WhatsApp Təhlükəsizlik
Məxfilik və Təhlükəsizlik bizim qanımızdadır
İlk başladığımız gündən WhatsApp-ı dostlarınız ilə ünsiyyətdə qalmaq,təbii fəlakətlərzamanı vacib məlumatları paylaşmaq, uzaqda olan ailəniz iləəlaqədə olmaq və ya daha yaxşı anları bölüşmək üçün yaratdıq. Dəyərli anlarınızın bir çoxunu WhatsApp üzərindən paylaşdığınız üçün tətbiqimizdə ucdan-uca şifrələnmə quraşdırmışıq. Ucdan-uca şifrələnmə sayəsində mesaj, şəkil, video, səs mesajı, sənəd və zəngləriniz başqaların əlinə düşə bilməz.
Şəxsi Mesajlaşma
WhatsApp'ın ucdan-uca şifrələnməsi başqalarına WhatsApp ilə mesaj göndərdərdiyinizdə işə düşür. Tam şifrələmə sayəsində siz və ünsiyyətdə olduğunuz şəxsdən başqa heç kim, hətta WhatsApp da göndərilən mesajları oxuya və ya dinləyə bilmir. Bunun səbəbi odur ki, tam şifrələmə sayəsində mesajlarınız kilid ilə qorunur və yalnız sizinlə mesajları qəbul edən şəxs xüsusi açar vasitəsilə onları kiliddən çıxarıb oxuya bilər. Bütün bu proseslər avtomatik baş verir: mesajlarınızı qorumaq üçün ayarları aktiv etməyə və ya xüsusi gizli söhbətlər quraşdırmağa ehtiyac yoxdur.
Biznes Mesajlaşması
Hər bir WhatsApp mesajı cihazınızdan göndərilmədən əvvəl onların təhlükəsizliyi təmin edən eyni Siqnal şifrələmə protokolu ilə qorunur. WhatsApp biznes hesabına mesaj göndərdiyiniz zaman mesajınız biznes tərəfindən seçilən ünvana təhlükəsiz şəkildə çatdırılır.
WhatsApp Business Tətbiqindən istifadə edən, yaxud müştəri mesajlarını idarə edən və toplayan bizneslərin söhbətləri WhatsApp tərəfindən tam şifrələnmiş hesab edilir. Mesaj qəbul edildikdən sonra biznesin məxfilik təcrübələri ilə tənzimlənir. Biznes mesajı işləmək və ona cavab vermək üçün bir sıra əməkdaş, hətta başqa satıcılar da təyin edə bilər.
Bəzi bizneslər 1 mesajları təhlükəsiz şəkildə toplamaq və müştərilərə cavab vermək üçün WhatsApp-ın ana şirkəti olan Facebook-u seçə biləcək. Məxfilik təcrübələri haqqında daha çox məlumat əldə etmək üçün hər zaman bu şirkətlə əlaqə saxlaya bilərsiniz.
Ödənişlər
Seçilmiş ölkələrdə əlçatan olan WhatsApp ödənişləri maliyyə qurumlarındakı hesablar arasında köçürmələr həyata keçirməyə imkan yaradır. Kart və bank nömrələri şifrələnmiş halda etibarlı şəbəkədə saxlanılır. Bununla belə, maliyyə qurumları bu ödənişlər haqqında müvafiq məlumatları qəbul etmədən transaksiyaları işləyə bilmədiyinə görə bu ödənişlər tam şifrələnmir.
Nəzarət əlinizdədir
WhatsApp mesajlarınızla bağlı baş verənlər haqqında məlumatlı olduğunuzdan əmin olmaq istəyir. Müəyyən bir şəxsdən və ya biznesdən mesaj qəbul etmək istəmirsinizsə, onları birbaşa söhbətdən blok edə və ya kontakt siyahınızdan silə bilərsiniz. Mesajların necə idarə olunduğunu anladığınızdan və düzgün qərar qəbul etmək üçün lazımi seçimlərə malik olduğunuzdan əmin olmaq istəyirik.
Sərbəst Danış
WhatsApp Zəngi dostlarınız və ailəniz başqa ölkədə olduqda belə onlarla şəxsi söhbət etməyinizə imkan yaradır.
Səninlə Qalan Mesajlar
Ucdan-uca şifrələnmiş mesajlar çatdırıldıqdan sonra WhatsApp serverlərində deyil, cihazınızda saxlanılır.
Özün üçün Bax
WhatsApp etdiyiniz zənglərin və göndərdiyiniz mesajların tam şifrələnib-şifrələnmədiyini yoxlamağınıza imkan verir. Birbaşa söhbət, kontakt məlumatı və ya biznes məlumatında işarəni axtarmağınız kifayətdir.
Detallara Bax
Open Whisper Systems ilə birgə hazırlanmış WhatsApp-ın ucdan-uca şifrələnməsi haqqında detallı texniki məlumatı əldə edin. Texniki məlumat vərəqəmizin önbaxış versiyasına baş çəkin və oradakı yeniçox cihazlı beta versiyasının tərkib hissəsi olan şifrələnmə ilə bağlı yeniliklərlə tanış olun.
Davamlı təhlükəsizlik yeniliklərinə baxmaq üçün Təhlükəsizlik Məsləhətlərinə baş çəkin.
1 2021-ci ildə.