WhatsAppdagi maxfiylikka
oid savollaringizga javob berish.

Yoʻq, biz shaxsiy xabarlaringiz doʻstlar, oila, sinfdoshlar yoki boshqa odamlar bilan yakkama-yakka yoki guruh chatlari boʻlishidan qatʼi nazar, ularni koʻra olmaymiz. Biz ushbu xabarlarni ularni qurilmangizdan chiqishidan oldin himoyalaydigan Signal protokoli yordamida boshidan oxirigacha shifrlash orqali himoyalaymiz. Bu shuni anglatadiki, chatdan tashqarida hech kim, hatto WhatsApp yoki Meta ham ularni oʻqiy olmaydi, tinglay olmaydi yoki ulasha olmaydi. Bu yerda boshidan oxirigacha shifrlash qanday ishlashi haqida batafsil axborot olishingiz mumkin.

Biznes xabarlashuv va Meta AI oʻrtasida baʼzi farqlar mavjud boʻlib, ularni quyida tushuntiramiz.

Biznesning ishlash xususiyatini hisobga olgan holda, biz WhatsAppda shaxsiy xabarlar va biznes bilan xabarlarni ajratamiz. Mobil telefon orqali xabarlashuv oʻrniga, bizneslar koʻpincha bir nechta xodim va AI mijozlarga yordam xizmati orqali mijoz soʻrovlariga javob berish imkonini beradigan yanada murakkab operatsiyalarga ega boʻladi. Ularga xabarlarni saqlash va ularga javob berish uchun joy ham zarur.

Koʻplab bizneslar Metani bulut xizmati provayderi sifatida tanlaydi. Shu sababli biz ushbu xabarlarni boshidan oxirigacha shifrlangan boshidan oxirigacha shifrlangan deb hisoblamaymiz.

Odamlar WhatsAppda bizneslar bilan muloqot qilishni xohlashgani uchun ushbu yechimlarni yaratdik – bu esa email yoki chaqiruvlarga nisbatan tezroq va shaxsiyroq muqobil variantdir.

Unutmang, biror biznes bilan muloqot qilsangiz, u siz bergan axborotlardan oʻz marketing maqsadlari uchun foydalanishi mumkin – masalan, bu Meta platformasida reklama qilishni oʻz ichiga olishi mumkin. Biror biznes Meta xizmatlaridan foydalanayotganida batafsil axborot olishingiz uchun sizga chat ichida koʻk tizim xabarini chiqaramiz.

Shaxsiy xabarlarning mazmunini koʻra olmaymiz, chunki ular boshidan oxirigacha shifrlanadi. Bundan tashqari, biz hech kimning kimlarga xabar yozayotgani yoki chaqiruv qilayotgani jurnalini saqlamaymiz. Biz uch milliard foydalanuvchi uchun alohida qaydlarni saqlash maxfiylik uchun zararli deb oʻylaymiz va buni qilmaymiz.

Funksiyalarimizni yaxshilashda davom etishimiz uchun ulardan qanday foydalanilayotganini tushunish imkoniyatiga egamiz va buni amalga oshirganimizda shaxsiy tafsilotlarni olib tashlashni maqsad qilganmiz. Biz bu yerda tushuntirilganidek, muayyan shaxs yoki telefon raqamiga bogʻlash mumkin boʻlgan shaxsiy tafsilotlarni olib tashlaydigan texnologiyani yaratganmiz.

Shuningdek, biz ilgʻor avtomatlashtirilgan tizimlar va hisobotlar orqali spam yoki qoidabuzarliklarni aniqlash bilan shugʻullanamiz. Masalan, daqiqasiga 1000 ta xabar yuborayotgan foydalanuvchi, ehtimol, avtomatlashtirilgan spam hisob boʻlib, biz bunday foydalanuvchini WhatsAppdan foydalanishdan bloklamoqchimiz. Bunday suiisteʼmollik holatlarida muammo aniqlangach, kim kimga xabar yuborganini koʻrish imkoniyatimiz mavjud.

Bunday imkoniyatimiz borligi uchun baʼzan bu axborotlarni taqdim etish boʻyicha qonuniy topshiriq olamiz. Biz huquqni muhofaza qiluvchi organlarning asosli so‘rovlariga qanday javob berishimiz borasida shaffofmiz va bu yerda batafsil axborot olishingiz mumkin.

