MAANDISHI
Njia Rahisi na Hakika ya Kutuma Ujumbe
Watumie ndugu na marafiki ujumbe bila malipo*. WhatsApp hutumia muunganisho wa intaneti ya simu yako kutuma ujumbe, kwa hivyo utaepuka ada za SMS
.
* Unaweza kutozwa gharama za data. Wasiliana na mtoa huduma wako ili kupata maelezo.
SOGA YA VIKUNDI
Vikundi vya kudumisha mawasiliano
Endelea kuwasiliana na vikundi vya watu walio muhimu sana kwako, kama vile familia au wafanyakazi wenza. Kwa kutumia soga ya vikundi, wewe pamoja na hadi watu 256 mnaweza kutumiana ujumbe, picha na video kwa wakati mmoja. Pia mnaweza kukipa kikundi chenu jina, kunyamazisha au kuweka mipangilio maalum ya arifa na mengine mengi.
WHATSAPP KWENYE TOVUTI NA KOMPYUTA
Endelea na Mazungumzo
Kwa kutumia WhatsApp kwenye wavuti na katika kompyuta, unaweza kusawazisha soga zako zote kwenye kompyuta yako kwa urahisi ili uendelee kuwasilina katika kifaa chochote kinachokufaa zaidi. Pakua programu ya kutumia kwenye kompyuta ya mezani au tembelea web.whatsapp.com ili uanze
SIMU ZA SAUTI NA VIDEO ZA WHATSAPP
Zungumza Bila Wasiwasi
Kwa kutumia simu za sauti, unaweza kuzungumza na ndugu na marafiki bila malipo* hata kama wako katika nchi nyingine. Isitoshe, simu za video bila malipo* zinakuwezesha kuwa na mazungumzo ya ana kwa ana wakati sauti au maandishi pekee hayatoshi. Simu za sauti na za video kupitia WhatsApp hutumia muunganisho wa intaneti ya simu yako badala ya kifurushi chako cha dakika za kupiga simu, hivyo kukuondolea hofu ya gharama kubwa za kupiga simu.
* Unaweza kutozwa gharama za data. Wasiliana na mtoa huduma wako ili kupata maelezo.
UFUMBAJI WA MWISHO-KWA-MWISHO
Usalama wa Kawaida
Baadhi ya mambo ya binafsi zaidi katika maisha yako hushirikiwa kwenye WhatsApp, ndiyo maana tumeunda ufumbaji wa mwisho-kwa-mwisho kwenye matoleo ya hivi karibuni ya programu yetu. Kwa kutumia ufumbaji wa mwisho-kwa-mwisho, ujumbe na simu zako hulindwa ili kuhakikisha kuwa ni wewe na mtu unayewasiliana naye pekee mnaoweza kusoma ujumbe au kusikiliza simu, na kwamba hakuna mtu yeyote katikati anayeweza kufanya hivyo, hata WhatsApp yenyewe.
PICHA NA VIDEO
Shiriki Nyakati Muhimu
Tuma picha na video kwenye WhatsApp papo hapo. Hata unaweza kupiga picha au kurekodi video ya nyakati muhimu kwako kwa kutumia kamera iliyo kwenye programu. Kwa kutumia WhatsApp, utatuma picha na video kwa haraka hata kama unatumia muunganisho usio na kasi ya juu.
UJUMBE WA SAUTI
Sema Unachofikiria
Wakati mwingine, sauti yako ni mambo yote. Kwa mguso mmoja tu, unaweza kurekodi Ujumbe wa Sauti, njia mwafaka ya kutuma salamu za haraka au simulizi ndefu.
NYARAKA
Ni Rahisi Kushiriki Nyaraka
Tuma PDF, nyaraka, malahajedwali, maonyesho ya slaidi na mengine mengi bila mahangaiko ya barua pepe au programu za kushiriki faili. Unaweza kutuma nyaraka za ukubwa wa hadi MB 100, kwa hivyo ni rahisi kutuma unachotaka kwa unayemlenga.
