WhatsApp ચેનલના સબ્સ્ક્રિપ્શનના સબ્સ્ક્રાઇબરની સેવાની શરતો

પ્રભાવી થવાની તારીખ: 16 જૂન, 2025

આ WhatsApp ચેનલના સબ્સ્ક્રિપ્શનના સબ્સ્ક્રાઇબરની સેવાની શરતો (“ચેનલના સબ્સ્ક્રાઇબરની શરતો” અથવા “શરતો”) ચેનલના સબ્સ્ક્રિપ્શન (નીચે વ્યાખ્યાયિત કર્યા મુજબ)ની તમારી (અહીં આમાં તમે, તમારા/તમારી અને/અથવા સબ્સ્ક્રાઇબર તરીકે સંદર્ભિત) ખરીદી અને તેમાં તમારી સહભાગિતાનું સંચાલન કરે છે. 'ચેનલના સબ્સ્ક્રિપ્શન'માં જોડાઈને અથવા અન્યથા સહભાગી થઈને, તમે આ 'ચેનલના સબ્સ્ક્રાઇબરની શરતો' સાથે સંમત થાઓ છો. કૃપા કરીને આ 'ચેનલના સબ્સ્ક્રાઇબરની શરતો'ને કાળજીપૂર્વક વાંચો.

ચેનલના માલિક(માલિકો) એટલે એવી વ્યક્તિ અથવા એન્ટિટી કે જેઓ 'ચેનલના સબ્સ્ક્રિપ્શન'નું કન્ટેન્ટ ધરાવનાર WhatsApp ચેનલના માલિક છે.

'ચેનલનું(ચેનલનાં) સબ્સ્ક્રિપ્શન' એટલે ચેનલના માલિકના 'ચેનલના સબ્સ્ક્રિપ્શન'ના કન્ટેન્ટ અને/અથવા અમુક ડિજિટલ સુવિધાઓની એક્સેસના બદલામાં WhatsApp પર ઉપલબ્ધ કરી આપવામાં આવતું આપમેળે પુનરાવર્તિત માસિક સબ્સ્ક્રિપ્શન.

'ચેનલના સબ્સ્ક્રિપ્શન'નું કન્ટેન્ટ એટલે ચેનલના માલિક દ્વારા એવા સબ્સ્ક્રાઇબરને ઉપલબ્ધ કરી આપવામાં આવતું કન્ટેન્ટ કે જેમણે તે ચેનલના માલિકના 'ચેનલના સબ્સ્ક્રિપ્શન'ને સબ્સ્ક્રાઇબ કર્યું છે.

તમે અથવા સબ્સ્ક્રાઇબર એટલે એવી કોઈ પણ વ્યક્તિ કે જે WhatsApp પાસેથી 'ચેનલના સબ્સ્ક્રિપ્શન'ને ખરીદે છે.

રિન્યૂઅલની તારીખ એટલે તમારા સબ્સ્ક્રિપ્શનની તારીખને પગલે દરેક મહિનાનો કેલેન્ડર દિવસ અથવા દરેક વર્ષનો કેલેન્ડર મહિનો અને દિવસ (દરેક કિસ્સામાં, લાગુ પડ્યા મુજબ) કે જે તમારા સબ્સ્ક્રિપ્શનની તારીખના કેલેન્ડર દિવસ અથવા કેલેન્ડર મહિના અને દિવસ (દરેક કિસ્સામાં, લાગુ પડ્યા મુજબ)ની સાથે અનુરૂપ હોય. રિન્યૂઅલની દરેક તારીખે, તમારા 'ચેનલનું સબ્સ્ક્રિપ્શન' આપમેળે રિન્યૂ થઈ જશે અને તમારી પાસેથી બીજા સબ્સ્ક્રિપ્શનની મુદત માટે શુલ્ક લેવામાં આવશે, સિવાય કે તમે તમારા 'ચેનલના સબ્સ્ક્રિપ્શન'ને રદ કરો છો અથવા નીચે આપેલી શરતો અનુસાર તમારા 'ચેનલના સબ્સ્ક્રિપ્શન'ને અન્યથા બંધ કરી દેવામાં આવે છે. ઉદાહરણ તરીકે, જો તમે માસિક સબ્સ્ક્રિપ્શન પસંદ કરો છો અને તમારા સબ્સ્ક્રિપ્શનની તારીખ (નીચે વ્યાખ્યાયિત કર્યા મુજબ) 15 ફેબ્રુઆરી છે, તો જ્યાં સુધી તમારા 'ચેનલના સબ્સ્ક્રિપ્શન'ને રદ કરી દેવામાં ન આવે અથવા અન્યથા બંધ કરી દેવામાં ન આવે ત્યાં સુધી તમારી પાસેથી તે જ કેલેન્ડર વર્ષની 15 માર્ચના રોજ ચેનલના સબ્સ્ક્રિપ્શનના બીજા મહિના માટે અને દરેક અનુગામી મહિનાના 15મા દિવસે શુલ્ક લેવામાં આવશે. તમે 'ચેનલના સબ્સ્ક્રિપ્શન' માટે કેલેન્ડરના એવા કોઈ દિવસે પેમેન્ટ કરો છો કે જે આપેલ મહિનામાં સામેલ નથી તો તે કિસ્સામાં, તમારા રિન્યૂઅલની તારીખ આવા મહિનાના છેલ્લા દિવસે હશે. ઉદાહરણ તરીકે, જો તમારા સબ્સ્ક્રિપ્શનની તારીખ 31 માર્ચ છે, તો તમારા પહેલા રિન્યૂઅલની તારીખ 30 એપ્રિલ હશે અને અનુગામી રિન્યૂઅલની તારીખો અનુગામી મહિનાના 30મા દિવસે હશે.

