WhatsApp Business ایپ مفت ڈاؤن لوڈ کی جا سکتی ہے اور اسے چھوٹے کاروبار کے مالکان کی ضروریات کو مدنظر رکھتے ہوئے تیار کیا گیا تھا۔ یہ ایپ آپ کا اپنے کسٹمرز کے ساتھ ذاتی طور پر منسلک ہونا، آپ کی پروڈکٹس اور سروسز کو نمایاں کرنا، اور خریداری کے دوران کسی بھی وقت کسٹمرز کے سوالات کا جواب دینا آسان بناتی ہے۔ اپنی پروڈکٹس اور سروسز کی نمائش کیلئے ایک کیٹلاگ بنائیں اور پیغامات کو خودکار بنانے، ترتیب دینے اور تیزی سے ان کا جواب دینے کیلئے خصوصی ٹولز استعمال کریں۔
WhatsApp کسٹمر سپورٹ فراہم کرنے اور کسٹمرز کو اہم اطلاعات بھیجنے میں درمیانے اور بڑے سائز کے کاروباروں کی بھی مدد کر سکتی ہے۔ WhatsApp Business API کے بارے میں مزید جانیں۔
اپنے کسٹمرز کیلئے اپنے پتہ، کاروبار کی تفصیل، ای میل ایڈریس اور ویب سائٹ جیسی مددگار معلومات کے ساتھ ایک کاروباری پروفائل بنائیں۔
فوری جوابات کی مدد سے آپ ان پیغامات کو جنہیں آپ اکثر بھیجتے ہیں محفوظ اور دوبارہ استعمال کرسکتے ہیں تاکہ آپ فوری طور پر عام سوالات کا آسانی سے جواب دے سکیں۔
اپنے رابطوں یا چیٹس کو لیبلز کی مدد سے منظم کریں تاکہ آپ انہیں آسانی سے دوبارہ تلاش کرسکیں۔
جب آپ جواب دینے سے قاصر ہوں اس وقت کیلئے غیر موجودگی کا ایک پیغام سیٹ کریں تاکہ آپ کے کسٹمرز جان جائیں کہ انہیں کب تک واپس کوئی جواب موصول ہو گا۔ آپ اپنے کسٹمرز کو اپنے کاروبار سے متعارف کروانے کیلئے خیر مقدم کا پیغام بھی بنا سکتے ہیں۔