WhatsApp વિષે

WhatsAppને SMSના એક વિકલ્પ તરીકે ચાલુ કરવામાં આવ્યું હતું. અમારી પ્રોડક્ટ અત્યારે ઘણાં પ્રકારનાં મીડિયાની આપલે કરવા માટે સપોર્ટ પૂરો પાડે છે, જેમાં ટેક્સ્ટ, ફોટા, વીડિયો અને લોકેશનની સાથેસાથે વોઇસ કૉલનો પણ સમાવેશ થાય છે. અમારા મેસેજ અને કૉલ શરૂથી અંત સુધી સુરક્ષિત છે. એટલે કે, WhatsApp સહિત કોઈ પણ બીજી વ્યક્તિ કે કંપની તેને વાંચી કે સાંભળી શકતી નથી. લોકો પૂરી દુનિયામાં કોઈ પણ અડચણ વગર વાતચીત કરી શકે તે માટેનો અમારો મજબૂત ઇરાદો જ દરેક પ્રોડક્ટ બનાવવાના અમારા નિર્ણયનું મૂળ કારણ હોય છે.

WhatsAppની સ્થાપના યાન કુમ અને બ્રાયન ઍક્ટને કરી હતી. એ પહેલાં બન્નેએ સાથે 20 વર્ષ Yahooમાં કામ કર્યું. WhatsApp 2014માં Facebookમાં સામેલ થયું, અને તે આજે પણ પૂરી દુનિયામાં ઝડપી અને ભરોસાપાત્ર રીતે ચાલે તેવી મેસેજિંગ સેવા વિકસાવવાના લક્ષ્ય સાથે એક અલગ ઍપ તરીકે કામ કરે છે.