WhatsApp Business मोफत डाउनलोड केले जाऊ शकते आणि ते लघु बिझनेस मालकांना लक्षात ठेवून तयार करण्यात आले आहे. या ॲपमुळे बिझनेसना आपल्या ग्राहकांशी सहज आणि वैयक्तिकरीत्या कनेक्ट करता येते, त्यांची प्रॉडक्ट व सर्व्हिस ठळकपणे दाखवता येतात आणि ग्राहकांच्या प्रश्नांना उत्तरे देऊन त्यांना उत्तम खरेदी अनुभव देता येतो. तुमची प्रॉडक्ट व सर्व्हिस प्रदर्शित करण्यासाठी एक कॅटलॉग तयार करा व मेसेजेसना त्वरित उत्तरे पाठवण्यासाठी व त्यांना क्रमवार लावण्यासाठी खास टूल्सची मदत घ्या.
WhatsApp मध्यम आणि मोठ्या बिझनेसना ग्राहक सहाय्य पुरवण्यासाठी आणि ग्राहकांना महत्त्वाची नोटिफिकेशन्स पाठवण्यासाठी मदत करू शकते. WhatsApp Business API बद्दल अधिक जाणून घ्या.
तुमच्या ग्राहकांसाठी उपयुक्त माहितीसह बिझनेस प्रोफाइल तयार करा जसे की तुमचा पत्ता, बिझनेसचे वर्णन, ईमेल ॲड्रेस आणि वेबसाईट.
'तात्काळ प्रत्युत्तर' तुम्ही वारंवार पाठवत असलेले मेसेजेस जतन करू आणि पुन्हा वापरू देते, जेणेकरून तुम्ही सामान्य प्रश्नांना त्वरित उत्तरे देऊ शकता.
लेबलसह तुमचे संपर्क किंवा चॅट व्यवस्थापित करा, जेणेकरून तुम्ही ते सहजपणे शोधू शकता.
तुम्ही उत्तर देऊ शकत नसताना व्यस्तता संदेश सेट करा जेणेकरून प्रतिसाद कधीपर्यंत मिळेल हे तुमच्या ग्राहकांना कळेल. तुम्ही तुमच्या बिझनेसचा परिचय ग्राहकांना करून देण्यासाठी स्वागत संदेश देखील तयार करू शकता.