Ons kernfokus by WhatsApp is om drie miljard gebruikers regoor die wêreld in staat te stel om privaat te kommunikeer. Aangesien ons toepassing voortdurend ontwikkel om ook besigheidsboodskappe, kanale en Meta AI te ondersteun, wil ons ’n paar algemene vrae beantwoord oor hoe hierdie kenmerke werk en hoe ons voortbou op jare se werk om jou privaatheid te beskerm.
Nee, ons kan nie jou persoonlike boodskappe sien nie, of dit nou persoonlike of groepkletse met vriende, familie, klasmaats of ander mense is. Ons beskerm hierdie boodskappe met punt-tot-punt-enkripsie deur die Signal-protokol te gebruik, wat jou boodskappe beveilig voordat dit jou toestel verlaat. Dit beteken dat niemand buite die klets, nie eens WhatsApp of Meta, dit kan lees, daarna luister of deel nie. Jy kan hier meer te wete kom oor hoe punt-tot-punt-enkripsie werk.
Daar is ’n paar verskille wanneer dit by besigheidsboodskappe en Meta AI kom, wat ons hier onder sal verduidelik.
Weens die aard van hoe besighede funksioneer, tref WhatsApp ’n onderskeid tussen persoonlike boodskappe en dié met besighede. In plaas daarvan om ’n boodskap van ’n selfoon af te stuur, het besighede dikwels meer komplekse werksaamhede wat voorsiening maak dat verskeie mense en AI-kliëntediens op kliëntenavrae kan reageer. Hulle het ook ’n plek nodig om boodskappe te berg en daarop te reageer.
Baie besighede kies Meta as hulle wolkbergingverskaffer. Daarom beskou ons hierdie boodskappe nie as punt-tot-punt-geënkripteer nie.
Ons het hierdie oplossings ontwikkel omdat mense via WhatsApp met besighede wil kommunikeer en dit ’n vinniger en meer private alternatief as e-posse of foonoproepe is.
Onthou asseblief dat wanneer jy met ’n besigheid kommunikeer, hulle die inligting wat jy verskaf, vir hulle eie bemarkingsdoeleindes kan gebruik, wat byvoorbeeld advertensies op Meta kan insluit. Wanneer ’n besigheid Meta se dienste gebruik, vertoon daar ’n blou stelselboodskap binne die klets sodat jy meer te wete kan kom.
Ons kan nie die inhoud van persoonlike boodskappe sien nie, want dit is punt-tot-punt-geënkripteer. Verder hou ons ook nie verslag van wie almal boodskappe stuur of oproepe maak nie. Ons dink dat dit privaatheid sal benadeel om individuele verslae vir drie miljard gebruikers te hou, en ons doen dit nie.
Aangesien ons kan verstaan hoe ons kenmerke gebruik word, kan ons voortgaan om dit te verbeter, en ons stel ons ten doel om persoonlike besonderhede te verwyder wanneer ons dit doen. Ons het tegnologie gebou wat persoonlike besonderhede verwyder wat aan ’n spesifieke persoon of foonnommer gekoppel kan word, soos hier verduidelik word.
Ons gebruik ook gevorderde geoutomatiseerde stelsels en verslae om strooipos of misbruik te op te spoor. ’n Gebruiker wat byvoorbeeld 1 000 boodskappe per minuut stuur, is waarskynlik ’n geoutomatiseerde strooiposrekening en ons sal hulle daarvan wil verbied om WhatsApp te gebruik. In gevalle van hierdie soort misbruik het ons die vermoë om te sien wie aan wie ’n boodskap stuur sodra ’n probleem geïdentifiseer is.
Aangesien ons hierdie vermoë het, ontvang ons soms regsbevele om hierdie inligting te verskaf. Ons is deursigtig oor hoe ons op geldige wetstoepassingsversoeke reageer, en jy kan hier meer te wete kom.
Ons kan nie die boodskappe sien wat in groepe met vriende en familie gestuur word nie, want hulle is ook punt-tot-punt-geënkripteer.
Ons weet wel watter foonnommers aan watter groepe behoort sodat ons boodskappe by die regte plek kan aflewer. Ons ken ook die naam, beskrywing en profielfoto van die groep, indien daar een is. Ons gebruik hierdie inligting om groepe te verban wat ons glo by misbruik betrokke is, soos deling van materiaal wat seksuele misbruik van kinders bevat. Jy kan hier meer te wete kom.
Ons maak staat op jou IP-adres en foonnommer om jou algemene (nie presiese) ligging te bepaal om kenmerke soos betalings moontlik te maak of om aan plaaslike wette en regulasies te voldoen.
Verder het jy die vermoë om jou presiese ligging met ander persone in ’n klets te deel. Hierdie kenmerk maak staat op jou werklike GPS-ligging en dit word deur punt-tot-punt-enkripsie beskerm sodat nie WhatsApp óf Meta dit kan sien nie.
