WhatsApp چینلز کی سبسکرپشن حاصل کرنے والے سبسکرائبر کیلئے سروس کی شرائط
مؤثر تاریخ 16 جون، 2025
یہ WhatsApp چینلز کی سبسکرپشن حاصل کرنے والے سبسکرائبر کیلئے سروس کی شرائط ("چینلز سبسکرائبر کی شرائط" یا "شرائط") آپ کے ذریعے (جس کا حوالہ یہاں آپ، آپ کے، اور/یا سبسکرائبر کے طور پر دیا گیا ہے) کسی چینل کی سبسکرپشن کی خریداری کرنے اور اس میں شامل ہونے کی نگرانی کرتی ہیں (جیسا کہ ذیل میں بیان کیا گیا ہے)۔ چینلز سبسکرپشن میں شامل ہونے یا بصورت دیگر حصہ لینے کا مطلب ہے کہ آپ ان چینلز سبسکرائبر کی شرائط سے متفق ہیں۔ براہ کرم ان چینلز سبسکرائبر کی شرائط کو بغور پڑھیں۔
چینل کے مالک (مالکان) سے مراد وہ فرد یا ادارہ ہے جو WhatsApp چینل اور اس میں موجود چینلز سبسکرپشن مواد کے مالک ہوتے ہیں۔
چینلز سبسکرپشن(سبسکرپشنز) کا مطلب ہے خودکار طور پر ماہانہ ادائیگی کے ساتھ جاری رہنے والی سبسکرپشن جو WhatsApp پر دستیاب کی جاتی ہے، تاکہ صارف کو کسی چینل کے مالک کے سبسکرپشن مواد اور/یا کچھ مخصوص ڈیجیٹل فیچرز تک رسائی حاصل ہو سکے۔
چینلز سبسکرپشن مواد کا مطلب ہے وہ مواد جو کسی چینل کے مالک کی جانب سے صرف ان سبسکرائبر کو فراہم کیا جاتا ہے جنہوں نے اُس مالک کے چینل کی سبسکرپشن خرید رکھی ہو۔
آپ یا سبسکرائبر کا مطلب ہے کوئی بھی شخص جو WhatsApp سے چینلز کی سبسکرپشن خریدتا ہے۔
تجدید کی تاریخ سے مراد آپ کی جانب سے سبسکرپشن لیے جانے کی تاریخ کے بعد ہر مہینے کی وہ تاریخ یا ہر سال کا وہ مہینہ اور تاریخ ہے (جو بھی قابل اطلاق ہو) جو آپ کی جانب سے سبسکرپشن لیے جانے کی تاریخ یا مہینہ کے دن (جو بھی قابل اطلاق ہو) کے ساتھ مماثل ہوتا ہے۔ ہر تجدید کی تاریخ پر، آپ کے چینل کی سبسکرپشن خود کار طور پر تجدید ہو جائے گی اور آپ سے نئی مدت کیلئے سبسکرپشن کی فیس وصول کی جائے گی، الّا یہ کہ آپ خود چینلز کی سبسکرپشن منسوخ کر دیں یا ذیل میں بیان کردہ شرائط کے مطابق چینل کی سبسکرپشن کسی اور وجہ سے بند کر دی جائے۔ مثال کے طور پر، اگر آپ ماہانہ سبسکرپشن کا انتخاب کرتے ہیں اور آپ کی سبسکرپشن کی تاریخ (جیسا کہ ذیل میں بیان کیا گیا ہے) 15 فروری ہے، تو آپ سے اسی سال کی 15 مارچ کو چینلز کی سبسکرپشن فیس دوبارہ وصول کی جائے گی، اور اس کے بعد ہر مہینے کی 15 تاریخ کو آپ سے سبسکرپشن کی فیس وصول کی جاتی رہے گی جب تک کہ آپ کی سبسکرپشن منسوخ نہیں ہو جاتی یا بصورت دیگر بند نہیں ہو جاتی۔ اگر آپ کسی ایسے کیلنڈر دن کو چینلز سبسکرپشن کی ادائیگی کرتے ہیں جو دن کسی مخصوص مہینے میں موجود نہیں ہوتا، تو اُس مہینے میں آپ کی تجدید کی تاریخ مہینے کی آخری تاریخ ہوگی۔ مثال کے طور پر، اگر آپ کی سبسکرپشن کی تاریخ 31 مارچ ہے، تو آپ کی پہلی تجدید کی تاریخ 30 اپریل ہوگی، اور اس کے بعد ہر مہینے کی 30 تاریخ کو آپ کی سبسکرپشن کی تجدید ہوتی رہے گی۔
