ಜಾಗತಿಕ ಸೋಂಕು ಕೊರೊನಾವೈರಸ್ (COVID-19) ಸನ್ನಿವೇಶದಲ್ಲಿ ಪರಸ್ಪರ ಸಂಪರ್ಕದಲ್ಲುಳಿಯಲು WhatsApp ನಿಮಗೆ ಹೇಗೆ ಸಹಾಯ ಮಾಡಬಹುದು
ಬೋಧಕರು
ಶಾಲೆ ಅಥವಾ ವಿಶ್ವವಿದ್ಯಾಲಯಗಳಲ್ಲಿ ನೀವು ಪಾಠಮಾಡುತ್ತಿದ್ದ ಸಂದರ್ಭದಲ್ಲಿ, ಶಿಕ್ಷಣಕ್ಕೆ ಅಡ್ಡಿಯಾದರೆ, WhatsApp ಮೂಲಕ ನಿಮ್ಮ ವಿದ್ಯಾರ್ಥಿಗಳೊಂದಿಗೆ ಸಂಪರ್ಕ ಸಾಧಿಸಿ.*
ನಿಮ್ಮ ಗ್ರಾಹಕರನ್ನು ಸಂಪರ್ಕಿಸುವ ಸಂದರ್ಭದಲ್ಲಿ WhatsApp ಅನ್ನು ದಯವಿಟ್ಟು ಜವಾಬ್ದಾರಿಯುತವಾಗಿ ಬಳಸಿ. ನಿಮಗೆ ಪರಿಚಯವಿರುವ ಬಳಕೆದಾರರು ಹಾಗೂ ನಿಮ್ಮಿಂದ ಮೆಸೇಜ್ಗಳನ್ನು ಸ್ವೀಕರಿಸಲು ಬಯಸುವವರೊಂದಿಗೆ ಮಾತ್ರ ಸಂವಹನ ನಡೆಸಿ. ನಿಮ್ಮ ಫೋನ್ ನಂಬರ್ ಅನ್ನು ತಮ್ಮ ಅಡ್ರೆಸ್ ಬುಕ್‌ನಲ್ಲಿ ಸೇವ್ ಮಾಡುವಂತೆ ಗ್ರಾಹಕರಲ್ಲಿ ಕೇಳಿಕೊಳ್ಳಿ ಮತ್ತು ಗ್ರೂಪ್‌ಗಳಿಗೆ ಸ್ವಯಂಚಾಲಿತ ಅಥವಾ ಪ್ರಚಾರದ ಮೆಸೇಜ್ಗಳನ್ನು ಕಳುಹಿಸಬೇಡಿ. ಈ ಸರಳವಾದ ಉತ್ತಮ ಅಭ್ಯಾಸಗಳನ್ನು ಅನುಸರಿಸದಿದ್ದರೆ ಇತರ ಬಳಕೆದಾರರು ದೂರಬಹುದು ಮತ್ತು ಖಾತೆಯನ್ನು ನಿಷೇಧಿಸಬಹುದು.
ನೀವು WhatsApp ಗೆ ಹೊಸಬರಾಗಿದ್ದರೆ, ಹೇಗೆ ಆರಂಭಿಸುವುದು ಎಂಬುದರ ಕುರಿತಾದ ಹಂತ-ಹಂತದ ಮಾರ್ಗದರ್ಶನಕ್ಕಾಗಿಇಲ್ಲಿ ಕ್ಲಿಕ್ ಮಾಡಿ.
ನಿಮ್ಮ ವಿದ್ಯಾರ್ಥಿಗಳೊಂದಿಗೆ ಸಂಪರ್ಕದಲ್ಲಿರಿ
ನೀವು ವಿದ್ಯಾರ್ಥಿಗಳ ಫೋನ್ ನಂಬರ್‌ಗಳನ್ನು ಈಗಾಗಲೇ ಹೊಂದಿಲ್ಲದಿದ್ದರೆ, ನಿಮ್ಮೊಂದಿಗೆ WhatsApp ಚಾಟ್ ಪ್ರಾರಂಭಿಸಲು ವಿದ್ಯಾರ್ಥಿಗಳು ಬಳಸಬಹುದಾದ ಕಿರು ಲಿಂಕ್ ರಚಿಸಿ. ಇಮೇಲ್, ನಿಮ್ಮ Facebook ಪೇಜ್ ಅಥವಾ ಯಾವುದೇ ಇತರ ಸಾರ್ವಜನಿಕೇತರ ಚಾನಲ್ ಮೂಲಕ ಲಿಂಕ್ ಅನ್ನು ಶೇರ್ ಮಾಡಿ.