Doʻstlar va oila aʼzolari bilan guruhlarda yuborilgan xabarlarni koʻra olmaymiz, chunki ular ham boshidan oxirigacha shifrlanadi.

Biz xabarlarni kerakli joyga yetkazish uchun qaysi telefon raqamlari qaysi guruhga tegishli ekanini bilamiz. Shuningdek, biz mavjud boʻlsa, guruhning nomi, tavsifi va profil rasmini bilamiz. Bu axborotlardan bolalarga nisbatan jinsiy zoʻravonlik materiallarini ulashish kabi qoidabuzarlik faoliyati bilan shugʻullanayotgan deb hisoblangan guruhlarni bloklash uchun foydalanamiz. Bu yerda batafsil axborot olishingiz mumkin.

Biz mamlakat yoki shahar kabi umumiy (aniq boʻlmagan) joylashuvingizni taxmin qilish, toʻlov kabi funksiyalarni yoqish yoki mahalliy qonun va normativ hujjatlarga rioya qilish uchun IP manzilingiz va telefon raqamingizga asoslanamiz.

Bundan tashqari, siz haqiqiy aniq joylashuvingizni chatda boshqalarga ulashish imkoniyatiga egasiz. Bu funksiya haqiqiy GPS joylashuvingizga asoslanadi va WhatsApp ham, Meta ham koʻra olmasligi uchun boshidan oxirigacha shifrlash bilan himoyalanadi.

Boshidan oxirigacha shifrlashda shaxsiy xabarlaringiz hech kimga, jumladan, WhatsApp va Metaga koʻrinmaydi. Biz butun dunyo boʻylab odamlarni tezkor va ishonchli xizmatlar bilan dastaklash uchun Meta texnologiyasiga tayanamiz, lekin WhatsApp shaxsiy maʼlumotlariga kirish cheklangan, shuning uchun u boshqa Meta ilovalari tomonidan ishlatilishi mumkin emas – bu reklamalarni oʻz ichiga oladi - bu quyidagi uchta aniq maqsaddan biri boʻlgan holatlar bundan mustasno: 1) qancha odamga xizmat koʻrsatayotganimizni aniqlash, biz buni ochiq kompaniya boʻlganimiz va ushbu axborotlar haqida xabar berishimiz kerakligi uchun qilamiz; 2) odamlarni xavfsiz saqlashga yordam berish, biz buni muhim deb hisoblaymiz; va 3) sizga toʻlovlar, Meta AI yoki Meta mahsulotlarida ishlaydigan Hisoblar markazi kabi ixtiyoriy funksiyalarni taqdim etish. Bu yerda batafsil axborot olishingiz mumkin.

Agar xohlasangiz, WhatsApp hisobingizni mavjud Facebook yoki Instagram hisobiga boʻlgan Hisoblar markaziga qoʻshishingiz mumkin. Bu ilovalar orasida bogʻlangan taassurotlarni taʼminlaydigan ixtiyoriy funksiyadir. Hisoblaringizni ulash orqali WhatsAppda yaratilgan Statusingizni Facebook yoki Instagramdagi hikoyalarga oson ulashishingiz mumkin va Meta AI'ni ushbu ilovalarga ulashgan axborotlaringiz bilan yanada moslashtirishingiz mumkin. Boshqa Meta ilovalari ushbu taassurotlarni taʼminlash uchun siz haqingizdagi axborotlarni oladi. Lekin yana takrorlaymiz, shaxsiy xabarlar va chaqiruvlaringiz boshidan oxirigacha shifrlangan holatda qoladi va reklama maqsadlarida ishlatilmaydi.

Odamlar Meta AI'ni sinash va uning imkoniyatlarini oʻrganishdan juda mamnun WhatsApp dunyo boʻylab AI bilan muloqot qilishning eng mashhur usullaridan biri hisoblanadi. WhatsAppda Meta AI ishlatish mutlaqo ixtiyoriy. Suhbatni boshlash uchun oʻzingiz chatni ochishingiz yoki AI’ga xabar yuborishingiz kerak boʻladi. Agar Meta AI bilan bevosita yoki guruhlaringizda suhbatlashishni tanlasangiz, Meta siz yoki boshqalar yuborgan narsalarni oladi. Yana takrorlaymiz, shaxsiy xabarlariingiz boshidan oxirigacha shifrlanadi va Meta AI ularni koʻra olmaydi.

