અમે વ્યક્તિગત મેસેજના કન્ટેન્ટને જોઈ શકતા નથી, કારણ કે તે એન્ડ-ટૂ-એન્ડ એન્ક્રિપ્શનથી સુરક્ષિત હોય છે. આ ઉપરાંત, અમે દરેક જણ કોને મેસેજ મોકલી રહ્યાં છે અથવા કૉલ કરી રહ્યાં છે તેના લોગ રાખતા નથી. અમને લાગે છે કે ત્રણ બિલિયન વાપરનારાઓ માટે વ્યક્તિગત રેકોર્ડ રાખવા એ પ્રાઇવસી માટે ખરાબ રહેશે અને અમે તે કરતા નથી.
અમે અમારી સુવિધાઓનો કેવી રીતે ઉપયોગ કરવામાં આવી રહ્યો છે તે સમજવાની ક્ષમતા ધરાવીએ છીએ, જેથી અમે તેમને બહેતર બનાવવાનું ચાલુ રાખી શકીએ અને જ્યારે અમે આ કરીએ ત્યારે અમે વ્યક્તિગત વિગતોને દૂર કરવાનો ઉદ્દેશ્ય રાખીએ છીએ. અમે એવી ટેક્નોલોજી બનાવી છે કે જે અહીં સમજાવ્યા મુજબ કોઈ ચોક્કસ વ્યક્તિ અથવા ફોન સાથે જેને જોડી શકાય તેવી વ્યક્તિગત વિગતોને દૂર કરે છે.
અમે પ્રગત ઓટોમેટેડ સિસ્ટમ અને રિપોર્ટ મારફતે સ્પામ અથવા દુર્વ્યવહાર/દુરુપયોગને શોધી કાઢવા પર પણ કામ કરીએ છીએ. ઉદાહરણ તરીકે, એક મિનિટમાં 1,000 મેસેજ મોકલી રહેલ વાપરનાર ઘણું કરીને ઓટોમેટેડ સ્પામ એકાઉન્ટ હોય છે અને અમે WhatsAppનો ઉપયોગ કરવાથી તેમને પ્રતિબંધિત કરવા માંગીશું. આના જેવા દુરુપયોગના કિસ્સામાં, અમારી પાસે એકવાર સમસ્યા ઓળખાઈ જાય એટલે કોણ કોને મેસેજ મોકલી રહ્યું છે તે જોવાની ક્ષમતા રહેલી છે.
અમારી પાસે આ ક્ષમતા હોવાથી, અમને ક્યારેક આ માહિતી પૂરી પાડવાના કાનૂની આદેશો મળે છે. અમે કાયદાનું અમલ કરાવતી સંસ્થાઓની માન્ય વિનંતીઓનો કેવી રીતે જવાબ આપીએ છીએ તે વિશે અમે પારદર્શી હોઈએ છીએ અને તમે તે અંગે અહીં વધુ જાણી શકો છો.
