WhatsApp 'ਤੇ ਸਾਡਾ ਮੁੱਖ ਫੋਕਸ ਦੁਨੀਆਂ ਭਰ ਦੇ ਤਿੰਨ ਅਰਬ ਵਰਤੋਂਕਾਰਾਂ ਨੂੰ ਨਿੱਜੀ ਤੌਰ 'ਤੇ ਸੰਚਾਰ ਕਰਨ ਦੀ ਯੋਗਤਾ ਪ੍ਰਦਾਨ ਕਰਨਾ ਹੈ। ਜਿਵੇਂ-ਜਿਵੇਂ ਸਾਡੀ ਐਪ ਵੀ ਬਿਜ਼ਨੈੱਸ ਮੈਸੇਜਿੰਗ, ਚੈਨਲ ਅਤੇ Meta AI ਦਾ ਸਮਰਥਨ ਕਰਨ ਲਈ ਵਿਕਸਿਤ ਹੋ ਰਹੀ ਹੈ, ਉਵੇਂ-ਉਵੇਂ, ਅਸੀਂ ਇਨ੍ਹਾਂ ਫੀਚਰਾਂ ਦੇ ਕੰਮ ਕਰਨ ਦੇ ਤਰੀਕੇ ਅਤੇ ਤੁਹਾਡੀ ਪਰਦੇਦਾਰੀ ਦੀ ਸੁਰੱਖਿਆ ਲਈ ਸਾਲਾਂ ਤੋਂ ਚੱਲ ਰਹੇ ਕੰਮ ਨੂੰ ਜਾਰੀ ਰੱਖਣ ਦੇ ਤਰੀਕੇ ਬਾਰੇ ਕੁਝ ਆਮ ਸਵਾਲਾਂ ਦੇ ਜਵਾਬ ਦੇ ਰਹੇ ਹਾਂ।
ਨਹੀਂ, ਅਸੀਂ ਤੁਹਾਡੇ ਨਿੱਜੀ ਮੈਸੇਜ ਨਹੀਂ ਦੇਖ ਸਕਦੇ, ਭਾਵੇਂ ਉਹ ਦੋ ਵਿਅਕਤੀਆਂ ਦੀ ਆਪਸੀ ਚੈਟ ਵਿੱਚ ਹੋਵੇ ਜਾਂ ਦੋਸਤਾਂ, ਪਰਿਵਾਰ, ਸਹਿਪਾਠੀਆਂ ਜਾਂ ਹੋਰ ਲੋਕਾਂ ਨਾਲ ਕੀਤੀਆਂ ਜਾਣ ਵਾਲੀਆਂ ਚੈਟਾਂ ਵਿੱਚ ਹੋਣ। ਅਸੀਂ ਸਿਗਨਲ ਪ੍ਰੋਟੋਕੋਲ ਦੀ ਵਰਤੋਂ ਕਰਦਿਆਂ ਸਿਰੇ-ਤੋਂ-ਸਿਰੇ ਤੱਕ ਇੰਕ੍ਰਿਪਸ਼ਨ ਨਾਲ ਇਨ੍ਹਾਂ ਮੈਸੇਜਾਂ ਨੂੰ ਮਹਿਫੂਜ਼ ਕਰਦੇ ਹਾਂ, ਜਿਸ ਨਾਲ ਤੁਹਾਡੇ ਮੈਸੇਜ ਤੁਹਾਡੀ ਡਿਵਾਈਸ ਨੂੰ ਛੱਡਣ ਤੋਂ ਪਹਿਲਾਂ ਸੁਰੱਖਿਅਤ ਹੋ ਜਾਂਦੇ ਹਨ। ਇਸ ਦਾ ਮਲਤਬ ਇਹ ਹੈ ਕਿ ਚੈਟ ਤੋਂ ਬਾਹਰ ਕੋਈ ਵੀ, ਨਾ ਹੀ WhatsApp ਜਾਂ Meta, ਉਨ੍ਹਾਂ ਨੂੰ ਪੜ੍ਹ, ਸੁਣ ਜਾਂ ਸਾਂਝੇ ਕਰ ਸਕਦੇ ਹਨ। ਤੁਸੀਂ ਸਿਰੇ-ਤੋਂ-ਸਿਰੇ ਤੱਕ ਇੰਕ੍ਰਿਪਸ਼ਨ ਦੇ ਕੰਮ ਕਰਨ ਦੇ ਤਰੀਕੇ ਬਾਰੇ ਇੱਥੇ ਹੋਰ ਜਾਣ ਸਕਦੇ ਹੋ।
ਬਿਜ਼ਨੈੱਸ ਮੈਸੇਜਿੰਗ ਅਤੇ Meta AI ਦੇ ਮਾਮਲੇ ਵਿੱਚ ਇੱਥੇ ਕੁਝ ਅੰਤਰ ਹਨ, ਜਿਨ੍ਹਾਂ ਦੀ ਅਸੀਂ ਹੇਠਾਂ ਵਿਆਖਿਆ ਕਰਾਂਗੇ।
