WhatsApp میں ہمارا بنیادی مقصد دنیا بھر کے تین ارب صارفین کو پرائیویٹ طور پر بات چیت کرنے کی سہولت فراہم کرنا ہے۔ جیسا کہ ہماری ایپ اب بزنس میسجنگ، چینلز اور Meta AI کی سہولت بھی فراہم کرتی ہے، ہم ان خصوصیات کے کام کرنے کے طریقے اور آپ کی پرائیویسی کے تحفظ کیلئے برسوں کی محنت پر کیسے قائم رہتے ہیں، اس کے بارے میں عام سوالات کے جواب دے رہے ہیں۔
نہیں، ہم آپ کے ذاتی میسجز نہیں دیکھ سکتے، چاہے وہ دوستوں، فیملی، ہم جماعتوں یا دوسرے لوگوں کے ساتھ ایک دوسرے سے بات چیت ہوں یا گروپ چیٹس۔ ہم ان میسجز کو سگنل پروٹوکول کے ذریعے اینڈ ٹو اینڈ اینکرپشن سے محفوظ بناتے ہیں، جو آپ کے میسجز کو آپ کی ڈیوائس سے نکلنے سے پہلے محفوظ کر دیتا ہے۔ اس کا مطلب ہے کہ چیٹ کے باہر کوئی بھی، یہاں تک کہ WhatsApp یا Meta بھی، انہیں نہ پڑھ سکتا ہے، نہ سن سکتا ہے اور نہ ہی شیئر کر سکتا ہے۔ اینڈ ٹو اینڈ اینکرپشن کے کام کرنے کے طریقے کے بارے میں مزید معلومات آپ یہاں سے حاصل کر سکتے ہیں۔
بزنس میسجنگ اور Meta AI میں کچھ فرق ہے، جس کی وضاحت ہم نیچے کریں گے۔
بزنسز کے طریقہ کار کو مدنظر رکھتے ہوئے، ہم نے WhatsApp میں ذاتی میسجز اور بزنس میسجز کے درمیان فرق رکھا ہے۔ موبائل فون سے میسج بھیجنے کے بجائے، بزنسز عموماً ایسے پیچیدہ نظام استعمال کرتے ہیں جن کے ذریعے متعدد افراد اور AI کسٹمر سپورٹ صارفین کے سوالات کا جواب دے سکتے ہیں۔ انہیں میسجز کو اسٹور کرنے اور جواب دینے کیلئے ایک جگہ کی بھی ضرورت ہوتی ہے۔
بہت سے بزنسز Meta کو اپنا کلاؤڈ اسٹوریج فراہم کنندہ کے طور پر منتخب کرتے ہیں۔ اسی وجہ سے ہم ان میسجز کو اینڈ ٹو اینڈ اینکرپٹڈ نہیں سمجھتے۔
ہم نے یہ حل اس لیے تیار کیے ہیں کیونکہ لوگ WhatsApp پر بزنسز سے رابطہ کرنا چاہتے ہیں، اور یہ ای میل یا فون کالز کے مقابلے میں زیادہ تیز اور ذاتی طریقہ ہے۔
براہ کرم یاد رکھیں کہ جب آپ کسی بزنس سے بات چیت کرتے ہیں، تو وہ آپ کی دی گئی معلومات کو اپنے مارکیٹنگ کے مقاصد کے لیے استعمال کر سکتا ہے، جیسے کہ Meta پر ایڈورٹائزنگ۔ جب کوئی بزنس Meta کی سروسز استعمال کر رہا ہوتا ہے، تو ہم چیٹ میں ایک نیلا سسٹم میسج دکھاتے ہیں تاکہ آپ مزید جان سکیں۔
ہم ذاتی میسجز کا کنٹنٹ نہیں دیکھ سکتے کیونکہ یہ اینڈ ٹو اینڈ اینکرپٹڈ ہوتے ہیں۔ اس کے علاوہ، ہم یہ ریکارڈ نہیں رکھتے کہ کون کس کو میسج یا کال کر رہا ہے۔ ہمارا خیال ہے کہ تین ارب صارفین کے انفرادی ریکارڈز رکھنا پرائیویسی کیلئے نقصان دہ ہوگا، اور ہم ایسا نہیں کرتے۔
