ਜੇ ਤੁਸੀਂ ਸਿਫ਼ਾਰਸ਼ ਕੀਤੇ ਅਵਤਾਰ ਫ਼ੀਚਰ ਦੀ ਚੋਣ ਕਰਦੇ ਹੋ ਤਾਂ ਇਹ WhatsApp Avatars ਪਰਦੇਦਾਰੀ ਨੋਟਿਸ ਲਾਗੂ ਹੁੰਦਾ ਹੈ। ਇਹ ਦੱਸਦਾ ਹੈ ਕਿ ਅਸੀਂ ਸਿਫ਼ਾਰਿਸ਼ ਕੀਤੇ ਅਵਤਾਰਾਂ ਅਤੇ WhatsApp ਪਰਦੇਦਾਰੀ ਨੀਤੀ ਦੀ ਪੂਰਤੀ ਕਰਨ ਲਈ ਤੁਹਾਡੀ ਜਾਣਕਾਰੀ ਦੀ ਵਰਤੋਂ ਅਤੇ ਸੁਰੱਖਿਆ ਕਿਵੇਂ ਕਰਦੇ ਹਾਂ।
ਸਿਫਾਰਸ਼ ਕੀਤੇ ਅਵਤਾਰ
ਸਿਫ਼ਾਰਸ਼ ਕੀਤੇ ਅਵਤਾਰ ਫ਼ੀਚਰ WhatsApp, LLC ਨੂੰ ਤੁਹਾਡੀ ਉਸ ਫ਼ੋਟੋ ਦੀ ਵਰਤੋਂ ਕਰਕੇ ਤੁਹਾਨੂੰ ਅਵਤਾਰਾਂ ਦੀ ਤੇਜ਼ੀ ਨਾਲ ਸਿਫਾਰਸ਼ ਕਰਨ ਦੇ ਯੋਗ ਬਣਾਉਂਦੇ ਹਨ ਜਿਸਨੂੰ ਤੁਸੀਂ ਆਪਣਾ ਅਵਤਾਰ ਬਣਾਉਂਦੇ ਸਮੇਂ ਕੈਪਚਰ ਕਰਕੇ ਸਪੁਰਦ ਕਰਦੇ ਹੋ। ਜੇ ਤੁਸੀਂ ਸਿਫ਼ਾਰਿਸ਼ ਕੀਤੇ ਅਵਤਾਰ ਫ਼ੀਚਰ ਦੀ ਵਰਤੋਂ ਕਰਨਾ ਚੁਣਦੇ ਹੋ, ਤਾਂ ਤੁਹਾਨੂੰ ਇਸ ਪਰਦੇਦਾਰੀ ਨੋਟਿਸ ਨਾਲ ਸਹਿਮਤ ਹੋਣ ਦੀ ਲੋੜ ਹੋਵੇਗੀ।
ਸਿਫ਼ਾਰਸ਼ ਕੀਤੇ ਅਵਤਾਰ ਫ਼ੀਚਰ ਪ੍ਰਦਾਨ ਕਰਨ ਲਈ ਵਰਤੀ ਜਾਂਦੀ ਜਾਣਕਾਰੀ
WhatsApp ਤੁਹਾਡੀ ਦਿੱਖ ਤੋਂ ਪ੍ਰੇਰਿਤ ਅਵਤਾਰਾਂ ਦੀ ਸਿਫਾਰਸ਼ ਕਰ ਸਕੇ ਇਸ ਲਈ, ਅਸੀਂ ਤੁਹਾਡੇ ਚਿਹਰੇ ਦੇ ਹਿੱਸਿਆਂ, ਜਿਵੇਂ ਕਿ ਤੁਹਾਡੀਆਂ ਅੱਖਾਂ, ਨੱਕ ਅਤੇ ਮੂੰਹ, ਅਤੇ ਤੁਹਾਡੇ ਚਿਹਰੇ ਦੇ ਇਨ੍ਹਾਂ ਹਿੱਸਿਆਂ ਦੀ ਰੂਪ-ਰੇਖਾ 'ਤੇ ਖਾਸ ਬਿੰਦੂਆਂ ("ਚਿਹਰੇ ਦੇ ਅਨੁਮਾਨਿਤ ਬਿੰਦੂ") ਦਾ ਅਨੁਮਾਨ ਲਗਾਉਣ ਲਈ ਤੁਹਾਡੀ ਫ਼ੋਟੋ ਦਾ ਵਿਸ਼ਲੇਸ਼ਣ ਕਰਦੀ ਹੈ। ਅਸੀਂ ਤੁਹਾਡੇ ਚਿਹਰੇ ਦੇ ਕੁਝ ਹਿੱਸਿਆਂ ("ਪੂਰਵ-ਅਨੁਮਾਨਿਤ ਚਿਹਰੇ ਦੀਆਂ ਵਿਸ਼ੇਸ਼ਤਾਵਾਂ") ਦੇ ਅਨੁਮਾਨਿਤ ਸਾਈਜ਼, ਆਕਾਰ ਅਤੇ ਰੰਗ ਦੀ ਪਰਤ ਦਾ ਪਤਾ ਲਗਾਉਣ ਲਈ ਵੀ ਤੁਹਾਡੀ ਫ਼ੋਟੋ ਦਾ ਵਿਸ਼ਲੇਸ਼ਣ ਕਰਦੀ ਹੈ। ਸਾਡੀ ਤਕਨੀਕ ਤੁਹਾਡੇ ਅਨੁਮਾਨਿਤ ਚਿਹਰੇ ਦੇ ਬਿੰਦੂਆਂ ਅਤੇ ਪੂਰਵ-ਅਨੁਮਾਨਿਤ ਚਿਹਰੇ ਦੇ ਗੁਣਾਂ ਦੀ ਵਰਤੋਂ ਕਰਦੀ ਹੈ ਅਤੇ ਤੁਹਾਡੀ ਦਿੱਖ ਵਾਲੇ ਅਵਤਾਰਾਂ ਨੂੰ ਬਣਾਉਂਦੀ ਹੈ, ਜਿਸਦੀ ਬਾਅਦ ਵਿੱਚ WhatsApp ਵੱਲੋਂ ਤੁਹਾਨੂੰ ਸਿਫਾਰਸ਼ ਕੀਤੀ ਜਾਂਦੀ ਹੈ। ਜੇ ਤੁਸੀਂ ਚੁਣਦੇ ਹੋ, ਤਾਂ ਤੁਸੀਂ ਆਪਣੇ ਅੰਤਿਮ ਅਵਤਾਰ ਦੀ ਚੋਣ ਕਰਨ ਤੋਂ ਪਹਿਲਾਂ ਸਿਫਾਰਸ਼ ਕੀਤੇ ਅਵਤਾਰਾਂ ਨੂੰ ਵਿਸ਼ੇਸ਼-ਵਿਉਂਤਬੱਧ ਕਰਨ ਲਈ ਅਵਤਾਰ ਸੰਪਾਦਕ ਟੂਲ ਦੀ ਵਰਤੋਂ ਕਰ ਸਕਦੇ ਹੋ। ਇਸ ਜਾਣਕਾਰੀ ਵਿੱਚੋਂ ਕਿਸੇ ਨੂੰ ਵੀ ਤੁਹਾਡੀ ਪਛਾਣ ਕਰਨ ਵਾਸਤੇ ਨਹੀਂ ਵਰਤਿਆ ਜਾਂਦਾ, ਅਤੇ ਇਸਨੂੰ ਸਿਰਫ਼ ਤੁਹਾਡੇ ਵੱਲੋਂ ਪ੍ਰੇਰਿਤ ਅਵਤਾਰਾਂ ਦੀ ਸਿਫਾਰਸ਼ ਕਰਨ ਦੇ ਇੱਕੋ-ਇੱਕ ਉਦੇਸ਼ ਲਈ ਵਰਤਿਆ ਜਾਵੇਗਾ।
ਇੱਕ ਵਾਰ ਜਦੋਂ ਤੁਸੀਂ ਆਪਣਾ ਅੰਤਿਮ ਅਵਤਾਰ ਚੁਣ ਲੈਂਦੇ ਹੋ, ਤਾਂ ਤੁਹਾਡੀ ਫ਼ੋਟੋ, ਚਿਹਰੇ ਦੇ ਅਨੁਮਾਨਿਤ ਪੁਆਇੰਟ, ਚਿਹਰੇ ਦੇ ਪੂਰਵ-ਅਨੁਮਾਨਿਤ ਗੁਣ ਅਤੇ ਸਿਫ਼ਾਰਸ਼ ਕੀਤੇ ਅਵਤਾਰਾਂ ਨੂੰ ਤੁਰੰਤ ਮਿਟਾਉਣ ਲਈ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਜਾਵੇਗੀ। ਪੂਰੀ ਤਰ੍ਹਾਂ ਮਿਟਾਏ ਜਾਣ ਦੀ ਪ੍ਰਕਿਰਿਆ ਨੂੰ ਪੂਰਾ ਹੋਣ ਵਿੱਚ 14 ਦਿਨ ਤੱਕ ਲੱਗ ਸਕਦੇ ਹਨ।
WhatsApp ਦੀ ਪਰਦੇਦਾਰੀ ਨੀਤੀ ਅਧੀਨ, ਤੁਹਾਡਾ ਅੰਤਿਮ ਅਵਤਾਰ WhatsApp ਦੁਆਰਾ ਅਤੇ ਤੁਹਾਡੀ ਡਿਵਾਈਸ 'ਤੇ ਸਟੋਰ ਕੀਤਾ ਜਾਵੇਗਾ ਤਾਂ ਜੋ ਤੁਸੀਂ ਇਸਨੂੰ WhatsApp 'ਤੇ ਇੰਟਰੈਕਟਿਵ ਡਿਜੀਟਲ ਅਨੁਭਵਾਂ ਲਈ ਵਰਤ ਸਕੋ। ਇੱਕ ਵਾਰ ਜਦੋਂ ਤੁਹਾਡਾ ਅੰਤਿਮ ਅਵਤਾਰ ਬਣ ਜਾਂਦਾ ਹੈ, ਤਾਂ ਤੁਸੀਂ ਆਪਣੀਆਂ WhatsApp ਅਵਤਾਰ ਸੈਟਿੰਗਾਂ ਵਿੱਚ ਜਾ ਕੇ "ਅਵਤਾਰ ਮਿਟਾਓ" 'ਤੇ ਕਲਿੱਕ ਕਰਕੇ ਕਿਸੇ ਵੀ ਸਮੇਂ ਇਸਨੂੰ ਮਿਟਾ ਸਕਦੇ ਹੋ। ਜੇ ਤੁਸੀਂ ਆਪਣਾ WhatsApp ਅਕਾਊਂਟ ਮਿਟਾ ਦਿੰਦੇ ਹੋ ਤਾਂ ਤੁਹਾਡਾ ਅੰਤਿਮ ਅਵਤਾਰ ਵੀ ਸਵੈਚਲ ਮਿਟਾ ਦਿੱਤਾ ਜਾਵੇਗਾ।