WhatsAppdan Meta AI siz haqingizda hech narsani bilmasligi uchun u bilan hech qanday muloqot qilmasdan ham WhatsAppdan foydalanishingiz mumkin. Lekin Meta AI bilan xabarlashuvni boshlaganingizdan keyin u siz shaxs yoki biznesga yuborishingiz mumkin boʻlgan xabarlarga oʻxshab unga yuborganlaringizni oʻrganadi. Meta AI'ga faqat u eslab qolishiga rozi boʻlgan maʼlumotlaringizni yuborishingiz kerak. Meta AI faqat siz xabar yuborishni tanlaganingizda “yoqiladi” va buni Meta yoki WhatsApp emas, faqat siz yoki guruh ishtirokchisi boshlay oladi. Meta AI'ga xabar yuboruvchilar uchun koʻplab maxfiylik boshqaruvlarini yaratdik. Bu yerda batafsil axborot olishingiz mumkin.

Bundan tashqari, biz odamlar WhatsApp yoki Meta oʻqiy olmasdan oʻz xabarlari va boshqa AI vositalarining foydali xulosalarini yetkazish uchun AI imkoniyatlaridan maxfiylikni saqlash usulida qanday foydalanishi mumkinligini birinchi boʻlib koʻrsatmoqdamiz.

Agar WhatsAppdan faqat doʻstlar va oila aʼzolaringizga xabar yuborish uchun foydalansangiz, unda hech qanday reklama chiqmaydi. Agar Yangilanishlar sahifasidan foydalansangiz, sizga Tanituv kanallari, shuningdek, Reklamalarni Statusda joylashtirayotgan bizneslarga xabar yuborishingiz mumkin boʻlgan kanallarni chiqaramiz. Bu holatda reklamalarni chiqarish uchun ishlatiladigan axborotlar mamlakat yoki shahar, til, siz kuzatadigan kanallar va siz koʻradigan har qanday reklamalar bilan qanday munosabatda boʻlishingiz kabi cheklangan axborotlarga asoslanadi. Agar WhatsApp hisobingizni Facebook va Instagramga ulashni tanlasangiz, biz u yerdagi axborotlardan ham foydalanamiz. Shaxsiy xabarlaringiz butunlay yopiq va reklamaga hech qanday aloqasi yoʻq. Bu yerda batafsil axborot olishingiz mumkin.

Yoʻq, tinglamaymiz. Shaxsiy xabarlar, chaqiruvlar va statuslaringiz boshidan oxirigacha shifrlanadi. Ularni WhatsApp ham, Meta ham koʻra olmaydi yoki tinglay olmaydi va biz ulardan sizga reklamalar chiqarish uchun foydalanmaymiz.

Ha, odamlarning shaxsiy suhbat qilish huquqini himoya qilish – asosiy maqsadimizdir. Biz tizimlarimizga maxfiy kirish yoʻllarini joriy etishga yoki “mijoz tomonida skanerlash” va “kuzatuvchanlik” kabi boshqa zararli gʻoyalar orqali maxfiylikni zaiflashtirishga uringan hukumatlarga qarshi chiqqanmiz.

Bundan tashqari, jamoalarimiz tizimlarimiz va foydalanuvchilarimizga qilingan hujumlarni aniqlab, ularni qaytarishga muvaffaq boʻldi va biz hujumchilarni javobgarlikka tortmoqchimiz. WhatsApp tijorat josuslik dasturlari kompaniyasini odamlarning mobil qurilmalariga josuslik qilishga uringani uchun AQSH qonunchiligi boʻyicha javobgarlikka tortishga muvaffaq boʻlgan birinchi tashkilot boʻldi. Bu adolatni taʼminlash va kelajakdagi hujumlardan, xoh bizga, xoh boshqa texnologiya kompaniyalariga qarshi boʻlsin, himoyalanish uchun muhim harakat edi.

Biz shaxsiy hayotingizni himoya qilishda davom etamiz.