Коронавирус: Қоғаммен және сенімді ақпарат көздерімен байланыста болу үшін WhatsApp-ты пайдаланыңыз. Learn More >
Ең алғашқы күннен бастап біз WhatsApp-ты дүлей апат жағдайында достарыңызбен байланыста болу, маңызды ақпаратты бөлісу, бір-бірінен айырылған отбасы мүшелерін қайта қауыштыру немесе жақсы өмір сүру жағдайларын іздеу үшін көмек ретінде әзірледік. WhatsApp арқылы сіз жеке өміріңіздің кейбір қырларын бөлісесіз, сол себепті осы қолданбаға толығымен шифрлау мүмкіндігін ендірген болатынбыз. Толығымен шифрлау мүмкіндігі арқылы хаттар, фотолар, бейнелер, дауыстық хаттар, құжаттар және қоңыраулар басқа адамдардың қолына түспейді.
WhatsApp-тың толығымен шифрлау мүмкіндігі сіз және сізбен хат алмасатын адам осы қолданбаны пайдаланған кезде қолжетімді болады. Көптеген хат алмасу қолданбалары сіз бен контактілеріңіздің арасындағы хаттарды ғана шифрлайды, ал WhatsApp-тың толығымен шифрлау мүмкіндігі хаттарды сіз және сізбен хат алмасатын адам ғана оқитынына кепілдік береді. Бұл хаттарды басқа адамдар, тіпті WhatsApp-тың өзі де оқи алмайды. Бұның себебі — хаттар құлыппен қорғалады, оларды құлыптан босатып, оқуға арналған арнайы кілт сіз бен қабылдаушыда ғана болады. Қауіпсіздікті күшейту үшін сіз жіберетін әрбір хаттың өзінің бірегей құлпы мен кілті болады. Мұның барлығы автоматты түрде орындалады: хаттарыңызды қорғау үшін параметрлерді реттеу немесе арнайы құпия чаттар жасау қажет емес.
Таңдалған елдерде қолжетімді WhatsApp төлемдері қаржы ұйымдарындағы шоттардың арасындағы ақша аударымдарына мүмкіндік береді. Карта мен банк нөмірлері қауіпсіздігі жоғары желіде шифрланған түрде сақталады. Алайда қаржы ұйымдары бұл төлемдер туралы ақпаратты алмаса, транзакцияларды өңдей алмайтындықтан, бұл төлемдер толығымен шифрланбайды.
Достарыңыз бен отбасыңыздың мүшелері басқа елде болса да, “WhatsApp қоңырау” функциясы олармен оңай тілдесуге мүмкіндік береді. Хаттарыңыз секілді WhatsApp қоңыраулары да толығымен шифрланады. Сол себепті WhatsApp пен үшінші тарап оларды тыңдай алмайды.
Хаттарыңыз тек сіздің қолыңызда болуы тиіс. Сол себепті хаттарыңыз жеткізіліп болғаннан кейін, WhatsApp оларды серверлерімізде сақтамайды. Ал толығымен шифрлау мүмкіндігі хаттарыңызды WhatsApp пен үшінші тараптың оқуына мүмкіндік бермейді.
WhatsApp қоңырауларыңыз бен хаттарыңыздың толығымен шифрланған ба екенін тексеруіңізге мүмкіндік береді. Жай ғана “Контакт туралы мәлімет” немесе “Топ мәліметі” бөліміндегі индикаторға назар аударыңыз.
Open Whisper Systems-пен бірлесе отырып әзірленген WhatsApp-тың толығымен шифрлау мүмкіндігінің жан-жақты техникалық сипаттамасын оқыңыз.