ਕਾਰੋਬਾਰਾਂ ਦੇ ਸੰਚਾਲਨ ਦੀ ਪ੍ਰਕ੍ਰਿਤੀ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਅਸੀਂ WhatsApp ਵਿੱਚ ਵਿਅਕਤੀਗਤ ਮੈਸੇਜਾਂ ਅਤੇ ਕਾਰੋਬਾਰਾਂ ਨੂੰ ਕੀਤੇ ਜਾਣ ਵਾਲੇ ਮੈਸੇਜਾਂ ਵਿੱਚ ਅੰਤਰ ਕਰਦੇ ਹਾਂ। ਕਿਸੇ ਮੋਬਾਈਲ ਫ਼ੋਨ ਤੋਂ ਮੈਸੇਜ ਕਰਨ ਦੀ ਬਜਾਏ, ਕਾਰੋਬਾਰਾਂ ਦੇ ਕੰਮ ਕਰਨ ਦੇ ਤਰੀਕੇ ਅਕਸਰ ਗੁੰਝਲਦਾਰ ਹੁੰਦੇ ਹਨ ਜੋ ਇੱਕ ਤੋਂ ਵੱਧ ਵਿਅਕਤੀਆਂ ਅਤੇ AI ਗਾਹਕ ਸਹਾਇਤਾ ਟੀਮ ਨੂੰ ਗਾਹਕ ਪੁੱਛਗਿੱਛਾਂ ਦਾ ਜਵਾਬ ਦੇਣ ਦੀ ਇਜਾਜ਼ਤ ਦਿੰਦੇ ਹਨ। ਉਨ੍ਹਾਂ ਨੂੰ ਮੈਸੇਜ ਸਟੋਰ ਕਰਨ ਅਤੇ ਜਵਾਬ ਦੇਣ ਲਈ ਥਾਂ ਦੀ ਲੋੜ ਵੀ ਹੁੰਦੀ ਹੈ।
ਕਈ ਕਾਰੋਬਾਰ ਆਪਣੇ ਕਲਾਊਡ ਸਟੋਰੇਜ ਪ੍ਰਦਾਨਕ ਵਜੋਂ Meta ਦੀ ਚੋਣ ਕਰਦੇ ਹਨ। ਇਸ ਕਾਰਨ ਕਰਕੇ, ਅਸੀਂ ਇਨ੍ਹਾਂ ਮੈਸੇਜਾਂ ਨੂੰ ਸਿਰੇ-ਤੋਂ-ਸਿਰੇ ਤੱਕ ਇੰਕ੍ਰਿਪਟਿਡ ਵਜੋਂ ਨਹੀਂ ਮੰਨਦੇ।
ਅਸੀਂ ਇਹ ਹੱਲ ਇਸ ਲਈ ਬਣਾਏ ਹਨ ਕਿਉਂਕਿ ਲੋਕ WhatsApp 'ਤੇ ਕਾਰੋਬਾਰਾਂ ਨਾਲ ਸੰਚਾਰ ਕਰਨਾ ਚਾਹੁੰਦੇ ਹਨ ਅਤੇ ਇਹ ਈਮੇਲ ਜਾਂ ਫ਼ੋਨ ਕਾਲਾਂ ਦਾ ਇੱਕ ਜ਼ਿਆਦਾ ਤੇਜ਼ ਅਤੇ ਨਿੱਜੀ ਵਿਕਲਪ ਹੈ।
ਕਿਰਪਾ ਕਰਕੇ ਯਾਦ ਰੱਖੋ ਕਿ ਜਦੋਂ ਤੁਸੀਂ ਕਿਸੇ ਕਾਰੋਬਾਰ ਨਾਲ ਸੰਚਾਰ ਕਰਦੇ ਹੋ, ਤਾਂ ਉਹ ਆਪਣੇ ਖੁਦ ਦੇ ਮਾਰਕੀਟਿੰਗ ਉਦੇਸ਼ਾਂ ਲਈ ਤੁਹਾਡੇ ਵੱਲੋਂ ਦਿੱਤੀ ਜਾਣਕਾਰੀ ਦੀ ਵਰਤੋਂ ਕਰ ਸਕਦਾ ਹੈ, ਜਿਸ ਵਿੱਚ, ਉਦਾਹਰਨ ਲਈ, Meta 'ਤੇ ਇਸ਼ਤਿਹਾਰਬਾਜ਼ੀ ਸ਼ਾਮਲ ਹੋ ਸਕਦੀ ਹੈ। ਜਦੋਂ ਕੋਈ ਕਾਰੋਬਾਰ Meta ਸੇਵਾਵਾਂ ਦੀ ਵਰਤੋਂ ਕਰ ਰਿਹਾ ਹੋਵੇ, ਤਾਂ ਅਸੀਂ ਤੁਹਾਨੂੰ ਚੈਟ ਦੇ ਅੰਦਰ ਇੱਕ ਨੀਲੇ ਰੰਗ ਦਾ ਸਿਸਟਮ ਮੈਸੇਜ ਦਿਖਾਉਂਦੇ ਹਾਂ, ਤਾਂ ਜੋ ਤੁਸੀਂ ਹੋਰ ਜਾਣ ਸਕੋ।
ਅਸੀਂ ਵਿਅਕਤੀਗਤ ਮੈਸੇਜਾਂ ਦੀ ਸਮੱਗਰੀ ਨੂੰ ਨਹੀਂ ਦੇਖ ਸਕਦੇ ਕਿਉਂਕਿ ਉਹ ਸਿਰੇ-ਤੋਂ-ਸਿਰੇ ਤੱਕ ਇੰਕ੍ਰਿਪਟਿਡ ਹੁੰਦੀ ਹੈ। ਇਸ ਤੋਂ ਇਲਾਵਾ, ਅਸੀਂ ਇਸ ਸੰਬੰਧੀ ਕੋਈ ਲੌਗ ਨਹੀਂ ਰੱਖਦੇ ਹਾਂ ਕਿ ਹਰ ਕਿਸੇ ਵੱਲੋਂ ਕਿਸਨੂੰ ਮੈਸੇਜ ਜਾਂ ਕਾਲ ਕੀਤੀ ਜਾ ਰਹੀ ਹੈ। ਅਸੀਂ ਮੰਨਦੇ ਹਾਂ ਕਿ ਤਿੰਨ ਅਰਬ ਵਰਤੋਂਕਾਰਾਂ ਲਈ ਵਿਅਕਤੀਗਤ ਰਿਕਾਰਡ ਰੱਖਣਾ ਪਰਦੇਦਾਰੀ ਲਈ ਠੀਕ ਨਹੀਂ ਹੋਵੇਗਾ ਅਤੇ ਅਸੀਂ ਅਜਿਹਾ ਨਹੀਂ ਕਰਦੇ।
