WhatsApp-ı yaratmaqda məqsədimiz dostlarınızla əlaqə saxlamağınıza, təbii fəlakətlər zamanı mühüm məlumatları paylaşmağınıza, uzaq düşdüyünüz ailəniz ilə yenidən əlaqə saxlamağınıza və ya daha yaxşı həyat axtarmağınıza kömək etməkdir. Ən gizli məlumatlarınızın bəziləri WhatsApp vasitəsilə paylaşılır, buna görə də tətbiqimizdə tam şifrələmə quraşdırmışıq. Tam şifrələmə mesaj, foto, video, səsli mesaj, sənəd və zənglərinizin başqa insanların əlinə keçməsinin qarşısını alır.
Siz və mesaj yazdığınız insanlar tətbiqimizdən istifadə etdikdə WhatsApp-ın tam şifrələməsi əlçatan olur. Bir çox mesajlaşma tətbiqləri yalnız sizin və onların arasında olan mesajları şifrələyir, lakin WhatsApp-ın tam şifrələməsi sayəsində siz və ünsiyyətdə olduğunuz şəxsdən başqa heç kim, hətta WhatsApp da mesajlarınızı oxuya bilmir. Bunun səbəbi odur ki, mesajlarınız kilid ilə qorunur və yalnız qəbul edən şəxslə siz mesajları kiliddən çıxarıb oxumaq üçün xüsusi açara sahibsiniz. Göndərdiyiniz hər bir mesajı əlavə qorumaq üçün xüsusi kilid və açar olur. Bütün bu proseslər avtomatik baş verir: mesajlarınızı qorumaq üçün ayarları aktiv etməyə və ya xüsusi gizli söhbətlər quraşdırmağa ehtiyac yoxdur.
Seçilmiş ölkələrdə əlçatan olan WhatsApp ödənişləri maliyyə qurumlarındakı hesablar arasında köçürmələr həyata keçirməyə imkan yaradır. Kart və bank nömrələri şifrələnmiş halda etibarlı şəbəkədə saxlanılır. Bununla belə, maliyyə qurumları bu ödənişlər haqqında müvafiq məlumatları qəbul etmədən transaksiyaları işləyə bilmədiyinə görə bu ödənişlər tam şifrələnmir.
WhatsApp Zəngi dostlarınız və ailəniz başqa ölkədə olsa belə, onlarla danışmağınıza imkan yaradır. Mesajlarınız kimi WhatsApp zəngləri də tam şifrələmə ilə qorunur, odur ki, WhatsApp və üçüncü tərəflər onları dinləyə bilməz.
Mesajlarınız öz əlinizdə olmalıdır. Bu səbəbdən də WhatsApp mesajlarınızı çatdırdıqdan sonra onları serverlərimizdə saxlamır və tam şifrələmə olduğuna görə WhatsApp və üçüncü tərəflər heç vaxt onları oxuya bilmir.
WhatsApp etdiyiniz zənglərin və göndərdiyiniz mesajların tam şifrələnib-şifrələnmədiyini yoxlamağınıza imkan verir. Sadəcə olaraq kontakt məlumatı və ya qrup məlumatında göstəriciyə nəzər yetirin.
WhatsApp-ın Open Whisper Systems ilə əməkdaşlıq çərçivəsində hazırladığı tam şifrələmə haqqında ətraflı texniki izahatı oxuyun.