ہمارے پاس یہ صلاحیت ہے کہ ہم سمجھ سکیں کہ ہماری خصوصیات کیسے استعمال ہو رہی ہیں تاکہ ہم انہیں بہتر بنا سکیں، اور ایسا کرتے وقت ہم ذاتی معلومات کو ہٹانے کی کوشش کرتے ہیں۔ ہم نے ایسی ٹیکنالوجی تیار کی ہے جو ذاتی معلومات کو ہٹا دیتی ہے جو کسی مخصوص شخص یا فون نمبر سے منسلک ہو سکتی ہیں، جیسا کہ یہاں وضاحت کی گئی ہے۔
ہم جدید خودکار سسٹمز اور رپورٹس کے ذریعے بھی اسپیم یا غلط استعمال کا پتا لگانے کی کوشش کرتے ہیں۔ مثال کے طور پر، اگر کوئی صارف ایک منٹ میں 1,000 میسجز بھیج رہا ہو، تو غالباً وہ ایک خودکار اسپیم اکاؤنٹ ہوگا، اور ہم اس پر WhatsApp استعمال کرنے کے حوالے سے پابندی لگانا چاہیں گے۔ ایسے غلط استعمال کے معاملات میں، جب کوئی مسئلہ سامنے آتا ہے، تو ہمارے پاس یہ صلاحیت ہوتی ہے کہ ہم دیکھ سکیں کون کس کو میسج بھیج رہا ہے۔
چونکہ ہمارے پاس یہ صلاحیت موجود ہے، اس لیے ہمیں کبھی کبھار یہ معلومات فراہم کرنے کے قانونی احکامات موصول ہوتے ہیں۔ ہم اس بارے میں شفاف ہیں کہ ہم قانون نافذ کرنے والے اداروں کی جائز درخواستوں کا کیسے جواب دیتے ہیں، اور اس بارے میں آپ یہاں مزید جان سکتے ہیں۔
ہم دوستوں اور فیملی کے گروپس میں بھیجے گئے میسجز نہیں دیکھ سکتے کیونکہ وہ بھی اینڈ ٹو اینڈ اینکرپٹڈ ہوتے ہیں۔
ہم یہ ضرور جانتے ہیں کہ کون سا فون نمبر کس گروپ سے متعلق ہے تاکہ میسجز صحیح جگہ پر ڈیلیور کیے جا سکیں۔ ہمیں گروپ کا نام، اس کی تفصیل، اور پروفائل کی تصویر بھی معلوم ہوتی ہے، اگر وہ موجود ہو۔ ہم اس معلومات کا استعمال ان گروپس پر پابندی لگانے کیلئے کرتے ہیں جن کے بارے میں ہمیں لگتا ہے کہ وہ غلط سرگرمی میں ملوث ہیں، جیسے کہ بچوں سے جنسی زیادتی سے متعلق کنٹنٹ شیئر کرنا۔ آپ یہاں مزید جان سکتے ہیں۔
ہم آپ کے IP ایڈریس اور فون نمبر پر انحصار کرتے ہیں تاکہ آپ کی عمومی (نہ کہ بالکل عین محل وقوع) لوکیشن جیسے ملک یا شہر کا اندازہ لگایا جا سکے، تاکہ پیمنٹس جیسی سہولیات فراہم کی جا سکیں یا مقامی قوانین و ضوابط کی پیروی کی جا سکے۔
اس کے علاوہ، آپ کے پاس یہ صلاحیت بھی ہے کہ آپ چیٹ میں دوسروں کے ساتھ اپنی درست (عین محل وقوع) موجودہ لوکیشن شیئر کریں۔ یہ خصوصیت آپ کی اصل GPS لوکیشن پر انحصار کرتی ہے اور یہ اینڈ ٹو اینڈ اینکرپشن سے محفوظ ہوتی ہے، تاکہ نہ WhatsApp اور نہ ہی Meta اسے دیکھ سکے۔
