WhatsApp સુરક્ષા
પ્રાઇવસી અને સુરક્ષા અમારી રગેરગમાં છે
શરૂઆતથી જ અમે WhatsAppને એવી રીતે બનાવ્યું છે કે તમે કુદરતી આફતો દરમિયાન તમારા મિત્રોના સંપર્કમાં રહી શકો અને જરૂરી માહિતીને શેર કરી શકો, વિખૂટા પડી ગયેલા કુટુંબો સાથે પુનઃજોડાણ સાધી શકો, અથવા સારું જીવન શોધી શકો. અમે વાકેફ છીએ કે તમે તમારી ખૂબ જ વ્યક્તિગત ક્ષણોને WhatsApp દ્વારા શેર કરો છો, એટલે જ અમે ઍપમાં તમારા માટે એન્ડ-ટૂ-એન્ડ એન્ક્રિપ્શન સુવિધા વિકસાવી છે. જ્યારે એન્ડ-ટૂ-એન્ડ એન્ક્રિપ્શન સુરક્ષા હોય, ત્યારે તમારા મેસેજ, ફોટા, વીડિયો, વોઇસ મેસેજ, ડોક્યુમેન્ટ અને કૉલ ખોટા હાથમાં પડવા સામે સુરક્ષિત છે.
વ્યક્તિગત મેસેજિંગ
જ્યારે તમે WhatsApp Messengerનો ઉપયોગ કરીને અન્ય વ્યક્તિને મેસેજ મોકલો ત્યારે WhatsAppની એન્ડ-ટૂ-એન્ડ એન્ક્રિપ્શન સુરક્ષાનો ઉપયોગ કરવામાં આવે છે. એન્ડ-ટૂ-એન્ડ એન્ક્રિપ્શન સુનિશ્ચિત કરે છે કે જે કંઇ મોકલવામાં આવ્યું હોય તેને ફક્ત તમે અને તમે જેની સાથે વાતચીત કરતા હો તે વ્યક્તિ જ વાંચી કે સાંભળી શકે, વચ્ચેની બીજી કોઈપણ વ્યક્તિ નહિ, WhatsApp પણ નહિ. આ એટલા માટે કે એન્ડ-ટૂ-એન્ડ એન્ક્રિપ્શનની સુરક્ષા દ્વારા તમારા મેસેજને એક લૉકથી સુરક્ષિત કરવામાં આવે છે અને ફક્ત એ મેસેજ મેળવનાર અને તમારી પાસે જ તેને ખોલી અને વાંચવા માટે જરૂરી ચાવી હોય છે. આ બધું આપમેળે થાય છે: તમારા મેસેજ સુરક્ષિત રાખવા માટે ના તો કોઈ સેટિંગ ચાલુ કરવાની જરૂર છે કે ના તો કોઈ ખાનગી ચેટ માટે સેટઅપની જરૂર છે.
બિઝનેસ મેસેજિંગ
દરેક WhatsApp મેસેજ સરખાં સાંકેતિક કોડ દ્વારા સુરક્ષિત છે જે તમારા ડિવાઇસ પરથી મોકલતા પહેલાં જ મેસેજને સુરક્ષિત કરી દે છે. બિઝનેસ એકાઉન્ટને મેસેજ મોકલો, ત્યારે તમારો મેસેજ સુરક્ષિત રીતે બિઝનેસ દ્વારા પસંદ કરવામાં આવેલી નિર્ધારિત જગ્યાએ પહોંચાડવામાં આવે છે.
WhatsApp એવા બિઝનેસ સાથેની ચેટને ધ્યાનમાં લે છે કે જેઓ WhatsApp Business ઍપ્લિકેશનનો ઉપયોગ કરે છે અથવા ગ્રાહકોના મેસેજને એન્ડ-ટૂ-એન્ડ એન્ક્રિપ્શનથી સુરક્ષિત રાખવા પોતે જ તેનું સંચાલન અને સંગ્રહ કરે છે. એક વાર મેસેજ મળી જાય પછી, તે જે તે બિઝનેસની પોતાની પ્રાઇવસી પોલિસીને આધીન રહેશે. બિઝનેસ તેમને મળતા મેસેજને આગળ વધારવા અને તેનો જવાબ આપવા માટે ઘણાં કર્મચારીઓ કે અન્ય વેન્ડરને નિયુક્ત કરી શકે છે.
