એવું લાગે કે તમે ત્યાં જ હાજર છો

વોઇસ કૉલિંગની સુવિધા તમને WhatsAppનો ઉપયોગ કરીને તમારા સંપર્કોને મફતમાં કૉલ કરવા દે છે, પછી ભલેને તેઓ બીજા દેશમાં હોય. વોઇસ કૉલિંગમાં તમારા મોબાઇલ પ્લાનની મિનિટને બદલે તમારા ફોનના ઇન્ટરનેટ કનેક્શનનો ઉપયોગ થાય છે. ઇન્ટરનેટના પૈસા કપાઈ શકે છે. કૉલ શરૂ કરવા માટે, તમે જેમાં કૉલ કરવા માંગતા હો તે ગ્રૂપ ચેટને ખોલો અને તમારા કૉલને શરૂ કરવા માટે ફોનના આઇકન પર ક્લિક કરો. તમે 'કૉલ' ટેબમાંથી તમારી હાજર ગ્રૂપ ચેટની બહારના સંપર્કોને પણ પસંદ કરી શકો છો.

વીડિયો કૉલિંગની સુવિધા તમને WhatsAppનો ઉપયોગ કરીને તમારા સંપર્કોને વીડિયો કૉલ કરવા દે છે. કૉલ શરૂ કરવા માટે, તમે જેમાં કૉલ કરવા માંગતા હો તે ગ્રૂપ ચેટને ખોલો અને તમારા કૉલને શરૂ કરવા માટે વીડિયોના આઇકન પર ક્લિક કરો. તમે 'કૉલ' ટેબમાંથી તમારી હાજર ગ્રૂપ ચેટની બહારના સંપર્કોને પણ પસંદ કરી શકો છો.

સ્ક્રીન શેરિંગની સુવિધા લોકોને રિયલ ટાઇમમાં તેમની સ્ક્રીન પર જે હોય તે શેર કરવા દે છે. તમારી સ્ક્રીન શેર કરવા માટે તમારે વીડિયો કૉલમાં હોવું આવશ્યક છે. વીડિયો સંબંધી નિયંત્રણોમાં વધુ વિકલ્પો (ત્રણ ઊભા ડોટ) પર દબાવો અને તે પછી 'સ્ક્રીન શેર કરો' પર દબાવો. તમારો ફોન એમ સૂચવતું પ્રોમ્પ્ટ બતાવશે કે તમે WhatsApp સાથે રેકોર્ડિંગ શરૂ કરવાની તૈયારીમાં છો.

તમે મેળાવડાનું આયોજન કરવામાં અને કનેક્ટ થયેલા રહેવામાં મદદ મળી રહે તે માટે વ્યક્તિગત અને ગ્રૂપ ચેટમાં ઇવેન્ટ બનાવી શકો છો. ઇવેન્ટમાં ઉપયોગી માહિતી હોય છે કે જેને લોકો સહેલાઈથી એક્સેસ કરી શકે છે. ઇવેન્ટ બનાવવા માટે, તમારી વ્યક્તિગત કે ગ્રૂપ ચેટ ખોલો અને ઉમેરો (વત્તા (પ્લસ)નું ચિહ્ન) > ઇવેન્ટ પર ક્લિક કરો.

લિંક કરેલાં ડિવાઇસની સુવિધા તમારાં કોઈ પણ ડિવાઇસ પરથી WhatsAppને એક્સેસ કરવાની વિશ્વસનીય, સુરક્ષિત રીત પૂરી પાડે છે. તમારા પ્રાથમિક ફોન સાથે એક સમયે વધુમાં વધુ ચાર ડિવાઇસ લિંક કરીને તમે કનેક્ટ રહી શકો છો. તમારા WhatsApp એકાઉન્ટને રજિસ્ટર કરવા અને નવાં ડિવાઇસને લિંક કરવા માટે તમને હજી પણ તમારા પ્રાથમિક ફોનની જરૂર પડશે.