ਸਾਡੇ ਕੋਲ ਇਹ ਸਮਝਣ ਦੀ ਯੋਗਤਾ ਹੁੰਦੀ ਹੈ ਕਿ ਸਾਡੇ ਫੀਚਰਾਂ ਦੀ ਵਰਤੋਂ ਕਿਵੇਂ ਕੀਤੀ ਜਾ ਰਹੀ ਹੈ ਤਾਂ ਜੋ ਅਸੀਂ ਉਨ੍ਹਾਂ ਨੂੰ ਬਿਹਤਰ ਬਣਾਉਣਾ ਜਾਰੀ ਰੱਖ ਸਕੀਏ, ਅਤੇ ਜਦੋਂ ਅਸੀਂ ਅਜਿਹਾ ਕਰਦੇ ਹਾਂ ਤਾਂ ਸਾਡਾ ਉਦੇਸ਼ ਨਿੱਜੀ ਵੇਰਵਿਆਂ ਨੂੰ ਹਟਾਉਣਾ ਹੁੰਦਾ ਹੈ। ਅਸੀਂ ਅਜਿਹੇ ਨਿੱਜੀ ਵੇਰਵਿਆਂ ਨੂੰ ਹਟਾਉਣ ਵਾਲੀ ਇੱਕ ਤਕਨਾਲੋਜੀ ਤਿਆਰ ਕੀਤੀ ਹੈ ਜਿਨ੍ਹਾਂ ਨੂੰ ਕਿਸੇ ਖਾਸ ਵਿਅਕਤੀ ਜਾਂ ਫ਼ੋਨ ਨੰਬਰ ਨਾਲ ਜੋੜਿਆ ਜਾ ਸਕੇ, ਜਿਵੇਂ ਕਿ ਇੱਥੇ ਦੱਸਿਆ ਗਿਆ ਹੈ।
ਅਸੀਂ ਉੱਨਤ ਸਵੈਚਲਿਤ ਸਿਸਟਮ ਅਤੇ ਰਿਪੋਰਟਾਂ ਦੁਆਰਾ ਸਪੈਮ ਜਾਂ ਦੂਰਵਰਤੋਂ ਦਾ ਪਤਾ ਲਗਾਉਣ ਲਈ ਵੀ ਕੰਮ ਕਰ ਰਹੇ ਹਾਂ। ਉਦਾਹਰਨ ਲਈ, ਇੱਕ ਮਿੰਟ ਵਿੱਚ 1,000 ਮੈਸੇਜ ਭੇਜਣ ਵਾਲਾ ਵਰਤੋਂਕਾਰ ਸੰਭਵ ਤੌਰ 'ਤੇ ਇੱਕ ਸਵੈਚਲਿਤ ਸਪੈਮ ਅਕਾਊਂਟ ਹੋ ਸਕਦਾ ਹੈ ਅਤੇ ਅਸੀਂ ਉਨ੍ਹਾਂ ਨੂੰ WhatsApp ਦੀ ਵਰਤੋਂ ਕਰਨ ਤੋਂ ਬੈਨ ਕਰਨਾ ਚਾਹਾਂਗੇ। ਇਸ ਤਰੀਕੇ ਦੇ ਦੁਰਵਿਹਾਰ ਦੇ ਮਾਮਲਿਆਂ ਵਿੱਚ, ਇੱਕ ਵਾਰ ਸਮੱਸਿਆ ਦੀ ਪਛਾਣ ਹੋ ਜਾਣ ਤੋਂ ਬਾਅਦ, ਸਾਡੇ ਕੋਲ ਇਹ ਦੇਖਣ ਦੀ ਯੋਗਤਾ ਹੁੰਦੀ ਹੈ ਕਿ ਕੌਣ ਕਿਸਨੂੰ ਮੈਸੇਜ ਕਰ ਰਿਹਾ ਹੈ।
ਕਿਉਂਕਿ ਸਾਡੇ ਕੋਲ ਇਹ ਯੋਗਤਾ ਹੈ, ਇਸ ਲਈ ਸਾਨੂੰ ਕਦੇ-ਕਦਾਈਂ ਇਹ ਜਾਣਕਾਰੀ ਪ੍ਰਦਾਨ ਕਰਨ ਲਈ ਕਨੂੰਨੀ ਆਰਡਰ ਪ੍ਰਾਪਤ ਹੁੰਦੇ ਹਨ। ਅਸੀਂ ਵੈਧ ਕਨੂੰਨ ਲਾਗੂਕਰਨ ਅਧਿਕਾਰੀ ਸੰਬੰਧੀ ਬੇਨਤੀਆਂ ਦਾ ਜਵਾਬ ਦੇਣ ਦੇ ਤਰੀਕੇ ਬਾਰੇ ਪਾਰਦਰਸ਼ੀ ਹਾਂ ਅਤੇ ਤੁਸੀਂ ਇੱਥੇਹੋਰ ਜਾਣ ਸਕਦੇ ਹੋ।
ਅਸੀਂ ਦੋਸਤਾਂ ਅਤੇ ਪਰਿਵਾਰ ਨਾਲ ਗਰੁੱਪਾਂ ਵਿੱਚ ਭੇਜੇ ਗਏ ਮੈਸੇਜਾਂ ਨੂੰ ਨਹੀਂ ਦੇਖ ਸਕਦੇ ਹਾਂ ਕਿਉਂਕਿ ਉਹ ਵੀ ਸਿਰੇ-ਤੋਂ-ਸਿਰੇ ਤੱਕ ਇੰਕ੍ਰਿਪਟਿਡ ਹੁੰਦੇ ਹਨ।