اینڈ ٹو اینڈ اینکرپشن کی وجہ سے کوئی بھی آپ کے ذاتی میسجز نہیں دیکھ سکتا، WhatsApp اور Meta بھی نہیں۔ ہم دنیا بھر کے لوگوں کو تیز اور قابلِ اعتماد سروس فراہم کرنے کیلئے Meta کی ٹیکنالوجی پر انحصار کرتے ہیں، تاہم WhatsApp کے ذاتی ڈیٹا تک رسائی محدود ہے، تاکہ اسے دیگر Meta ایپس کے ذریعے، بشمول اشتہارات دکھانے کیلئے استعمال نہ کیا جا سکے، سوائے تین مخصوص مقاصد کے: 1) یہ جاننے کے لیے کہ ہم کتنے لوگوں کو سروس دے رہے ہیں، کیونکہ ہم ایک پبلک کمپنی ہیں اور ہمیں یہ معلومات رپورٹ کرنی ہوتی ہیں؛ 2) لوگوں کو محفوظ رکھنے کیلئے، جو ہمارا ایک اہم مقصد ہے؛ اور 3) آپ کو کچھ اختیاری خصوصیات فراہم کرنے کیلئے، جیسے کہ پیمنٹس، Meta AI، یا اکاؤنٹس سنٹر، جو Meta کی مختلف پروڈکٹس میں کام کرتا ہے۔ آپ یہاں مزید جان سکتے ہیں۔
اگر آپ چاہیں تو، آپ اپنے WhatsApp اکاؤنٹ کو کسی موجودہ Facebook یا Instagram اکاؤنٹ کے ساتھ اکاؤنٹس سنٹر میں شامل کر سکتے ہیں۔ یہ ایک اختیاری خصوصیت ہے جو مختلف ایپس کے درمیان مربوط تجربات کو ممکن بناتی ہے۔ اپنے اکاؤنٹس کو لنک کرنے سے آپ WhatsApp پر بنایا گیا اسٹیٹس آسانی سے Facebook یا Instagram سٹوریز میں شیئر کر سکتے ہیں، اور ان ایپس پر شیئر کی گئی معلومات کے ذریعے Meta AI کو مزید ذاتی نوعیت کا بنا سکتے ہیں۔ ان تجربات کو ممکن بنانے کیلئے Meta کی دوسری ایپس کو آپ کی معلومات موصول ہوں گی۔ یہ یاد رکھیں، آپ کے ذاتی میسجز اور کالز اینڈ ٹو اینڈ اینکرپشن کے تحت محفوظ ہوتے ہیں اور انہیں اشتہارات کے مقصد کیلئے استعمال نہیں کیا جا سکتا۔
لوگ Meta AI کے ساتھ تجربہ کرنے اور اس کی خصوصیات کو دریافت کرنے کیلئے بہت پُرجوش ہیں، اور WhatsApp دنیا بھر میں AI استعمال کرنے کے مقبول ترین ذرائع میں سے ایک ہے۔ WhatsApp پر Meta AI کا استعمال مکمل طور پر اختیاری ہے۔ گفتگو شروع کرنے کے لیے آپ کو کوئی عمل کرنا ہوگا۔ جیسے کہ چیٹ کھولنا یا AI کو کوئی میسج بھیجنا۔ اگر آپ Meta AI سے براہِ راست یا کسی گروپ میں چیٹ کرنا منتخب کرتے ہیں، تو Meta کو وہ سب موصول ہوتا ہے جو آپ یا دوسرے لوگ اسے بھیجتے ہیں۔ ایک بار پھر واضح رہے کہ آپ کے ذاتی میسجز اینڈ ٹو اینڈ انکرپٹڈ ہوتے ہیں اور Meta AI انہیں نہیں دیکھ سکتا۔
Meta AI کو انگیج کیے بغیر بھی آپ WhatsApp استعمال کر سکتے ہیں، لہٰذا اسے آپ کے بارے میں کوئی معلومات نہیں ہوتی۔ لیکن جب آپ Meta AI کو میسج کرنا شروع کرتے ہیں، تو یہ وہی سیکھتا ہے جو آپ اسے بھیجتے ہیں، بالکل ویسا ہی جیسے آپ کسی شخص یا بزنس کو میسج بھیجتے ہیں۔ Meta AI آپ کی معلومات یاد رکھتا ہے، اس لیے آپ کو اسے صرف وہ معلومات بھیجنی چاہیے جس کے یاد رکھے جانے سے آپ کو کوئی پریشانی نہ ہو۔ Meta AI صرف اسی وقت 'آن' ہوتا ہے جب آپ اسے میسج کرنے کا انتخاب کرتے ہیں، اور یہ عمل صرف آپ یا گروپ کے کسی رکن کی طرف سے شروع کیا جا سکتا ہے، نہ کہ Meta یا WhatsApp کی طرف سے۔ ہم نے Meta AI کو میسجز بھیجنے والوں کیلئے کئی پرائیویسی کنٹرولز تیار کیے ہیں۔ آپ یہاں مزید جان سکتے ہیں۔
