‏WhatsApp کی شروع سے آخر تک مرموز کاری تب دستیاب ہوتی ہے جب آپ اور وہ لوگ جنہیں آپ پیغامات بھیجتے ہیں ہماری ایپ استعمال کرتے ہیں۔ پیغام رسانی کی بہت سی ایپس صرف اپنے اور آپ کے درمیان پیغامات کو مرموز کرتی ہیں، لیکن WhatsApp کی شروع سے آخر تک مرموز کاری اس بات کو یقینی بناتی ہے کہ صرف آپ اور وہ جس سے آپ بات کر رہے ہیں، درمیان میں کوئی اور نہیں حتیٰ کہ WhatsApp بھی نہیں، بھیجا ہوا پیغام پڑھ سکیں۔ ایسا اس لیے ہے کیونکہ آپ کے پیغامات ایک قفل سے حفاظت یافتہ ہوتے ہیں اور صرف آپ اور وصول کنندہ کے پاس انہیں غیر مقفل کرنے اور پڑھنے کے لیے درکار خاص چابی ہے۔ مزید حفاظت کے لیے، آپ کا بھیجا ہوا ہر پیغام ایک منفرد تالا اور چابی رکھتا ہے۔ یہ سب خودکار طور پر ہوتا ہے: اپنے پیغامات کو محفوظ کرنے کے لیے ترتیبات کو آن کرنے یا کوئی خاص خفیہ چیٹس سیٹ اپ کرنے کی ضرورت نہیں ہوتی۔

‏WhatsApp پر ادائیگیاں، جو مخصوص ملکوں میں دستیاب ہیں، مالیاتی اداروں میں اکاؤنٹس کے درمیان منتقلیاں فعال کرتی ہیں۔ کارڈ اور بنک نمبرز مرموز حالت میں اور انتہائی محفوظ نیٹ ورک میں اسٹور کیے جاتے ہیں۔ تاہم، چونکہ مالیاتی ادارے ان ادائیگیوں سے متعلق معلومات موصول کیے بغیر ٹرانزیکشنز پر کارروائی نہیں کر سکتے، اس لیے یہ ادائیگیاں شروع سے آخر تک مرموز نہیں ہیں۔