Pagsagot sa iyong mga tanong
tungkol sa privacy sa WhatsApp.

Hindi namin makikita ang iyong mga personal na message, ito man ay one-on-one o mga group chat sa mga kaibigan, pamilya, kaklase o iba pang tao. Pinoprotektahan namin ang mga message na ito sa pamamagitan ng end-to-end na pag-encrypt gamit ang Signal protocol, na sine-secure ng iyong mga message bago umalis sa device mo ang mga ito. Ibig sabihin, walang sinuman na hindi kasali sa chat, miski ang WhatsApp o Meta ang maaaring makabasa, makarinig o makapag-share ng mga ito. Maaari mong malaman pa kung paano gumagana ang end-to-end na pag-encrypt dito.

May ilang pagkakaiba pagdating sa business messaging at Meta AI, na ipapaliwanag namin sa ibaba.

Dahil sa paraan ng pag-operate ng mga negosyo, gumagawa kami ng kaibahan sa pagitan ng mga personal na message sa WhatsApp at sa mga negosyong iyon. Sa halip na mag-message mula sa mobile phone, madalas ang mga negosyo ay mayroong mas kumplikadong mga operation na nagpapahintulot sa maraming tao at AI customer support na tumugon sa mga tanong ng customer. Kailangan din nila ng lugar para i-store at tugunan ang mga message.

Maraming negosyo ang pinipili ang Meta bilang kanilang cloud storage provider. Dahil dito, hindi namin itinuturing na naka-encrypt nang end-to-end ang mga message na ito.

Binuo namin ang mga solusyon na ito dahil gusto naming makipag-usap ang mga tao sa mga negosyo sa WhatsApp at mas mabilis at mas pribadong alternatibo ito sa email o mga tawag sa telepono.

Mangyaring tandaan kapag nakikipag-usap ka sa isang negosyo, maaari nitong gamitin ang impormasyong ibinibigay mo rito para sa sarili nitong mga layuning pang-marketing, na halimbawa ay maaaring may kasamang advertising sa Meta. Kapag gumagamit ang negosyo ng mga serbisyo ng Meta, magpapakita kami sa iyo ng blue system message sa loob ng chat para may malaman ka pa.

Hindi namin makikita ang content ng mga personal na message dahil naka-encrypt nang end-to-end ang mga ito. Dagdag pa rito, hindi kami nagpapanatili ng mga log ng mine-message o tinatawagan ng lahat. Sa tingin namin ang pagpapanatili ng mga indibiduwal na rekord para sa tatlong bilyong user ay magiging masama para sa privacy at hindi namin ito ginagawa.

Mayroon kaming kakayahang maunawaan kung paano ginagamit ang aming mga feature para patuloy naming mapaganda ang mga ito, at nilalayon naming alisin ang mga personal na detalye kapag ginawa namin ito. Bumuo kami ng teknolohiya na nag-aalis ng mga personal na detalye na maaaring iugnay sa partikular na tao o phone number gaya ng ipinaliwanag dito.

Nagtatrabaho rin kami para makita ang spam o pang-aabuso sa pamamagitan ng advanced na mga automated system at report. Halimbawa, ang isang user na nagpapadala ng 1,000 message sa isang minuto ay malamang isang automated na spam account at gugustuhin naming i-ban ito sa paggamit ng WhatsApp. Sa pang-aabuso na tulad nito, may kakayahan kaming makita kung sino ang mine-message ng partikular na tao kapag natukoy ang problema.

Dahil may ganito kaming kakayahan, minsan nakakatanggap kami ng mga legal na utos para ibigay ang impormasyong ito. Malinaw kami sa kung paano kami tumutugon sa valid na mga request ng nagpapatupad ng batas at maaari mong malaman pa dito.

Hindi namin makikita ang mga message na ipinapadala sa mga group sa mga kaibigan at pamilya dahil naka-encrypt nang end-to-end din ang mga ito.

Alam kung anong mga phone number ang kabilang sa group para maihatid namin ang mga message sa tamang lugar. Alam din namin ang pangalan, paglalarawan at profile picture ng group kung mayroon. Ginagamit namin ang impormasyong ito para i-ban ang mga group na sa tingin namin ay sumasali sa mapang-abusong aktibidad, tulad ng pag-share ng materyal na tungkol sa sekswal na pang-aabuso sa bata. Maaari mong malaman pa dito.

Umaasa kami sa iyong IP address at phone number para matantya ang iyong pangkalahatan (hindi ang eksaktong) lokasyon, tulad ng bansa o lungsod, para ma-enable ang mga feature tulad ng mga pagbabayad, o para sumunod sa mga lokal na batas at regulasyon.

Dagdag pa rito, may kakayahan kang i-share ang iyong aktwal na eksaktong lokasyon sa iba na nasa chat. Umaasa ang feature na ito sa iyong aktwal na GPS location at protektado ito ng end-to-end na pag-encrypt, kaya hindi ito makikita ng WhatsApp o ng Meta.