اس کے علاوہ، ہم اس بات میں بھی پیش پیش ہیں کہ لوگ کس طرح پرائیویسی کو محفوظ رکھتے ہوئے AI کی صلاحیتوں سے فائدہ اٹھا سکیں، تاکہ ان کے میسجز کے مفید خلاصے اور دیگر AI ٹولز فراہم کیے جا سکیں، جو WhatsApp یا Meta بھی پڑھ نہ سکے۔
اگر آپ WhatsApp صرف دوستوں اور فیملی سے بات چیت کیلئے استعمال کرتے ہیں، تو آپ کو اشتہارات نظر نہیں آئیں گے۔ اگر آپ اپ ڈیٹس ٹیب استعمال کرتے ہیں، تو ہم آپ کو پروموٹڈ چینلز اور ایسے بزنسز بھی دکھائیں گے جنہیں آپ میسج کر سکتے ہیں اور جو اپنے اسٹیٹس میں اشتہارات لگا رہے ہیں۔ اس صورت میں، اشتہارات دکھانے کے لیے جو معلومات استعمال کی جاتی ہیں وہ محدود ہوتی ہیں، جیسے آپ کا ملک یا شہر، زبان، آپ کن چینلز کو فالو کر رہے ہیں، اور آپ اشتہارات کے ساتھ کس طرح انٹریکٹ کرتے ہیں۔ اگر آپ اپنا WhatsApp اکاؤنٹ Facebook اور Instagram سے لنک کرنے کا انتخاب کرتے ہیں، تو ہم وہاں سے بھی معلومات استعمال کرتے ہیں۔ اشتہارات سے متعلق کسی بھی چیز کیلئے آپ کے میسجز بالکل استعمال نہیں ہوتے ہیں۔ آپ یہاں مزید جان سکتے ہیں۔
نہیں، ہم ایسا نہیں کرتے۔ آپ کے ذاتی میسجز، کالز اور اسٹیٹس اینڈ ٹو اینڈ اینکرپٹڈ ہوتے ہیں۔ نہ تو WhatsApp اور نہ ہی Meta انہیں دیکھ یا سن سکتے ہیں، اور ہم انہیں آپ کو اشتہارات دکھانے کے لیے استعمال نہیں کرتے۔
جی ہاں، لوگوں کی ذاتی گفتگوؤں کے حق کا تحفظ ہمارے مشن کا بنیادی حصہ ہے۔ ہم نے ان حکومتوں کے خلاف موقف اختیار کیا ہے جنہوں نے ہمارے سسٹمز میں "بیک ڈورز" لگانے یا "کلائنٹ-سائیڈ سکیننگ" اور "ٹریس ایبلیٹی" جیسے غیرموثر خیالات کے ذریعے پرائيویسی کو کمزور کرنے کی کوشش کی ہے۔
اس کے علاوہ، ہماری ٹیموں نے کامیابی سے ہمارے سسٹمز اور صارفین پر ہونے والے حملوں کی نشاندہی کی اور انہیں ناکام بنایا، ور ہم ان حملہ آوروں کو جواب دہ ٹھرانے کی کوشش کرتے ہیں۔ WhatsApp پہلی تنظیم تھی جو امریکی قانون کے تحت ایک کمرشل سپائی ویئر کمپنی کو لوگوں کے موبائل ڈیوائسز کی نگرانی کرنے کی کوشش پر جوابدہ ٹھہرانے میں کامیاب رہی۔ یہ قدم انصاف کے حصول اور مستقبل کے ممکنہ حملوں سے بچاؤ کے لیے اٹھایا گیا، چاہے وہ حملے ہمارے خلاف ہوں یا دیگر ٹیکنالوجی کمپنیوں کے خلاف۔
ہم آپ کی پرائیویسی کے تحفظ کیلئے اپنا مؤقف برقرار رکھیں گے۔
