ਟੈਕਸਟ
ਸੁਨੇਹੇ ਭੇਜਣ ਦਾ ਸੌਖਾ ਅਤੇ ਭਰੋਸੇਯੋਗ ਤਰੀਕਾ
ਆਪਣੇ ਦੋਸਤਾਂ ਅਤੇ ਪਰਿਵਾਰ ਵਾਲਿਆਂ ਨੂੰ ਮੁਫ਼ਤ* ਵਿੱਚ ਸੁਨੇਹੇ ਭੇਜੋ। WhatsApp ਤੁਹਾਡੇ ਫ਼ੋਨ ਦੇ ਇੰਟਰਨੈੱਟ ਕਨੈਕਸ਼ਨ ਦੀ ਵਰਤੋਂ ਕਰਕੇ ਸੁਨੇਹੇ ਭੇਜਦਾ ਹੈ ਤਾਂ ਜੋ ਤੁਹਾਨੂੰ SMS ਦਾ ਖ਼ਰਚਾ ਨਾ ਪਵੇ।
* ਡਾਟੇ ਦਾ ਖਰਚਾ ਪੈ ਸਕਦਾ ਹੈ। ਵਧੇਰੇ ਜਾਣਕਾਰੀ ਲਈ ਆਪਣੇ ਓਪਰੇਟਰ ਨਾਲ ਸੰਪਰਕ ਕਰੋ।
ਗਰੁੱਪ ਚੈਟ
ਗਰੁੱਪ ਬਣਾ ਕੇ ਇੱਕ-ਦੂਜੇ ਦੇ ਸੰਪਰਕ ਵਿੱਚ ਰਹੋ
ਉਹਨਾਂ ਲੋਕਾਂ ਨਾਲ ਸੰਪਰਕ ਵਿੱਚ ਰਹੋ ਜੋ ਤੁਹਾਡੇ ਅਜ਼ੀਜ਼ ਹਨ, ਜਿਵੇਂ ਕਿ ਤੁਹਾਡੇ ਪਰਿਵਾਰ ਵਾਲੇ, ਦੋਸਤ ਜਾਂ ਸਹਿਕਰਮੀ। ਗਰੁੱਪ ਚੈਟ ਦੇ ਨਾਲ ਤੁਸੀਂ ਇੱਕ ਵਾਰ ਵਿੱਚ 256 ਲੋਕਾਂ ਨੂੰ ਸੁਨੇਹੇ, ਫ਼ੋਟੋਆਂ ਅਤੇ ਵੀਡੀਓ ਭੇਜ ਸਕਦੇ ਹੋ। ਤੁਸੀਂ ਆਪਣੇ ਗਰੁੱਪ ਦਾ ਨਾਮ ਰੱਖ ਸਕਦੇ ਹੋ, ਗਰੁੱਪ ਦੀਆਂ ਸੂਚਨਾਵਾਂ ਨੂੰ ਮੌਨ ਕਰ ਸਕਦੇ ਹੋ ਜਾਂ ਲੋੜ ਮੁਤਾਬਕ ਬਦਲ ਸਕਦੇ ਹੋ ਅਤੇ ਇਸ ਤੋਂ ਇਲਾਵਾ ਹੋਰ ਵੀ ਕਈ ਫੀਚਰਾਂ ਦਾ ਅਨੰਦ ਮਾਣ ਸਕਦੇ ਹੋ।
ਵੈੱਬ ਅਤੇ ਡੈਸਕਟਾਪ ਲਈ WHATSAPP
ਗੱਲਬਾਤ ਜਾਰੀ ਰੱਖੋ
ਵੈੱਬ ਅਤੇ ਡੈਸਕਟਾਪ ਉੱਤੇ WhatsApp ਦੀ ਵਰਤੋਂ ਕਰਕੇ, ਤੁਸੀਂ ਬਿਨਾਂ ਕਿਸੇ ਰੁਕਾਵਟ ਆਪਣੀਆਂ ਸਾਰੀਆਂ ਚੈਟਾਂ ਨੂੰ ਆਪਣੇ ਕੰਪਿਊਟਰ ਦੇ ਨਾਲ ਸਿੰਕ ਕਰ ਸਕਦੇ ਹੋ ਤਾਂ ਜੋ ਤੁਸੀਂ ਆਪਣੀ ਸਹੂਲਤ ਅਨੁਸਾਰ ਕਿਸੇ ਵੀ ਡਿਵਾਈਸ ਤੋਂ ਚੈਟ ਕਰ ਸਕੋ। ਸ਼ੁਰੂਆਤ ਕਰਨ ਲਈ ਡੈਸਕਟਾਪ ਐਪ ਡਾਊਨਲੋਡ ਕਰੋ ਜਾਂ web.whatsapp.com 'ਤੇ ਜਾਓ।