સબ્સ્ક્રિપ્શનની તારીખ એટલે તે તારીખ કે જે રોજ તમે આ શરતોને સ્વીકારો છો.

સબ્સ્ક્રિપ્શનની મુદત એટલે તમારા સબ્સ્ક્રિપ્શનની તારીખના પગલેના દરેક એક-મહિના. ઉદાહરણ તરીકે, જો તમે માસિક સબ્સ્ક્રિપ્શનના પ્લાનને પસંદ કરો છો અને તમારા સબ્સ્ક્રિપ્શનની તારીખ 15 માર્ચ છે, તો તે વખતની-વર્તમાન સબ્સ્ક્રિપ્શનની મુદત 15 માર્ચથી તે જ કેલેન્ડર વર્ષની 14 એપ્રિલ સુધી ચાલશે અને સબ્સ્ક્રિપ્શનની આગલી મુદત તે જ કેલેન્ડર વર્ષની 15 એપ્રિલથી આપમેળે શરૂ થશે.

તૃતીય-પક્ષના પ્લેટફોર્મની સેવા પૂરી પાડનાર(પાડનારાઓ) એટલે જેમના મારફતે તમે 'ચેનલના સબ્સ્ક્રિપ્શન'ને ખરીદો છો તે નોન-WhatsApp પ્લેટફોર્મ, જેમ કે Apple App Store અથવા Google Play.

