మీరు మీ స్నేహితులతో టచ్‌లో ఉండేందుకు, ప్రకృతి వైపరీత్యాల సమయాల్లో ముఖ్యమైన సమాచారాన్ని షేర్ చేసుకునేందుకు, విడిపోయిన బంధాలను తిరిగి కలిపేందుకు మరియు మంచి జీవితాన్ని గడపడంలో సహాయపడేందుకు మేము WhatsAppని రూపొందిచాం. మీ అత్యంత వ్యక్తిగత క్షణాలు కొన్ని WhatsAppతో షేర్ అవుతున్నందున మేము మా యాప్‌లో సంపూర్ణ గుప్తీకరణను నిర్మించాము. సంపూర్ణ గుప్తీకరణ ఉన్నప్పుడు, మీ మెసేజ్‌లు, ఫోటోలు, వీడియోలు, వాయిస్ మెసేజ్‌లు, డాక్యుమెంట్లు మరియు కాల్‌లు తప్పుడు చేతుల్లోకి వెళ్లకుండా సురక్షితంగా ఉంటాయి.
మీరు మరియు మీ మెసేజ్‌లను స్వీకరించే వ్యక్తులు మా యాప్‌ని ఉపయోగించినప్పుడు WhatsApp యొక్క సంపూర్ణ గుప్తీకరణ అందుబాటులో ఉంటుంది. చాలా మెసేజింగ్ యాప్‌లు మీకు మరియు ఆ యాప్‌ల మధ్య జరిగే సంభాషణలను మాత్రమే గుప్తీకరిస్తాయి, కాని WhatsApp యొక్క సంపూర్ణ గుప్తీకరణ కారణంగా మీరు మరియు మీరు మెసేజ్ చేస్తోన్న వ్యక్తి మాత్రమే సంభాషణలను చదవగలరు. మధ్యలో మరెవ్వరూ చదవలేరు. ఆఖరికి WhatsApp కూడా. ఎందుకంటే మీ మెసేజ్‌లు ఒక లాక్‌తో సురక్షితం చేయబడతాయి. ఆ మెసేజ్‌లను అన్‌లాక్ చేసి చదవాలంటే కేవలం మీకు మరియు మెసేజ్ అందుకునేవారికి మాత్రమే ప్రత్యేక కీ ఉంటుంది. అదనపు భద్రత కోసం, మీరు పంపే ప్రతి మెసేజ్‌కి ఒక ప్రత్యేక లాక్ మరియు కీ ఉంటుంది. ఇవన్నీ ఆటోమేటిక్‌గా జరుగుతాయి: మీ మెసేజ్‌లను భద్రపరచడానికి సెట్టింగ్‌లను ఆన్ చేయడం లేదా ప్రత్యేక రహస్య చాట్‌లను సెటప్ చేయడం అవసరం లేదు.
ఎంపిక చేయబడిన దేశాలలో అందుబాటులో ఉన్న WhatsApp Payments ద్వారా, ఆర్థిక సంస్థల వద్ద అకౌంట్‌ల మధ్య లావాదేవీలను ప్రారంభించవచ్చు. కార్డ్ మరియు బ్యాంక్ నంబర్లు అత్యంత సురక్షితమైన నెట్‌వర్క్‌లో గుప్తీకరించి, స్టోర్ చేయబడతాయి. అయితే, ఈ పేమెంట్స్‌కి సంబంధించిన సమాచారాన్ని స్వీకరించకుండా ఆర్థిక సంస్థలు లావాదేవీలను ప్రాసెస్ చేయలేవు కాబట్టి, ఈ పేమెంట్స్ సంపూర్ణంగా గుప్తీకరించబడవు.
WhatsApp కాలింగ్ ద్వారా వేరే దేశంలో ఉన్న మీ స్నేహితులు మరియు కుటుంబ సభ్యులతో కూడా మాట్లాడవచ్చు. మీ మెసేజ్‌లు మాదిరిగానే, WhatsApp కాల్స్ కూడా సంపూర్ణంగా గుప్తీకరించబడతాయి. అంటే WhatsApp మరియు ధర్డ్ పార్టీలు వాటిని వినలేవు.
మీ మెసేజ్‌లు మీ చేతుల్లో ఉండాలి. అందువలన, WhatsApp మీ మెసేజ్‌లను డెలివర్ చేసిన తర్వాత వాటిని సర్వర్లలో స్టోర్ చేయదు మరియు సంపూర్ణ గుప్తీకరణ అంటే WhatsApp మరియు థర్డ్ పార్టీలు వాటిని చదవలేవు.
మీరు చేసే కాల్‌లు మరియు పంపే మెసేజ్‌లు సంపూర్ణంగా గుప్తీకరించబడ్డాయా లేదా అని చూసేందుకు WhatsApp మిమ్మల్ని అనుమతిస్తుంది. కాంటాక్ట్ సమాచారం లేదా గ్రూప్ సమాచారంలో సూచిక ఉందో లేదో చూడండి.
ఓపెన్ విష్పర్ సిస్టమ్స్ సహకారంతో అభివృద్ధి చేయబడిన WhatsApp సంపూర్ణ గుప్తీకరణ యొక్క లోతైన సాంకేతిక వివరణ చదవండి.
రెగ్యులర్ అప్‌డేట్ల కోసం భద్రతా సలహాలను చెక్ చేయండి.