WhatsApp سیکیورٹی

روز اول سے ہی، ہم نے WhatsApp کو اس طرح سے بنایا ہے کہ آپ اپنے دوستوں کے ساتھ رابطے میں رہ سکیں، قدرتی آفات کے دوران ضروری معلومات شیئر کر سکیں، فیملی کے بچھڑے ہوئے لوگوں سے دوبارہ جڑ سکیں یا بہتر زندگی گزار سکیں۔ آپ کے کچھ انتہائی ذاتی لمحات WhatsApp کے ذریعے شیئر ہوتے ہیں، اسی وجہ سے ہم نے اپنی ایپ میں شروع سے آخر تک مرموز کاری کی خصوصیت بنائی ہے۔ شروع سے آخر تک مرموز ہونے پر آپ کے پیغامات، تصاویر، ویڈیوز، صوتی پیغامات، دستاویزات اور کالز غلط ہاتھوں میں جانے سے بچے رہتے ہیں۔

WhatsApp کی شروع سے آخر تک مرموز کاری اس وقت استعمال ہوتی ہے جب آپ کسی دوسرے شخص کو WhatsApp Messenger کے ذریعے پیغام بھیجتے ہیں۔ شروع سے آخر تک مرموز کاری اس بات کو یقینی بناتی ہے کہ صرف آپ اور وہ شخص ہی بھیجی گئی چیزوں کو پڑھ یا سن سکیں جس کے ساتھ آپ بات چیت کر رہے ہیں، نہ کہ کوئی اور، حتی کہ WhatsApp بھی نہیں۔ اس کی وجہ یہ ہے کہ شروع سے آخر تک مرموز کاری کی وجہ سے، آپ کے پیغامات لاک کے ذریعے محفوظ ہوتے ہیں، اور ان کو ان لاک کرنے اور پڑھنے کے لیے درکار خصوصی کلید صرف موصول کنندہ اور آپ کے پاس ہی موجود ہوتی ہے۔ یہ سب خودکار طور پر ہوتا ہے: اپنے پیغامات کو محفوظ کرنے کے لیے ترتیبات کو آن کرنے یا کوئی خاص خفیہ چیٹس سیٹ اپ کرنے کی ضرورت نہیں ہے۔

WhatsApp پر ہر پیغام سگنل کی رمزکاری کے اسی پروٹوکول کے ذریعے محفوظ کیا جاتا ہے جو پیغامات کو آپ کے آلے سے بھیجے جانے سے قبل محفوظ کرتا ہے۔ جب آپ WhatsApp Business اکاؤنٹ پر پیغام بھیجتے ہیں تو آپ کا پیغام کاروبار کی منتخب کردہ منزل تک محفوظ طریقے سے پہنچایا جاتا ہے۔

WhatsApp ایسے کاروباروں کے ساتھ چیٹس کو شروع سے آخر تک مرموز تصور کرتا ہے جو WhatsApp Business ایپ کا استعمال کرتے ہیں یا کسٹمر کے پیغامات کا خود ہی نظم اور انہیں اسٹور کرتے ہیں۔ جب پیغام موصول ہوتا ہے تو اس پر کاروبار کی رازداری کے اپنے طریقہ کار کا اطلاق ہو گا۔ کاروبار پیغام پر کارروائی کرنے اور اس کا جواب دینے کے لیے کئی ملازمین یا یہاں تک کہ دیگر وینڈرز کو بھی نامزد کر سکتے ہیں۔

کچھ کاروبار ¹ پیغامات کو محفوظ طریقے سے اسٹور کرنے اور صارفین کو جواب دینے کے لیے WhatsApp کی پیرنٹ کمپنی، Facebook، کا انتخاب کر سکیں گے۔ آپ کبھی بھی اس کاروبار سے اس کی رازداری کے طریقوں کے بارے میں مزید معلومات کے لیے رابطہ کر سکتے ہیں۔

WhatsApp پر پیمنٹس جو کہ چنندہ ممالک میں دستیاب ہیں، بینکس میں اکاؤنٹس کے بیچ رقم ٹرانسفر کرنے کو ممکن بناتی ہیں۔ کارڈ اور بینک نمبرز کو مرموز کر کے اور بے حد محفوظ نیٹ ورک میں اسٹور کیا جاتا ہے۔ تاہم، چونکہ مالیاتی ادارے ان پیمنٹس سے متعلق معلومات موصول کیے بغیر ٹرانزیکشنز پر کارروائی نہیں کر سکتے لہذا یہ پیمنٹس شروع سے آخر تک مرموز نہیں ہوتی ہیں۔

WhatsApp یہ یقینی بنانا چاہتا ہے کہ آپ کو معلوم رہے کہ آپ کے پیغامات کا نظم کس طرح ہو رہا ہے۔ اگر آپ کسی شخص یا کاروبار سے پیغامات وصول نہیں کرنا چاہتے ہیں تو آپ انہیں کبھی بھی چیٹ سے براہ راست بلاک کر سکتے ہیں یا انہیں اپنے روابط کی فہرست سے حذف کر سکتے ہیں۔ ہم اس بات کو یقینی بنانا چاہتے ہیں کہ آپ یہ جانیں کہ آپ کے پیغامات کو کس طرح سنبھالا جا رہا ہے اور آپ کے پاس اپنے لیے درست فیصلے کرنے کے لیے اختیارات موجود ہیں۔