1. અમે અમારી સંપૂર્ણ વિવેકબુદ્ધિથી કોઈ પણ સમયે 'ચેનલના સબ્સ્ક્રિપ્શન'ની તમારી એક્સેસને પ્રતિબંધિત કરવાનો અધિકાર અનામત રાખીએ છીએ, જેમાં ચેનલના માલિક તમને કોઈ પણ કન્ટેન્ટને એક્સેસ કરવાથી બ્લોક કરે તો ત્યારે તેમ કરવાનો સમાવેશ થાય છે (પરંતુ તેના સુધી તે મર્યાદિત નથી).
2. અમે અમારી સંપૂર્ણ વિવેકબુદ્ધિથી કોઈ પણ સમયે 'ચેનલનાં સબ્સ્ક્રિપ્શન'ને બદલી શકીએ છીએ અથવા તે ઓફર કરવાનું બંધ કરી શકીએ છીએ. અમે 'ચેનલનાં સબ્સ્ક્રિપ્શન'ને કોઈ પણ રીતે બંધ કરવાં અથવા અક્ષમ કરવાં માટે કોઈ પણ સ્થિતિમાં જવાબદાર હોઈશું નહિ.
3. 'ચેનલનાં સબ્સ્ક્રિપ્શન' અલગ-અલગ માસિક કિંમતે ઓફર કરવામાં આવે છે અને દરેક 'ચેનલના સબ્સ્ક્રિપ્શન'ની માસિક કિંમત તે ચેનલના માલિક દ્વારા પસંદ કરવામાં આવે છે. તમારા 'ચેનલના સબ્સ્ક્રિપ્શન'ની કિંમત તમારી ખરીદી વખતે તમારી સમક્ષ જાહેર કરવામાં આવશે.
4. જ્યારે તમે તૃતીય-પક્ષના પ્લેટફોર્મની સેવા પૂરી પાડનાર મારફતે 'ચેનલનું સબ્સ્ક્રિપ્શન' ખરીદો છો, ત્યારે તૃતીય-પક્ષના પ્લેટફોર્મની સેવા પૂરી પાડનાર દ્વારા, ખરીદી કરવાના સમયે તમારી સમક્ષ જાહેર કરવામાં આવેલી શરતો અને તે તૃતીય-પક્ષના પ્લેટફોર્મની સેવા પૂરી પાડનારના તમારા ઉપયોગ પર લાગુ થતી તમામ શરતો અનુસાર, તમારી પાસેથી તે ખરીદી માટે શુલ્ક લેવામાં આવશે.
5. અમે WhatsApp વતી અમુક વાપરનારાઓ પાસેથી ફંડ એકત્ર કરવા અને તેમને અમુક સંબંધિત સેવાઓ પૂરી પાડવા માટે WhatsApp આનુષંગિકો સહિત સેવા પૂરી પાડનારાઓને પણ નિયુક્ત કરી શકીએ છીએ. અમે સેવા પૂરી પાડનારાઓ સાથે માહિતી શેર કરીએ છીએ તે હદ સુધી, અમારા માટે જરૂરી હોય છે કે તેઓ, અમારી સૂચનાઓ અને શરતોનું ચુસ્તપણે પાલન કરીને, અમારા વતી તમારી માહિતીની પ્રક્રિયા કરે. વધુ માહિતી માટે WhatsAppની પ્રાઇવસી પોલિસી અહીં જુઓ. અમે આ સેવા પૂરી પાડનારાઓને વાપરનારાઓ પરના શુલ્કને અધિકૃત કરવા, વાપરનારાઓને ઇન્વોઇસ જારી કરવા અને અમુક પ્રોડક્ટ/સેવાઓની ડિલિવરીથી સંબંધિત અમુક વાપરનારાઓ પાસેથી પેમેન્ટ એકત્ર કરવા માટે લાગુ ટેક્સ નિયમનો હેઠળ કાનૂની રીતે પરવાનગી આપવા યોગ્ય હદ સુધી VAT/GSTના હેતુઓ (અને નિર્ધારિત કર્યા મુજબના તેના જેવા અન્ય ટેક્સ) માટે મધ્યસ્થી / પ્લેટફોર્મ ઓપરેટર તરીકે; તથા વાપરનારાઓને અમુક પ્રોડક્ટ/સેવાઓનો પુરવઠો પૂરો પાડવા પર લાગુ VAT/GST (અને નિર્ધારિત કર્યા મુજબના તેના જેવા અન્ય ટેક્સ)નો શુલ્ક લાગુ કરવા, વસૂલવા, સંબંધિત અધિકારક્ષેત્રોમાં ટેક્સના સત્તાધિકારીઓને તેની જાણ કરવા અને મોકલવા માટેના જવાબદાર પક્ષ(પક્ષો) તરીકે પણ નિયુક્ત કરી શકીએ છીએ.