ਸਾਨੂੰ ਇਹ ਜ਼ਰੂਰ ਪਤਾ ਹੁੰਦਾ ਹੈ ਕਿ ਕਿਹੜੇ ਫ਼ੋਨ ਨੰਬਰ ਕਿਹੜੇ ਗਰੁੱਪ ਨਾਲ ਸੰਬੰਧਿਤ ਹਨ, ਤਾਂ ਜੋ ਅਸੀਂ ਮੈਸੇਜਾਂ ਨੂੰ ਸਹੀ ਥਾਂ 'ਤੇ ਭੇਜ ਸਕੀਏ। ਜੇਕਰ ਕੋਈ ਗਰੁੱਪ ਹੋਵੇ, ਤਾਂ ਸਾਨੂੰ ਉਸ ਦਾ ਨਾਮ, ਵਰਣਨ, ਅਤੇ ਪ੍ਰੋਫ਼ਾਈਲ ਤਸਵੀਰ ਦਾ ਵੀ ਪਤਾ ਹੁੰਦਾ ਹੈ। ਅਸੀਂ ਇਸ ਜਾਣਕਾਰੀ ਦੀ ਵਰਤੋਂ ਉਨ੍ਹਾਂ ਗਰੁੱਪਾਂ ਨੂੰ ਬੈਨ ਕਰਨ ਲਈ ਕਰਦੇ ਹਾਂ ਜੋ ਸਾਡੇ ਹਿਸਾਬ ਨਾਲ ਦੁਰਵਿਹਾਰ ਵਾਲੀ ਗਤੀਵਿਧੀ ਵਿੱਚ ਸ਼ਾਮਲ ਹੋ ਰਹੇ ਹੁੰਦੇ ਹਨ, ਜਿਵੇਂ ਕਿ ਬੱਚਿਆਂ ਨਾਲ ਜਿਨਸੀ ਸ਼ੋਸ਼ਣ ਵਾਲਾ ਕਂਟੈਂਟ ਸਾਂਝਾ ਕਰਨਾ। ਤੁਸੀਂ ਇੱਥੇ ਹੋਰ ਜਾਣ ਸਕਦੇ ਹੋ।
ਭੁਗਤਾਨਾਂ ਵਰਗੇ ਫੀਚਰਾਂ ਨੂੰ ਸਮਰੱਥ ਕਰਨ ਲਈ ਜਾਂ ਸਥਾਨਕ ਕਨੂੰਨਾਂ ਅਤੇ ਨਿਯਮਾਂ ਦੀ ਪਾਲਣਾ ਕਰਨ ਲਈ ਅਸੀਂ, ਦੇਸ਼ ਜਾਂ ਸ਼ਹਿਰ ਵਰਗੀ, ਤੁਹਾਡੀ ਆਮ (ਸਟੀਕ ਨਹੀਂ) ਲੋਕੇਸ਼ਨ ਦਾ ਅੰਦਾਜ਼ਾ ਲਗਾਉਣ ਲਈ ਤੁਹਾਡੇ IP ਪਤੇ ਅਤੇ ਫ਼ੋਨ ਨੰਬਰ 'ਤੇ ਨਿਰਭਰ ਕਰਦੇ ਹਾਂ।
ਇਸ ਤੋਂ ਇਲਾਵਾ, ਤੁਹਾਡੇ ਕੋਲ ਚੈਟ ਵਿੱਚ ਹੋਰਾਂ ਨਾਲ ਆਪਣੀ ਸਟੀਕ ਲੋਕੇਸ਼ਨ ਨੂੰ ਸਾਂਝਾ ਕਰਨ ਦੀ ਯੋਗਤਾ ਹੁੰਦੀ ਹੈ। ਇਹ ਫੀਚਰ ਤੁਹਾਡੀ ਅਸਲ GPS ਲੋਕੇਸ਼ਨ 'ਤੇ ਨਿਰਭਰ ਕਰਦਾ ਹੈ ਅਤੇ ਇਹ ਸਿਰੇ-ਤੋਂ-ਸਿਰੇ ਤੱਕ ਇੰਕ੍ਰਿਪਸ਼ਨ ਦੁਆਰਾ ਸੁਰੱਖਿਅਤ ਹੁੰਦਾ ਹੈ, ਤਾਂ ਜੋ ਨਾ ਤਾਂ WhatsApp ਨਾ ਹੀ Meta ਇਸਨੂੰ ਦੇਖ ਸਕੇ।
ਸਿਰੇ-ਤੋਂ-ਸਿਰੇ ਤੱਕ ਇੰਕ੍ਰਿਪਸ਼ਨ ਨਾਲ, WhatsApp ਅਤੇ Meta ਸਮੇਤ, ਕੋਈ ਵੀ ਤੁਹਾਡੇ ਨਿੱਜੀ ਮੈਸੇਜਾਂ ਨੂੰ ਨਹੀਂ ਦੇਖ ਸਕਦਾ। ਅਸੀਂ ਤੇਜ਼ ਅਤੇ ਭਰੋਸੇਯੋਗ ਸੇਵਾਵਾਂ ਨਾਲ ਦੁਨੀਆਂ ਭਰ ਦੇ ਲੋਕਾਂ ਦਾ ਸਮਰਥਨ ਕਰਨ ਲਈ Meta ਤਕਨਾਲੋਜੀਆਂ 'ਤੇ ਨਿਰਭਰ ਕਰਦੇ ਹਾਂ, ਹਾਲਾਂਕਿ WhatsApp ਨਿੱਜੀ ਡੇਟਾ ਤੱਕ ਐਕਸੈਸ ਪ੍ਰਤੀਬੰਧਿਤ ਹੈ, ਇਸ ਲਈ ਇਸ ਦੀ ਵਰਤੋਂ ਕਿਸੇ ਹੋਰ Meta ਐਪ ਦੁਆਰਾ ਨਹੀਂ ਕੀਤੀ ਜਾ ਸਕਦੀ – ਜਿਸ ਵਿੱਚ ਇਸ਼ਤਿਹਾਰਾਂ ਲਈ ਕੀਤੀ ਜਾਂਦੀ ਵਰਤੋਂ ਵੀ ਸ਼ਾਮਲ ਹੈ – ਜਦੋਂ ਤੱਕ ਕਿ ਇਹ ਇਨ੍ਹਾਂ ਤਿੰਨ ਖ਼ਾਸ ਉਦੇਸ਼ਾਂ ਵਿੱਚੋਂ ਕਿਸੇ ਇੱਕ ਲਈ ਨਾ ਹੋਵੇ: 1) ਇਹ ਨਿਰਧਾਰਿਤ ਕਰਨ ਲਈ ਕਿ ਅਸੀਂ ਕਿੰਨੇ ਲੋਕਾਂ ਦੀ ਸੇਵਾ ਕਰ ਰਹੇ ਹਾਂ, ਅਤੇ ਅਸੀਂ ਅਜਿਹਾ ਇਸ ਲਈ ਕਰਦੇ ਹਾਂ ਕਿਉਂਕਿ ਅਸੀਂ ਜਨਤਕ ਕੰਪਨੀ ਹਾਂ ਅਤੇ ਇਸ ਜਾਣਕਾਰੀ ਨੂੰ ਰਿਪੋਰਟ ਕਰਨ ਦੀ ਲੋੜ ਹੁੰਦੀ ਹੈ; 2) ਲੋਕਾਂ ਨੂੰ ਸੁਰੱਖਿਅਤ ਰੱਖਣ ਵਿੱਚ ਮਦਦ ਕਰਨ ਲਈ, ਜੋ ਸਾਨੂੰ ਲੱਗਦਾ ਹੈ ਕਿ ਮਹੱਤਵਪੂਰਨ ਹੈ; ਅਤੇ 3) ਤੁਹਾਨੂੰ ਭੁਗਤਾਨ, Meta AI ਜਾਂ ਅਕਾਊਂਟ ਕੇਂਦਰ ਵਰਗੇ ਵਿਕਲਪਿਕ ਫੀਚਰ ਪ੍ਰਦਾਨ ਕਰਨ ਲਈ, ਜੋ ਕਿ Meta ਦੇ ਹੋਰ ਉਤਪਾਦਾਂ 'ਤੇ ਵੀ ਕੰਮ ਕਰਦੇ ਹਨ। ਤੁਸੀਂ ਇੱਥੇ ਹੋਰ ਜਾਣਸਕਦੇ ਹੋ।
ਜੇ ਤੁਸੀਂ ਚਾਹੁੰਦੇ ਹੋ, ਤਾਂ ਤੁਸੀਂ ਆਪਣੇ ਮੌਜੂਦਾ Facebook ਜਾਂ Instagram ਅਕਾਊਂਟ ਨਾਲ ਅਕਾਊਂਟ ਕੇਂਦਰ 'ਤੇ ਆਪਣੇ WhatsApp ਅਕਾਊਂਟ ਨੂੰ ਸ਼ਾਮਲ ਕਰ ਸਕਦੇ ਹੋ। ਇਹ ਇੱਕ ਵਿਕਲਪਿਕ ਫੀਚਰ ਹੈ ਜੋ ਐਪਾਂ ਵਿਚਕਾਰ ਕਨੈਕਟਡ ਅਨੁਭਵਾਂ ਨੂੰ ਸਮਰੱਥ ਕਰਦਾ ਹੈ। ਆਪਣੇ ਅਕਾਊਂਟਾਂ ਨੂੰ ਲਿੰਕ ਕਰਕੇ, ਤੁਸੀਂ ਆਸਾਨੀ ਨਾਲ WhatsApp 'ਤੇ ਬਣਾਏ ਗਏ ਆਪਣੇ ਸਟੇਟਸ ਨੂੰ Facebook ਜਾਂ Instagram 'ਤੇ ਸਟੋਰੀਆਂ ਵਿੱਚ ਸਾਂਝਾ ਕਰ ਸਕਦੇ ਹੋ, ਅਤੇ ਨਾਲ ਹੀ ਉਨ੍ਹਾਂ ਐਪਾਂ ਨਾਲ ਤੁਹਾਡੇ ਵੱਲੋਂ ਸਾਂਝੀ ਕੀਤੀ ਜਾਣਕਾਰੀ ਦੀ ਵਰਤੋਂ ਕਰਕੇ Meta AI ਨੂੰ ਹੋਰ ਵੀ ਵਿਅਕਤੀਗਤ ਬਣਾ ਸਕਦੇ ਹੋ। ਇਨ੍ਹਾਂ ਅਨੁਭਵਾਂ ਨੂੰ ਸਮਰੱਥ ਕਰਨ ਲਈ ਹੋਰ Meta ਐਪਾਂ ਤੁਹਾਡੇ ਬਾਰੇ ਜਾਣਕਾਰੀ ਪ੍ਰਾਪਤ ਕਰਨਗੀਆਂ। ਪਰ ਅਸੀਂ ਇਹ ਫਿਰ ਤੋਂ ਦੁਹਰਾਉਣਾ ਚਾਹਾਂਗੇ ਕਿ, ਤੁਹਾਡੇ ਵਿਅਕਤੀਗਤ ਮੈਸੇਜ ਅਤੇ ਕਾਲਾਂ ਸਿਰੇ-ਤੋਂ-ਸਿਰੇ ਤੱਕ ਇੰਕ੍ਰਿਪਟਿਡ ਰਹਿੰਦੀਆਂ ਹਨ ਅਤੇ ਇਸ਼ਤਿਹਾਰਾਂ ਲਈ ਇਨ੍ਹਾਂ ਨੂੰ ਵਰਤਿਆ ਨਹੀਂ ਜਾ ਸਕਦਾ।
