ಸ್ನೇಹಿತರೊಂದಿಗೆ ನೀವು ಸಂಪರ್ಕದಲ್ಲಿರಲು, ನೈಸರ್ಗಿ ವಿಪತ್ತಿನ ವೇಳೆ ಪ್ರಮುಖ ಮಾಹಿತಿಯನ್ನು ಹಂಚಿಕೊಳ್ಳಲು, ಪ್ರತ್ಯೇಕಗೊಂಡ ಕುಟುಂಬವನ್ನು ಪುನಃ ಸಂಪರ್ಕಿಸಲು ಅಥವಾ ಉತ್ತಮ ಜೀವನವನ್ನು ರೂಪಿಸಿಸಿಕೊಳ್ಳುವುದಕ್ಕಾಗಿ ಸಹಾಯ ಮಾಡುವ ಉದ್ದೇಶದಿಂದಲೇ WhatsApp ಅನ್ನು ನಾವು ಮೊದಲಿನಿಂದಲೂ ರೂಪಿಸಿದ್ದೇವೆ. ನಿಮ್ಮ ಕೆಲವು ಅತ್ಯಂತ ವೈಯಕ್ತಿಕ ಕ್ಷಣಗಳನ್ನು WhatsApp ಮೂಲಕ ನೀವು ಹಂಚಿಕೊಳ್ಳುತ್ತೀರಿ. ಇದೇ ಕಾರಣಕ್ಕೆ ನಾವು ನಮ್ಮ ಆ್ಯಪ್‌ನಲ್ಲಿ ಆರಂಭದಿಂದ ಕೊನೆಯವರೆಗೆ ಎನ್‌ಕ್ರಿಪ್ಷನ್‌ ಅನ್ನು ರೂಪಿಸಿದ್ದೇವೆ. ಆರಂಭದಿಂದ ಕೊನೆಯವರೆಗೆ ಎನ್‌ಕ್ರಿಪ್ಷನ್‌ ಮಾಡಿದಾಗ, ನಿಮ್ಮ ಮೆಸೇಜ್‌ಗಳು, ಫೋಟೋಗಳು, ವೀಡಿಯೋಗಳು, ವಾಯ್ಸ್‌ ಕಾಲ್‌ಗಳು, ದಾಖಲೆಗಳು ಮತ್ತು ಕಾಲ್‌ಗಳು ಬೇರೆಯವರ ಕೈಗೆ ಸಿಗದಂತೆ ರಕ್ಷಣೆ ಪಡೆಯುತ್ತವೆ.
ನೀವು ಮತ್ತು ನೀವು ಮೆಸೇಜ್ ಕಳುಹಿಸುವ ವ್ಯಕ್ತಿಯು ನಮ್ಮ ಆಪ್‌ ಬಳಸುವಾಗಲೇ WhatsApp ನ ಆರಂಭದಿಂದ ಕೊನೆಯವರೆಗಿನ ಎನ್‌ಕ್ರಿಪ್ಷನ್‌ ನಡೆಯುತ್ತದೆ. ಹಲವು ಮೆಸೇಜಿಂಗ್ ಆ್ಯಪ್‌ಗಳು ಕೇವಲ ನಿಮ್ಮ ಮತ್ತು ಅವರ ಮಧ್ಯೆ ಮೆಸೇಜ್‌ಗಳನ್ನು ಎನ್ಕ್ರಿಪ್ಟ್ ಮಾಡುತ್ತವೆ. ಆದರೆ, WhatsApp ನ ಆರಂಭದಿಂದ ಕೊನೆಯವರೆಗಿನ ಎನ್‌ಕ್ರಿಪ್ಷನ್‌ನಲ್ಲಿ ಕಳುಹಿಸುರುವ ಮೆಸೇಜ್ ಅನ್ನು ನೀವು ಮತ್ತು ನಿಮ್ಮೊಂದಿಗೆ ಸಂವಹನ ನಡೆಸುತ್ತಿರುವ ವ್ಯಕ್ತಿ ಮಾತ್ರ ಓದಬಹುದಾಗಿರುತ್ತದೆ. ಈ ಮಧ್ಯದಲ್ಲಿರುವ ಯಾರೂ, WhatsApp ಕೂಡ ಇದನ್ನು ಓದಲಾಗದು. ಯಾಕೆಂದರೆ, ನಿಮ್ಮ ಮೆಸೇಜ್‌ಗಳನ್ನು ಲಾಕ್ ಬಳಸಿ ಸುರಕ್ಷಿತಗೊಳಿಸಲಾಗುತ್ತದೆ. ಮೆಸೇಜ್ ಅನ್ನು ಸ್ವೀಕರಿಸುವವರು ಮತ್ತು ನೀವು ಮಾತ್ರ ಇದನ್ನು ಅನ್‌ಲಾಕ್ ಮಾಡಿ ಓದಲು ಅಗತ್ಯವಿರುವ ಕೀ ಹೊಂದಿರುತ್ತೀರಿ. ಹೆಚ್ಚುವರಿ ರಕ್ಷಣೆಗಾಗಿ, ನೀವು ಕಳುಹಿಸುವ ಪ್ರತಿ ಮೆಸೇಜ್ ಕೂಡ ತನ್ನದೇ ವಿಶಿಷ್ಟ ಲಾಕ್ ಮತ್ತು ಕೀ ಹೊಂದಿರುತ್ತದೆ. ಇವೆಲ್ಲವೂ ಸ್ವಯಂಚಾಲಿತವಾಗಿ ನಡೆಯುತ್ತದೆ: ಇದಕ್ಕೆ ಸೆಟ್ಟಿಂಗ್ಸ್‌ನಲ್ಲಿ ಏನನ್ನೂ ಆನ್ ಮಾಡಬೇಕಿಲ್ಲ ಅಥವಾ ನಿಮ್ಮ ಮೆಸೇಜ್‌ಗಳನ್ನು ರಕ್ಷಿಸಿಕೊಳ್ಳುವುದಕ್ಕಾಗಿ ವಿಶೇಷ ಗೌಪ್ಯ ಚಾಟ್‌ಗಳನ್ನು ಸೆಟಪ್‌ ಮಾಡುವ ಅಗತ್ಯವೂ ಇಲ್ಲ.
ಆಯ್ದ ದೇಶಗಳಲ್ಲಿ ಲಭ್ಯವಿರುವ WhatsApp ನಲ್ಲಿನ ಪೇಮೆಂಟ್ಸ್‌ ಮೂಲಕ ಹಣಕಾಸು ಸಂಸ್ಥೆಗಳಲ್ಲಿರುವ ಖಾತೆಗಳ ಮಧ್ಯೆ ಹಣ ವರ್ಗಾವಣೆ ಮಾಡಬಹುದು. ಕಾರ್ಡ್ ಮತ್ತು ಬ್ಯಾಂಕ್ ನಂಬರ್‌ಗಳನ್ನು ಎನ್ಕ್ರಿಪ್ಟ್ ಮಾಡಿ, ಅತ್ಯಂತ ಸುರಕ್ಷಿತ ನೆಟ್‌ವರ್ಕ್‌ನಲ್ಲಿ ಸಂಗ್ರಹಿಸಲಾಗುತ್ತದೆ. ಆದರೆ, ಈ ಪೇಮೆಂಟ್‌ಗಳಿಗೆ ಸಂಬಂಧಿಸಿದ ಮಾಹಿತಿಯನ್ನು ಸ್ವೀಕರಿಸದೇ ವಹಿವಾಟುಗಳನ್ನು ಹಣಕಾಸು ಸಂಸ್ಥೆಗಳು ಪ್ರಕ್ರಿಯೆಗೊಳಿಸಲು ಸಾಧ್ಯವಿಲ್ಲದ್ದರಿಂದ, ಈ ಪೇಮೆಂಟ್‌ಗಳು ಆರಂಭದಿಂದ ಕೊನೆಯವರೆಗೆ ಎನ್ಕ್ರಿಪ್ಟ್ ಮಾಡಲಾಗುವುದಿಲ್ಲ.
