ചെറുകിട ബിസിനസ് ഉടമകളെ ഉദ്ദേശിച്ച് നിർമ്മിച്ചിരിക്കുന്ന WhatsApp Business സൗജന്യമായി ഡൗൺലോഡ് ചെയ്യാം. നിങ്ങളുടെ ഉപഭോക്താക്കളുമായി വ്യക്തിപരമായി കണക്റ്റുചെയ്യാനും ഉൽപ്പന്നങ്ങളും സേവനങ്ങളും ഹൈലൈറ്റ് ചെയ്യാനും ഉപഭോക്താക്കളുടെ ഷോപ്പിംഗ് അനുഭവത്തിലുടനീളം അവരുടെ ചോദ്യങ്ങൾക്ക് ഉത്തരം നൽകാനും ആപ്പിലൂടെ എളുപ്പം കഴിയുന്നു. നിങ്ങളുടെ ഉൽപ്പന്നങ്ങളും സേവനങ്ങളും പ്രദർശിപ്പിക്കാൻ ഒരു കാറ്റലോഗ് സൃഷ്ടിക്കുക, മെസേജുകൾക്ക് വേഗത്തിൽ മറുപടി നൽകാനും അവ തരംതിരിക്കാനും സ്വയമേവ പ്രതികരിക്കുന്ന തരത്തിലാക്കാനും പ്രത്യേക ടൂളുകൾ ഉപയോഗിക്കുക.
ഇടത്തരം ബിസിനസുകൾക്കും വൻകിട ബിസിനസുകൾക്കും കസ്റ്റമർ സപ്പോർട്ട് നൽകാനും അവരുടെ ഉപഭോക്താക്കൾക്ക് പ്രധാനപ്പെട്ട അറിയിപ്പുകൾ ഡെലിവർ ചെയ്യാനും സഹായിക്കാൻ WhatsApp-ന് കഴിയും. WhatsApp Business API-യെ കുറിച്ച് കൂടുതലറിയുക.
നിങ്ങളുടെ വിലാസം, ബിസിനസ് വിവരണം, ഇമെയിൽ വിലാസം, വെബ്സൈറ്റ് എന്നിവ പോലുള്ള, ഉപഭോക്താക്കൾക്ക് സഹായകരമാകുന്ന വിവരങ്ങൾ ഉൾപ്പെടുത്തി ഒരു ബിസിനസ് പ്രൊഫൈൽ സൃഷ്ടിക്കുക.
നിങ്ങൾ പതിവായി അയയ്ക്കുന്ന മെസേജുകൾ സംരക്ഷിക്കാനും അവ പുനരുപയോഗിക്കാനും 'അതിവേഗ മറുപടികൾ' സഹായിക്കുന്നു, അതുവഴി പതിവ് ചോദ്യങ്ങൾക്ക് ഉടനടി മറുപടി നൽകാൻ നിങ്ങൾക്ക് കഴിയും.
കോൺടാക്റ്റുകളും ചാറ്റുകളും വീണ്ടും കണ്ടെത്തുന്നത് എളുപ്പമാക്കാൻ, അവ ലേബലുകൾ ഉപയോഗിച്ച് ഓർഗനൈസ് ചെയ്യൂ.
മറുപടി നൽകാനാകാത്ത സാഹചര്യങ്ങളിൽ നിങ്ങൾ ലഭ്യമല്ലെന്ന് കാണിക്കുന്ന ഒരു മെസേജ് സജ്ജീകരിക്കുന്നത് വഴി, എപ്പോഴാണ് പ്രതികരണം ലഭിക്കുന്നതെന്ന് ഉപഭോക്താക്കൾക്ക് അറിയാനാകും. ഉപഭോക്താക്കൾക്ക് നിങ്ങളുടെ ബിസിനസ് പരിചയപ്പെടുത്തുന്നതിന് ഒരു ഗ്രീറ്റിംഗ് മെസേജ് സൃഷ്ടിക്കാനും നിങ്ങൾക്ക് കഴിയും.