WhatsApp चॅनल्सचे सदस्यत्व घेणाऱ्या व्यक्तीसाठी सदस्यत्वाच्या सेवाशर्ती

१६ जून, २०२५ पासून प्रभावी

या WhatsApp चॅनल्सचे सदस्यत्व घेणाऱ्या व्यक्तीसाठी सदस्यत्वाच्या सेवाशर्ती (“चॅनल्सचे सदस्यत्व घेणाऱ्या व्यक्तीसाठी अटी” किंवा “अटी”) तुमच्या (येथे तुम्ही, तुम्हाला आणि/किंवा सदस्यत्व घेणारी व्यक्ती म्हणून संदर्भ दिला आहे) चॅनल्सच्या सदस्यत्वामधील खरेदी आणि सहभागाचे नियमन करतात (खाली परिभाषित केल्याप्रमाणे). सामील होऊन किंवा अन्यथा चॅनल्सच्या सदस्यत्वात सहभागी होऊन, तुम्ही चॅनल्सचे सदस्यत्व घेणाऱ्या व्यक्तीसाठी असलेल्या सदस्यत्वाच्या या अटींना सहमती देता. कृपया या चॅनल्सचे सदस्यत्व घेणाऱ्या व्यक्तीसाठी असलेल्या सदस्यत्वाच्या अटी काळजीपूर्वक वाचा.

चॅनल्सचे मालक याचा अर्थ असा की अशी व्यक्ती किंवा घटक जो चॅनल्स सदस्यत्वाच्या कंटेन्टसह WhatsApp चॅनलचा मालक आहे.

चॅनल्सचे सदस्यत्व याचा अर्थ असा की WhatsApp वर चॅनल मालकाच्या चॅनल्स सदस्यत्वाच्या कंटेन्टमधील आणि/किंवा विशिष्ट डिजिटल फीचर्सच्या ॲक्सेसच्या बदल्यात उपलब्ध केलेले आवर्ती स्वरूपातील मासिक सदस्यत्व.

चॅनल्स सदस्यत्व कंटेन्ट याचा अर्थ असा की चॅनल मालकाने अशा सदस्यत्व घेणाऱ्या व्यक्तींसाठी उपलब्ध करून दिलेला कंटेन्ट ज्यांनी त्या चॅनल मालकाच्या चॅनल्सचे सदस्यत्व घेतले आहे.

तुम्ही किंवा सदस्यत्व घेणारी व्यक्ती याचा अर्थ असा की जे WhatsApp कडून चॅनल्सचे सदस्यत्व खरेदी करतात.

नूतनीकरणाची तारीख याचा अर्थ असा की तुमच्या सदस्यत्वाच्या तारखेनंतरचा प्रत्येक महिन्यातील कॅलेंडर दिवस किंवा कॅलेंडर महिना आणि प्रत्येक वर्षातील कॅलेंडर दिवस (प्रत्येक केसमधील, लागू असल्याप्रमाणे), जो तुमच्या सदस्यत्वाच्या तारखेच्या कॅलेंडर दिवस किंवा कॅलेंडर महिना आणि दिवसाशी संबंधित असतो (प्रत्येक केसमधील, लागू असल्याप्रमाणे). प्रत्येक नूतनीकरणाच्या तारखेस, तुमच्या चॅनल्स सदस्यत्वाचे नूतनीकरण स्वयंचलितपणे होईल आणि जोपर्यंत तुम्ही तुमचे चॅनल्सचे सदस्यत्व रद्द करत नाही किंवा खालील अटींनुसार, तुमचे चॅनल्सचे सदस्यत्व अन्यथा खंडीत होत नाही तोपर्यंत तुमच्याकडून दुसऱ्या सदस्यत्वाच्या सत्रासाठी शुल्क आकारले जाईल. उदाहरणार्थ, तुम्ही मासिक सदस्यत्व निवडल्यास आणि तुमची सदस्यत्वाची तारीख (खाली वर्णन केल्याप्रमाणे) 15 फेब्रुवारी असेल तर, जोपर्यंत तुमचे चॅनल्सचे सदस्यत्व रद्द होत नाही किंवा अन्यथा खंडीत होत नाही तोपर्यंत तुमच्याकडून त्याच कॅलेंडर वर्षाच्या 15 मार्च रोजी चॅनल्स सदस्यत्वाच्या दुसऱ्या महिन्यासाठी आणि त्यानंतरच्या महिन्याच्या 15 व्या दिवशी शुल्क आकारले जाईल. जर तुम्ही दिलेल्या महिन्यातील नसलेल्या कॅलेंडरच्या दिवशी चॅनलच्या सदस्यत्वासाठी देय दिल्यास, तुमची नूतनीकरणाची तारीख अशा महिन्याच्या शेवटच्या दिवशी असेल. उदाहरणार्थ, तुमची सदस्यत्वाची तारीख 31 मार्च असल्यास, तुमची पहिली नूतनीकरणाची तारीख 30 एप्रिल असेल आणि त्यानंतरच्या नूुतनीकरणाच्या तारखा त्यानंतरच्या महिन्यांतील 30 व्या दिवशी येतील.