6. તમારા સબ્સ્ક્રિપ્શનની મુદત સબ્સ્ક્રિપ્શનની તારીખે શરૂ થાય છે અને માસિક ધોરણે આપમેળે રિન્યૂ થાય છે, સિવાય કે નિયત સમયથી વહેલું તેને રદ અથવા બંધ કરી દેવામાં આવે અથવા ઓફરમાં તમને અન્યથા સંચારિત કરવામાં આવ્યું હોય. તમે એ સ્વીકારો છો અને તેની સાથે સંમત થાઓ છો કે WhatsApp, રિન્યૂઅલની દરેક તારીખે 'ચેનલના સબ્સ્ક્રિપ્શન'ના માસિક પેમેન્ટની રકમ (“સબ્સ્ક્રિપ્શનની ફી”) તમારી પાસેથી વસૂલી શકે છે, સિવાય કે તમારા 'ચેનલનું સબ્સ્ક્રિપ્શન' તે વખતની-વર્તમાન સબ્સ્ક્રિપ્શનની મુદતની સમાપ્તિ પહેલાં બંધ અથવા રદ કરી દેવામાં આવે છે.
7. તમારા 'ચેનલના સબ્સ્ક્રિપ્શન'ને રદ કરવા માટે, તમે સંબંધિત ચેનલની મુલાકાત લઈ શકો છો અને તમારા સબ્સ્ક્રિપ્શનને રદ કરવા માટે “સબ્સ્ક્રિપ્શનનું સંચાલન કરો” પેજને એક્સેસ કરવા માટે ચેનલના હેડર પર દબાવી શકો છો. તમે સીધા જ તૃતીય-પક્ષના પ્લેટફોર્મની સેવા પૂરી પાડનાર મારફતે પણ તમારા 'ચેનલના સબ્સ્ક્રિપ્શન'ને રદ કરી શકો છો. કેટલાક તૃતીય-પક્ષના પ્લેટફોર્મની સેવા પૂરી પાડનારાઓ માટે, તમારે 'ચેનલના સબ્સ્ક્રિપ્શન'ને આપમેળે રિન્યૂ થવાથી અટકાવવા માટે વર્તમાન સબ્સ્ક્રિપ્શનની અવધિની સમાપ્તિના (24) કલાક પહેલાં તમારા 'ચેનલના સબ્સ્ક્રિપ્શન'ને રદ કરવાની જરૂર પડી શકે છે.
8. જ્યારે તમે 'ચેનલનું સબ્સ્ક્રિપ્શન' ખરીદો છો, ત્યારે અમે તમને તમારા 'ચેનલના સબ્સ્ક્રિપ્શન'ની એક્સેસ તરત જ પૂરી પાડીશું; અને પરિણામે, સિવાય કે કાયદા દ્વારા સ્પષ્ટપણે જરૂરી હોય, તમે તમારા 'ચેનલના સબ્સ્ક્રિપ્શન' વિશે તમારો વિચાર બદલવા અને લાગુ કૂલિંગ ઑફ અવધિની અંદર રિફંડ મેળવવા માટેના તમારી પાસે જે કોઈ પણ વૈધાનિક અધિકાર હોય તેને જતો કરો છો. કારણ કે તમે 'ચેનલના સબ્સ્ક્રિપ્શન'ને તરત જ એક્સેસ કરવા માટે સંમત થાઓ છો અને કૂલિંગ ઑફ અવધિમાં તમારા વિચારને બદલવાના તમારા વૈધાનિક અધિકારને જતો કરો છો, તેથી તમે કૂલિંગ ઑફ અવધિની અંદર રદ કરવા અને રિફંડને મેળવવાના તમારા વૈધાનિક અધિકારનો ઉપયોગ કરી શકતા નથી.
9. જ્યારે તમે 'ચેનલના સબ્સ્ક્રિપ્શન'ને ખરીદો છો, ત્યારે તમે એ સમજો છો કે ચેનલના માલિક(માલિકો) કે જેમના 'ચેનલના સબ્સ્ક્રિપ્શન'ને તમે સબ્સ્ક્રાઇબ કર્યું છે તેઓ તેમની WhatsApp ચેનલમાં તમારા 'ચેનલના સબ્સ્ક્રિપ્શન' વિશેની માહિતી મેળવી શકે છે, જેમ કે તમારા સબ્સ્ક્રિપ્શન અને પેમેન્ટનું સ્ટેટસ.
10. તમે એ સમજો છો અને તેની સાથે સંમત થાઓ છો કે WhatsApp પાસે 'ચેનલના સબ્સ્ક્રિપ્શન'ના કોઈ પણ કન્ટેન્ટ માટે ન તો કોઈ પણ એડિટોરિયલ નિયંત્રણ છે ન તો તેના માટેની તેની કોઈ જવાબદારી છે. 'ચેનલનાં સબ્સ્ક્રિપ્શન'નો ઉપયોગ તમારી સંપૂર્ણ વિવેકબુદ્ધિ પર હોય છે.
11. 'ચેનલનાં સબ્સ્ક્રિપ્શન'ના સતત ઉપયોગ માટે એક્ટિવ WhatsApp એકાઉન્ટની જરૂર પડે છે. જો તમે તમારા WhatsApp એકાઉન્ટને ડિલીટ કરો છો, તો તમારાં 'ચેનલનાં સબ્સ્ક્રિપ્શન' આપમેળે રદ થઈ જશે અને 'ચેનલનાં સબ્સ્ક્રિપ્શન' મારફતે મેળવવામાં આવેલા કોઈ પણ કન્ટેન્ટની એક્સેસ તમે ગુમાવી દેશો.
