WhatsApp செயலியைத் தொடங்கிய நாளில் இருந்தே, நீங்கள் நண்பர்களுடன் தொடர்பில் இருப்பதற்கும், இயற்கைப் பேரிடர்களின்போது முக்கியமான தகவல்களைப் பகிர்வதற்கும், பிரிந்திருக்கும் குடும்பத்தினருடன் ஒன்றிணைவதற்கும், வாழ்வை இன்னும் சிறப்பாக்குவதற்குமான செயலியாக அதைக் கட்டமைத்து வருகிறோம். WhatsApp மூலம் உங்களின் தனிப்பட்ட தருணங்களையும் பகிர்வீர்கள் என்பதால், எங்கள் செயலியை முழு மறையாக்கத்துடன் கட்டமைத்துள்ளோம். முழு மறையாக்கம் செய்யப்பட்டுள்ளபோது, உங்களின் செய்திகள், புகைப்படங்கள், காணொலிகள், ஆவணங்கள், அழைப்புகள் ஆகியவை முறைகேடாகப் பயன்படுத்தப்படாத வகையில் பாதுகாக்கப்படுகின்றன.
நீங்களும் உங்கள் செய்தியைப் பெறுபவரும் எங்கள் செயலியைப் பயன்படுத்தும்போது, WhatsApp-இன் முழு மறையாக்கம் கிடைக்கப்பெறுகிறது. பெரும்பாலான செய்தியிடல் செயலிகள் உங்களுக்கும் செயலிகளுக்கும் இடையில் மட்டுமே மறையாக்கத்தைப் பராமரித்திடும். ஆனால் WhatsApp-இன் முழு மறையாக்கம், உங்களுக்கும் நீங்கள் செய்தி பரிமாறுபவருக்கும் மட்டுமே செய்திகள் காட்டப்படுவதை உறுதி செய்கிறது. அவற்றை WhatsApp உட்பட வேறு எவரும் படிக்க முடியாது. இதனால் உங்கள் செய்திகள் பத்திரமாகப் பாதுகாக்கப்படுகின்றன. மேலும் நீங்களும் உங்கள் செய்தியைப் பெறுபவரும் மட்டுமே அவற்றைப் படிப்பதற்கான தனிப்பட்ட சாவியைக் கொண்டிருப்பீர்கள். கூடுதல் பாதுகாப்பிற்காக, நீங்கள் அனுப்புகின்ற ஒவ்வொரு செய்தியும் ஒரு தனிப்பட்ட பூட்டு-சாவியைக் கொண்டிருக்கும். இவை எல்லாமே தானாகவே நடக்கும்: அமைப்புகளில் எதையும் இயக்கத் தேவையில்லை, உங்கள் செய்திகளைப் பாதுகாப்பதற்கு தனிப்பட்ட ரகசிய அரட்டைகளை உருவாக்கத் தேவையில்லை.
குறிப்பிட்ட சில நாடுகளில் WhatsApp பேமெண்ட்ஸ் கிடைக்கப்பெறுகிறது. இது நிதி நிறுவனங்களில் உள்ள கணக்குகளுக்கு இடையே பணப் பரிமாற்றங்களைச் செய்வதில் உதவிடும். கார்டு எண்களும், வங்கி எண்களும் உயர் பாதுகாப்பு கொண்ட நெட்வொர்க்கில் மறையாக்கம் செய்யப்பட்டு சேமிக்கப்படுகின்றன. எனினும், பேமெண்ட்கள் தொடர்பான தகவல்கள் இல்லாமல் நிதி நிறுவனங்களால் பரிவர்த்தனைகளைச் செயலாக்க முடியாது என்பதால், பேமெண்ட்கள் முழு மறையாக்கம் செய்யப்படுவதில்லை.
உங்கள் நண்பர்களுடனும் குடும்பத்தினருடனும் பேசுவதற்கு WhatsApp அழைப்பு உங்களுக்கு உதவிடும், அவர்கள் வேறு நாட்டில் இருந்தாலும் கூட. உங்கள் செய்திகளைப் போன்றே, WhatsApp அழைப்புகளும் முழு மறையாக்கம் செய்யப்பட்டிருக்கும். இதனால் WhatsApp உட்பட வேறு எவராலும் அவற்றைக் கேட்க முடியாது.
உங்கள் செய்திகளை வேறு எவரும் படிக்க முடியாது. இதனால்தான் நீங்கள் அனுப்பிய செய்திகள் சென்றடைந்த பின்னர் WhatsApp அவற்றைத் தனது சேவையகங்களில் சேமிப்பதில்லை. மேலும் முழு மறையாக்கம் என்பது WhatsApp மற்றும் வேறு எவரும் அவற்றை எந்த வகையிலும் படிக்க முடியாது என்று பொருள்படும்.
நீங்கள் செய்கின்ற அழைப்புகளும், அனுப்புகின்ற செய்திகளும் முழு மறையாக்கத்துடன் பாதுகாக்கப்படுகின்றனவா என்பதை WhatsApp செயலியில் உங்களால் காண இயலும். தொடர்பு விவரம் அல்லது குழு விவரத்தில் இதைக் காணலாம்.
Open Whisper Systems உடனான கூட்டிணைப்பில் உருவாக்கப்பட்டுள்ள WhatsApp-இன் முழு மறையாக்கம் தொடர்பான iவிரிவான தொழில்நுட்ப விளக்கத்தைப் படியுங்கள்.