सदस्यत्वाची तारीख याचा अर्थ असा की अशी तारीख जेव्हा तुम्ही या अटी स्वीकारता.

सदस्यत्वाचे सत्र याचा अर्थ असा की तुमच्या सदस्यत्वाच्या तारखेनंतरचा प्रत्येक एक-महिना. उदाहरणार्थ, तुम्ही मासिक सदस्यत्वाची एक योजना निवडल्यास आणि तुमची सदस्यत्वाची तारीख 15 मार्च असल्यास, तत्कालीन सदस्यत्वाचे सत्र त्याच कॅलेंडर वर्षाच्या 15 मार्चपासून ते 14 एप्रिलपर्यंत टिकेल आणि त्यानंतरचे सदस्यत्वाचे सत्र स्वंचलितपणे त्याच कॅलेंडर वर्षाच्या 15 एप्रिल रोजी सुरू होईल.

तृतीय-पक्ष प्लॅटफॉर्म प्रोव्हायडर(र्स) याचा अर्थ असा की WhatsApp-नसलेला एक प्लॅटफॉर्म, जसे की Apple App Store किंवा Google Play, ज्याद्वारे तुम्ही चॅनल्सचे सदस्यत्व खरेदी करता.

1. आम्ही पूर्णपणे आमच्या निर्णयानुसार तुमचा चॅनल्सच्या सदस्यत्वामधील ॲक्सेस कधीही प्रतिबंधित करण्याचा अधिकार राखून ठेवतो, यात चॅनल मालकाने तुम्हाला कोणत्याही कंटेन्टमध्ये ॲक्सेस करण्यास ब्लॉक केले असल्यास त्या बाबीचा समावेश होतो (परंतु त्यापुरते मर्यादित नाही).
2. आम्ही पूर्णपणे आमच्या निर्णयानुसार कधीही चॅनल्स सदस्यत्व ऑफर करण्यात बदल करू किंवा थांबवू शकतो. कोणत्याही परिस्थितीत आम्ही कोणत्याही प्रकारे चॅनल्स सदस्यत्व खंडीत किंवा अक्षम करण्यास जबाबदार असणार नाही.
3. चॅनल्सचे सदस्यत्व भिन्न मासिक किमतीच्या पॉइंट्‍सवर ऑफर केल्या जातात आणि प्रत्येक चॅनल्सच्या सदस्यतेचे मासिक शुल्क त्या चॅनल मालकाद्वारे निवडले जाते. तुमच्या चॅनल्सच्या सदस्यतेची किंमत तुमच्या खरेदीच्यावेळी तुम्हाला सांगितली जाईल.
4. तुम्ही एका तृतीय-पक्ष प्लॅटफॉर्म प्रोव्हायडरकडून चॅनल्सचे सदस्यत्व खरेदी करता तेव्हा, त्या खरेदीसाठी त्या तृतीय-पक्ष प्लॅटफॉर्म प्रोव्हायडरद्वारे खरेदीच्यावेळी तुम्हाला सांगितलेल्या अटींनुसार आणि त्या तृतीय-पक्ष प्लॅटफॉर्म प्रोव्हायडरच्या तुमच्या वापरावर लागू होणाऱ्या सर्व अटींनुसार तुमच्याकडून शुल्क आकारले जाईल.
5. WhatsApp च्या वतीने निधी संकलित करण्‍यासाठी आणि विशिष्ट संबंधित सव्हिर्सेस विशिष्ट वापरकर्त्यांना प्रदान करण्यासाठी आम्ही WhatsApp संलग्नकांसह सर्व्हिस प्रोव्हायडर्सदेखील नियुक्त करू शकतो. आम्ही सर्व्हिस प्रोव्हायडर्ससोबत ज्याप्रमाणात माहिती शेअर करतो त्याप्रमाणात, त्यांनी आमच्या सूचना आणि अटींचे काटेकोरपणे पालन करून आमच्यावतीने तुमच्या माहितीवर प्रक्रिया करणे आमच्याकरिता आवश्यक असते. अधिक माहितीसाठी WhatsApp गोपनीयता धोरणे येथे पहा. वापरकर्त्यांकडून शुल्क आकारण्यासाठी, वापरकर्त्यांना इनव्हॉइस जारी करण्यासाठी आणि विशिष्ट प्रॉडक्ट/सर्व्हिसेसच्या डिलिव्हरी संबधात विशिष्ट वापरकर्त्यांकडून पेमेंट संकलित करण्यासाठी आणि जबबादार पक्ष म्हणून वापरकर्त्यांकडून विशिष्ट प्रॉडक्ट/सर्व्हिसेस पुरवण्यासाठी लागू होणाऱ्या VAT/GST (आणि निर्धारित केल्यानुसार