બૌદ્ધિક સંપદા પોલિસી: તમારા કોપિરાઇટ અને ટ્રેડમાર્ક

અનુક્રમણિકા

• કોપીરાઇટ
• ટ્રેડમાર્ક
• WhatsAppને કોપિરાઇટ અથવા ટ્રેડમાર્ક ઉલ્લંઘનનો દાવો મોકલવામાં કઈ વિગતોનો સમાવેશ કરશો

WhatsApp LLC ("WhatsApp," "અમારું", "અમે", અથવા "આપણે") લોકો અને સંસ્થાઓના બૌદ્ધિક સંપદાના અધિકારોના રક્ષણમાં મદદ કરવા માટે પ્રતિબદ્ધ છે. અમારા વપરાશકર્તાઓ અમારી એપ્સને ઇન્સ્ટોલ કરીને, તેમાં પ્રવેશની પરવાનગી મેળવીને અથવા અમારી ઍપ, સેવાઓ, સુવિધાઓ, સોફ્ટવેર કે વેબસાઇટ (એકસાથે, "સેવાઓ")નો ઉપયોગ કરીને અમારી સેવાની શરતો ("શરતો") સાથે સંમત છે. અમારી શરતો અમારા વપરાશકર્તાઓને અમારી સેવાઓના ઉપયોગ દરમિયાન, કોઈ બીજાની કોપીરાઇટ અને ટ્રેડમાર્ક સહિતની બૌદ્ધિક સંપદાના અધિકારોનું ઉલ્લંઘન કરવાની પરવાનગી આપતી નથી.

અમારી પ્રાઇવસી પોલિસીમાં વિસ્તારથી જણાવેલ છે તે મુજબ અમે સામાન્ય રૂપે અમારી સેવાઓ પ્રદાન કરતી વખતે, અમારા વપરાશકર્તાઓના મેસેજ જાળવતા નથી. જોકે, અમે અમારા વપરાશકર્તાઓના એકાઉન્ટની માહિતી, તેમનું પ્રોફાઇલ પિક્ચર, પ્રોફાઈલનું નામ, અથવા સ્ટેટસ મેસેજ સહિત, જો તેઓ આ માહિતીને તેમના એકાઉન્ટની વિગતોના ભાગ તરીકે સમાવેશ કરે, તો તેને હોસ્ટ કરીએ છીએ.

પાછા ઉપર જાઓ

કોપિરાઇટ ઉલ્લંઘનની જાણ કરવી અને કોઈ પણ ઉલ્લંઘન કરતા હોસ્ટ થયેલા કન્ટેટને દૂર કરવાની WhatsAppને વિનંતી માટે, (જેમ કે WhatsApp વપરાશકર્તાનું પ્રોફાઇલ પિક્ચર, પ્રોફાઇલ નામ અથવા સ્ટેટસ મેસેજ) કૃપયા કૉપિરાઇટ ઉલ્લંઘનનો પૂર્ણ દાવો કરતો (નીચે જણાવ્યા મુજબની બધી માહિતી સહિત) ip@whatsapp.com પર એક ઇમેઇલ કરો. તમે કોપિરાઇટ ઉલ્લંઘનનો પૂર્ણ દાવો WhatsAppના કોપિરાઇટ એજન્ટને ટપાલથી પણ મોકલી શકો છો:

WhatsApp LLC
Attn: WhatsApp Copyright Agent
1601 Willow Road
Menlo Park, California 94025
United States of America
ip@whatsapp.com

કોપિરાઇટ ઉલ્લંઘનના દાવાની જાણ કરતા પહેલાં, તમારા પ્રમાણે જે સંબંધિત WhatsApp વપરાશકર્તા છે જેણે કોપિરાઇટનું ઉલ્લંઘન કર્યાનું તમે માનતા હોવ, તેને એક મેસેજ મોકલી શકો છો. તમે WhatsAppનો સંપર્ક કર્યા વિના પણ સમસ્યાને ઉકેલી શકો છો.