سبسکرپشن کی تاریخ کا مطلب وہ تاریخ ہے جس دن آپ ان شرائط کو قبول کرتے ہیں۔
سبسکرپشن کی مدت سے مراد ہر ایک ماہ کی وہ مدت ہے جو آپ کی سبسکرپشن کی تاریخ کے بعد شروع ہوتی ہے۔ مثال کے طور پر، اگر آپ ماہانہ سبسکرپشن پلان منتخب کرتے ہیں، اور آپ کی سبسکرپشن کی تاریخ 15 مارچ ہے، تو سبسکرپشن کی موجودہ مدت اسی کیلنڈر سال کے 15 مارچ سے 14 اپریل تک رہے گی اور اگلی سبسکرپشن کی مدت خود کار طور پر اسی کیلنڈر سال کے 15 اپریل سے شروع ہوگی۔
فریق ثالث پلیٹ فارم فراہم کنندہ (فراہم کنندگان) کا مطلب ہے کوئی غیر WhatsApp پلیٹ فارم، جیسے کہ Apple App Store یا Google Play، جس کے ذریعے آپ چینلز سبسکرپشن خریدتے ہیں۔
- ہم اپنی کُلی صوابدید پر کسی بھی وقت چینلز سبسکرپشن تک آپ کی رسائی کو محدود کرنے کا حق رکھتے ہیں، جس میں (لیکن صرف اسی تک محدود نہیں) چینلز کے مالک کے ذریعے کسی بھی مواد تک آپ کی رسائی کو محدود کرنا شامل ہے۔
- ہم اپنی کُلی صوابدید پر کسی بھی وقت چینلز سبسکرپشن کے آفر کو تبدیل کر سکتے ہیں یا اسے بند کر سکتے ہیں۔ ہم چینلز سبسکرپشنز کو بند کرنے یا غیر فعال کرنے کی صورت میں ہونے والے کسی بھی طرح کے نقصان کے ذمہ دار نہیں ہوں گے۔
- چینلز کے سبسکرپشنز کی ماہانہ فیس مختلف ہوتی ہے اور ہر چینل کی سبسکرپشن کی ماہانہ فیس اُس چینل کے مالک کی جانب سے منتخب کی جاتی ہے۔ آپ کے چینلز سبسکرپشن کی قیمت چینلز کی سبسکرپشن لیتے وقت آپ کو بتا دی جائے گی۔
- جب آپ کسی فریق ثالث پلیٹ فارم فراہم کنندہ کے ذریعے چینلز کے سبسکرپشن خریدتے ہیں تو اس خریداری کیلئے آپ سے رقم وہی فریق ثالث پلیٹ فارم فراہم کنندہ وصول کرے گا اور یہ خریداری کے وقت آپ کو بیان کردہ شرائط کے مطابق ہوگی، نیز آپ کے استعمال پر اسی پلیٹ فارم کی تمام شرائط و ضوابط کا اطلاق ہوگا۔
- ہم WhatsApp کی جانب سے کچھ صارفین سے رقم وصول کرنے اور انہیں کچھ متعلقہ سروسز فراہم کرنے کیلئے، WhatsApp سے ملحقہ اداروں سمیت، کچھ سروس فراہم کنندگان کو نامزد کر سکتے ہیں۔ جب ہم کسی ایسے سروس فراہم کنندہ کے ساتھ آپ کی معلومات شیئر کرتے ہیں جس کے ذریعے ہمیں آپ کی معلومات پراسس کرانی ہوتی ہے تو ہم اس سے ہماری ہدایات اور شرائط پر سختی سے عمل کرتے ہوئے ان معلومات کو پراسس کرنے کیلئے کہتے ہیں۔ مزید معلومات کیلئے یہاں WhatsApp کی پرائيویسی پالیسیاں دیکھیں۔ ہم ان سروس فراہم کنندگان کو، جہاں قابل اطلاق ٹیکس قوانین کے تحت قانونی طور پر ایسا کرنے کی اجازت ہو، VAT/GST مقاصد (اور اسی طرح کے دیگر متعین کردہ ٹیکسز) کیلئے ایک انٹرمیڈیری/پلیٹ فارم آپریٹر کے طور پر بھی نامزد کر سکتے ہیں تاکہ وہ صارفین سے پیمنٹ وصول کرنے کی اجازت حاصل کر سکیں، انہیں انوائس بھیج سکیں، اور بعض صارفین سے مخصوص پروڈکٹ یا سروسز کی فراہمی کے سلسلے میں ادائیگیاں وصول کر سکیں؛ نیز صارفین کو مخصوص پروڈکٹس/سروسز کی فراہمی پر قابلِ اطلاق VAT/GST (اور اسی طرح کے دیگر متعین کردہ ٹیکسز) کو وصول کرنے، جمع کرنے، رپورٹ کرنے اور متعلقہ دائرہ اختیار میں ٹیکس حکام کو ادا کرنے کیلئے ذمہ دار فریق (فریقوں) کے طور پر نامزد کر سکیں۔
