Rreth WhatsApp
Aplikacioni ynë
Më shumë se 2 miliardë njerëz në më shumë se 180 shtete përdorin WhatsApp1 për të qëndruar në kontakt me shokët dhe familjen, kurdo dhe kudo. WhatsApp është falas2 dhe ofron komunikimin me mesazhe dhe telefonata në mënyrë të thjeshtë, të sigurt dhe të besueshme. Disponohet në telefonat në të gjithë botën.
1 Dhe po, emri WhatsApp është një lojë fjalësh dhe përkthehet Ç'kemi.
2 Mund të zbatohen tarifat për të dhënat.
Misioni ynë
WhatsApp filloi si një alternativë ndaj mesazheve SMS. Produktet tona mbështesin tani dërgimin dhe marrjen e një larmie mediash: mesazhet me tekst, fotografitë, videot, dokumentet dhe vendndodhjen, si dhe telefonatat zanore. Disa nga momentet e tua më personale ndahen me WhatsApp dhe kjo është arsyeja pse ne e kemi integruar enkriptimin nga skaji në skaj në aplikacionin tonë. Pas çdo vendimi për produktet, është dëshira jonë për t'u dhënë mundësi njerëzve që të komunikojnë kudo në botë, pa pengesa.
Ekipi ynë
WhatsApp u themelua nga Jan Koum dhe Brian Acton, të cilët kishin shpenzuar më parë 20 vite të llogaritura së bashku në Yahoo. WhatsApp iu bashkua Facebook në vitin 2014, por vazhdon të funksionojë si një aplikacion i veçantë, i përqendruar njëqind për qind në ndërtimin e një shërbimi mesazhesh, i cili funksionon me shpejtësi dhe siguri kudo në botë.