કેટલાક બિઝનેસ1 સુરક્ષિત રીતે મેસેજનો સંગ્રહ કરવા અને ગ્રાહકોને જવાબ આપવા માટે WhatsAppની પેરેન્ટ કંપની Facebookનો ઉપયોગ કરવાનું પસંદ કરી શકશે. કોઈ બિઝનેસની પ્રાઇવસીની રીતો વિશે વધુ જાણવા માટે તમે કોઈ પણ સમયે તેમનો સંપર્ક કરી શકો છો.
પેમેન્ટ
પસંદગીના દેશોમાં ઉપલબ્ધ WhatsApp પેમેન્ટ નાણાકીય સંસ્થાઓમાં એકાઉન્ટ વચ્ચે ટ્રાન્સફરને શક્ય બનાવે છે. કાર્ડ અને બેંકના નંબરોને ઉચ્ચ ગુણવત્તાવાળા સુરક્ષિત નેટવર્ક પર સાચવવામાં આવે છે. જોકે, નાણાકીય સંસ્થાઓ આ પેમેન્ટ સંબંધિત માહિતી મેળવ્યા વિના નાણાકીય લેવડદેવડની પ્રક્રિયા કરી શકતી ન હોવાને કારણે આ પેમેન્ટ એન્ડ-ટૂ-એન્ડ એન્ક્રિપ્શન ધરાવતા હોતા નથી.
બધું તમારા નિયંત્રણમાં છે
તમારા મેસેજ સાથે શું થાય છે તેની જાણ તમને થાય તે WhatsApp સુનિશ્ચિત કરવા ઇચ્છે છે. જો તમે કોઈ વ્યક્તિ કે બિઝનેસના મેસેજ મેળવવા માગતા ન હો, તો તમે સીધા જ ચેટમાંથી તેમની સાથે સંપર્ક તોડી શકો છો અથવા તમારી સંપર્ક યાદીમાંથી તેમને ડિલીટ કરી શકો છો. અમે એ સુનિશ્ચિત કરવા માગીએ છીએ કે તમારા મેસેજનું સંચાલન કેવી રીતે થાય છે તે તમે સમજો અને તમારી પાસે તમને અનુકૂળ યોગ્ય નિર્ણય લેવાનો વિકલ્પ રહે.
મુક્તપણે વાત કરો
WhatsApp કૉલિંગ તમને તમારા મિત્રો તથા કુટુંબીજનો સાથે વાત કરવાની સગવડ આપે છે, પછી ભલેને તેઓ બીજા દેશમાં રહેતા હોય.
મેસેજ કે જે તમારી સાથે રહે છે
એન્ડ-ટૂ-એન્ડ એન્ક્રિપ્ટેડ મેસેજ મોકલાયા બાદ તે તમારા ડિવાઇસમાં સ્ટોર થાય છે, તેને WhatsAppના સર્વર પર સ્ટોર કરવામાં આવતા નથી.
તમારી જાતે ખાતરી કરો
WhatsApp તમને તમે કરેલા કૉલ અને મોકલેલા મેસેજ એન્ડ-ટૂ-એન્ડ એન્ક્રિપ્ટેડ છે કે કેમ એ તપાસવા દે છે. ચેટ કે સંપર્કની માહિતી અથવા બિઝનેસની માહિતીમાં જઈને બસ સૂચકને તપાસો.
વિગતો મેળવો
Open Whisper Systemsના સહયોગથી વિકસાવેલ WhatsAppની એન્ડ-ટૂ-એન્ડ એન્ક્રિપ્શન સુવિધા વિશે ઊંડાણપૂર્વકની ટેકનિકલ સ્પષ્ટતા વાંચો.
નિયમિત સુરક્ષા અપડેટ માટે સુરક્ષા ભલામણો તપાસો.
1 2021માં.