- آپ کی سبسکرپشن کی مدت سبسکرپشن کی تاریخ سے شروع ہوتی ہے اور ماہانہ بنیاد پر خود کار طور پر تجدید ہوتی رہتی ہے، الا یہ کہ اسے پہلے منسوخ یا بند کر دیا گیا ہو، یا بصورت دیگر آپ کو کسی آفر کے متعلق مطلع کیا گیا ہو۔ آپ اس بات کو تسلیم کرتے ہیں اور اس سے اتفاق کرتے ہیں کہ WhatsApp آپ سے ہر تجدید کی تاریخ پر چینلز سبسکرپشن کی ماہانہ پیمنٹ ("سبسکرپشن فیس") وصول کر سکتا ہے، الّا یہ کہ آپ کے چینلز کی سبسکرپشن کو موجودہ سبسکرپشن کی مدت کے اختتام سے پہلے بند یا منسوخ کر دیا جائے۔
- اپنے چینلز کی سبسکرپشن منسوخ کرنے کیلئے، آپ متعلقہ چینل پر جا سکتے ہیں اور اپنی سبسکرپشن منسوخ کرنے کیلئے "سبسکرپشن مینج کریں" پیج تک رسائی حاصل کرنے کیلئے چینل کے ہیڈر پر ٹیپ کر سکتے ہیں۔ آپ اپنی چینل کی سبسکرپشن کو فریقِ ثالث پلیٹ فارم فراہم کنندہ کے ذریعے بھی براہِ راست منسوخ کر سکتے ہیں۔ کچھ فریق ثالث فراہم کنندگان کیلئے، آپ کو اپنی چینلز سبسکرپشن کو موجودہ سبسکرپشن مدت کے اختتام سے (24) گھنٹے پہلے منسوخ کرنا پڑ سکتا ہے تاکہ چینلز سبسکرپشن خود کار طور پر تجدید نہ ہو۔
- جب آپ چینل سبسکرپشن خریدتے ہیں، تو ہم آپ کو فوراً اس سبسکرپشن تک رسائی فراہم کر دیتے ہیں؛ اور نتیجتاً آپ کو عام حالات میں چینلز سبسکرپشن کے متعلق اپنے ارادے سے دست بردار ہونے اور 'کولنگ آف پیریڈ' کے اندر پیسے واپس لینے کا جو قانونی حق ہے وہ حاصل نہیں ہوگا الّا یہ کہ قانون اس کی اجازت دے۔ چونکہ آپ فوراً چینل سبسکرپشن استعمال کرنے سے متفق ہیں اور 'کولنگ آف پیریڈ' کے دوران اپنا ارادہ تبدیل کرنے کے قانونی حق سے دستبردار ہونے پر رضمامند ہیں اس لیے آپ کو اس 'کولنگ آف پیریڈ' مدت کے اندر سبسکرپشن منسوخ کر کے رقم واپس لینے کا قانونی حق حاصل نہیں ہوگا۔
- جب آپ چینلز سبسکرپشن خریدتے ہیں، تو آپ اس بات پر رضا مند ہوتے ہیں کہ چینل کے مالک(مالکان) جن کے چینلز کی سبسکرپشن آپ نے لی ہے وہ اپنے WhatsApp چینل پر آپ کے چینل سبسکرپشن کے بارے میں معلومات حاصل کر سکتے ہیں، جیسے کہ آپ نے سبسکرپشن لی ہے یا نہیں، اور آپ کی پیمنٹ کا اسٹیٹس۔
- آپ اس بات سے اتفاق کرتے ہیں اور سمجھتے ہیں کہ WhatsApp کسی بھی چینل سبسکرپشن مواد پر ایڈیٹوریل کنٹرول نہیں رکھتا، اور نہ ہی اس کی ذمہ داری لیتا ہے۔ چینلز سبسکرپشنز کا استعمال آپ کی صوابدید پر ہے۔