WHATSAPP ਵੌਇਸ ਅਤੇ ਵੀਡੀਓ ਕਾਲਾਂ
ਦਿਲ ਖੋਲ੍ਹ ਕੇ ਗੱਲਾਂ ਕਰੋ
ਵੌਇਸ ਕਾਲਾਂ ਨਾਲ ਤੁਸੀਂ ਮੁਫ਼ਤ* ਵਿੱਚ ਆਪਣੇ ਦੋਸਤਾਂ ਅਤੇ ਪਰਿਵਾਰ ਵਾਲਿਆਂ ਨਾਲ ਗੱਲ ਕਰ ਸਕਦੇ ਹੋ, ਭਾਵੇਂ ਉਹ ਕਿਸੇ ਹੋਰ ਦੇਸ਼ ਵਿੱਚ ਹੀ ਕਿਉਂ ਨਾ ਰਹਿੰਦੇ ਹੋਣ ਅਤੇ ਜਦੋਂ ਵੌਇਸ ਕਾਲ ਜਾਂ ਚੈਟ ਨਾਲ ਨਾ ਸਰਦਾ ਹੋਵੇ ਤਾਂ ਤੁਸੀਂ ਮੁਫ਼ਤ* ਵੀਡੀਓ ਕਾਲਾਂ ਰਾਹੀਂ ਵੀ ਆਹਮੋ-ਸਾਹਮਣੇ ਇੱਕ-ਦੂਜੇ ਨਾਲ ਗੱਲਾਂ ਕਰ ਸਕਦੇ ਹੋ। WhatsApp ਵੌਇਸ ਅਤੇ ਵੀਡੀਓ ਕਾਲਾਂ ਲਈ ਤੁਹਾਡੇ ਮੋਬਾਈਲ ਪਲਾਨ ਦੇ ਵੌਇਸ ਮਿੰਟਾਂ ਦੀ ਬਜਾਏ ਤੁਹਾਡੇ ਫ਼ੋਨ ਦੇ ਇੰਟਰਨੈੱਟ ਕਨੈਕਸ਼ਨ ਦੀ ਵਰਤੋਂ ਕੀਤੀ ਜਾਂਦੀ ਹੈ, ਇਸ ਲਈ ਹੁਣ ਤੁਹਾਨੂੰ ਕਾਲ ਦੇ ਮਹਿੰਗੇ ਖ਼ਰਚਿਆਂ ਦੀ ਚਿੰਤਾ ਕਰਨ ਦੀ ਲੋੜ ਨਹੀਂ ਹੈ।
* ਡਾਟੇ ਦਾ ਖਰਚਾ ਪੈ ਸਕਦਾ ਹੈ। ਵਧੇਰੇ ਜਾਣਕਾਰੀ ਲਈ ਆਪਣੇ ਓਪਰੇਟਰ ਨਾਲ ਸੰਪਰਕ ਕਰੋ।
ਸਿਰੇ-ਤੋਂ-ਸਿਰੇ ਤੱਕ ਇੰਕ੍ਰਿਪਸ਼ਨ
ਮੁੱਢ ਤੋਂ ਸੁਰੱਖਿਆ
ਤੁਸੀਂ WhatsApp ਰਾਹੀਂ ਆਪਣੇ ਨਿੱਜੀ ਪਲਾਂ ਨੂੰ ਸਾਂਝਾ ਕਰਦੇ ਹੋ, ਇਸ ਲਈ ਅਸੀਂ ਆਪਣੀ ਐਪ ਦੇ ਨਵੇਂ ਵਰਜ਼ਨ ਵਿੱਚ 'ਸਿਰੇ-ਤੋਂ-ਸਿਰੇ ਤੱਕ ਇੰਕ੍ਰਿਪਸ਼ਨ' ਨੂੰ ਸ਼ਾਮਲ ਕੀਤਾ ਹੈ। ਜਦੋਂ ਤੁਹਾਡੇ ਸੁਨੇਹੇ ਅਤੇ ਕਾਲਾਂ 'ਸਿਰੇ-ਤੋਂ-ਸਿਰੇ ਤੱਕ ਇੰਕ੍ਰਿਪਟਿਡ' ਹੁੰਦੀਆਂ ਹਨ ਤਾਂ ਉਦੋਂ ਤੁਹਾਡੇ ਅਤੇ ਤੁਹਾਡੇ ਨਾਲ ਚੈਟ ਕਰਨ ਵਾਲੇ ਵਿਅਕਤੀ ਤੋਂ ਇਲਾਵਾ ਕੋਈ ਵੀ ਬਾਹਰੀ ਵਿਅਕਤੀ ਉਹਨਾਂ ਨੂੰ ਪੜ੍ਹ ਜਾਂ ਸੁਣ ਨਹੀਂ ਸਕਦਾ ਹੈ, ਇੱਥੋਂ ਤੱਕ ਕਿ WhatsApp ਵੀ ਨਹੀਂ।
ਫ਼ੋਟੋਆਂ ਅਤੇ ਵੀਡੀਓ
ਆਪਣੇ ਖਾਸ ਪਲਾਂ ਨੂੰ ਸਾਂਝਾ ਕਰੋ
WhatsApp ਰਾਹੀਂ ਫ਼ੋਟੋਆਂ ਅਤੇ ਵੀਡੀਓ ਝੱਟ-ਪੱਟ ਭੇਜੋ। ਤੁਸੀਂ ਐਪ ਦੇ ਵਿੱਚ ਉਪਲਬਧ ਕੈਮਰੇ ਦੀ ਵਰਤੋਂ ਕਰਕੇ ਵੀ ਆਪਣੇ ਖਾਸ ਪਲਾਂ ਨੂੰ ਕੈਪਚਰ ਕਰ ਸਕਦੇ ਹੋ। ਇੰਟਰਨੈੱਟ ਦੀ ਸਪੀਡ ਘੱਟ ਹੋਣ ਦੇ ਬਾਵਜੂਦ ਤੁਸੀਂ WhatsApp ਰਾਹੀਂ ਫ਼ੋਟੋਆਂ ਅਤੇ ਵੀਡੀਓ ਤੇਜ਼ੀ ਨਾਲ ਭੇਜ ਸਕਦੇ ਹੋ।
ਵੌਇਸ ਸੁਨੇਹੇ
ਆਪਣੇ ਖ਼ਿਆਲਾਂ ਨੂੰ ਲਫਜ਼ਾਂ ਨਾਲ ਬਿਆਨ ਕਰੋ
ਕਦੀ-ਕਦੀ ਤੁਹਾਡੀ ਆਵਾਜ਼ ਸਭ ਕੁਝ ਕਹਿ ਦਿੰਦੀ ਹੈ। ਇੱਕ ਬਟਨ ਨੂੰ ਛੂਹ ਕੇ ਤੁਸੀਂ ਵੌਇਸ ਸੁਨੇਹਾ ਰਿਕਾਰਡ ਕਰ ਸਕਦੇ ਹੋੋ। ਕਿਸੇ ਦਾ ਹਾਲ-ਚਾਲ ਪੁੱਛਣ ਜਾਂ ਫਿਰ ਕੋਈ ਲੰਮੀ ਗੱਲਬਾਤ ਸੁਣਾਉਣ ਲਈ, ਇਹ ਬਹੁਤ ਵਧੀਆ ਫੀਚਰ ਹੈ।
ਦਸਤਾਵੇਜ਼
ਹੁਣ ਅਸਾਨੀ ਨਾਲ ਦਸਤਾਵੇਜ਼ ਸਾਂਝੇ ਕਰੋ
ਈਮੇਲ ਜਾਂ ਫਾਈਲਾਂ ਸ਼ੇਅਰ ਕਰਨ ਵਾਲੀਆਂ ਐਪਾਂ ਦੇ ਚੱਕਰ ਵਿੱਚ ਪਏ ਬਿਨਾਂ PDF, ਦਸਤਾਵੇਜ਼, ਸਪਰੈੱਡਸ਼ੀਟ, ਸਲਾਈਡਸ਼ੋਅ ਆਦਿ ਫਾਈਲਾਂ ਨੂੰ WhatsApp ਰਾਹੀਂ ਭੇਜੋ। ਤੁਸੀਂ 100 MB ਤੱਕ ਦੇ ਦਸਤਾਵੇਜ਼ ਭੇਜ ਸਕਦੇ ਹੋ, ਇਸ ਸਹੂਲਤ ਨਾਲ ਫਾਈਲਾਂ ਭੇਜਣਾ ਅਤੇ ਪ੍ਰਾਪਤ ਕਰਨਾ ਬਹੁਤ ਸੌਖਾ ਹੋ ਗਿਆ ਹੈ।
