எழுத்துக்கள்
எளிதான, நம்பிக்கையான தகவல் பரிமாற்றம்.
நண்பர்களுக்கும் குடும்பத்தினருக்கும் இலவசமாக* தகவல் அனுப்பலாம். தகவல்களை அனுப்புவதற்கு, WhatsApp தங்கள் கைபேசியின் இணைய இணைப்பை பயன்படுத்துவதால் குறுந்தகவல்கட்டணத்தை நீங்கள் தவிர்க்கலாம்.
குழு அரட்டை
தொடர்பிலிருக்க வேண்டிய குழுக்கள்
குடும்பத்தினர் அல்லது உடன் பணிபுரிபவர்கள் போன்ற முக்கியமான குழுக்களில் இணைந்திருங்கள். குழு அரட்டைகள் மூலம் ஒரே நேரத்தில் அதிகப்படியாக 256 நபர்களுக்கு தங்களால் தகவல்கள், படங்கள் மற்றும் காணொலிகளைப் பகிர இயலும். தங்கள் குழுவிற்கு பெயரிட்டு கொள்ளலாம், ஒலியடக்கலாம் அல்லது விருப்ப அறிவிப்புகளை அமைக்கலாம் மற்றும் பலவற்றை செய்யலாம்.
உலாவி மற்றும் கணினியில் WhatsApp
உரையாடலை தொடருங்கள்
இணையம் மற்றும் கணினியிலான WhatsApp கொண்டு தாங்கள் அனைத்து அரட்டைகளையும் கணினியுடன் ஒத்திசைக்கலாம். இதன் மூலம் தங்களுக்கு வசதியான சாதனத்தில் அரட்டையை தொடரலாம். கணினி செயலியை தரவிறக்கவும் அல்லது தொடங்குவதற்கு web.whatsapp.com-ஐ காணவும்.
WhatsApp குரல் மற்றும் காணொலி அழைப்புகள்
இலவசமாக பேசுங்கள்
குரல் அழைப்புகள் மூலம், வெவ்வேறு நாடுகளிலுள்ள நண்பர்களுடனும் குடும்பத்தினருடனும் இலவசமாக*, பேசமுடியும். மேலும் இலவச* காணொலி அழைப்புகள் மூலம், நேருக்கு நேர் பார்த்து உரையாடிட முடியும். WhatsApp குரல் மற்றும் காணொலி அழைப்பானது, கைபேசியின் அழைப்பு நிமிடங்களை பயன்படுத்தாமல் இணைய இணைப்பை பயன்படுத்தும். எனவே அதிக கட்டண அழைப்புகளைப் பற்றி கவலை வேண்டாம்.
முழு மறையாக்கம்
இயல்புநிலை பாதுகாப்பு
தங்களின் தனிப்பட்ட தருணங்களை WhatsApp-இல் பகிர்கிறீர்கள். எனவேதான் எங்களது சமீபத்திய பதிப்புகளில் முழு மறையாக்கத்தை அமைத்துள்ளோம். தங்கள் தகவல்களும் அழைப்புகளும் முழு மறையாக்கத்தால் பாதுகாக்கப்படுகின்றன. இதன்மூலம் தாங்களும் தாங்கள் தொடர்புகொள்ளும் நபரும் மட்டுமே இத்தகவல்களை கேட்கவோ படிக்கவோ முடியும். WhatsApp உட்பட வேறு எவராலும் அவற்றை கேட்கவோ படிக்கவோ முடியாது.
படங்கள் மற்றும் காணொலிகள்
முக்கியமான தருணங்களை பகிர்ந்திடுங்கள்
படங்கள் மற்றும் காணொலிகளை WhatsApp-இல் உடனுக்குடன் அனுப்பிடுங்கள். உள்ளமைந்த கேமரா மூலம் முக்கிய தருணங்களை பதிவு செய்திடுங்கள். குறைந்த இணைப்பு வேகத்தில் கூட, உங்களால் WhatsApp-இல் படங்கள் மற்றும் காணொலிகளை விரைவாக அனுப்ப முடியும்.
குரல் தகவல்கள்
எண்ணத்தில் உள்ளவற்றை கூறவும்
சில நேரங்களில், தங்கள் குரல் அனைத்தையும் விளக்கும். ஒரே தட்டுதல் மூலம் குரல் தகவலை பதிவு செய்யலாம், சிறிய வணக்கம் அல்லது பெரிய கதை - அனைத்துக்கும் உகந்தது.
ஆவணங்கள்
ஆவணங்கள் பகிர்வு எளிதாக்கப்பட்டது
மின்னஞ்சல் மற்றும் கோப்பு பரிமாறும் செயலிகளின்றி எளிதாக PDFகள், ஆவணங்கள், ஸ்பிரெட்ஷீட்கள் மற்றும் பலவற்றை பகிர்ந்திடுங்கள். அதிகப்படியாக 100 MB வரையுள்ள ஆவணங்களை அனுப்ப முடியும். இதனால் உங்களுக்கு வேண்டியதை யாரிடமிருந்தும் எளிதாக பெறமுடியும்.