ഏതൊക്കെ വിവരങ്ങളാണ് സ്വകാര്യമായി നിലനിൽക്കുന്നത് എന്നതിനെ കുറിച്ചും ഏതൊക്കെ വിവരങ്ങളാണ് ഞങ്ങൾ ശേഖരിച്ച് ഞങ്ങളുടെ മാതൃ കമ്പനിയായ Meta-യുമായി പങ്കിടുന്നതെന്നും ഉള്ള കാര്യത്തിൽ വ്യക്തത നൽകാൻ ഞങ്ങൾ ആഗ്രഹിക്കുന്നു. ഞങ്ങൾ പങ്കിടുന്ന വിവരങ്ങൾ, മികച്ച ഉപയോക്തൃ അനുഭവം നൽകാനും സുരക്ഷ മെച്ചപ്പെടുത്താനും ഞങ്ങളെ സഹായിക്കുന്നു. ഏറ്റവും പുതിയതും കൃത്യവുമായ വിവരങ്ങൾ ലഭിക്കുന്നതിന്, ഞങ്ങളുടെ സ്വകാര്യതാ നയം കാണുക.
സ്വകാര്യമായി മെസേജ് അയയ്ക്കൂ. തുറന്ന് സംസാരിക്കൂ.
നിങ്ങളുടെ വ്യക്തിപര മെസേജുകൾ ഡിഫോൾട്ടായി പരിരക്ഷിക്കുന്നതിനും അവ നിങ്ങൾക്കും നിങ്ങൾ അയയ്ക്കുന്നവർക്കും ഇടയിൽ മാത്രമായി തുടരുന്നതിനുമായി ഞങ്ങൾ ഇൻഡസ്ട്രിയിലെ ഏറ്റവും മികച്ച ആദ്യാവസാനം എൻക്രിപ്റ്റ് ചെയ്യൽ ഉപയോഗിച്ചാണ് WhatsApp നിർമ്മിച്ചിരിക്കുന്നത്. മറ്റാർക്കും, അതായത് WhatsApp-ന് പോലും അവ വായിക്കാനോ കേൾക്കാനോ കഴിയില്ല. നിങ്ങൾ എന്ത് പങ്കിടുന്നു, ആരുമായി പങ്കിടുന്നു എന്നിവയുടെയെല്ലാം പൂർണ്ണ നിയന്ത്രണം നിങ്ങൾക്കായിരിക്കും.
നിങ്ങൾക്ക് അവകാശപ്പെട്ട സ്വകാര്യത സ്വയമേവ ലഭ്യമാകുന്നു
ആദ്യാവസാനം എൻക്രിപ്റ്റ് ചെയ്യൽ
ആദ്യാവസാനം എൻക്രിപ്റ്റ് ചെയ്തിട്ടുള്ള ചാറ്റുകളിലെ സംഭാഷണങ്ങൾ, ഒരു സുവർണ മെസേജ് ഉപയോഗിച്ച് വ്യക്തമായി ലേബൽ ചെയ്തിരിക്കും; ഈ മെസേജുകളും കോളുകളും നിങ്ങൾക്കിടയിൽ മാത്രമാകും നിലനിൽക്കുക, അതിലെ ഉള്ളടക്കം വായിക്കാനോ കേൾക്കാനോ മറ്റാർക്കും, എന്തിന് WhatsApp-ന് പോലും കഴിയില്ല.
മെസേജുകൾ നിങ്ങളുടെ ഉപകരണത്തിൽ സംഭരിക്കുന്നു
നിങ്ങളുടെ മെസേജുകൾ നിങ്ങൾക്ക് സ്വന്തമാണ്. അതുകൊണ്ടാണ്, നിങ്ങളുടെ മെസേജുകൾ നിങ്ങളുടെ ഫോണിൽ സംഭരിച്ചിരിക്കുന്നത്, പരസ്യദാതാക്കളുമായി ഞങ്ങൾ അവ പങ്കിടുകയുമില്ല.
നിങ്ങളുടെ സ്വകാര്യത നിയന്ത്രിക്കുന്നത് നിങ്ങളാണ്
നിങ്ങളുടെ സ്വകാര്യതാ ആവശ്യകതകൾക്ക് യോജിക്കുന്ന അധിക സുരക്ഷാ മാർഗങ്ങൾ തിരഞ്ഞെടുക്കുക.
ഒരിക്കൽ മാത്രം കാണുക
ഒരു തവണ കണ്ട് കഴിഞ്ഞാൽ അപ്രത്യക്ഷമാകുന്ന ഫോട്ടോകളും വീഡിയോകളും അയയ്ക്കുക.
രണ്ട് ഘട്ട വെരിഫിക്കേഷൻ
നിങ്ങൾ അക്കൗണ്ടിലേക്ക് സൈൻ ഇൻ ചെയ്യുമ്പോൾ ഒരു അധിക സുരക്ഷാ മാർഗം ചേർക്കുക.
നിങ്ങളുടെ WhatsApp ലോക്ക് ചെയ്യുക
WhatsApp സുരക്ഷിതമാക്കാൻ ടച്ച് ഐഡി, ഫെയ്സ് ഐഡി, അല്ലെങ്കിൽ Android വിരലടയാള ലോക്ക് പ്രവർത്തനക്ഷമമാക്കുക.
ആദ്യാവസാനം എൻക്രിപ്റ്റ് ചെയ്ത ബാക്കപ്പുകൾ
നിങ്ങളുടെ iCloud അല്ലെങ്കിൽ Google Drive-ൽ സംരക്ഷിച്ചിരിക്കുന്ന മെസേജുകൾ എൻക്രിപ്റ്റ് ചെയ്യുക.
അവസാനം കണ്ടതും ഓൺലൈനും
നിങ്ങൾക്ക് താൽപര്യമുള്ളവർ മാത്രം കാണുന്ന തരത്തിലാക്കുക– അതായത് എല്ലാവരും, നിങ്ങളുടെ കോൺടാക്റ്റുകൾ, നിങ്ങളുടെ കോൺടാക്റ്റുകളിൽ ചിലർ, ആരും കാണേണ്ടതില്ല എന്നിവയിൽ ഇഷ്ടപ്പെട്ടത് തിരഞ്ഞെടുക്കുക.
അപ്രത്യക്ഷമാകുന്ന മെസേജുകൾ
മെസേജുകൾ അപ്രത്യക്ഷമാകുന്നതിന് മുമ്പ് അവ എത്ര നേരം നിലനിൽക്കണമെന്നത് നിയന്ത്രിക്കുക.
ബ്ലോക്ക് ചെയ്യലും റിപ്പോർട്ട് ചെയ്യലും
ആവശ്യമില്ലാത്ത കോൺടാക്റ്റുകളെയും മെസേജുകളെയും നിങ്ങളുടെ ചാറ്റ് ലിസ്റ്റിൽ നിന്ന് ഒഴിവാക്കുക.
ഗ്രൂപ്പിന്റെ സ്വകാര്യതാ ക്രമീകരണം
നിങ്ങളെ ഗ്രൂപ്പ് ചാറ്റിലേക്ക് ചേർക്കാൻ എല്ലാവരെയും അനുവദിക്കണോ അതോ എല്ലാ കോണ്ടാക്‌ടുകളെയും അനുവദിക്കണോ അതല്ല ചില കോണ്ടാക്‌ടുകളെ മാത്രം അനുവദിച്ചാൽ മതിയോ എന്ന് നിങ്ങൾക്ക് തീരുമാനിക്കാം.
നിങ്ങളുടെ സുരക്ഷ ഉറപ്പാക്കാൻ ഞങ്ങൾ പ്രതിജ്ഞാബദ്ധരാണ്
വിവരങ്ങൾ ബോധ്യപ്പെട്ടുകൊണ്ടുള്ള തീരുമാനങ്ങൾ എടുക്കാനും ആശയവിനിമയങ്ങളെ സുരക്ഷിതമായും ഭദ്രമായും സൂക്ഷിക്കാനും സഹായിക്കുന്നതിന് ടൂളുകളുടെയും ഫീച്ചറുകളുടെയും വിഭവസാമഗ്രികളുടെയും ഒരു പരമ്പര തന്നെ WhatsApp നൽകുന്നുണ്ട്.
എങ്ങനെയെന്ന് മനസ്സിലാക്കുക:
ഡാറ്റാ സുതാര്യത
