Of jy by ’n skool of universiteit onderrig gee, oorweeg dit om jou leerders of studente met WhatsApp te bereik as onderrigtyd versteur word.*
Gebruik WhatsApp asseblief verantwoordelik wanneer jy met jou klante skakel. Kommunikeer net met gebruikers wat jy ken en diegene wat boodskappe van jou wil ontvang. Vra kliënte om jou foonnommer in hul adresboek te stoor, en moenie outomatiese of promosieboodskappe aan groepe stuur nie. As jy nie hierdie eenvoudige beste praktyke volg nie, kan dit lei tot klagtes van ander gebruikers en moontlik ’n rekeningverbod.
Ingeval jy nuut is op WhatsApp, klik hier vir 'n stap-vir-stap-gids oor hoe om te begin.
As jy nie reeds leerders se foonnommers het nie, skep 'n universele skakel wat hulle kan gebruik om 'n WhatsApp-gesprek met jou te begin. Deel die skakel met e-pos, jou Facebook-bladsy of enige ander nie-openbare kanaal.
Deel lesse in die vorm van teks- en stemboodskappe. Fasiliteer gesprekke tussen leerders, net soos in die regte wêreld, deur 'n groep te skep vir elke klas.
Gebruik uitsaailyste om vir 'n klomp leerders gelyk tuiswerk te gee. Net kontakte wat jou by hul foon se adresboek gevoeg het, sal jou uitsaaiboodskap ontvang. Antwoorde sal slegs na jou toe gaan, sodat leerders met voltooide opdragte kan antwoord.
Gebruik intydse leergeleenthede met groep-stem- en video-oproepe.
Gee jou klasse 'n kykie agter die skerms deur statusopdaterings te plaas.
Gebruik WhatsApp Web om 'n groot hoeveelheid WhatsApp-boodskappe vinnig en doeltreffend op jou rekenaar te bestuur.
*WhatsApp moet slegs gebruik word in ooreenstemming met toepaslike wetgewing en WhatsApp se diensbepalings, insluitend die minimum ouderdom om ons dienste te gebruik. Moenie leerders of ander mense aanmoedig om WhatsApp te gebruik as hulle jonger as die minimum vereiste ouderdom is, of leerders verplig om WhatsApp te gebruik nie.
As jy enige vrae het rakende WhatsApp se koronavirus-inligtingsentrum, kontak ons.