इतर तत्सम कर) शुल्क आकारण्याकरिता, संकलित, रिपोर्ट करण्यासाठी आणि ते समर्पक अधिकारक्षेत्रांमधील कर अधिकाऱ्यांना पाठवण्यासाठी अधिकृत करण्याकरिता, लागू होणाऱ्या कर नियमनांच्या अंतर्गत कायदेशीररित्या परवानगी असते त्याप्रमाणात आम्ही VAT/GST हेतूंसाठी (आणि निर्धारित केल्यानुसार इतर तत्सम कर) हे सर्व्हिस प्रोव्हायडर्स मध्यस्थ / प्लॅटफॉर्म ऑपरेटर यारूपात नियुक्तदेखील करू शकतो.
6. तुमचे सदस्यत्व सत्र जर पूर्वी रद्द केले नसेल किंवा खंडीत केले नसेल किंवा अन्यथा तुम्हाला ऑफरमध्ये कम्युनिकेट केले नसेल तर, ते सदस्यत्व घेतल्याच्या तारखेस सरू होते आणि त्याचे स्वयंचलितपणे मासिक आधारावर नूतनीकरण होते. तुम्ही कबूल करता आणि सहमती देता की जर तुमचे चॅनल्स सदस्यत्व खंडीत झाले नसेल किंवा तत्कालीन सदस्यत्व सत्राच्या समाप्तीपूर्वी रद्द झाले नसेल तर, WhatsApp तुमच्याकडून चॅनल्स सदस्यत्व मासिक पेमेंट रक्कम (“सदस्यत्व शुल्क”) प्रत्येक नूतनीकरणाच्या तारखेस आकारू शकते.
7. तुमचे चॅनल्सचे सदस्यत्व रद्द करण्यासाठी, तुम्ही तुमचे सदस्यत्व रद्द करण्याकरिता “सदस्यत्व व्यवस्थापित करा” पेज ॲक्सेस करण्यासाठी संबंधित चॅनलवर जाऊन चॅनल हेडरवर टॅप करू शकता. तुम्ही तुमचे चॅनल्स सदस्यत्व थेट तृतीय-पक्ष प्लॅटफॉर्म प्रोव्हायडरद्वारे रद्द करू शकता. काही तृतीय-पक्ष प्लॅटफॉर्म प्रोव्हायडर्ससाठी, चॅनल्स सदस्यत्वाचे नूतनीकरण स्वयंचलितपणे होणे प्रतिबंधित करण्याकरिता तुम्हाला तुमचे चॅनल्स सदस्यत्व वर्तमान सदस्यत्वाच्या कालावधीच्या समाप्तीपूर्वी (24) तास अगोदर रद्द करावे लागू शकते.
8. तुम्ही चॅनल्सचे सदस्यत्व खरेदी करता तेव्हा, आम्ही तुम्हाला तुमच्या चॅनल्स सदस्यत्वतेमध्ये तात्काळ ॲक्सेस प्रदान करू आणि परिणामी सुस्पष्टपणे कायद्याने आवश्यक नसल्यास, तुमच्या चॅनल्स सदस्यत्वाबद्दल तुमचा विचार बदलण्याचा आणि लागू असलेल्या कुलिंग ऑफ कालावधीदरम्यान रीफंड प्राप्त करण्याचा तुम्हाला कदाचित असलेला कोणताही वैधानिक अधिकार तुम्ही सोडून देता. तुम्ही चॅनल्सच्या सदस्यत्वात तात्काळ ॲक्सेस करण्यास आणि कुलिंग ऑफ कालावधीमध्ये तुमचा विचार बदलण्याचा तुमचा वैधानिक अधिकार सोडून देण्यास सहमती दर्शवली असल्याने, तुम्ही कुलिंग ऑफ कालावधीमध्ये रद्द करण्याचा आणि रीफंड प्राप्त करण्याचा तुमचा वैधानिक अधिकार वापरू शकत नाही.
9. तुम्ही चॅनल्सचे सदस्यत्व खरेदी करता तेव्हा, तुम्ही समजून घेता की तुम्ही ज्या चॅनल मालकांच्या चॅनल्सचे सदस्यत्व घेतले आहे त्यांना त्यांच्या WhatsApp चॅनलवर तुमच्या चॅनल सदस्यत्वाची माहिती प्राप्त होऊ शकते, जसे की तुमचे सदस्यत्व आणि पेमेंट स्टेटस.
10. तुम्ही सहमत आहात आणि समजून घेता की WhatsApp चे कोणत्याही चॅनल्स सदस्यत्वाच्या कंटेन्टवर संपादकीय नियंत्रण नाही तसेच त्यासाठी जबाबदारीदेखील नाही. चॅनल्स सदस्यत्वांचा वापर पूर्णपणे तुमच्या निर्णयावर अवलंबून असतो.
