WhatsApp Business ਐਪ ਨੂੰ ਮੁਫ਼ਤ ਵਿੱਚ ਡਾਊਨਲੋਡ ਕੀਤਾ ਜਾ ਸਕਦਾ ਹੈ ਅਤੇ ਇਸ ਨੂੰ ਛੋਟੇ ਕਾਰੋਬਾਰੀਆਂ ਨੂੰ ਧਿਆਨ ਵਿੱਚ ਰੱਖ ਕੇ ਬਣਾਇਆ ਗਿਆ ਹੈ। ਇਹ ਐਪ ਤੁਹਾਨੂੰ ਆਸਾਨੀ ਨਾਲ ਆਪਣੇ ਗਾਹਕਾਂ ਨਾਲ ਜੁੜਨ, ਆਪਣੇ ਉਤਪਾਦ ਅਤੇ ਸੇਵਾਵਾਂ ਦਿਖਾਉਣ ਅਤੇ ਖਰੀਦਦਾਰੀ ਦੌਰਾਨ ਗਾਹਕਾਂ ਦੇ ਸਵਾਲਾਂ ਦਾ ਜਵਾਬ ਦੇਣ ਦੀ ਸਹੂਲਤ ਦਿੰਦੀ ਹੈ। ਆਪਣੇ ਉਤਪਾਦ ਅਤੇ ਸੇਵਾਵਾਂ ਦਿਖਾਉਣ ਲਈ ਕੈਟਾਲਾਗ ਬਣਾਓ ਅਤੇ ਸੁਨੇਹਿਆਂ ਦਾ ਆਪਣੇ-ਆਪ ਜਵਾਬ ਦੇਣ, ਉਹਨਾਂ ਨੂੰ ਲੜੀਬੱਧ ਕਰਨ ਅਤੇ ਉਹਨਾਂ ਦਾ ਫ਼ੌਰੀ ਜਵਾਬ ਦੇਣ ਲਈ ਖਾਸ ਟੂਲਾਂ ਦੀ ਵਰਤੋਂ ਕਰੋ।
WhatsApp ਦਰਮਿਆਨੇ ਅਤੇ ਵੱਡੇ ਕਾਰੋਬਾਰਾਂ ਦੇ ਗਾਹਕਾਂ ਨੂੰ ਗਾਹਕ ਸਹਾਇਤਾ ਪ੍ਰਦਾਨ ਕਰਨ ਅਤੇ ਮਹੱਤਵਪੂਰਨ ਸੂਚਨਾਵਾਂ ਪਹੁੰਚਾਉਣ ਵਿੱਚ ਵੀ ਮਦਦ ਕਰ ਸਕਦਾ ਹੈ। WhatsApp Business API ਬਾਰੇ ਹੋਰ ਜਾਣੋ।
ਇੱਕ ਕਾਰੋਬਾਰੀ ਪ੍ਰੋਫ਼ਾਈਲ ਬਣਾਓ ਜਿਸ ਵਿੱਚ ਤੁਹਾਡੇ ਗਾਹਕਾਂ ਲਈ ਮਹੱਤਵਪੂਰਨ ਜਾਣਕਾਰੀ, ਜਿਵੇਂ ਤੁਹਾਡਾ ਪਤਾ, ਕਾਰੋਬਾਰ ਦਾ ਵਰਣਨ, ਈਮੇਲ ਪਤਾ, ਅਤੇ ਵੈੱਬਸਾਈਟ ਆਦਿ ਸ਼ਾਮਲ ਹੋਵੇ।
ਜਿਹੜੇ ਸੁਨੇਹੇ ਤੁਸੀਂ ਅਕਸਰ ਭੇਜਦੇ ਹੋ, 'ਫ਼ੌਰੀ ਜਵਾਬ' ਦੇ ਨਾਲ ਤੁਸੀਂ ਉਹ ਸੁਨੇਹੇ ਸੁਰੱਖਿਅਤ ਕਰ ਸਕਦੇ ਹੋ ਅਤੇ ਦੁਬਾਰਾ ਵਰਤ ਸਕਦੇ ਹੋ ਤਾਂ ਜੋ ਪੁੱਛੇ ਜਾਣ ਵਾਲੇ ਆਮ ਸਵਾਲਾਂ ਦੇ ਜਵਾਬ ਤੁਸੀਂ ਝੱਟ-ਪੱਟ ਦੇ ਸਕੋ।
ਆਪਣੇ ਸੰਪਰਕਾਂ ਜਾਂ ਚੈਟਾਂ ਨੂੰ ਲੇਬਲਾਂ ਦੇ ਨਾਲ ਵਿਵਸਥਿਤ ਕਰੋ, ਤਾਂ ਜੋ ਤੁਸੀਂ ਉਹਨਾਂ ਨੂੰ ਦੁਬਾਰਾ ਆਸਾਨੀ ਨਾਲ ਲੱਭ ਸਕੋ।
ਜਦੋਂ ਤੁਸੀਂ ਜਵਾਬ ਦੇਣ ਲਈ ਮੌਜੂਦ ਨਾ ਹੋਵੋ ਤਾਂ ਉਦੋਂ ਇੱਕ 'ਗੈਰ-ਹਾਜ਼ਰੀ ਸੁਨੇਹਾ' ਸੈੱਟ ਕਰੋ ਤਾਂ ਜੋ ਤੁਹਾਡੇ ਗਾਹਕ ਇਹ ਜਾਣ ਸਕਣ ਕਿ ਉਹ ਜਵਾਬ ਆਉਣ ਦੀ ਉਮੀਦ ਕਦੋਂ ਕਰਨ। ਗਾਹਕਾਂ ਦੀ ਆਪਣੇ ਕਾਰੋਬਾਰ ਨਾਲ ਜਾਣ-ਪਛਾਣ ਕਰਵਾਉਣ ਲਈ ਤੁਸੀਂ ਇੱਕ 'ਸਵਾਗਤੀ ਸੁਨੇਹਾ' ਵੀ ਤਿਆਰ ਕਰ ਸਕਦੇ ਹੋ।