कोरोना व्हायरसच्या (COVID-19) जागतिक साथीमध्ये एकमेकांच्या संपर्कात राहण्यासाठी WhatsApp ची कशी मदत होते ते पहा
WhatsApp तुम्हाला तुमच्या प्रियजनांच्या संपर्कात राहण्यास मदत करते. मित्रमंडळी आणि कुटुंबीय यांच्या कायम संपर्कात राहाण्यासाठी, आरोग्य सुरक्षेविषयी प्रसारित केलेली अधिकृत माहिती जाणून घेण्यासाठी आणि माहिती जबाबदारीने शेअर करण्यासाठी तुम्ही खालील पद्धती वापरू शकता.
रिमोट पद्धतीने संपर्कात राहाणे
तुम्ही तुमच्या प्रियजनांच्या जवळ नसलात तरी त्यांच्या संपर्कात राहाण्यासाठी आणि त्यांना आधार देण्यासाठी ग्रुप्स, व्हॉइस कॉल्स आणि व्हिडिओ कॉल्स अशा WhatsApp फीचर्सचा वापर करा.
माहिती मिळवण्यासाठी विश्वसनीय स्रोत वापरणे
स्थानिक, राष्ट्रीय आणि जागतिक पातळीवरील संस्था याबाबतीत काय करत आहेत याची माहिती ठेवा. अद्ययावत माहिती आणि मार्गदर्शक सूचना यांसाठी जागतिक आरोग्य संघटना किंवा तुमच्या देशातील आरोग्य मंत्रालय अशा विश्वसनीय स्रोतांची मदत घ्या.
अफवांचा प्रसार टाळण्यात मदत करणे
कोरोना व्हायसरबद्दल मिळणारी सर्वच माहिती बरोबर असेल असे नाही, त्यामुळे तुम्हाला येणाऱ्या मेसेजेसबद्दल सजग राहा. विश्वसनीय अधिकृत स्रोत किंवा वस्तुस्थितीची पडताळणी करणाऱ्या संस्था यांच्या मदतीने वस्तुस्थिती काय आहे ते जाणून घ्या. एखादी माहिती खरी आहे याबद्दल खात्री नसल्यास, ती फॉरवर्ड करू नका.
सामाजिक नेतृत्त्व
या समस्येला तोंड देण्यात सामाजिक कार्यकर्त्यांना आणि नेतृत्वाला मदत करण्यासाठी आम्ही वचनबद्ध आहोत. कोरोना व्हायरसमुळे सर्वत्र काळजीचे वातावरण आहे. अशावेळी WhatsApp चा वापर करून तुमच्या कम्युनिटीतील लोकांना माहिती कशी देता येईल आणि त्यांच्या संपर्कात कसे राहाता येईल हे शिकून घ्या.
बातम्या
या कठीण काळामध्येही लोक WhatsApp च्या मदतीने एकमेकांना कशी मदत करत आहेत ते वाचा:
शाळा बंद करण्यात आल्याने घरी बसलेल्या माद्रिदमधील मुलांना मदत करण्यासाठी विद्यार्थ्यांनीच एकत्र येऊन एक WhatsApp ग्रुप तयार केला: पूर्ण बातमी येथे वाचा >- इटलीतील महापौर WhatsApp च्या माध्यमातून एकमेकांच्या संपर्कात असतात: पूर्ण बातमी येथे वाचा >
- इटलीतील नेपल्स येथील शाळा बंद असूनही शिक्षण मात्र अजूनही सुरू आहे. WhatsApp च्या मदतीने असाइनमेंट्स पाठवल्या जात आहेत: पूर्ण बातमी येथे वाचा >
- वृद्धाश्रमातील लोकांच्या भेटी रद्द केल्यावर त्यांना भेट द्यायला आलेल्या लोकांशी व त्यांच्या प्रियजनांशी त्यांची भेट घडवून आणण्यासाठी मार्श भागातील वृद्धाश्रमाने WhatsApp व्हिडिओ कॉलिंगची मदत घेतली: पूर्ण बातमी येथे वाचा >
- माद्रिदमधील रेस्टॉरंट्स WhatsApp च्या मदतीने एकमेकांशी समन्वय साधून हॉस्पिटल्समध्ये अन्न पोहोचत आहेत: पूर्ण बातमी येथे वाचा >
- पॅरिसमधील वैद्यकीय अधिकारी WhatsApp च्या मदतीने हॉस्पिटल्सच्या क्षमतांबाबत एकमेकांकडून अद्ययावत माहिती मिळवत आहेत: पूर्ण बातमी येथे वाचा >
- कोईंबतूर, भारत येथील शासकीय अधिकाऱ्यांच्या बैठकी WhatsApp च्या मदतीने चालत आहेत: पूर्ण बातमी येथे वाचा >
- कोरोना व्हायरसबद्दल माहिती देण्यासाठी यूएसमधील ना-नफा तत्त्वावर चालणाऱ्या संस्थांनी WhatsApp हेल्पलाइन उपलब्ध करून दिली: पूर्ण बातमी येथे वाचा >
- फ्लोरियानोपोलिस, ब्राझिल येथील रुग्ण WhatsApp च्या मदतीने डॉक्टरची अपॉइंटमेंट घेत आहेत आणि प्रश्न विचारत आहेत: पूर्ण बातमी येथे वाचा >
जागतिक भागीदार
