Harpidetu eta Durangaldeko taldeen berri izango duzu
www.durangaldekomusika.com
Lehenik eta behin, mila esker kanal hau jarraitzeagatik. Proiektu handiago baten ale txiki bat besterik ez da hau, non irakurle eta jarraitzaileak ezinbestekoak izango zareten.
Gure eskualdean beti egon da musikarekiko izugarrizko zaletasuna eta berau ez galtzeko sortu da Durangaldeko Musika.
2 arlo nagusi izango ditugu ardatz proiektu honen hasieran.
Lehena, aktualitatea izango da. Durangaldeko edozein estiloko musika taldek dituen albisteak zabaltzeko webgunea izango da. Disko, bira, jaialdi, ... Musikarekin erlazioa duen edozein albiste beti ere, durangaldekoa ardatz jarrita.
Eta bigarrena, durangaldeko musikaren historia batzen duen datubase digital bat sortzea; edozeinek eskura izan dezan daukagun musika oparoaren berri klik batean. Koro, txistulari, rock talde, "Otxote" kuadrilla edo orkesta, gure erraiak zeintzuk diren ezagutzeko aukera eta gure bizilagunek zein musika taldetan jotzen duten jakiteko tresna bat izango da hau.
Horretarako oso garrantzitsua da zuen laguntza eta etxean, argazki zaharren artean, zuen sendieren batek izan duen talderen bati buruzko informazio edo argazkirik badaukazue gurekin harremanetan jartzea eskertuko genizueke. Info@durangaldekomusika.com helbidera idatzi.
Besterik gabe eta berriz ere eskerrak emanez agurtzen gara eta posible bada zabaldu talde honen lotura. Komutate handia sortuko dugu!
