Sa simula pa lang, binuo namin ang WhatsApp para tulungan kang makaugnay sa mga kaibigan, makapagbahagi ng mahahalagang impormasyon sa panahon ng mga natural na kalmidad, pag-ugnaying muli ang mga nagkawalay na pamilya, o magkaroon ng mas magandang buhay. Ang ilan sa mga pinakapersonal mong sandali ay naibahagi sa pamamagitan ng WhatsApp, kaya naman ginawan namin ng magkabilaang encryption ang aming app. Sa pamamagitan ng magkabilaang encryption, secured ang iyong mga mensahe, larawan, video, voice message, dokumento, at tawag sa masasamang loob.
Available ang magkabilaang encryption ng WhatsApp kapag ginamit mo at ng mga taong pinapadalhan mo ng mensahe ang aming app. Marami sa mga app ng pagmemensahe ang nag-e-encrypt lang ng mga mensahe sa pagitan mo at ng mga kausap mo, pero sa magkabilaang encryption ng WhatsApp, ikaw lang at ang kausap mo ang makakabasa sa kung ano ang ipinapadala, at wala nang iba pa, kahit na ang WhatsApp. Ito ay dahil secured ang iyong mga mensahe sa pamamagitan ng isang lock, at ikaw lang at ang tatanggap ang may hawak sa espesyal na key na kailangan para ma-unlock at mabasa ang mga iyon. Para sa dagdag na proteksyon, ang bawat mensaheng ipinapadala mo ay may natatanging lock at key. Awtomatikong nangyayari ang lahat ng ito: wala ka nang kailangang i-on na mga setting i-set up na mga espesyal na lihim na chat para ma-secure ang iyong mga mensahe.
Ang mga pagbabayad sa WhatsApp, na sa mga piling bansa, ay nagbibigay-daan sa mga transfer sa pagitan ng mga account at pinansyal na institusyon. Sino-store nang naka-encrypt ang mga card at bank number at nasa isang ganap na secured na network ang mga ito. Gayunpaman, dahil hindi makakapagproseso ng mga transaksyon ang mga pinansyal na institusyon nang hindi nakakatanggap ng mga impormasyong nauugnay sa mga pagbabayad na ito, hindi naka-encrypt nang magkabilaan ang mga pagbabayad na ito.
Sa pamamagitan ng WhatsApp Calling, nakakausap mo ang iyong mga kaibigan at kapamilya, kahit na nasa ibang bansa sila. Gaya ng iyong mga mensahe, naka-encrypt nang magkabilaan ang mga tawag sa WhatsApp, kaya hindi ito mapapakinggan ng WhatsApp at ng mga third party.
Hawak mo dapat ang mga mensahe mo. Kaya naman hindi sino-store ng WhatsApp ang iyong mga mensahe sa aming mga server kapag naihatid na namin ang mga ito, at sa pamamagitan ng magkabilaang encryption, hindi mababasa ng WhatsApp at ng mga third party ang mga ito.
Hinahayaan ka ng WhatsApp na tingnan kung naka-encrypt nang magkabilaan ang mga tawag at mensaheng ipinapadala mo. Tingnan lang ang palatandaan sa contact info o group info.
Basahin ang isang detalyadong teknikal na paliwanag tungkol sa magkabilaang encryption ng WhatsApp, na na-develop sa pakikipagtulungan ng Open Whisper Systems.
Tingnan ang Mga Advisory sa Security para sa mga regular na update sa security.