11. चॅनल्स सदस्यत्वांचा सातत्याने वापर करण्यासाठी सक्रिय WhatsApp खाते आवश्यक असते. तुम्ही तुमचे WhatsApp खाते हटवल्यास, तुमचे चॅनल्सचे सदस्यत्व स्वयंचलितपणे रद्द होईल आणि तुम्ही चॅनल्सच्या सदस्यत्वाद्वारे मिळवलेल्या कोणत्याही कंटेन्टचा ॲक्सेस गमवाल.
12. WhatsApp वेळोवेळी या अटी अपडेट करण्याचा अधिकार राखून ठेवते. या अटींमधील कोणताही बदल महत्त्वपूर्ण असल्यास, आम्ही तुम्हाला बदल प्रभावी होण्यापूर्वी नोटीस प्रदान करू, जेणेकरून तुम्ही चॅनल्स सदस्यत्वाचा वापर बंद करण्याची किंवा खंडीत करण्याची निवड करू शकाल. अटींमध्ये महत्त्वपूर्ण बदल झाल्यानंतरदेखील तुमचा चॅनल्सच्या सदस्यत्वाचा वापर सुरू राहण्याचा अर्थ असा की तुम्ही बदलांना स्वीकृती दिली आहे आणि अशी कोणतीही दुरुस्ती केल्यानंतर या अटींमधील कोणतेही बदल किंवा अपडेट्‍स चॅनल्स सदस्यत्वाच्या कोणत्याही खरेदीवर किंवा नूतनीकरणावर लागू होतील. आम्ही चॅनल्स सदस्यत्वाची किंमत वेळोवेळी बदलण्याचा अधिकार राखून ठेवतो. आम्ही किमतीमधील कोणत्याही वाढीबाबत तुम्हाला किमान 30 दिवसांची सूचना देऊ. तुम्ही नवीन किमतीनुसार तुमचे चॅनल्स सदस्यत्व सुरू ठेवू इच्छित नसल्यास, तुम्ही तुमचे सदस्यत्व पुढील सदस्यत्वाच्या कालावधीच्या प्रारंभापूर्वी रद्द करू शकता. आम्ही कोणतीही किंमत कमी झाल्यानंतर 30 दिवसांपेक्षा कमी दिवसांची नोटीस प्रदान करू शकतो; कृपया अशा कोणत्याही कमी झालेल्या किमतीच्या माहितीबद्दल आमच्याकडून तुम्हाला प्राप्त होणाऱ्या कोणत्याही कमी झालेल्या किमतीच्या नोटिफिकेशन्सचा सल्ला घ्या. तुम्ही तृतीय पक्ष प्लॅटफॉर्म प्रोव्हायडरकडून सदस्यत्व खरेदी केले असल्यास, किमतीमधील बदलदेखील तृतीय पक्षाच्या किंवा सर्व्हिसच्या अटी आणि शर्तींच्या अधीन असू शकतात. तुम्ही जर्मनीचे रहिवासी असल्यास हा विभाग लागू होत नाही.
13. तुम्ही हेदेखील कबूल करता की आम्ही किंवा कोणताही चॅनल मालक तुमच्या चॅनल्सच्या सदस्यत्वतेचा भाग म्हणून तुमच्यासाठी उपलब्ध असलेले फीचर्स किंवा कंटेन्ट वेळोवेळी बदलू शकतो, यात बिलिंग कालावधीचा समावेश आहे. तुम्ही अशा कोणत्याही बदलांमुळे तुमच्या चॅनल्सचे सदस्यत्व सुरू ठेवू इच्छित नसल्यास तुम्ही पुढील बिलिंग कालावधीसाठी वचनबद्ध होण्यापूर्वी ते रद्द केले पाहिजे. तुमचा चॅनल्सच्या सदस्यत्वाचा सुरू ठेवलेला वापर आणि/किंवा पुढील बिलिंग कालावधीसाठी केलेले नूतनीकरण म्हणजे त्या बदलांची स्वीकृती मानले जाते.
14. या अटी WhatsApp च्या सेवाशर्ती आणि तेथे अंतर्भूत असलेल्या इतर सर्व अटी, शर्ती आणि धोरणांना पूरक आहेत (एकत्रिपणे, “WhatsApp अटी”). या अटी आणि WhatsApp अटी यांच्यामधील कोणत्याही व्यक्त केलेल्या संघर्षाच्या बाबतीत, या अटी पूर्णपणे तुमच्या चॅनल्स सदस्यत्वाच्या वापरासंबंधात आणि पूर्णपणे संघर्षाच्या प्रमाणात नियमन करतील.