒറ്റപ്പെടലിന്റെയും ഈ വേളയിൽ, സുഹൃത്തുക്കളുമായും കുടുംബാംഗങ്ങളുമായും കണക്റ്റ് ചെയ്യാൻ പതിവായി ഉപയോഗിച്ചിരുന്ന അതേ മാർഗ്ഗമായ WhatsApp ഉപയോഗിച്ച്, നിങ്ങളുടെ കമ്മ്യൂണിറ്റിയുമായി കണക്റ്റ് ചെയ്ത നിലയിൽ തുടരുക.
നിങ്ങളുടെ ഉപയോക്താക്കളുമായി കണക്റ്റ് ചെയ്യുമ്പോൾ WhatsApp ഉത്തരവാദിത്തത്തോടെ ഉപയോഗിക്കുക. നിങ്ങൾക്കറിയാവുന്നവരും നിങ്ങളിൽ നിന്ന് മെസേജ് സ്വീകരിക്കാൻ താല്പര്യമുള്ളവരുമായ ഉപയോക്താക്കളുമായി മാത്രം ആശയവിനിമയം നടത്തുക, ഉപഭോക്താക്കളോട് അവരുടെ അഡ്രസ് ബുക്കിൽ നിങ്ങളുടെ ഫോൺ നമ്പർ സംരക്ഷിക്കാൻ ആവശ്യപ്പെടുക, ഗ്രൂപ്പുകളിലേക്ക് സ്വയമേവയുള്ളതോ പ്രമോഷണൽ ഉദ്ദേശ്യങ്ങൾക്ക് ഉള്ളതോ ആയ മെസേജുകൾ അയയ്ക്കുന്നത് ഒഴിവാക്കുക. ലളിതമായ ഈ നല്ല കീഴ്‌വഴക്കങ്ങൾ പാലിക്കാതിരിക്കുന്നത് മറ്റ് ഉപയോക്താക്കളിൽ നിന്നുള്ള പരാതികൾക്കും അക്കൗണ്ട് വിലക്കിനും ഇടയാക്കിയേക്കാം.
ഒന്നിലധികം ചോദ്യങ്ങൾ മികച്ച രീതിയിൽ മാനേജ് ചെയ്യുന്നതിനും സഹായകരമായ വിവരങ്ങൾ ബിസിനസ് പ്രൊഫൈലിൽ ഫീച്ചർ ചെയ്യുന്നതിനും ഒരു കാറ്റലോഗിൽ നിങ്ങളുടെ സേവനങ്ങളെ കുറിച്ചുള്ള വിശദാംശങ്ങൾ പങ്കിടുന്നതിനും സൗജന്യമായി ഡൗൺലോഡ് ചെയ്യാവുന്ന WhatsApp Business ആപ്പ് ഉപയോഗിക്കാൻ ഞങ്ങൾ ശുപാർശ ചെയ്യുന്നു. WhatsApp Business ആപ്പ് എങ്ങനെ ഉപയോഗിക്കണമെന്നുള്ള ഘട്ടം ഘട്ടമായുള്ള മാർഗനിർദ്ദേശങ്ങൾക്ക് ഇവിടെ ക്ലിക്ക് ചെയ്യുക . നിങ്ങളുടെ അക്കൗണ്ട് WhatsApp Messenger-ൽ നിന്ന് WhatsApp Business ആപ്പിലേക്ക് മാറ്റണമെങ്കിൽ ഇവിടെ ക്ലിക്ക് ചെയ്യുക.
നിങ്ങളുടെ ഫോണിനായി ഡൗൺലോഡ് ചെയ്യുക
നിങ്ങളുമായി ഒരു സ്വകാര്യ WhatsApp ചാറ്റ് ആരംഭിക്കാൻ കമ്മ്യൂണിറ്റി അംഗങ്ങൾക്ക് ഉപയോഗിക്കാൻ കഴിയുന്ന ഒരു ഷോർട്ട് ലിങ്ക് സൃഷ്ടിക്കുക. ഇമെയിൽ, നിങ്ങളുടെ വെബ്‌സൈറ്റ്, Facebook പേജ് അല്ലെങ്കിൽ പതിവായി ഉപയോഗിക്കുന്ന മറ്റേതെങ്കിലും മാർഗ്ഗങ്ങൾ വഴി ലിങ്ക് പങ്കിടുക.
