Ilk kundan boshlab biz WhatsApp ilovasini do‘stlar bilan muloqot qilish, tabiiy ofatlar davomida muhim ma’lumotlarni ulashish, ajralgan oilalar bilan qayta aloqa o‘rnatish yoki yaxshiroq hayotni izlashga yordam berish uchun yaratdik. Eng shaxsiy lahzalaringizning ba’zilari WhatsApp orqali ulashiladi. Shuning uchun ilovamizga boshidan oxirigacha shifrlashni qo‘shdik. Boshidan oxirigacha shifrlanganida xabarlar, suratlar, videolar, ovozli xabarlar, hujjatlar va chaqiruvlaringiz begona qo‘llar ixtiyoriga tushib qolishdan himoyalanadi.
WhatsApp ilovasining boshidan oxirigacha shifrlashi ilovamizdan foydalangan holda xabar yuborsangiz yoki odamlar sizga xabar yuborganida ishlaydi. Ko‘pchilik xabar almashish ilovalari faqat siz va ular o‘rtasidagi xabarlarni shifrlaydi, lekin WhatsApp ilovasining boshidan oxirigacha shifrlashi nima yuborilganligini faqat siz va siz muloqot qilayotgan inson o‘qiy olishlaringizni ta’minlaydi. Chunki xabarlaringiz qulf bilan himoyalangan bo‘ladi va ularni qulfdan ochish va o‘qish uchun faqat qabul qiluvchi va sizga maxsus kalit zarur bo‘ladi. Qo‘shimcha himoya sifatida siz yuborgan har bir xabarning unikal qulfi va kaliti bo‘ladi. Bularning barchasi avtomatik ravishda yuz beradi: sozlamalarda yoqish yoki maxsus maxfiy chatlar o‘rnatishning hojati yo‘q.
Muayyan mamlakatlarda ishlaydigan WhatsApp ilovasidagi toʻlovlar moliyaviy institutlarda hisoblar oʻrtasida oʻtkazmalarni amalga oshirish imkonini beradi. Karta va bank raqamlari shifrlangan holatda hamda yuqori darajada himoyalangan tarmoqda saqlanadi. Lekin, moliyaviy institutlar ushbu toʻlovlarga aloqador axborotlarni olmasdan oʻtkazmalarni qayta ishlay olmaydi, ushbu toʻlovlar boshidan oxirigacha shifrlanmaydi.
WhatsApp chaqiruv do‘stlaringiz va oilangiz bilan ular hattoki boshqa mamlakatda bo‘lsalar ham, suhbatlashish imkonini beradi. Xuddi xabarlaringiz kabi WhatsApp chaqiruvlar ham to‘liq shifrlanadi, shunday ekan, WhatsApp va uchinchi tomonlar ularni tinglay olishmaydi.
Xabarlaringiz qo‘lingizda bo‘lishi lozim. Shuning uchun WhatsApp xabarlaringizni bizning serverlarimizga yuklamaydi. Boshidan oxirigacha shifrlash WhatsApp va uchinchi tomonlar har qanday holatda ham ularni o‘qiy olmasliklarini anglatadi.
WhatsApp amalga oshiradigan chaqiruvlaringiz va yuboradigan xabarlaringiz boshidan oxirigacha shifrlanishi yoki shifrlanmasligini tekshirish imkonini beradi. Shunchaki kontakt ma’lumoti yoki guruh ma’lumotidagi ko‘rsatkichga qarang.
WhatsApp ilovasining Open Whisper Systems bilan hamkorlikda ishlab chiqilgan boshidan oxirigacha shifrlashining chuqurroq texnik tavsifi bilan tanishib chiqing.
Muntazam xavfsizlik yangilanishlari uchun Xavfsizlik boʻyicha maʼlumotlar markazlari bilan tanishing.