MGA TEXT
Simple, Maasahang Pagme-message
Padalhan ng mensahe ang mga kaibigan at pamilya mo nang libre*. Ginagamit ng WhatsApp ang koneksyon sa Internet ng telepono mo para magpadala ng mga mensahe para maiwasan ang mga bayad sa SMS.
GROUP CHAT
Mga group na dapat makaugnayan
Makipag-ugnayan sa mga grupo ng tao na pinakamahalaga, tulad ng iyong pamilya o mga katrabaho. Sa mga group chat, puwede kang mag-share ng mga mensahe, litrato, at video sa hanggang 256 tao nang minsanan. Puwede mo ring pangalanan ang iyong group, i-mute o i-customize ang mga notification, at higit pa.
WHATSAPP SA WEB AT DESKTOP
Ipagpatuloy ang Pag-uusap
Sa pamamagitan ng WhatsApp sa web at desktop, seamless mong maisi-sync ang lahat ng iyong chat sa iyong computer para makapag-chat ka sa anumang device na pinakakumbinyente sa iyo. I-download ang desktop app o bisitahin ang web.whatsapp.com para makapagsimula.
WHATSAPP VOICE AT VIDEO CALLS
Magsalita nang Malaya
Sa pamamagitan ng mga voice call, puwede mong makausap ang mga kaibigan at pamilya mo nang libre*, kahit pa nasa ibang bansa sila. At sa pamamagitan ng mga libreng* video call, magagawa mo ang face-to-face na pag-uusap kapag hindi sapat ang boses o text. Ginagamit ng WhatsApp voice at video calls ang koneksyon sa Internet ng iyong telepono, sa halip na ang load ng iyong cellphone, kaya hindi ka dapat mag-alala tungkol sa mahal na mga singil sa pagtawag.
MAGKABILAANG ENCRYPTION
Security bilang Default
Nakabahagi sa WhatsApp ang ilan sa iyong pinakapersonal na moment, kaya naman binuo namin ang magkabilaang encryption sa mga pinakabagong bersyon ng aming app. Kapag naka-encrypt nang end-to-end, secured ang iyong mga mensahe at call para ikaw lang at ang kausap mo ang makakabasa o makakarinig sa mga ito, at wala nang iba pa, kahit na ang WhatsApp.
MGA LITRATO AT VIDEO
Magbahagi ng Mga Mahahalagang Moment
Magpadala ng mga litrato at video sa WhatsApp kaagad-agad. Puwede mo pang makuha ang mga moment na pinakamahalaga sa iyo sa pamamagitan ng built-in na camera. Sa pamamagitan ng WhatsApp, mabilis na naipapadala ang mga litrato at video kahit pa mabagal ang internet mo.
MGA VOICE MESSAGE
Sabihin ang Iniisip mo
Kung minsan, sa boses mo pa lang ay malalaman na ang lahat. Sa isang tap lang, puwede kang mag-record ng Voice Message, tamang-tama para sa isang mabilis na hello o mas mahabang kuwento.
MGA DOKUMENTO
Pinadali ang Pagbabahagi ng Dokumento
Magpadala ng mga PDF, dokumento, spreadsheet, slideshow, at marami pa, nang hindi gumagamit ng email o mga app sa pagbabahagi. Puwede kang magpadala ng mga dokumento na hanggang 100 MB, kaya madaling maipadala ang gusto mo sa kaninuman.
