Për të të mbajtur të sigurt, kemi projektuar një eksperiencë me siguri të klasit botëror për mesazhet dhe telefonatat, kemi ndërtuar mjete inovative për të ta dhënë ty kontrollin dhe jemi pranë teje për të të mbështetur sa herë që ke nevojë.
Askush nuk mund të kërkojë numrin tënd të telefonit apo të lexojë mesazhet e tua personale.
Ne kapim dhe heqim shumicën e përmbajtjeve të bezdisshme dhe llogarive mashtruese, madje para se të mund të arrijnë tek ti apo para se t'i raportojë dikush.
Ne të kërkojmë të verifikosh identitetin tënd nëse zbulojmë përpjekje të dyshimta ose të paautorizuara për të të marrë llogarinë.
Shiko këta hapa të thjeshtë që do të shtojnë shtresa të reja mbrojtjeje për të mos i lejuar piratët kibernetikë dhe postuesit e bezdisshëm të vjedhin llogarinë dhe të dhënat e tua.
Konfiguro një PIN të fshehtë dhe mos e ndaj asnjëherë me askënd për të mos lejuar të të vjedhin llogarinë.
Përdorimi i versioneve të rreme të WhatsApp përbën rrezik serioz për privatësinë dhe sigurinë e llogarisë dhe të dhënave të tua.
Kontrollo se kush mund të të shtojë te grupet dhe se kush mund të bashkohet te grupet e tua dhe hiq anëtarët ose mesazhet kur është e nevojshme.
Mëso për mashtrimet e zakonshme dhe masat që mund të marrësh për të mbrojtur veten dhe të afërmit e tu.
Raportimi i mesazheve, njerëzve ose bizneseve na ndihmon ta mbajmë WhatsApp të sigurt për të gjithë. Mos u shqetëso, nuk do ta njoftojmë dërguesin.
Nëse një person me të cilin nuk dëshiron të bisedosh të dërgon mesazhe, thjesht bllokoje dhe ne do të bëjmë të mundur që të mos i marrësh më mesazhet apo telefonatat e atij personi.
Nëse ke humbur të drejtën e qasjes në llogarinë tënde, regjistro përsëri numrin tënd të telefonit. Bisedat e kaluara janë të sigurta në telefonin tënd dhe nuk mund të lexohen nga asnjë person që përpiqet të ketë qasje në llogarinë tënde.