നിങ്ങളുടെ ബിസിനസ്സ് പ്രൊഫൈൽ പൂർത്തിയാക്കിയ ശേഷം ഇഷ്ടാനുസൃത ഗ്രീറ്റിംഗ് മെസേജുകൾ സജ്ജീകരിക്കുക, ഇതുവഴി നിങ്ങളുടെ സേവനങ്ങളെ കുറിച്ചുള്ള കൂടുതൽ വിവരങ്ങളും വിഭവസാമഗ്രികളും എവിടെ കണ്ടെത്താമെന്ന് ആളുകൾക്ക് മനസ്സിലാകും.
പ്രത്യേകിച്ചും തിരക്കുള്ള ഈ സമയത്ത്, സ്വയമേവയുള്ള ലഭ്യമല്ലെന്നുള്ള മെസേജ് ഉപയോഗിക്കുന്നതിലൂടെ, നിങ്ങളിൽ നിന്ന് എപ്പോൾ പ്രതികരണം ലഭിക്കുമെന്ന് അറിയാൻ കമ്മ്യൂണിറ്റിയെ അനുവദിക്കുക.
നിങ്ങളുടെ കമ്മ്യൂണിറ്റിക്ക് ലഭ്യമാകുന്ന സേവനങ്ങൾ ഏതൊക്കെയെന്നത് സംബന്ധിച്ച് അവർക്ക് അവബോധം നൽകുക. നിങ്ങളുടെ ബിസിനസ് പ്രൊഫൈലിലൂടെ ആക്‌സസ് ചെയ്യാവുന്ന നിങ്ങളുടെ കാറ്റലോഗിൽ സേവന വിവരണങ്ങൾ ഉൾപ്പെടുത്തുക.
കമ്മ്യൂണിറ്റി അംഗങ്ങളുടെ ചോദ്യങ്ങളോട് വേഗത്തിൽ പ്രതികരിക്കുന്നതിന്, നിങ്ങൾ പതിവായി അയയ്‌ക്കുന്ന മെസേജുകൾ സംരക്ഷിച്ച് വീണ്ടും ഉപയോഗിക്കുക.
വൈറസിന്റെ വ്യാപനം മന്ദഗതിയിലാക്കാൻ കമ്മ്യൂണിറ്റിക്ക് എങ്ങനെ സഹായിക്കാൻ കഴിയുമെന്ന് മുൻ‌കൈയെടുത്ത് അവരെ അറിയിക്കുകയും ബോധവൽക്കരിക്കുകയും ചെയ്യുക. ഒരു സ്റ്റാറ്റസ് അപ്ഡേറ്റിൽ നുറുങ്ങുവിവരങ്ങൾ ഫീച്ചർ ചെയ്യുന്നതിനായി ഫോട്ടോകളും വീഡിയോകളും ടെക്‌സ്റ്റും ഉപയോഗിക്കുക.
അകലെയിരുന്നും നിങ്ങളുടെ ടീമുമായി സഹകരിച്ച് പ്രവർത്തിക്കുന്നതിന് ഗ്രൂപ്പുകൾ, ഗ്രൂപ്പ് വീഡിയോ കോളുകൾ എന്നിവ ഉപയോഗിക്കുക.
നിങ്ങളുടെ ഡെസ്‌ക്‌ടോപ്പിൽ നിന്ന് നിരവധി WhatsApp മെസേജുകൾ വേഗത്തിലും കാര്യക്ഷമമായും മാനേജ് ചെയ്യുന്നതിന് WhatsApp വെബ് ഉപയോഗിക്കുക.
WhatsApp കൊറോണ വൈറസ് ഇൻഫർമേഷൻ ഹബ്ബുമായി ബന്ധപ്പെട്ട എന്തെങ്കിലും ചോദ്യങ്ങൾ ഉണ്ടെങ്കിൽ, ഞങ്ങളെ ബന്ധപ്പെടുക.