ਲੋਕ Meta AI ਨਾਲ ਪ੍ਰਯੋਗ ਕਰਨ ਅਤੇ ਇਸ ਦੀਆਂ ਸੰਭਾਵਨਾਵਾਂ ਦੀ ਪੜਚੋਲ ਕਰਨ ਲਈ ਬਹੁਤ ਉਤਸ਼ਾਹਿਤ ਹਨ, ਅਤੇ WhatsApp ਦੁਨੀਆ ਭਰ ਵਿੱਚ AI ਨਾਲ ਜੁੜਨ ਲਈ ਲੋਕਾਂ ਵੱਲੋਂ ਵਰਤੇ ਜਾਣ ਵਾਲੇ ਸਭ ਤੋਂ ਪ੍ਰ੍ਸਿੱਧ ਤਰੀਕਿਆਂ ਵਿੱਚੋਂ ਇੱਕ ਹੈ। Meta AI ਦੀ ਵਰਤੋਂ ਕਰਨਾ WhatsApp 'ਤੇ ਪੂਰੀ ਤਰ੍ਹਾਂ ਨਾਲ ਵਿਕਲਪਿਕ ਹੈ। ਤੁਹਾਨੂੰ ਚੈਟ ਖੋਲ੍ਹ ਕੇ ਜਾਂ AI ਨੂੰ ਮੈਸੇਜ ਭੇਜ ਕੇ ਗੱਲਬਾਤ ਸ਼ੁਰੂ ਕਰਨ ਲਈ ਕਾਰਵਾਈ ਕਰਨ ਦੀ ਲੋੜ ਪਵੇਗੀ। ਜੇ ਤੁਸੀਂ ਸਿੱਧਾ ਜਾਂ ਆਪਣੇ ਗਰੁੱਪਾਂ ਵਿੱਚ Meta AI ਨਾਲ ਚੈਟ ਕਰਨ ਦੀ ਚੋਣ ਕਰਦੇ ਹੋ, ਤਾਂ Meta ਉਹ ਪ੍ਰਾਪਤ ਕਰਦਾ ਹੈ ਜੋ ਤੁਸੀਂ ਜਾਂ ਹੋਰ ਲੋਕ ਇਸਨੂੰ ਭੇਜਦੇ ਹਨ। ਅਸੀਂ ਫਿਰ ਤੋਂ ਇਹੀ ਦੁਹਰਾਵਾਂਗੇ ਕਿ, ਤੁਹਾਡੇ ਵਿਅਕਤੀਗਤ ਮੈਸੇਜ ਸਿਰੇ-ਤੋਂ-ਸਿਰੇ ਤੱਕ ਇੰਕ੍ਰਿਪਟਿਡ ਹਨ ਅਤੇ Meta AI ਵੱਲੋਂ ਦੇਖੇ ਨਹੀਂ ਜਾਂਦੇ ਹਨ।
ਤੁਸੀਂ Meta AI ਨਾਲ ਜੁੜੇ ਬਿਨਾਂ ਵੀ WhatsApp ਦੀ ਵਰਤੋਂ ਕਰ ਸਕਦੇ ਹੋ, ਤਾਂ ਜੋ ਇਸਨੂੰ ਕੁਝ ਪਤਾ ਨਾ ਲੱਗੇ। ਪਰ ਇੱਕ ਵਾਰ ਜਦੋਂ ਤੁਸੀਂ Meta AI ਨਾਲ ਮੈਸੇਜ ਕਰਨਾ ਸ਼ੁਰੂ ਕਰਦੇ ਹੋ, ਤਾਂ ਇਹ ਤੁਹਾਡੇ ਵੱਲੋਂ ਭੇਜੀ ਗਈ ਸਮੱਗਰੀ ਤੋਂ ਸਿੱਖਣਾ ਸ਼ੁਰੂ ਕਰ ਦਿੰਦਾ ਹੈ, ਬਿਲਕੁਲ ਉਵੇਂ ਹੀ ਜਿਵੇਂ ਤੁਸੀਂ ਕਿਸੇ ਵਿਅਕਤੀ ਜਾਂ ਕਾਰੋਬਾਰ ਨੂੰ ਮੈਸੇਜ ਭੇਜਦੇ ਹੋ। ਤੁਹਾਨੂੰ Meta AI ਨੂੰ ਉਹੀ ਕੁਝ ਭੇਜਣਾ ਚਾਹੀਦਾ ਹੈ ਜਿਸਨੂੰ Meta AI ਵੱਲੋਂ ਯਾਦ ਰੱਖਣ ਵਿੱਚ ਤੁਹਾਨੂੰ ਕੋਈ ਇਤਰਾਜ਼ ਨਾ ਹੋਵੇ। Meta