પાછા ઉપર જાઓ

ટ્રેડમાર્ક ઉલ્લંઘનની જાણ કરવા અને જેને WhatsApp હોસ્ટ કરે છે તે કોઈપણ ઉલ્લંઘન કરતા કન્ટેટને દૂર કરવાની વિનંતી માટે, કૃપયા ટ્રેડમાર્ક ઉલ્લંઘનનો પૂર્ણ દાવો કરતો (નીચે જણાવ્યા મુજબની બધી માહિતી સહિત) ip@whatsapp.com પર એક ઇમેઇલ કરો.

ટ્રેડમાર્ક ઉલ્લંઘનના દાવાની જાણ કરતા પહેલાં, તમારા પ્રમાણે જે સંબંધિત WhatsApp વપરાશકર્તા છે જેણે ટ્રેડમાર્કનું ઉલ્લંઘન કર્યાનું તમે માનતા હોવ, તેને એક મેસેજ મોકલી શકો છો. તમે WhatsAppનો સંપર્ક કર્યા વિના પણ સમસ્યાને ઉકેલી શકો છો.

પાછા ઉપર જાઓ

જ્યારે WhatsAppને કોપિરાઇટ અથવા ટ્રેડમાર્ક ઉલ્લંઘનના દાવાની જાણ કરો ત્યારે કૃપા કરીને નીચે જણાવેલ બધીજ માહિતીનો સમાવેશ કરવો:

• તમારો સંપર્ક કરવા માટેની પૂરી જાણકારી (પૂરું નામ, પૂરું સરનામું, અને ફોન નંબર). નોંધ કરો કે તમારી સંપર્કની માહિતી, તમારૂં નામ અને ઇમેઇલ એડ્રેસ સહિત (જો આપેલ હોય તો), તમારી સંસ્થા અથવા ક્લાયન્ટનું નામ કે જે પ્રશ્નમાં અધિકારો ધરાવે છે અને તમારા અધિકાર ઉલ્લંઘન દાવાની વિગતો એ વ્યક્તિને નિયમિતપણે આપીએ છીએ જેમના કન્ટેટની તમે જાણ કરી રહ્યા છો. તમે ઇચ્છો તો તમારું વ્યાવસાયિક અથવા બિઝનેસ ઇમેઇલ એડ્રેસ જ્યાં તમારો સંપર્ક થઇ શકે એ આપી શકો છો.
• કોપિરાઇટ કરાયેલું કાર્ય અથવા ટ્રેડમાર્કનું ઉલ્લંઘન થવાનો તમે દાવો કરી રહ્યા હોવ તેનું વર્ણન.
• તમે જે કોપિરાઇટ અથવા ટ્રેડમાર્કના ઉલ્લંઘન થવાનો દાવો કરી રહ્યા હોવ તે અમારી હોસ્ટ કરાયેલી સેવાઓના કન્ટેટનું વર્ણન.
• અમારી સેવાઓ પરની સામગ્રીને અમે શોધી શકીએ તે માટે વાજબી રીતે પૂરતી માહિતી. આ કરવા માટેની સૌથી સરળ રીત એ છે કે તમે એ વ્યક્તિનો ફોન નંબર આપો જેણે ઉલ્લંઘન કરતી વિગતો અમારી સેવાઓ પર રજુ કરી છે.
• એક ઘોષણા કે:
  • તમને વિશ્વાસ છે કે ઉપર દર્શાવ્યા પ્રમાણે કોપિરાઇટ અથવા ટ્રેડમાર્ક કરાયેલા કન્ટેટનો ઉપયોગ, તમે જે રીતે ફરિયાદ કરી છે તે કોપિરાઇટ અથવા ટ્રેડમાર્ક માલિક, તેના એજન્ટ, અથવા કાયદા દ્વારા અધિકૃત નથી;
  • તમારા દાવામાં માહિતી ચોક્કસ છે; અને
  • ખોટી જુબાની દંડ હેઠળ, તમે જાહેર કરો છો કે, તમે એક વિશિષ્ટ કોપિરાઇટ અથવા ટ્રેડમાર્ક જેનું કથિત રૂપે ઉલ્લંઘન થયું છે તેના માલિક છો અથવા માલિક વતી કાર્ય કરવા માટે અધિકૃત છો.
• તમારા ઇલેક્ટ્રોનિક હસ્તાક્ષર અથવા ભૌતિક હસ્તાક્ષર.

પાછા ઉપર જાઓ