તમારા પરિવારજનો કે સહ-કાર્યકરો જેવા સૌથી મહત્વપૂર્ણ લોકોના ગ્રૂપ સાથે સંપર્કમાં રહો. ગ્રૂપ ચેટ દ્વારા તમે એકસાથે 256 જેટલા લોકો સાથે મેસેજ, ફોટો અને વીડિયો શેર કરી શકો છો. તમે તમારા ગ્રૂપને નામ આપી શકો છો, નોટિફિકેશનને બંધ અથવા કસ્ટમાઇઝ કરી શકો છો અને બીજું ઘણું બધું કરી શકો છો.

તમારી કેટલીક સૌથી વધુ અંગત પળો WhatsApp પર શેર થતી હોય છે, જેના કારણે જ અમે અમારી ઍપના નવીનતમ વર્ઝનમાં શરુથી અંત સુધીની સુરક્ષા નિર્મિત કરી છે. જ્યારે એન્ડ-ટુ-એન્ડ એન્ક્રિપ્શન હોય ત્યારે તમારા મેસેજ અને કૉલ સુરક્ષિત હોય છે, જેથી ફક્ત તમે અને તમે જેની સાથે વાતચીત કરતા હો તે વ્યક્તિ જ તેને વાંચી કે સાંભળી શકે છે, વચ્ચેની બીજી કોઈપણ નહીં, WhatsApp પણ નહીં.