AI ਸਿਰਫ਼ ਉਸ ਸਮੇਂ 'ਚਾਲੂ' ਹੁੰਦਾ ਹੈ ਜਦੋਂ ਤੁਸੀਂ ਇਸਨੂੰ ਮੈਸੇਜ ਕਰਨ ਦੀ ਚੋਣ ਕਰਦੇ ਹੋ, ਅਤੇ ਇਹ ਕਾਰਵਾਈ ਸਿਰਫ਼ ਤੁਸੀਂ ਜਾਂ ਗਰੁੱਪ ਦੇ ਕਿਸੇ ਭਾਗੀਦਾਰ ਵੱਲੋਂ ਹੀ ਸ਼ੁਰੂ ਕੀਤੀ ਜਾ ਸਕਦੀ ਹੈ, ਨਾ ਕਿ Meta ਜਾਂ WhatsApp ਵੱਲੋਂ। ਅਸੀਂ ਉਨ੍ਹਾਂ ਲਈ ਕਈ ਪਰਦੇਦਾਰੀ ਸੰਬੰਧੀ ਕੰਟਰੋਲ ਬਣਾਏ ਹਨ ਜੋ Meta AI ਨੂੰ ਮੈਸੇਜ ਭੇਜਦੇ ਹਨ। ਤੁਸੀਂ ਇੱਥੇ ਹੋਰ ਜਾਣ ਸਕਦੇ ਹੋ।
ਇਸ ਤੋਂ ਇਲਾਵਾ, ਅਸੀਂ ਇਸ ਚੀਜ਼ ਦੀ ਵੀ ਅਗਵਾਈ ਕਰ ਰਹੇ ਹਾਂ ਕਿ WhatsApp ਜਾਂ Meta ਦੇ ਪੜ੍ਹੇ ਬਿਨਾਂ ਸੁਨੇਹਿਆਂ ਅਤੇ ਹੋਰ AI ਟੂਲਾਂ ਦਾ ਪਰਦੇਦਾਰੀ-ਸੁਰੱਖਿਅਤ ਤਰੀਕੇ ਨਾਲ ਲਾਹੇਵੰਦ ਸਾਰਾਂਸ਼ ਡਿਲੀਵਰ ਕਰਨ ਵਿੱਚ ਲੋਕ AI ਦੀਆਂ ਸਮਰੱਥਾਵਾਂ ਦੀ ਵਰਤੋਂ ਕਿਵੇਂ ਕਰ ਸਕਦੇ ਹਨ।
ਜੇ ਤੁਸੀਂ WhatsApp ਦੀ ਵਰਤੋਂ ਸਿਰਫ਼ ਦੋਸਤਾਂ ਅਤੇ ਪਰਿਵਾਰ ਨੂੰ ਮੈਸੇਜ ਕਰਨ ਲਈ ਕਰਦੇ ਹੋ, ਤਾਂ ਤੁਹਾਨੂੰ ਇਸ਼ਤਿਹਾਰ ਦਿਖਾਈ ਨਹੀਂ ਦੇਣਗੇ। ਜੇ ਤੁਸੀਂ ਅੱਪਡੇਟਸ ਟੈਬ ਨੂੰ ਵਰਤਦੇ ਹੋ, ਤਾਂ ਅਸੀਂ ਤੁਹਾਨੂੰ ਸਟੇਟਸ ਵਿੱਚ ਇਸ਼ਤਿਹਾਰ ਲਗਾਉਣ ਵਾਲੇ ਪ੍ਰਚਾਰਿਤ ਚੈਨਲਾਂ ਦੇ ਨਾਲ-ਨਾਲ ਉਹ ਕਾਰੋਬਾਰ ਦਿਖਾਵਾਂਗੇ, ਜਿਨ੍ਹਾਂ ਨੂੰ ਤੁਸੀਂ ਮੈਸੇਜ ਕਰ ਸਕਦੇ ਹੋ। ਇਸ ਮਾਮਲੇ ਵਿੱਚ, ਇਸ਼ਤਿਹਾਰ ਦਿਖਾਉਣ ਲਈ ਵਰਤੀ ਜਾਂਦੀ ਜਾਣਕਾਰੀ, ਸੀਮਤ ਜਾਣਕਾਰੀ 'ਤੇ ਨਿਰਭਰ ਕਰਦੀ ਹੈ, ਜਿਵੇਂ ਕਿ, ਤੁਹਾਡਾ ਦੇਸ਼ ਜਾਂ ਸ਼ਹਿਰ, ਭਾਸ਼ਾ, ਚੈਨਲ ਜਿਨ੍ਹਾਂ ਨੂੰ ਤੁਸੀਂ ਫਾਲੋ ਕਰਦੇ ਹੋ ਅਤੇ ਤੁਹਾਡੇ ਵੱਲੋਂ ਦੇਖੇ ਜਾਂਦੇ ਇਸ਼ਤਿਹਾਰਾਂ ਨਾਲ ਤੁਹਾਡਾ ਅੰਤਰਕਿਰਿਆ ਕਰਨ ਦਾ ਤਰੀਕਾ। ਜੇ ਤੁਸੀਂ ਆਪਣੇ WhatsApp ਅਕਾਊਂਟ ਨੂੰ Facebook ਅਤੇ Instagram ਨਾਲ ਲਿੰਕ ਕਰਨ ਦੀ ਚੋਣ ਕਰਦੇ ਹੋ, ਤਾਂ ਅਸੀਂ ਉੱਥੋਂ ਵੀ ਜਾਣਕਾਰੀ ਦੀ ਵਰਤੋਂ ਕਰਦੇ ਹਾਂ। ਤੁਹਾਡੇ ਵਿਅਕਤੀਗਤ ਮੈਸੇਜਾਂ ਨੂੰ ਕਿਸੇ ਵੀ ਤਰੀਕੇ ਨਾਲ ਇਸ਼ਤਿਹਾਰਾਂ ਲਈ ਨਹੀਂ ਵਰਤਿਆ ਜਾਂਦਾ। ਤੁਸੀਂ ਇੱਥੇਹੋਰ ਜਾਣ ਸਕਦੇ ਹੋ।
