WhatsApp xavfsizligi
Maxfiylik va xavfsizlik butun tanamizda
Ilk kundan boshlab biz WhatsApp ilovasini tanishlar bilan muloqot qilish, tabiiy ofatlar paytida muhim ma’lumotlarni ulashish, ajralgan oilalar bilan qayta bogʻlanish yoki yaxshiroq hayotni izlashga yordam berish uchun yaratdik. Eng shaxsiy lahzalaringizning ayrimlari WhatsApp orqali ulashiladi. Shuning uchun ilovamizga boshidan oxirigacha shifrlash texnologiyasini joriy qildik. Boshidan oxirigacha shifrlanganida, xabarlar, rasmlar, videolar, ovozli xabarlar, hujjatlar va chaqiruvlaringiz begona qo‘llarga tushib qolishidan himoyalanadi.
Shaxsiy xabar almashish
WhatsApp Messenger orqali boshqa shaxsga xabar yozganingizda, WhatsApp kompaniyasining boshidan oxirigacha shifrlash texnologiyasidan foydalaniladi. WhatsApp ilovasining boshidan oxirigacha shifrlash funksiyasi xabarda nima yuborilganini faqat siz va siz muloqot qilayotgan inson o‘qiy yoki tinglay olishingizni hamda boshqa hech kim, hatto WhatsApp ham ularni oʻqiy yoki tinglay olmasligini ta’minlaydi. Chunki boshidan oxirigacha shifrlash bilan xabarlaringiz qulf bilan himoyalangan bo‘ladi va ularning qulfini ochish va o‘qish uchun faqat qabul qiluvchi va sizda maxsus kalit bo‘ladi. Bularning barchasi avtomatik ravishda yuz beradi: sozlamalarda yoqish yoki maxsus maxfiy chatlar yaratishning hojati yo‘q.
Biznes bilan xabar almashish
Har bir WhatsApp xabari qurilmangizni tark etishidan avval xabarlarni himoyalaydigan Signal shifrlash protokoli bilan bir xil protokol orqali himoyalanadi. WhatsApp biznes hisobiga xabar yozganingizda, xabarlaringiz kompaniya tanlagan manzilga xavfsiz yetkaziladi.
WhatsApp kompaniyasi WhatsApp Business ilovasidan foydalanadigan yoki mijozlarning xabarlarini o‘zlari boshqaradigan va saqlaydigan kompaniyalar bilan chatlar boshidan oxirigacha shifrlanishini taʼminlaydi. Xabar qabul qilingach, u kompaniyaning oʻz maxfiylik amaliyotlari bilan tartibga solinadi. Kompaniya xabarlarni qayta ishlash va ularga javob berish uchun bir nechta xodimini yoki hatto boshqa vositachilarni ham jalb qilishi mumkin.
Ayrim kompaniyalar1 xabarlarni xavfsiz saqlash va mijozlarga javob berish uchun WhatsApp bosh kompaniyasi – Facebook kompaniyasini tanlashi mumkin. Kompaniyaning maxfiylik siyosati tafsilotlari uchun har doim ushbu kompaniyaga murojaat qilishingiz mumkin.
Toʻlovlar
Muayyan mamlakatlarda ishlaydigan WhatsApp ilovasidagi toʻlovlar moliyaviy institutlarda hisoblar oʻrtasida oʻtkazmalarni amalga oshirish imkonini beradi. Karta va bank raqamlari shifrlangan holatda hamda yuqori darajada himoyalangan tarmoqda saqlanadi. Lekin, moliyaviy institutlar ushbu toʻlovlarga aloqador axborotlarni olmasdan oʻtkazmalarni qayta ishlay olmasligi sababli ushbu toʻlovlar boshidan oxirigacha shifrlanmaydi.
Tanlov oʻz qoʻlingizda
WhatsApp xabarlaringiz bilan nima yuz berayotganini bilishingizni xohlaydi. Agar biror shaxs yoki kompaniyadan xabarlar olishni xohlamasangiz, har doim uni chatdan bloklashingiz yoki uni kontaktlaringiz roʻyxatidan oʻchirib tashlashingiz mumkin. Biz xabarlaringiz qanday boshqarilishini tushunishingiz va oʻzingizga toʻgʻri qarorlar qabul qilishingiz uchun kerakli tanlovlarga ega ekaningizga ishonch hosil qilishni xohlaymiz.
Erkin gapiring
WhatsApp chaqiruvlar xizmati tanishlar va oilangiz bilan ular hattoki boshqa mamlakatda bo‘lsa ham, maxfiy suhbatlashish imkonini beradi.
Sizga hamroh xabarlar
Boshidan oxirigacha shifrlangan xabarlar yetkazilganidan keyin WhatsApp serverlarida emas, qurilmangizda saqlanadi.
Oʻzingizga nigoh
WhatsApp siz amalga oshiradigan chaqiruvlar va yuboradigan xabarlar boshidan oxirigacha shifrlanishi yoki shifrlanmasligini tekshirish imkonini beradi. Shunchaki, bevosita chatdagi yoki kontakt axboroti yoxud kompaniya axborotidagi koʻrsatkichga qarang.
Tafsilotlarni oling
Open Whisper Systems bilan hamkorlikda ishlab chiqilgan WhatsAppning boshidan oxirigacha shifrlash tizimi batafsil texnik tafsilotlari bilan tanishing. Texnik hujjatimizning dastlabki versiyasiga kirib, multi-qurilmali beta yangi versiyasining shifrlash borasidagi yaxshilanishlari bilan tanishing.
Muntazam xavfsizlik yangilanishlari uchun Xavfsizlikka oid maslahatlar bilan tanishing.
1 2021-yilda.