Sa end-to-end na pag-encrypt, walang sinumang makakakita ng iyong mga personal na message, kasama ang WhatsApp at Meta. Umaasa kami sa Meta technology para suportahan ang mga tao sa buong mundo sa pamamagitan ng mabilis at maaasahang mga serbisyo, gayunpaman, limitado ang access sa personal na data sa WhatsApp kay hindi ito magagamit ng iba pang mga Meta app – kasama rito ang mga ad – maliban kung ito ay para sa isa sa tatlong partikular na mga layunin: 1) para malaman kung ilang tao ang pinaglilingkuran namin, at ginagawa namin ito dahil kami ay isang public na kumpanya at kailangang i-report ang impormasyong ito. 2) para tulungang mapanatiling ligtas ang mga tao, na sa tingin namin ay mahalaga; at 3) para bigyan ka ng mga opsyonal na feature, tulad ng mga pagbabayad, Meta AI o Accounts Cener na gumagana sa mga produkto ng Meta. Maaari mong malaman pa rito.

Kung gusto mo, maaari mong idagdag ang iyong WhatsApp account sa isang Accounts Center sa dati nang Facebook o Instagram account. Opsyonal na feature ito na nagpapahintulot sa mga experience sa mga app. Sa pag-link ng iyong mga account, madali mong mase-share ang iyong Status na ginawa sa WhatsApp sa Stories sa Facebook o Instagram, at higit mo pang mape-personalize ang Meta AI gamit ang impormasyong na-share mo sa mga app na iyon. Matatanggap ng iba pang mga Meta app ang impormasyon tungkol sa iyo para ma-enable ang mga experience na ito. Pero muli, nananatiling naka-encrypt nang end-to-end ang iyong mga personal na message at tawag at wala itong mga ad.

Talagang excited ang mga tao na subukan at i-explore ang mga posibilidad ng Meta Ai, at ang WhatsApp ay isa sa pinakasikat na mga paraan para makipag-ugnayan ang mga tao sa AI sa buong daigdig. Ganap na opsyonal ang paggamit ng Meta AI sa WhatsApp. Kailangan mong gumawa ng aksyon para simulan ang pag-uusap sa pamamagitan ng pagbubukas ng chat o pagpapadala ng message sa AI. Kung pipiliin mong makipag-chat sa Meta AI, nang direkta o sa iyong mga group, matatanggap ng Meta ang ipapadala mo o ipapadala rito ng iba. Muli, naka-encrypt nang end-to-end ang iyong mga personal na message at hindi nakikita ng Meta AI ang mga ito.

Magagamit mo ang WhatsApp nang hindi nakikipag-ugnayan sa Meta AI, kaya wala itong nalalaman. Pero kapag nagsimula kang mag-message sa Meta AI, matututunan nito kung ano ipinapadala mo, katulad ng kung ano ang maaari mong i-message sa isang tao o negosyo. Dapat mo lang ipadala sa Meta AI ang kumportable kang matandaan nito. Ang Meta AI ay ‘naka-ON’ lang kapag pinili mong mag-message dito, at ikaw lang o ang kasali sa group ang pwedeng magsimula nito, hindi ang Meta o WhatsApp. Bumuo kami ng napakaraming privacy control para sa mga nagpapadala ng mga message sa Meta AI. Maaari mong alamin pa rito.

Dagdag pa rito, binubuo namin kung paano magagamit ng mga tao ang mga capability ng AI sa isang paraan na nagpapanatili ng privacy para magbigay ng nakakatulong na mga summary ng kanilang mga message at iba pang mga AI tool nang hindi mababasa ng WhatsApp o Meta ang mga ito.

Kung ginagamit mo lang ang WhatsApp para mag-message sa mga kaibigan at pamilya, hindi ka makakakita ng anumang ad. Kung gagamitin mo ang tab ng Mga Update, magpapakita kami sa iyo ng Promoted Channels pati rin ang mga message na pwede mong ma-message na naglalagay ng mga Ad sa Status. Sa ganitong sitwasyon, ang impormasyong ginagamit para magpakita ng mga ad ay umaasa sa limitadong impormasyon tulad ng iyong bansa o lungsod, wika, mga channel na pina-follow mo at kung paano ka nakikipag-interact sa anumang ad na nakikita mo. Kung pipiliin mong i-link ang iyong WhatsApp account sa Facebook at Instagram, gumagamit din kami ng impormasyon mula roon. Walang kaugnayan ang iyong mga personal na message sa anumang may kinalaman sa mga ad. Maaari mong malaman pa rito.

Hindi kami nakikinig. Naka-encrypt nang end-to-end ang iyong mga personal na message, tawag at mga Status. Hindi makikita o maririnig ng WhatsApp o Meta ang mga ito, at hindi namin ginagamit ang mga ito para magpakita sa iyo ng mga ad.

Oo, ito ay mahalaga sa aming misyon na protektahan ang karapatan ng mga tao sa mga pribadong pag-uusap. Dumipensa kami laban sa gobyerno na hinangad na sapilitang makapasok sa aming mga system nang walang pahintulot o para pahinain ang privacy sa pamamagitan ng iba pang mga masamang ideya tulad ng “client-side scanning” at “traceability.”

Dagdag pa rito, matagumpay na natukoy at ni-repel ng aming mga team ang mga pag-aatake sa aming mga system at user, at pananagutin namin ang mga nang-aatake. Ang WhatsApp ay ang unang organisasyon na matagumpay na pinanagot ang kumpanya ng komersyal na spyware sa ilalim ng batas ng U.S. dahil sa pagsubok na magmanman sa mga mobile device ng mga tao. Mahalagang aksyon ito para humingi ng hustisya at magbigay ng proteksyon sa mga pang-aatake sa hinaharap, ito man ay laban sa amin o sa iba pang mga kumpanya ng teknolohiya.

Magpapatuloy kaming depensahan ang iyong privacy.