Maktabda yoki universitetda dars berishingizdan qatʼi nazar, agar taʼlim berish jarayoni uzilib qolsa, talabalaringiz bilan WhatsApp orqali suhbatlashish haqida oʻylab koʻring.*
Mijozlar bilan aloqaga chiqishda WhatsAppdan masʼuliyat bilan foydalaning. Faqat siz taniydigan foydalanuvchilar va sizdan xabar olishni istaganlar bilan muloqot qiling, mijozlardan telefon raqamingizni manzillar kitobiga saqlashini soʻrang hamda avtomatlashtirilgan yoki promoaksiya xabarlarini guruhlarga yuborishdan saqlaning. Bu oddiy, lekin eng yaxshi amaliyotlarga rioya qilmaslik boshqa foydalanuvchilarning shikoyatiga va hisobning ehtimoliy bloklanishiga olib kelishi mumkin.
Agar siz WhatsAppda yangi boʻlsangiz, ishni qanday boshlash bu yerda qadamma-qadam tushuntirilgan.
Agar sizda talabalarning telefon raqamlari boʻlmasa, ular WhatsApp orqali shaxsiy suhbatni boshlashi uchun qisqa havola yarating. Havolani email, Facebook sahifangiz yoki boshqa har qanday ommaviy boʻlmagan manba orqali ulashing.
Darslarni matnli va ovozli xabarlar shaklida ulashing. Har bir sinf uchun guruh yaratib, talabalar orasida xuddi shaxsiy uchrashuvdek muhokamalarni osonlashtiring.
Birdaniga hamma talabalarga uy vazifasini berish uchun tarqatma roʻyxatidan foydalaning. Sizni telefonining kontaktlariga kiritgan kontaktlargina tarqatma xabaringizni qabul qiladi. Javoblar faqat sizga yuboriladi, talabalar bajargan topshiriqlari orqali javob berishlari mumkin.
Guruhlarda ovozli va video chaqiruvlar orqali real vaqtda taʼlim imkoniyatlarini taqdim eting.
Statusni yangilash orqali sinfingizga kunni samarali oʻtkazishiga imkon bering.
Bir qancha WhatsApp xabarlarini ish stolidan tez va samarali boshqarish uchun WhatsApp Web ilovasidan foydalaning.
*WhatsApp xizmatlaridan foydalanish uchun zaruriy minimal yosh amaldagi qonunlarga va WhatsApp Foydalanish shartlariga asosan mos keladi. Talabalar yoki boshqalar talab qilingan eng kam yoshdan kichik boʻlgan taqdirda, ularni WhatsApp ilovasidan foydalanishga undamang yoki WhatsApp ilovasidan majburiy foydalanishni talab qilmang.
WhatsApp Koronavirus axborot markaziga aloqador savollaringiz boʻlsa, bizga murojaat qiling.