- چینلز سبسکرپشنز کے مسلسل استعمال کیلئے ایک فعال WhatsApp اکاؤنٹ درکار ہوتا ہے۔ اگر آپ اپنا WhatsApp اکاؤنٹ حذف کر دیتے ہیں تو آپ کی چینل سبسکرپشنز خود کار طور پر منسوخ ہو جائیں گی اور آپ چینلز سبسکرپشنز کے ذریعے حاصل کردہ کسی بھی مواد تک رسائی سے محروم ہو جائیں گے۔
- WhatsApp کو وقتاً فوقتاً ان شرائط کو اپ ڈیٹ کرنے کا حق حاصل ہے۔ اگر ان شرائط میں کوئی تبدیلی اہم ہے، تو تبدیلی کے مؤثر ہونے سے پہلے ہم آپ کو نوٹس فراہم کریں گے، تاکہ آپ اپنے چینلز سبسکرپشن کے استعمال کو ختم یا بند کرنے کا انتخاب کر سکیں۔ شرائط میں اہم تبدیلیوں کے باوجود آپ کے ذریعے چینلز سبسکرپشن کے مسلسل استعمال سے یہ سمجھا جائے گا کہ آپ ان تبدیلیوں پر رضامند ہیں اور ان شرائط میں کی گئی کوئی بھی اپ ڈیٹ یا تبدیلی ہر اُس چینلز سبسکرپشن کی خریداری یا تجدید پر لاگو ہوگی جو اس طرح کی ترمیم کے بعد خریدی جائے گی۔ ہمیں وقتاً فوقتاً چینلز سبسکرپشن کی قیمت میں تبدیلی کا حق حاصل ہے۔ ہم آپ کم سبسکرپشن کی قیمت میں کسی بھی قسم کے اضافے کی کم از کم 30 دن پہلے اطلاع دیں گے۔ اگر آپ اپنے چینلز کی سبسکرپشن کو نئے سبسکرپشن پلان کے ساتھ جاری نہیں رکھنا چاہتے تو آپ اگلی سبسکرپشن کی مدت شروع ہونے سے پہلے اپنی سبسکرپشن منسوخ کر سکتے ہیں۔ ہم سبسکرپشن کی قیمت میں کسی بھی طرح کی کمی کی اطلاع 30 دن سے کم وقت میں بھی فراہم کر سکتے ہیں؛ براہِ کرم ہماری طرف سے سبسکرپشن کی قیمت میں کسی بھی طرح کی کمی سے متعلق اطلاع کو چیک کریں تاکہ آپ کو معلوم ہو سکے کہ اس کمی کا اطلاق کب سے ہوگا۔ اگر آپ نے فریق ثالث پلیٹ فارم فراہم کنندہ کے ذریعے سبسکرپشن خریدی ہے تو قیمت میں تبدیلی بھی اس فریق ثالث یا سروس کی شرائط و ضوابط کے تابع ہو سکتی ہے۔ اگر آپ جرمنی میں مقیم ہیں تو اس سیکشن کا اطلاق نہیں ہوتا ہے۔
- آپ اس بات کو بھی تسلیم کرتے ہیں کہ ہم یا کوئی بھی چینل کا مالک وقتاً فوقتاً، آپ کی چینل سبسکرپشن کے حصے کے طور پر آپ کیلئے دستیاب خصوصیات یا مواد کو تبدیل کر سکتا ہے، بشمول بلنگ کی مدت کے دوران۔ اگر آپ اس طرح کی کسی تبدیلی کے نتیجے میں اپنے چینلز کی سبسکرپشن جاری نہیں رکھنا چاہتے ہیں تو آپ کو اگلی بلنگ کی مدت شروع ہونے سے قبل اسے منسوخ کر دینا چاہیے۔ آپ کے ذریعے چینل سبسکرپشنز کا مسلسل استعمال اور/یا اگلی بلنگ مدت کیلئے اس کی تجدید، ان تبدیلیوں کی منظوری تصور کی جائے گی۔
- یہ شرائط، WhatsApp کی سروس کی شرائط اور اس میں شامل تمام دیگر شرائط، ضوابط، اور پالیسیوں (مجموعی طور پر "WhatsApp کی شرائط") کی تکمیل کرتی ہیں۔ ان شرائط اور WhatsApp کی شرائط کے درمیان کسی بھی واضح تنازعہ کی صورت میں یہ شرائط مکمل طور آپ کے چینلز سبسکرپشنز کے استعمال کے حوالے سے اور صرف تنازعہ کی حد تک نگرانی کریں گی۔