ਨਹੀਂ ਅਸੀਂ ਨਹੀਂ ਸੁਣਦੇ। ਤੁਹਾਡੇ ਵਿਅਕਤੀਗਤ ਮੈਸੇਜ, ਕਾਲਾਂ ਅਤੇ ਸਟੇਟਸ ਸਿਰੇ-ਤੋਂ-ਸਿਰੇ ਤੱਕ ਇੰਕ੍ਰਿਪਟਿਡ ਹਨ। ਨਾ ਤਾਂ WhatsApp ਅਤੇ ਨਾ ਹੀ Meta ਉਨ੍ਹਾਂ ਨੂੰ ਦੇਖ ਜਾਂ ਸੁਣ ਸਕਦਾ ਹੈ ਅਤੇ ਅਸੀਂ ਉਨ੍ਹਾਂ ਦੀ ਵਰਤੋਂ ਇਸ਼ਤਿਹਾਰ ਦਿਖਾਉਣ ਲਈ ਨਹੀਂ ਕਰ ਰਹੇ।
ਹਾਂਜੀ, ਨਿੱਜੀ ਗੱਲਬਾਤ ਕਰਨ ਦੇ ਲੋਕਾਂ ਦੇ ਅਧਿਕਾਰ ਨੂੰ ਮਹਿਫੂਜ਼ ਰੱਖਣਾ ਸਾਡੇ ਮਿਸ਼ਨ ਦਾ ਮੁੱਖ ਅੰਗ ਹੈ। ਅਸੀਂ ਉਨ੍ਹਾਂ ਸਰਕਾਰਾਂ ਦੇ ਵਿਰੁੱਧ ਪਹਿਲਾਂ ਵੀ ਆਵਾਜ਼ ਬੁਲੰਦ ਕੀਤੀ ਹੈ ਜਿਨ੍ਹਾਂ ਨੇ "ਕਲਾਇੰਟ ਸਾਈਡ ਸਕੈਨਿੰਗ" ਅਤੇ "ਟਰੇਸੇਬਿਲਿਟੀ" ਵਰਗੀਆਂ ਮਾੜੀਆਂ ਜੁਗਤਾਂ ਰਾਹੀਂ ਸਾਡੇ ਸਿਸਟਮਾਂ ਨੂੰ ਖਰਾਬ ਕਰਨ ਜਾਂ ਪਰਦੇਦਾਰੀ ਨੂੰ ਕਮਜ਼ੋਰ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ।
ਇਸ ਤੋਂ ਇਲਾਵਾ, ਸਾਡੀਆਂ ਟੀਮਾਂ ਨੇ ਸਾਡੇ ਸਿਸਟਮਾਂ ਅਤੇ ਵਰਤੋਂਕਾਰਾਂ 'ਤੇ ਹੋਏ ਹਮਲਿਆਂ ਨੂੰ ਸਫਲਤਾਪੂਰਵਕ ਪਛਾਣਿਆ ਅਤੇ ਪਛਾੜਿਆ ਹੈ ਅਤੇ ਅਸੀਂ ਹਮਲਾਵਾਰਾਂ ਨੂੰ ਜਵਾਬਦੇਹ ਬਣਾਉਣ ਦੀ ਇੱਛਾ ਰੱਖਦੇ ਹਾਂ। WhatsApp ਪਹਿਲੀ ਸੰਸਥਾ ਹੈ, ਜਿਸ ਨੇ ਯੂ.ਐੱਸ. ਕਨੂੰਨ ਦੇ ਅਧੀਨ ਇੱਕ ਵਪਾਰਕ ਸਪਾਈਵੇਅਰ ਕੰਪਨੀ ਨੂੰ ਲੋਕਾਂ ਦੇ ਮੋਬਾਈਲ ਡਿਵਾਈ 'ਤੇ ਜਸੂਸੀ ਕਰਨ ਲਈ ਸਫਲਤਪੂਰਵਕ ਜ਼ਿੰਮੇਵਾਰ ਸਾਬਿਤ ਕੀਤਾ। ਇਹ ਨਿਆਂ ਲੈਣ ਅਤੇ ਭਵਿੱਖੀ ਹਮਲਿਆਂ ਤੋਂ ਬਚਣ ਲਈ ਇੱਕ ਮਹੱਤਵਪੂਰਨ ਕਾਰਵਾਈ ਸੀ, ਚਾਹੇ ਉਹ ਹਮਲਾ ਸਾਡੇ ਜਾਂ ਕਿਸੇ ਹੋਰ ਤਕਨਾਲੋਜੀ ਕੰਪਨੀ ਦੇ ਵਿਰੁੱਧ ਹੋਵੇ।
ਅਸੀਂ ਤੁਹਾਡੀ ਪਰਦੇਦਾਰੀ ਨੂੰ ਕਾਇਮ ਰੱਖਣ ਲਈ ਹਰ ਸੰਭਵ ਕੋਸ਼ਿਸ਼ ਕਰਾਂਗੇ।