Met punt-tot-punt-enkripsie kan niemand jou persoonlike boodskappe sien nie, insluitende WhatsApp en Meta. Ons maak staat op Meta-tegnologieë om mense regoor die wêreld te ondersteun met vinnige en betroubare dienste. Toegang tot persoonlike WhatsApp-data word beperk sodat dit nie deur ander Meta-toepassings – insluitende vir advertensies – gebruik kan word nie, tensy dit is: 1) om te bepaal hoeveel mense ons bedien, en ons doen dit omdat ons ’n openbare maatskappy is en verplig is om hierdie inligting te rapporteer; 2) om mense te help veilig hou, wat ons dink belangrik is; en 3) om jou van opsionele kenmerke te voorsien, soos betalings, Meta AI of Rekeningesentrum, wat regoor Meta-produkte werk. Jy kan hier meer te wete kom.
As jy wil, kan jy jou WhatsApp-rekening by ’n Rekeningesentrum met ’n bestaande Facebook- of Instagram-rekening voeg. Dit is ’n opsionele kenmerk wat gekoppelde ervarings regoor toepassings moontlik maak. Deur jou rekeninge te koppel, kan jy jou WhatsApp-status maklik op Facebook- of Instagram-stories deel, en jy kan Meta AI verder verpersoonlik met die inligting wat jy met daardie toepassings gedeel het. Ander Meta-toepassings sal inligting oor jou ontvang om hierdie ervarings moontlik te maak. Maar jou persoonlike boodskappe en oproepe bly steeds punt-tot-punt-geënkripteer en kry geen advertensies nie.
Mense is baie opgewonde daaroor om met Meta AI te eksperimenteer en die moontlikhede daarvan te verken, en WhatsApp is een van die gewildste maniere waarop mense wêreldwyd met Meta AI interaksie het. Die gebruik van Meta AI is heeltemal opsioneel op WhatsApp. Jy moet stappe doen om die gesprek te begin deur ’n klets oop te maak of ’n boodskap na die AI te stuur. As jy kies om met Meta AI te klets, direk of in jou groepe, sal Meta ontvang wat jy of ander daarheen stuur. Weer eens is jou persoonlike boodskappe punt-tot-punt-geënkripteer en word dit nie deur Meta AI gesien nie.
Jy kan WhatsApp gebruik sonder om ooit met Meta AI interaksie te sê, so dit weet niks nie. Maar net soos wanneer jy ’n boodskap aan ’n persoon of ’n besigheid sal stuur, sal Meta AI inligting kry uit wat jy stuur sodra jy boodskappe daarheen begin stuur. Jy behoort net inligting aan Meta AI te stuur indien jy daarmee gemaklik voel dat Meta AI dit sal onthou. Meta AI is slegs “aan” wanneer jy kies om ’n boodskap daarheen te stuur, en net jy of ’n groepdeelnemer kan dit inisieer, nie Meta of WhatsApp nie. Ons het verskeie veiligheidskontroles ingebou vir persone wat boodskappe aan Meta AI stuur. Jy kan hier meer te wete kom.
Verder berei ons die weg vir hoe mense die vermoëns van AI op ’n privaatheidbeskermende manier kan gebruik om nuttige opsommings van hulle boodskappe en ander AI-nutsgoed te verskaf sonder dat WhatsApp of Meta dit kan lees.
As jy WhatsApp net gebruik om boodskappe aan vriende en familie te stuur, sal jy geen advertensies sien nie. As jy die Opdaterings-oortjie gebruik, sal ons vir jou kanale sowel as ondernemings wys aan wie jy boodskappe kan stuur wat advertensies in Status plaas. In hierdie geval sal die inligting wat gebruik word om advertensies te wys, op beperkte inligting berus, soos jou land of stad, taal, die kanale wat jy volg en hoe jy interaksie het met enige advertensies wat jy sien. As jy kies om jou WhatsApp-rekening aan Facebook en Instagram te koppel, sal ons ook inligting van daar af gebruik. Jou persoonlike boodskappe sal verbode wees vir enigiets wat met advertensies te doen het. Jy kan hier meer te wete kom.
Geensins nie. Jou persoonlike boodskappe, oproepe en Statusse is punt-tot-punt-geënkripteer. Nie WhatsApp of Meta kan dit sien of hoor nie, en ons gebruik dit nie om vir jou advertensies te wys nie.
Ja, dit is ’n kardinale deel van ons missie om mense se reg op privaat gesprekke te beskerm. Ons het opgestaan teen regerings wat agterbakse maniere gesoek het om ons stelsels te infiltreer of om privaatheid te verswak met behulp van ander slegte idees soos “skandering deur die kliënt” en “opspoorbaarheid”.
Ons spanne het ook aanvalle op ons stelsels en gebruikers suksesvol geïdentifiseer en afgeweer, en ons is van plan om daardie aanvallers aanspreeklik te hou. WhatsApp was die eerste organisasie wat ’n kommersiële spioensagtewaremaatskappy onder Amerikaanse wetgewing aanspreeklik gehou het vir hul pogings om op mense se mobiele toestell’ te spioeneer. Dit was ’n belangrike stap om geregtigheid te bevorder en om beskerming te bied teen toekomstige aanvalle, of dit nou teen ons of ander tegnologiemaatskappye is.
Ons sal voortgaan om jou privaatheid te handhaaf.
