WhatsApp Business செயலியை எவ்வாறு பயன்படுத்துவது?

1. WhatsApp Business செயலியைத் தரவிறக்கிவிட்டு, அதைத் திறக்கவும்: WhatsApp Business செயலியை Google Play ஸ்டோர் மற்றும் Apple App Store ஆகியவற்றில் இருந்து இலவசமாகத் தரவிறக்கிக் கொள்ளலாம். முகப்புத் திரையில் WhatsApp Business ஐகானைத் தட்டவும்.

2. சேவை விதிமுறைகளை மதிப்பாய்வு செய்யவும்: WhatsApp Business சேவை விதிமுறைகளைப் படித்து, அவற்றை ஏற்பதற்கு 'ஒப்புதலளித்து தொடரவும்' என்பதைத் தட்டவும்.

3. பதிவு செய்யவும்: உங்கள் நாட்டின் குறியீட்டைச் சேர்ப்பதற்கு, பட்டியலில் இருந்து உங்கள் நாட்டைத் தேர்ந்தெடுக்கவும், சர்வதேச மொபைல் எண் வடிவமைப்பில் உங்கள் மொபைல் எண்ணை உள்ளிடவும். முடிந்தது அல்லது அடுத்து என்பதைத் தட்டவும், அதன்பிறகு சரி என்பதைத் தட்டவும். SMS அல்லது மொபைல் அழைப்பு வழியாக 6-இலக்கப் பதிவுக் குறியீடு உங்களுக்குத் தெரிவிக்கப்படும். பதிவு செய்தலை முடிப்பதற்கு, 6 இலக்கக் குறியீட்டை உள்ளிடவும். மொபைல் எண்ணை எவ்வாறு பதிவு செய்வது என்பது குறித்து இந்தக் கட்டுரையில் அறிந்திடுங்கள்.

4. தொடர்புகள் மற்றும் புகைப்படங்களுக்கான அணுகலை அனுமதிக்கவும்: உங்கள் மொபைலின் தொடர்புப் புத்தகத்தில் இருந்து WhatsApp Business செயலியில் தொடர்புகளைச் சேர்த்துக் கொள்ளலாம். கைபேசியிலுள்ள புகைப்படங்கள், காணொலிகள் மற்றும் கோப்புகளை அணுகுவதற்கான அனுமதியையும் நீங்கள் வழங்கலாம்.

5. கணக்கை உருவாக்கவும்: உங்கள் பிசினஸின் பெயரை உள்ளிட்டு, பிசினஸ் வகையைத் தேர்ந்தெடுத்து, சுயவிவரப் படத்தைத் தேர்வு செய்யவும்.

6. உங்கள் பிசினஸ் விவரத்தை உருவாக்கவும்:உலாவு > பிசினஸ் விவரம் என்பதைத் தட்டவும். பிசினஸ் முகவரி, விவரம், வேலை நேரம் மற்றும் இன்னும் பல முக்கியமான பிசினஸ் தகவல்களை நீங்கள் இங்கே சேர்க்கலாம்.

7. ஒரு அரட்டையைத் தொடங்கவும். உங்கள் பிசினஸ் விவரம் அமைக்கப்பட்டுவிட்டது. அல்லது ஐகானைத் தட்டி, யாருக்குச் செய்தி அனுப்ப வேண்டுமோ, அவரைத் தேடவும் அல்லது தேர்ந்தெடுக்கவும். செய்தியை உள்ளிடும் இடத்தில் உங்கள் செய்தியை உள்ளிடவும். அதன்பிறகு, அல்லது ஐகானைத் தட்டவும்.

உங்கள் பிசினஸைத் திறம்பட நடத்துவதற்குத் தேவையான உதவிகரமான பல கருவிகள் WhatsApp Business செயலியில் உள்ளன. இந்தக் கருவிகளைப் பார்ப்பதற்கு, அரட்டைகள் திரைக்குச் செல்லவும். Android மொபைல் என்றால் மேலும் விருப்பங்கள் என்பதையும் iPhone மொபைல் என்றால் அமைப்புகள் என்பதையும் தட்டவும். அதன்பிறகு, பிசினஸ் கருவிகள் என்பதைத் தட்டவும்.

• கேட்டலாக்: தயாரிப்புகளையும் சேவைகளையும் உங்கள் பிசினஸ் கணக்கில் காட்சிப்படுத்திப் பகிர்ந்திடுங்கள். Android அல்லது iPhone மொபைலில் கேட்டலாகை எவ்வாறு உருவாக்குவது என்பதைத் தெரிந்து கொள்ளுங்கள்.

• குறு இணைப்பு: புதிய வாடிக்கையாளர்கள் உங்களுடன் இணைவதை எளிதாக்கிடும். வாடிக்கையாளர்கள் உங்கள் பிசினஸுக்குச் செய்தியனுப்ப உதவும் வகையில் தானாக உருவாக்கப்படும் குறு இணைப்பை அவர்களுடன் பகிர்ந்திடுங்கள். Android அல்லது iPhone மொபைலில் குறு இணைப்புகளை எவ்வாறு பயன்படுத்துவது என்பதைத் தெரிந்து கொள்ளுங்கள்.

• தகவலனுப்பும் கருவிகள்: முக்கியமான உரையாடல் வரிகளை முன்கூட்டியே சேமித்து வைத்துக் கொள்வதற்கு WhatsApp தகவலனுப்பும் டெம்ப்ளேட்டைப் பயன்படுத்துங்கள். புதிய வாடிக்கையாளர்களுடன் உரையாடுவதற்கு, தானியங்கி வாழ்த்து செய்திகளை உருவாக்கிப் பயன்படுத்திடுங்கள். நீங்கள் எப்போது பணிக்குத் திரும்புவீர்கள் என்பதை வாடிக்கையாளர் அறிவதற்கு, 'பணியில் இல்லை' செய்தியை அமைத்திடுங்கள். அடிக்கடி கேட்கப்படும் கேள்விகளுக்கு விரைவாகப் பதிலளிப்பதற்கு உடனடி பதில்களை அமைத்திடுங்கள். தகவலனுப்பும் கருவிகள் குறித்த கூடுதல் தகவல்களுக்கு, பின்வரும் கட்டுரைகளைப் படியுங்கள்:

- வாழ்த்து செய்திகள் அம்சத்தை Android அல்லது iPhone மொபைலில் எப்படிப் பயன்படுத்துவது?
- 'பணியில் இல்லை' செய்தி அம்சத்தை Android அல்லது iPhone மொபைலில் எப்படிப் பயன்படுத்துவது?
- உடனடி பதில்களை Android அல்லது iPhone மொபைலில் எப்படிப் பயன்படுத்துவது?

• முகப்புப்பெயர்கள்: "புதிய வாடிக்கையாளர்கள்", "நிலுவையிலுள்ள ஆர்டர்கள்" போன்ற உதவிகரமான வகைகளின் கீழ் வாடிக்கையாளர்களுடனான உங்கள் உரையாடல்களை வகைப்படுத்திடுங்கள். Android அல்லது iPhone மொபைலில் முகப்புப்பெயர்களை எவ்வாறு பயன்படுத்துவது என்பதைத் தெரிந்து கொள்ளுங்கள்.