12. WhatsApp, આ શરતોને સમય-સમય પર અપડેટ કરવાનો અધિકાર અનામત રાખે છે. જો આ શરતોમાં થતો કોઈ પણ ફેરફાર મહત્ત્વપૂર્ણ હોય, તો અમે ફેરફાર પ્રભાવી બને તેની પહેલાં તમને તે અંગે નોટિસ પૂરી પાડીશું, જેથી કરીને તમે 'ચેનલના સબ્સ્ક્રિપ્શન'ના તમારા ઉપયોગને સમાપ્ત અથવા બંધ કરવાનું પસંદ કરી શકો. શરતોમાં મહત્ત્વપૂર્ણ ફેરફારો હોવા છતાં 'ચેનલના સબ્સ્ક્રિપ્શન'નો તમારો સતત ઉપયોગ ફેરફારોની તમારી સ્વીકૃતિની રચના કરે છે અને આ શરતોમાં થતી કોઈ પણ અપડેટ અથવા ફેરફારો આવા કોઈ પણ સુધારા પછી કરવામાં આવતી 'ચેનલના સબ્સ્ક્રિપ્શન'ની કોઈ પણ ખરીદી કે રિન્યૂલપ પર લાગુ થશે. અમે 'ચેનલના સબ્સ્ક્રિપ્શન' માટેની કિંમતમાં સમય-સમય પર ફેરફાર કરવાનો અધિકાર અનામત રાખીએ છીએ. અમે કિંમતમાં થતા કોઈ પણ વધારા અંગે તમને ઓછામાં ઓછા 30 દિવસની નોટિસ આપીશું. જો તમે નવી કિંમતે તમારા 'ચેનલના સબ્સ્ક્રિપ્શન'ને ચાલુ રાખવા માંગતા ન હો, તો તમે સબ્સ્ક્રિપ્શનની આગલી અવધિ શરૂ થવાની પહેલાં તમારા સબ્સ્ક્રિપ્શનને રદ કરી શકો છો. અમે કિંમતમાં થતા કોઈ પણ ઘટાડા અંગે 30 દિવસ કરતાં થોડા ઓછા સમયની નોટિસ પૂરી પાડી શકીએ છીએ; કૃપા કરીને કિંમતમાં થયેલા આવા કોઈ પણ ઘટાડા ક્યારે પ્રભાવમાં આવશે તે અંગે માહિતી માટે અમારા તરફથી તમને કિંમતમાં કોઈ પણ ઘટાડા સંબંધી મળતાં નોટિફિકેશનનો સંદર્ભ લો. જો તમે તૃતીય-પક્ષના પ્લેટફોર્મની સેવા પૂરી પાડનાર મારફતે સબ્સ્ક્રિપ્શન ખરીદ્યું હોય, તો કિંમતના ફેરફારો તે તૃતીય પક્ષ અથવા સેવાનાં નિયમો અને શરતોને પણ આધીન હોઈ શકે છે. જો તમે જર્મનીમાં નિવાસી છો, તો આ વિભાગ લાગુ પડતો નથી.
13. તમે એ પણ સ્વીકારો છો કે કાં તો અમારા અથવા કોઈ પણ ચેનલના માલિક દ્વારા બિલિંગની અવધિ દરમિયાન કરવા સહિત સમય-સમય પર તમારા 'ચેનલના સબ્સ્ક્રિપ્શન'ના ભાગ રૂપે તમારા માટે ઉપલબ્ધ સુવિધાઓ અથવા કન્ટેન્ટમાં ફેરફાર કરવામાં આવી શકે છે. જો તમે આવા કોઈ પણ ફેરફારના પરિણામે તમારા 'ચેનલના સબ્સ્ક્રિપ્શન'ને ચાલુ રાખવા માંગતા ન હો, તો પછી તમે આગલી બિલિંગ અવધિ માટે પ્રતિબદ્ધ થઈ જાઓ તે પહેલાં તમારે તેને રદ કરી દેવું જોઈએ. 'ચેનલનાં સબ્સ્ક્રિપ્શન'નો તમારો સતત ઉપયોગ અને/અથવા વધુ આગળની બિલિંગ અવધિ માટેનું રિન્યૂઅલ તે ફેરફારોની સ્વીકૃતિની રચના કરે છે.
14. આ શરતો WhatsAppની સેવાની શરતો અને તેમાં સમાવિષ્ટ અન્ય તમામ શરતો, નિયમો અને પોલિસી (સામૂહિક રીતે, “WhatsAppની શરતો”)ની પૂરક છે. આ શરતો અને WhatsAppની શરતો વચ્ચેના કોઈ પણ સ્પષ્ટ વિરોધાભાસની સ્થિતિમાં, આ શરતો ફક્ત 'ચેનલનાં સબ્સ્ક્રિપ્શન'ના તમારા ઉપયોગના સંદર્ભમાં અને ફક્ત વિરોધાભાસની હદ સુધી સંચાલન કરશે.