ડિઝાઇન દ્વારા સુરક્ષિત
તમને સુરક્ષિત રાખવા માટે, અમે વિશ્વમાં શ્રેષ્ઠ એવી સુરક્ષાની સાથે મેસેજ અને કૉલ કરવાના અનુભવની રચના કરી છે, નિયંત્રણ તમારી પાસે રહે તે માટે નવીન ટૂલ બનાવ્યાં છે અને તમને જરૂર હોય ત્યારે તમને સપોર્ટ આપવા માટે અમે હાજર છીએ.
સુરક્ષાના બિલ્ટ-ઇન સ્તરો તમને કુટુંબીજનો અને મિત્રો સાથે કનેક્ટ થવા પર ધ્યાન કેન્દ્રિત કરવા માટે મનની શાંતિ આપે છે.
ડિફોલ્ટ પ્રાઇવસી
કોઈ પણ તમારા ફોન નંબરને શોધી શકશે નહીં અથવા તમારા વ્યક્તિગત મેસેજને વાંચી શકશે નહીં.
આપમેળે
સ્પામની શોધ
અમે મોટા ભાગના સ્પામ અને સ્પામ એકાઉન્ટ તમારા સુધી પહોંચી શકે તેની પણ પહેલાં અથવા કોઈ પણ તેની જાણ કરે તે પહેલાં તેમને પકડી પાડીએ છીએ અને દૂર કરીએ છીએ.
સક્રિય
સુરક્ષા એલર્ટ
જો અમને તમારા એકાઉન્ટને કબજે લઈ લેવાના કોઈ પણ શંકાસ્પદ અથવા અનધિકૃત પ્રયાસો મળી આવે છે તો અમે તરત જ તમારી ઓળખની ખાતરી કરાવવા માટે તમને કહીએ છીએ.
તમારા અનુભવનું નિયંત્રણ હાથમાં લો
હેકર અને કૌભાંડકારીઓને તમારા એકાઉન્ટ અને ડેટાની ચોરી કરવાથી અટકાવવા માટે રહેલાં અમારાં રક્ષણનાં એકથી વધુ સ્તરો સાથે સલામત અને સુરક્ષિત રહેવામાં તમારી મદદ કરવા માટેનાં આ સરળ પગલાંને તપાસી જુઓ.
બે વાર ખાતરીની સુવિધા ચાલુ કરવી
એક ગુપ્ત પિન સેટ અપ કરો અને કોઈને તમારા એકાઉન્ટની ચોરી કરવાથી અટકાવવા માટે એ પિનને ક્યારેય કોઈની સાથે શેર કરશો નહિ.
હંમેશાં સત્તાવાર WhatsAppનો ઉપયોગ કરવો
WhatsAppનાં નકલી વર્ઝનનો ઉપયોગ કરવાથી તમારા એકાઉન્ટ અને ડેટા પ્રત્યે પ્રાઇવસી અને સુરક્ષાનાં ગંભીર જોખમો ઊભાં થાય છે.
અમે નવાં જોખમોને અગાઉથી ધારી લઈએ છીએ અને તે પ્રમાણે અનુકૂળ થઈએ છીએ તથા તમને જરૂર હોય ત્યારે તમને સપોર્ટ કરવા માટેનાં ટૂલ તમને પૂરાં પાડીએ છીએ.
સમસ્યારૂપ વર્તનની જાણ કરવી
મેસેજ, લોકો અથવા બિઝનેસની જાણ કરવાથી અમને દરેક માટે WhatsAppને સુરક્ષિત રાખવામાં મદદ મળે છે. ચિંતા ન કરશો, અમે મોકલનારને તે અંગે જણાવીશું નહિ.
અનિચ્છિત નંબર/વ્યક્તિ સાથેનો સંપર્ક તોડવો
તમે જેમની સાથે ચેટ કરવા માંગતા ન હો તેવી કોઈ વ્યક્તિ તમને મેસેજ મોકલી રહી હોય, તો બસ તેમની સાથે સંપર્ક તોડો અને ત્યારબાદ તેમના મેસેજ કે કૉલ તમને ન મળે તેની અમે ખાતરી કરીશું.
તમારા એકાઉન્ટને રિકવર કરવું
જો તમે તમારા એકાઉન્ટની એક્સેસ ગુમાવી દીધી છે, તો તમારા ફોન નંબરને ફરીથી રજિસ્ટર કરો. ભૂતકાળની વાતચીતો તમારા ફોન પર સુરક્ષિત હોય છે અને તમારા એકાઉન્ટને એક્સેસ કરવાનો પ્રયાસ કરી રહેલી કોઈ પણ વ્યક્તિ દ્વારા વાંચી શકાતી નથી.