WhatsApp ಕಾಲಿಂಗ್‌ ಮೂಲಕ, ನೀವು ಇನ್ನೊಂದು ದೇಶದಲ್ಲಿದ್ದರೂ ನಿಮ್ಮ ಸ್ನೇಹಿತರು ಮತ್ತು ಕುಟುಂಬದವರ ಜೊತೆ ಮಾತನಾಡಬಹುದು. ನಿಮ್ಮ ಮೆಸೇಜ್‌ಗಳ ಹಾಗೆಯೇ, WhatsApp ಕಾಲ್‌ಗಳೂ ಕೂಡ ಆರಂಭದಿಂದ ಕೊನೆಯವರೆಗೆ ಎನ್ಕ್ರಿಪ್ಟ್ ಆಗಿವೆ. ಇದರಿಂದಾಗಿ, WhatsApp ಮತ್ತು ತೃತೀಯ ಪಕ್ಷಗಳು ಇವುಗಳನ್ನು ಕೇಳಿಸಿಕೊಳ್ಳಲು ಸಾಧ್ಯವಿರುವುದಿಲ್ಲ.
ನಿಮ್ಮ ಮೆಸೇಜ್‌ಗಳು ನಿಮ್ಮ ಕೈಯಲ್ಲೇ ಇರಬೇಕು. ಇದೇ ಕಾರಣಕ್ಕೆ, WhatsApp ಒಮ್ಮೆ ಮೆಸೇಜ್‌ಗಳನ್ನು ಡೆಲಿವರಿ ಮಾಡಿದ ನಂತರ ಅವುಗಳನ್ನು ಸಂಗ್ರಹಿಸಿಟ್ಟುಕೊಳ್ಳುವುದಿಲ್ಲ ಹಾಗೂ ಆರಂಭದಿಂದ ಕೊನೆಯವರೆಗೆ ಎನ್‌ಕ್ರಿಪ್ಷನ್‌ ಎಂದರೆ WhatsApp ಮತ್ತು ತೃತೀಯ ಪಕ್ಷಗಳು ಅವುಗಳನ್ನು ಹೇಗೂ ಓದಲು ಸಾಧ್ಯವಿಲ್ಲ ಎಂದರ್ಥ.
ನೀವು ಮಾಡುವ ಕಾಲ್‌ಗಳು ಮತ್ತು ನೀವು ಕಳುಹಿಸುವ ಮೆಸೇಜ್‌ಗಳು ಆರಂಭದಿಂದ ಕೊನೆಯವರೆಗೆ ಎನ್ಕ್ರಿಪ್ಟ್ ಆಗಿವೆ ಎಂಬುದನ್ನು ನೀವೇ ಪರಿಶೀಲಿಸಿಕೊಳ್ಳಲು WhatsApp ನಿಮಗೆ ಅವಕಾಶ ನೀಡುತ್ತದೆ. ಕಾಂಟ್ಯಾಕ್ಟ್‌ ಮಾಹಿತಿ ಅಥವಾ ಗ್ರೂಪ್ ಮಾಹಿತಿಯಲ್ಲಿರುವ ಇಂಡಿಕೇಟರ್ ಅನ್ನು ನೋಡಿ ಸಾಕು.
ಓಪನ್ ವಿಸ್ಪರ್ ಸಿಸ್ಟಮ್ಸ್‌ ಸಹಭಾಗಿತ್ವದ ಅಭಿವೃದ್ಧಿಪಡಿಸಿದ WhatsApp ನ ಆರಂಭದಿಂದ ಕೊನೆಯವರೆಗಿನ ಎನ್‌ಕ್ರಿಪ್ಷನ್‌ ಕುರಿತು ಆಳವಾದ ತಾಂತ್ರಿಕ ವಿವರಣೆಯನ್ನು ಓದಿ.
ನಿಯತ ಭದ್ರತೆ ಅಪ್‌ಡೇಟ್‌ಗಳಿಗಾಗಿ ಭದ್ರತಾ ಸಲಹೆಗಳನ್ನು ನೋಡಿ.