WhatsApp ನಲ್ಲಿ ಪಾಠಗಳನ್ನು ಕಳುಹಿಸಿ
ಪಾಠಗಳನ್ನು ಟೆಕ್ಸ್ಟ್ ಮತ್ತು ವಾಯ್ಸ್ ಮೆಸೇಜ್‌ಗಳ ರೂಪದಲ್ಲಿ ಹಂಚಿಕೊಳ್ಳಿ. ಪ್ರತಿ ತರಗತಿಗೆ ವಿದ್ಯಾರ್ಥಿಗಳ ಜೊತೆ ಚರ್ಚೆಗಳನ್ನು ಗ್ರೂಪ್ ರಚಿಸುವ ಮೂಲಕ ನೀವು ವೈಯಕ್ತಿಕವಾಗಿ ಹಾಜರಿದ್ದ ಹಾಗೆಯೇ ನಿರ್ವಹಿಸಿ.
ಅಸೈನ್‍ಮೆಂಟ್‌ಗಳನ್ನು ಕಳುಹಿಸಿ ಮತ್ತು ಸ್ವೀಕರಿಸಿ
ಏಕಕಾಲದಲ್ಲಿ ಅನೇಕ ವಿದ್ಯಾರ್ಥಿಗಳಿಗೆ ಹೋಮ್‌ವರ್ಕ್ ನೀಡಲು ಬ್ರಾಡ್‌ಕಾಸ್ಟ್ ಲಿಸ್ಟ್‌ಗಳನ್ನು ಬಳಸಿ. ತಮ್ಮ ಫೋನ್ ವಿಳಾಸ ಪುಸ್ತಕದಲ್ಲಿ ನಿಮ್ಮನ್ನು ಸೇರಿಸಿಕೊಂಡಿರುವ ಕಾಂಟ್ಯಾಕ್ಟ್‌ಗಳು ಮಾತ್ರ ನಿಮ್ಮ ಬ್ರಾಡ್‌ಕಾಸ್ಟ್ ಮೆಸೇಜ್‌ ಅನ್ನು ಸ್ವೀಕರಿಸುತ್ತಾರೆ. ಪ್ರತಿಕ್ರಿಯೆಗಳು ನಿಮಗೆ ಮಾತ್ರ ತಲುಪುವುದರಿಂದ ವಿದ್ಯಾರ್ಥಿಗಳು ಪೂರ್ಣಗೊಂಡ ಅಸೈನ್‌ಮೆಂಟ್‌ಗಳೊಂದಿಗೆ ಉತ್ತರಿಸಬಹುದು.
ದೂರದಿಂದಲೇ ನಿಮ್ಮ ವಿದ್ಯಾರ್ಥಿಗಳೊಂದಿಗೆ ಸಂಪರ್ಕದಲ್ಲಿರಿ
ಗ್ರೂಪ್ ವಾಯ್ಸ್ ಮತ್ತು ವೀಡಿಯೊ ಕಾಲ್‌ಗಳ ಮೂಲಕ ರಿಯಲ್-ಟೈಮ್ ಕಲಿಕೆಯ ಅವಕಾಶಗಳನ್ನು ಒದಗಿಸಿ.
ವಿದ್ಯಾರ್ಥಿಗಳನ್ನು ಕಾರ್ಯನಿರತವಾಗಿರುವಂತೆ ತೊಡಗಿಸಿಕೊಳ್ಳಿ
ಸ್ಟೇಟಸ್ ಅಪ್ಡೇಟ್‌ಗಳನ್ನು ಪೋಸ್ಟ್ ಮಾಡುವುದರ ಮೂಲಕ ನೀವು ನಿಮ್ಮ ತರಗತಿಗೆ ನಿಮ್ಮ ದಿನದಲ್ಲಿ ಪರದೆಯ ಹಿಂದೆ ಏನಾಗುತ್ತಿದೆ ಎಂಬುದರ ಕಲ್ಪನೆ ನೀಡಿ.
ನಿಮ್ಮ ಕಂಪ್ಯೂಟರ್‌ನಿಂದ ಮೆಸೇಜ್ಗಳನ್ನು ಕಳುಹಿಸಿ
ನಿಮ್ಮ ಡೆಸ್ಕ್‌ಟಾಪ್‌ನಿಂದ ಹೆಚ್ಚಿನ ಸಂಖ್ಯೆಯ WhatsApp ಮೆಸೇಜ್ಗಳನ್ನು ತ್ವರಿತವಾಗಿ ಮತ್ತು ಸಮರ್ಥವಾಗಿ ನಿರ್ವಹಿಸಲು WhatsApp Web ಬಳಸಿ.ನೀವು WhatsApp ಕೊರೊನಾವೈರಸ್ ಮಾಹಿತಿ ಕೇಂದ್ರಕ್ಕೆ ಸಂಬಂಧಿಸಿದಂತೆ ಯಾವುದಾದರೂ ಪ್ರಶ್ನೆಗಳನ್ನು ಹೊಂದಿದ್ದರೆ ಇಲ್ಲಿಗೆ ಇಮೇಲ್ ಮಾಡಿ, ನಮ್ಮನ್ನು ಸಂಪರ್ಕಿಸಿ.